لمــا هذا الإنجــراف والحــرص... من قبل الإناث...!!

[فديكا التميمي]

وهي وقفت عالنسااااء اعتقد حتى الشيبان والبزران بدو ينقلونه
وموب شرط للاسباب اللي اخترتيهن الناااس بيجربون أي شي جديد
ويستفاد منه غير كونه جوال وبس بالعكس هالتقنيه حلوه
وعلى الله أقتنع وأشري آيفون <<ماتطيق اللمس ,,,,


بس ياليت راعين البلاااااك يرفعون روسهم وهم يمشون
<<<مانست اللي اصبخته والزقت بباب المجمع ...

[نـدى الـورد]

اقتباس: اخبار بطاقة الصرافة !!!!!! ياحبة عين من يرجيك الوناسة يقين وقناعة والصرافة طريق فرعي والحرمة مالها غناة عن الرجل حتى لوكان ( ستين رخمة ) . موضوعك اللي فوق السبب قل سنع ودبره ولا الانسان بهندام العقل والاتزان لكن تعبت وانا انفخ بقربه مشقوقه لكن اتركيهم ( المتضرر من هدر الماء القربه المشقوقه وبس)

الصرافه ورقه مزقناها بعدما اشبعناها ب النقاش

شاكره لك الحضور

,

[نـدى الـورد]

اقتباس: البلاك بيري سلعه المراهقين والمراهقات والاجهزه عموما اسعارها بمنتاول الجميع واذا فيه بنات يتبآهون بالاجهزه اكييييييييييد انهم قرويات وتوهم داخلين الديره شكرآ ندى

بعضها بسعر راتب يعول اسره والله يعين

وترى مالي شغل بلي تقوله بيزعلون عليك ها

,

[تركـي]

أكيد الآستاذه / نـــــــدى الورد
يأنها تعمر لها عمارة آستثمارية والآ ناوية على مشروع
تخبرون المدرسات مايحبن الا ابوكشاف والفليسات دائما تتمحور بدراسة جدوى المشاريع عندهن ...

النساء والبنات عرف عنهن الغيرة من فلانه وصديقته وبنت خالته واخته واذا شافت معه تقنية جديده
أكيد بتزن على ابوها والآ زوجها والا راتب الكلية يتم تجميعه ريال ريال قرش قرش حتى يتم مجاراة الموضه بنظرهن ..

الآ اللي عاد موظفات ومدرسات والله يرزقهن يارب بالتأكيد لايهمهم مجاراة الموضه
لأن هناك ماهو آهم ..

[رمز الحياة]

اقتباس: تتباهى فيه وتفهم الذين حولها انا بنت مين؟

الخيار الاخير هو الاقرب
والحال نفسه ينطبق على الشباب

[تَمَرّدْ]

مراحب ندوش

انا اكبر مدمنه للأجهزه وما عمري فكرت اني اشتريها لفراغ بنفسي او حتى اتباهى فيها قدام الغير لا والله

بس فيني هلوسه لشراء احدث تقنيه سواء جوال او لاب توب

,’

[Miss Tala]

اقتباس:  المشاركة الأصلية كتبت بواسطة تَمَرّدْ     مراحب ندوش انا اكبر مدمنه للأجهزه وما عمري فكرت اني اشتريها لفراغ بنفسي او حتى اتباهى فيها قدام الغير لا والله بس فيني هلوسه لشراء احدث تقنيه سواء جوال او لاب توب ,’

انا مادري ليش انتي قاعده تبررين ..
يعني كلام وانقال لازم يصير صحيح
دخلي منا وطلعي منا ..
اصلا كيف تتباهين والبزران ابو عشر معها بلاك وايفون مع بعض والايباد للبزران يلعبون فيه بالبيت
باللهي نتباهى على مين واعتقد الموبايللات الحين اسعارها معقوله وفي متناول الاغلب ..

[طقاقة بدون مايك]

أنا بنت مين ! ! !

‏>مأتو ،،، ليه هالنوعية للحين عايشين :'$



أم ؟

شخصيا آل أم حقتي م لقيته ؟
م أحب أكون طرمبه ، ومحلي سر ،
أحب أواكب الجديد والحديث وافهم فيه ،صحيح أني م شاركت في صنعه ، لكن فقط فهم ل برامجه
وكيفية اعدادته وقرصنته و فرمته
هاذي كفاية ب النسبه لي :'$

[بريداوي؟؟]

اقتباس:  المشاركة الأصلية كتبت بواسطة طقاقة بدون مايك     أنا بنت مين ! ! ! ‏>مأتو ،،، ليه هالنوعية للحين عايشين :'$ أم ؟ شخصيا آل أم حقتي م لقيته ؟ م أحب أكون طرمبه ، ومحلي سر ، أحب أواكب الجديد والحديث وافهم فيه ،صحيح أني م شاركت في صنعه ، لكن فقط فهم ل برامجه وكيفية اعدادته وقرصنته و فرمته هاذي كفاية ب النسبه لي :'$

تفكيـــر سطحي مع كامل إحترامي وتقديري...!!!

[نـدى الـورد]

اقتباس: اخي نجداوي كلامك صحيح اهل بريدة كلهم اقرويه ولم يعرفوا من الحضارة الا اسمها فهم عديمي المعرفه بالتربيه الصحيحه وطريقة زرع الرقابة الذاتيه للشخص نفسه بل جعلوا كل شيء تحت امرهم وشككوا بالقريب والبعيد حتى وصلوا مرحلة التطرف

امممم؟

إجحاف

,

[نـدى الـورد]

اقتباس: ياعيني على حضارتكم المجيدة ........ صارت بلاك بيري وخرابيط ....... ا الحضارة عقل وعلم وسنع وحساب مسافة بكرا واللي بعده صح .

صح..صح هو دا

,

[نـدى الـورد]

اقتباس: اعتقد سبب الحرص لانها انثى تحب الكشخه... الان ومهما حاولنا ننكر الناس يقدرونك ويحترمونك على مظهرك...

رأي نحترمه عزيزتي

اشكرك

.

[نـدى الـورد]

اقتباس: سوالفك ياندى هالمرة للعنصر النسائي أغديك مجهزة دروع قوية ، تراهن على طول يستخدمن الدمار الشامل

لاتخاف محصنه ذاتي بلحيل

اقتباس: أنا أعتقد إنهن يجمعن بين إشباع النفس والمهايط بالأشياء الغالية

ممكن

اقتباس: تذكرت سالفة واحد رافضة زوجته تغير لشركة غير الاتصالات حسب قولها إن زميلاتها يناظرنها نظرة ثانية لأن معها شريحة شركة فواتيرها غالية

هنا المرض

اشكرك

,

[ملحي يقوطر]

بالنسسسبه للي حوولي ..!!

أحس كل بنت ينطبق عليه سبب ....

بسس عن نفسسسي :
حب إستطلآع لكل جديد وتجربته .. بسس ..

وبعدين عن نفسسي أحس أنو الأجهزه الحديثه تتوفر به مميزاات ماتوفرررت بغيره ..


عواااااااافي ندااوي ..
لآهنتي

[نـدى الـورد]

اقتباس: صحيح أصبح التقنيات الحديثة بين الشباب والبنات وخاصة البلآك بيري وكثير من أساء أستخدمه التواصل من الاهماميات الضروره للانسان كلهن فيهن خير و شر

حياك عبدالرحمن

.