لكل من انتقدني من شباب بريدة ومطبليهم ( هذا ماكنت اخشاه ) التفاصيل بالداخل

[صفحة تربوية]

اقتباس:  المشاركة الأصلية كتبت بواسطة ابوقش     هذا يمثل نفسه ولايمثل الناس او بعض الشباب وهذا للأسف ناتج عن سوء تربيه .. اما مافعله فــ هو يمثل نفسه فقط ولايمثل بقية الشباب ..

بس من رماه في هذه الجريمة

ومن دفعه لمثل هذا التصرف

انها مجموعة تعالت ضحكاتهم في جلسة الثيل الجانبية

هم مسكين استغلو حاجته وغررو به


البلا من الجالسين يضحكون عليه في المقطع ويصورونه

[صفحة تربوية]

اقتباس:  المشاركة الأصلية كتبت بواسطة جميلة العرب     موضوع رائع والاروع انك مااسكتت على ردودهم وفعلا موضوع يحتاج الى حل وبعدين اللي ردو على موضوعك اللي قبل وينهم يردون بهذي الصفحه او مايدرون وش يقولون لان سنهم الصغير لايسمح لهم

والله غيرتي على الشباب من الضياع

هي من دفعتني لهذه المواضيع والردود


اشكرك اخي الكريم

[صفحة تربوية]

اقتباس:  المشاركة الأصلية كتبت بواسطة أحب نفسي     يممممممممممممممممممممه يعني صدق السالفه .. مررة قريته توقعته صرآحه مبالغه .. لآ عآد جدّ ذآ شيء ايسكت عنه أبد ,, لآزم يوقفون عند حدهم ,, تجمعات+فراغ+بطالة+ضعق وازع ديني+غياب الرقيب+تلآشي الأخلآق+ضعف الشخصيه كلها مسببآت لهذه الفعله ,, وأنتظروآ المزيد طالمآ المجتمع كلمآله يدحدر .. مشكور ع حرصك ..

في ظل السكوت عن هولاء سيكون القادم أسوا

[صفحة تربوية]

اقتباس:  المشاركة الأصلية كتبت بواسطة ولد المحيميد     اخوي العزيز مالزت اقول هدي من بالك ومعليش بلا زعل انت تنصح الشباب لمصالحم وفتحت موضوع اخر لتشوية وزيادة الوضع اسوى انا شفت موضوعك السابق ترد على فقط من يتهجم عليك مع ان اللي يكتب مواضيع فيها حلول يتم تطنيشها ؟ يالت تراجع موضوعك وتقرا كل الردود

الله أكبر صار من يلامس الجرح ويكشف الحقيقة هو من يشوه السمعة

التعامي ودس الرؤوس في التراب ليس من صفات العقلاء

[ولد المحيميد]

صفحة تربوية معليش انت تدخل وانت معصب وانا ماقلت لا تلمس الجرح وهي ليست مخفية هي موجودة وعارفينها كلنا وانا اضم صوتي لصوتك ,,,,

بس معليش على هالكلمة العامية لو تسوي اللي تسوية مراح يعطونك بال

انا كل قصدي شي جميل اننا نعالج الغلط والشي النقص بالشي السليم والنظامي


خلنا نكون واقعين الفعاليات اللي تقول عنها تحفيظ قران الكريم نسبة من يترددون له 20 بالمية وكلهم صغار بالسن اكبرهم ثالث متوسط .

الفعاليات الصيفية كا الترفيهي مدري الترويحي مافي شي زود واحد يتبهلل وملعب صابوني من ابالخيل مستاجر ب800 ريال يتزحلقون يه العالم .

والا قطار يمشي حول نفسة ؟


انت التمست مشكلة الشباب اهنيك عليها وبالعكس اايدك بس ليش مانقول انة ليش مالشارع يمسكة شركات عشان يطلع بالشكل المطلوب

صدقني اعيد واكرر بس انت شكلك ما جاز لك اقتراحي ويبقى وجهة نظر لو يستثمر شارع النهضة على الاقل من شركات اس تي سي او موبايلي او زين زي شارع التحلية صار اسمة الشارع الذكي كان تشوف النظام صح

يكثر فيها المحلات التجارية لشباب ,, الكوفي شوب بالجلسات الخارجية ,,, المطاعم من غير توصيل طلبات لسيارة بتشوف الواحد يقضي وقت فراغة ساعات معدودة ويتوكل هو وسيارتة


لكن بهالطريقة هذي انت تتعب نفسك ولاحد ملتفتك وصدقني لو يفتحون المجال بالاستثمار اول واحد بيفتح محل انا

[ياطيب القلب]

انت دايم تسب الشباب وبريده مادري ليش
لو ابا حلف شكلك من عنيزه

[الفجر البعيد]

