تأحيل ثلاث جولات من الدور الثاني سوف يدخل الرايد بالغيبوبة من جديد ...

[شاطئ الراحة]

شف يا راعي الفكر الرياضي الكبير الأستاذ القلب المفتوح ..

الأندية الي سخرت منه جت لبريدة و لزخت التعاون و راحت
بينما الرايد فاز عليه و نتف منه 6 نقاط ..!

يا راعي الفكر الكبير .. الرايد ما هزم خارج أرضه ابد يا يتعادل أو يفوز ..
بينما تعاونك من دبجة القادسية ما شاف النور ..

يا راعي الفكر الكبير .. خل التعليمات لك لأن تعاونك بحاجة هذا الوفاء اللطيف
فكما لا يخفاك لازلت تقبع بالرفوف الأخيرة و التجّار على سرير الراحة ..


هارجن من عقل و خل عنا سباحين العاطفة ..

من بدأ الدوري و أنت حاطن دوبك دوب الفكر الريداوي
و 17 نقطة مقابل 12 لتعاونك هي من ترد عليك و تلجم قناعاتك ..


ماااااااااااا نبي الفكر يا عياااااااااااااال

تكفينا الخمسمية و فراطة الخمسين
تجيب لنا نقاط ..

خلوه يتهنى بافكر الذي خلا من طبزهم الرايد يفوزون عليه ..



أحلا صباح مع أحلا وااااقبقي ..!

[نسيم الشمال]

القلب المفتوح كان انت قوي راهن على معرفك ولانبي بطاقات شخن مثل خويك

يالله يابطل خل نشوف توقعاتك هي صح او لا

ونت قد التحدي

معروفه عنك يابطل

[قروي فاهم]

والله انهم من تالي انهبلوا هالتعاونيين وقاموا يكتبون مواضيع من نسج الخيال ومن بنات افكارهم

شكل القلب المفتوح " قارئ الفنجان " عشان كذا نزل هالموضوع !!

بالنسبه لخروج رأس الهرم التعاوني في الدقيه 60 في مباراة الوحده لأنه طفش من مطرسة ابو رشرش ورفاقه !! اما عدم حظور المطوع لمبارة الاهلي في جده فااعتقد ان من لم يحظر من البدايه افضل من الحظور ومن ثم الهرووور ب !! وللمعلوميه المطوع يمر بوعكة صحيه وانت تعرف هالامر قبل مباراة الرائد بثلاثه ايام تقريبا !

[أبوباسم بريده]

[align=center]
أخوي للتوضيح بـس تـأجـيل وليس تــأحـيل !َ!
والشيء الثاني الهـدف الـلتي جـابـه محمد الراشـد بمرمـاه بمباراه الوحـده بـيـنـحـسب له هـدف بالدوري وبيكون من الـهـدافـين ولا كــيــف !!!!!!!!!!!!!!!!!


[/align]

[عقب العصر]

ياحلالي
إلى هالحين تفكر بالرائد ؟؟؟؟
شف الي حولك الفتح والحزم والأهلي
وخل عن الكبااااااااااااااااار
ياحلالي

[نسيم الشمال]

القلب المفتوح ليش ماتكتب عن مشاكل التعاون

او التعاون ماعنده مشاكل

ناديك يناديك ولا محاربة الناجحين هي سياستك

[بدرالرائد]

عقب هدف الراشد بمباراه الوحده ماحسب بقائمه الهدافين ليش ؟؟؟؟؟؟؟

وعلى فكره اعلوم الوحده

وش صار على مدربكم واداريينكم

[الصاعد5556]

شف لي نتائج كأس آسيا القادمة .. الله لا يهنيك ههه
(شهى/يشتهي/شهوا) فهو يتشهوى

ايه يا حيلة الله , مالك غير هالطريقه تعزي به نفسك
الناس تبي تعيّد و معه 17 نقطه , و ناس تبي تعيّد
على قوله [نبي نفوز] ههه

الله لا يغيّر علينا .. ولا يغيّر عليهم

[شاطئ الراحة]

^



وينك

[•»آَمَبرِآطوَر آِلَقِصُيمِ «•]

