الحب الالكتروني

[مرامي بريدة]

اقتباس:  المشاركة الأصلية كتبت بواسطة اسمـرني     اي حب انتي بتؤلي عليه ..! هذا نصب لا يتعدى مصالح جسدية سيكون معها الحب مؤقت على حسب المحب وعلى حسب مزاجية ذالك الكذوب المخادع..بختصار هو غزل يستمر على حسب مقدرتك على الطلعه ..!

تسلم على ردك هذا الحاصل

[قلم وردي]

اقتباس: اي حب انتي بتؤلي عليه ..! هذا نصب لا يتعدى مصالح جسدية سيكون معها الحب مؤقت على حسب المحب وعلى حسب مزاجية ذالك الكذوب المخادع..بختصار هو غزل يستمر على حسب مقدرتك على الطلعه ..!

اسألوا أهل العلم ..
رده يكفي ..


..

[عزازيل]

جميع أنواع المحبة ، جميلة ، لا بأس يا صغيرتي أحبي من تحبي ولكن كوني حذرة فليسوا جميعاً صادقين .

[عذبـــــة]

اقتباس:  المشاركة الأصلية كتبت بواسطة عزازيل     جميع أنواع المحبة ، جميلة ، لا بأس يا صغيرتي أحبي من تحبي ولكن كوني حذرة فليسوا جميعاً صادقين .

رجااء لاتخرب البنية ترى ذنبها برقبتك اذا حبت ولعبو عليها
قلها المحبة جميلة بس لاتحبين .. اصبري لين تتزوجين وحبي زوجك على كيفك

[قـتـالـه]

اقتباس:  المشاركة الأصلية كتبت بواسطة عذبـــــة     رجااء لاتخرب البنية ترى ذنبها برقبتك اذا حبت ولعبو عليها قلها المحبة جميلة بس لاتحبين .. اصبري لين تتزوجين وحبي زوجك على كيفك

وانتي بعد لاتعشمين البنت بشي مب حاصل

[عذبـــــة]

اقتباس:  المشاركة الأصلية كتبت بواسطة قـتـالـه     وانتي بعد لاتعشمين البنت بشي مب حاصل

اعشمها بحب زوج المستقبل ولا اخليها تمشي وتحب بهالدشير الالكترونيين لين تخرب البنية
لاتنسين انها صغنونه يعني لو هي انا ولا انتي عجز عادي نحب اللي نبي .. بس هي صغيرة لاتوهقينها

[شذى الروح]

كلمات بسيطه بقولها

الحب اكبر من عدد حروفه

الحب اذا دخل مايقول هذا غني او فقير او حتى ابيض او اسود

الحب شعور متبادل يمكن من اسلوب او طريقه او حتى من اهتمام

تشكرات يافندم

[قـتـالـه]

اقتباس:  المشاركة الأصلية كتبت بواسطة عذبـــــة     [ لاتنسين انها صغنونه يعني لو هي انا ولا انتي عجز عادي نحب اللي نبي .. بس هي صغيرة لاتوهقينها [/FONT]

وانتي شايفتن ميلادها يمكنها كثر عمري وعمرتس وتضحك على هيلق قوقل كل ابوهم وتدخلهم من كم وتطلعهم من الثاني ,,
بعدين ياحيي انا وياتس اللي نضيع بخرايطها بهالامور موب هي حنا متعودات على اليباس ونجي جميع صلقاطي همانا مالنا بهالامور

[عذبـــــة]

اقتباس:  المشاركة الأصلية كتبت بواسطة قـتـالـه     وانتي شايفتن ميلادها يمكنها كثر عمري وعمرتس وتضحك على هيلق قوقل كل ابوهم وتدخلهم من كم وتطلعهم من الثاني ,, بعدين ياحيي انا وياتس اللي نضيع بخرايطها بهالامور موب هي حنا متعودات على اليباس ونجي جميع صلقاطي همانا مالنا بهالامور