اقتباس: بل ربما لامست الجرح الحقيقي لهم

ما يحقر روحه حكيم زمانه

لا اعلم لماذا اغفلت الجانب الاخر من تصرفات الشباب
وبإنتقادك المبرح لماذا لا توجد حلول ؟

[مروان نجد]

لا حول ولا قوة إلا بااااااالله

[الأيدعشري]

أنا لفيت معظم دول العالم المتحضر والغير متحضر

وصدقوني هذا هو حال الشباب في كل المدن الكبيرة رغم أن الشباب في أوربا وأمريكا واليابان متوفر له الكثير من البدائل الترفيهية والعلمية ألامتناهية ..

تجمعات فتيان وفتيات ولبس عاري واجسام مليئة بالوشم والخرز والحلق وتسريحات عجيبة وأنواع المخدرات والخمور ورقص ومضايقات ... واشياء أخجل من ذكرها

وشبابانا يهون عندهم

لكن مع هذا يحتاجون الدعم والإهتما الرسمي والشعبي

[بنت الكرم 2008]

هذا الشاب المسكين وقع ضحية لتلك المخطط الانحرافي

هم ارادو ذلك فوقع مايريدونه
==================
منهم ومن أراد ذلك ؟؟؟؟؟؟

[مملكة السويد]

هذا الحدث يعتبر شاذ ولا أعتقد أنه سيتكرر ولا أعتقد أن من لديه ذرة عقل سيفعل ذلك .. فمن قام بهذا العمل المشين ربما غرر به وأراد أن يجعل من نفسه بطلاً أمام أقرانه..

[عيوني حزينة]

هذا عمل شاذ وغير مكرر وهذا يخصص موضوع لتصرفات بعض الشباب في كل مكان واي زمان لاتخصص مكان النهضه وانه هو الدافع لعمل مثل هذا

اظنك فاهم وتدرك الامور اوقات سخافة وتصرفات بعض الناس تاصل لداخل البيت يعني ليس غريب وليست بجديده ومن الطبيعي الاستنكار لكن لاتضع السبب هو الجلوس في النهضه

تخيل لو واحد داخل ملعب سوا حركة وسخه بتلوم كل اللي يروحون للملاعب او لا ...

[عيوني حزينة]

ترى صاحب الموضوع اعطي وجهه وهو ماعنده سالفه ولو نفتش ماوراه ودونه كان مايكفينا نكتب عنه مواضيع من كثر اغلاطه

جيد يهرج على قله سنع وبمواضيع لو تدقق فهي مواضيع حقد اما انه مهب من بريده او ماحصله يجلس بالنهضه

اشغلتنا فكنا من مواضيعك ياشيخ نحسب عندك سالفه او عندك قضيه كبرى نرجو حلها انا اشوف العناوين احسب شي شين الله يستر واثر مواضيعك مثل قلته





ايعقل يكون هذا عند شباب بريدة لاحول ولا قوه الا بالله

هكذا يكون العنوان؟؟!!!!!!

وبالداخل

شفت واحد مسرع وبغى يقطع اشاره لهذا الحد وصل بهم شباب بريدة كان معي زميلي من جده وضحك وقال والله ماعمري اجي بريدة ابد دام كذا شبابكم!!! ........


هذا نموذج لمواضيع صاحب الموضوع القادمة!!!!!!!!

[باونتي]

ارى ان العطاله هي السبب
فراغ فراغ فراغ

[الــمــقــلــع]

اقتباس:  المشاركة الأصلية كتبت بواسطة عيوني حزينة     ترى صاحب الموضوع اعطي وجهه وهو ماعنده سالفه ولو نفتش ماوراه ودونه كان مايكفينا نكتب عنه مواضيع من كثر اغلاطه جيد يهرج على قله سنع وبمواضيع لو تدقق فهي مواضيع حقد اما انه مهب من بريده او ماحصله يجلس بالنهضه اشغلتنا فكنا من مواضيعك ياشيخ نحسب عندك سالفه او عندك قضيه كبرى نرجو حلها انا اشوف العناوين احسب شي شين الله يستر واثر مواضيعك مثل قلته ايعقل يكون هذا عند شباب بريدة لاحول ولا قوه الا بالله هكذا يكون العنوان؟؟!!!!!! وبالداخل شفت واحد مسرع وبغى يقطع اشاره لهذا الحد وصل بهم شباب بريدة كان معي زميلي من جده وضحك وقال والله ماعمري اجي بريدة ابد دام كذا شبابكم!!! ........ هذا نموذج لمواضيع صاحب الموضوع القادمة!!!!!!!!

صدقت والله
وانا احس انه متقاعد وبلش بعمره