بالتووفيق لـ الرائد امام الفتح

اجله الشباب ،نجران,الوحده

[التنتوب]

لو سمحت نبي نتائج دورة الخليج.
ومنهو اللي فاز بالبطوله.
ومنهو الهداف .
واحسن لاعب.
تشااااو يا بوحلووم

[رائد نت]

با ناس ارفقوا عليه خلوه لو يستانس بالعطله بمواضيع الاحلام

[الظـــامي]

اقتباس:  المشاركة الأصلية كتبت بواسطة القلب المفتوح     بداية الدوري حقق الرايد ثلاث انتصارات وتعادل وحيد تحصل من خلالها على عشر نقاط ثم واجه التعاون صاحب الأربع نقاط فقط في الجوله الخامسة وكان الفرق بينهما ست نقاط وكالعادة فاز التعاون بهدف نظيف بعدها دخل الرايد في غيبوبه لم يفق منها الا في اخر جوله من الدور الأول عندما حقق الفوز على النادي الاهلي المتدهور (بهديتين من حارس الاهلي ومدافعه ) بهدفين مقابل هدف .. بعد ان صدر قرارتأجيل الثلاث جولات الاولى من الدور الثاني اتوقع والعلم عند الله ان يتكرر السيناريو من جديد وان يتقابل التعاون والرايد ولكن هذه المره الفارف بينهما ثلاث نقاط لصالح الرايد بعد ان يتعادل الرايد مع الفتح ( ونتيجة هذه المباراة اي كانت من صالح التعاون ) ويفوز التعاون على القادسيه بأذن الله بعدها يلتقي الفريقين التعاون والرايد وكلعادة في الدوري الممتاز او دوري زين سيحقق التعاون الفوز بعد مشيئة الله وسيتساوىالفريقين بعدد النقاط لكل منهما 18 نقطه وبعدها سينطلق التعاون الى المراكز المتقدمه وسيدخل الرايد الى غيبوبته المعتاده ويتقهقر الى الخلف و سيعود الى عادته الموسميه وهي المنافسه على الهبوط ..

أجل الأهلي متدهور !!!! قبل الفوز وإلا بعد الفوز ؟ وراكم ما تقدمون مباراتكم معه؟
كل هالتحليل والتوقعات والأماني والنتيجة ( 18 ) نقطة يتمناها أي طموح تحمله أيها الرجل ؟
أين التميز والفكر ؟ أين التعاقدات والفوارق ؟ كلها ذهبت أدراج الرياح ؟
والطموح اللحاق بالرائد فقط !!!! صحيح يضربه السيل ويقول ديم
أليس الرائد اقل منكم ؟ ألم تهزموا الرائد ؟ ألم يكن لاعبيكم أفضل من لاعبيه ؟
على هالحال أجل بإمكانك التخمين ببطولة الدوري فلا شيء يمنعك ...
الله يرحم حالنا وحالك ... إلى الآن بك شدة على النقاش والمشاركة ؟
لكن من صبر 13 سنة بدون صعود قادر على تحمل فشايل وهزائم أكثر
نصيحتي تراهن على معرفك في إحدى المباريات المضمونة للرائد حتى تخرج قبل نهاية الدوري
لولا أن أسلوبك مختلف عنه وتفكيرك كثير السرحان لقلت أنت هو المطرود الموقوف
لكن أنت فيك صفة اللامعقول فيما تفكر فيه وتتوقعه ودائماً يأتي بالعكس
بقي فقط أن تراهن حتى تسقط من مكانك ولو أنه لامكان لك عندي كمشارك واقعي

[عبدالمجيد الكريديس]

اقتباس:  المشاركة الأصلية كتبت بواسطة القلب المفتوح     حقق الفوز على النادي الاهلي المتدهور (بهديتين من حارس الاهلي ومدافعه ) بهدفين مقابل هدف ..

طيب متدهور على قولك
وراك مافزت عليه وكان في اسوا حالاته بعد ؟

[مسير.]

القلب المفتوح;

اقتباس: بعد ان يتعادل الرايد مع الفتح ويفوز التعاون على القادسيه

ياحليله فصل ولبس