ياخيتي حنا مالنا الا الظاهر .. وظاهرها بهالثمانطعش
بعدين لازم تبينين للناس اننا متعودات على اليباس؟
انا ابين لهم رومانسيتنا عشان هالحب الالكتروني وأبني وأبني وانتي تهدمين ؟ ( نبي شحن تكفين )
ياخيتي كان ماتبين هالحب انا ابيه .. يقولك المثل شين ترجية ولا شين تاكله

[قـتـالـه]

اقتباس:  المشاركة الأصلية كتبت بواسطة عذبـــــة     انا ابين لهم رومانسيتنا عشان هالحب الالكتروني وأبني وأبني وانتي تهدمين ؟ ( نبي شحن تكفين ) ياخيتي كان ماتبين هالحب انا ابيه .. يقولك المثل شين ترجية ولا شين تاكله

والله لو انا وانتي بوسط باكستان يوم تفيظ تسان يلقوننا طافحات تقل فلين من يباستن
شفناه يمكن حتى ثيابنا مايبلها الفيضان ..
عذيبه ياحيي تراي خويتتس كان الدعوى فيها شحن

[شيخوه]

الإقامه : في قلب محمد >> ؟؟؟؟؟؟؟؟؟؟؟؟؟؟؟؟؟؟؟؟؟؟

[زين نجد]

اقتباس:  المشاركة الأصلية كتبت بواسطة نبـْض آخيـْر     أختي العزيزة / دعيني آوضح لكِ نقطة صغيرة وأريد أن تضعيها حلقة في أذنكِ لكِ ولغيركِ ! ليس هناك حب صادق من خلال وسائل الأتصال بشتى أنواعها ! أو حتى اللقاء الشيطاني ! وحين أن تطلبين الزواج منه يتهرب و يضحك بوجهك وينهي كل شي ! وأنتي لاحول ولاقوة بكاء ونياح ! كل هذا مجرد حب مزيف ومشاعر مزيفة وعواطف فارغة !؟ كل هذا يتم بعدة أمور وهي الفراغ العاطفي التي تعيشها الفتاة , أجتنبو هذهـ العواطف التي طريقها مظلم جدا ونهايتها مؤلمة ؟ يسودها الحزن و الألم والضياع وضعف الأيمان ولعب مشاعر والمتضرر الأول هو أنتي أيتها الفتاة !! الحب الصادق العفيف الشريف يأتي بعد الزواج فـ أنتي لاتفكرين بغير زوجكِ وهو كذالك لايفكر بغير زوجته ومع هذا يكبر الحب بينكم ,, ,

هذا الكلااام اللي عليه العلم..

حفظك ربي،،،

[عذبـــــة]

قتالة يخيتي الحب الالكتروني هو اللي تاكلين منه عيش
اما الحب الحقيقي خليك منه
** والدليل اني قبل شوي جتني على الخاص بطاقة شحن تمشي الفين عقب ردي الاول

[ابن المجمعه]

اقتباس:  المشاركة الأصلية كتبت بواسطة قـتـالـه     والله لو انا وانتي بوسط باكستان يوم تفيظ تسان يلقوننا طافحات تقل فلين من يباستنشفناه يمكن حتى ثيابنا مايبلها الفيضان .. عذيبه ياحيي تراي خويتتس كان الدعوى فيها شحن

اعجبني وصفك وتشبيهك

[الهندباء]

اقتباس:  المشاركة الأصلية كتبت بواسطة آمير الإحســآآس     آنآ آشوووف الحب وآحد والقلب إذآ حب حب مآينفع الكتروني ولا صدزي وآعرف نآس تزوجوآ عن طريق الحب الالكتروني وهم طالبين من كلية الطب بجامعه القصيم وأنآ اعرف الولد شخصيآ ومن زملائي وحياتهم سعيده ورزقوآ بمولود كل الود

..هل أنت متأكد ؟؟..

ياأختي .ترا المحبون عن طريق الحب الألكتروني ...

ذئــــــــآب بشريهـ ....

...فلتححذري أشششد الحذر .,,,

حمـــــــــآآك الله .
__________________________________