ياحووووول يالرجال..!!!
كل ماشفت مسلسل خليجي .. اول شي اركز على اسم المؤلف...
وكثير أراهن تصير المؤلفة انثى.. وليس رجل..!!!
صراحة اللي يشوف الصورة التي ترسمها المسلسلات الخليجية للرجل يقول ان عندها هدف واحد
انها تكره البنات بجنس الرجال..!!!
الرجال المتزوجين... راعين خيانات.. وعلاقات في شقق واستراحات..!!
الزين منهم.. معقد.. وشكاك.. ودايم يصارخ على زوجته..!!
وكلهم مايعرفون بالرومانسية والكلام السنع....
هذا غير تصويرهم بحالات سكر.. وتعاطي مخدرات... !!!!
صراحة بعذرها البنت اذا رفضت الزواج ... حتى لو تقدم لها احسن واحد
اذا كانت تتربى على مثل هالتمثيليات التافهة.. والخايسة...!!!
وبعذره اذا انتشر الجنس الرابع (علاقة المرأة مع المرأة) وبشكل مذهل
لان المرأة من كثر ماتشوف فقدت الثقة بالرجل... في لقاء انها مع المرأة تاخذ راحتها..!!
اعرف قريب لي بنته الحين عمرها 27 سنة والي تحتها عمرها 24 سنة وكلهن يرفضن الخطاب
اللي دكتور والي مهندس والي رجل أعمال...!!!
كلش متعقدين من الرجال... وهم ماتعرفوا عليهم .. بس من ثقافة المسلسلات
لا... والحريم... الله يسلمهن
اذا قعدن وحلت الجلسة... مالهن من السواليف إلا فلانة تطلقت..
وفلانة زوجها تزوج عليها.. وعلانة رجلها مايخليها تطلع.. ووووو..
ويبدو ان سوق الشاميات واللبانيات بيكون مزدهر اذا استمر هالحال
العرض الشجري