ليلة العمر ... هل تتنازل أو تتنازلين ...؟؟؟؟

[سَـاكنة القـلب]

موضوع جدًا رائع ، لكَ مني كل الشكر على طرحه ..
وجهة نظري :
التنازل = الخسارة .
لا أجادل ولا أبدّل تلك القناعة ..
للأسف أصبح الزواج ( غاية ) وليس ( وسيلة ) لتحقيق آمال وأهداف غريزية وتربوية .
المهم ألا يفوّت القطار ، سواء كان قطار السعادة أو التعاسة .. !
زيجات كثيرة غير متكافئة ولا بنسبة 50% ومع ذلك تتم وتمر الحياة والطرفان في صراع أو تنتهي بطلاق وطفل .. !
الزواج أصبح هدف اجتماعي كبير ومهم وأخذ أكبر من حجمه ؛ لذا نجد التنازلات تلو التنازلات فيما يخصه ، مع أن المفترض في قرار بحجم شراكة حياة أن يكون أكثر تؤدة واتزان وعدم قبول للمساومة .

أقرأ كثيرًا في الاستشارات الاجتماعية عن فتاة صغيرة ابتليت بالطلاق وتقدم لها زوج كبير في السن وعلى ذمته زوجة ، وتكون نصيحتهم لها ( اقبلي ) !!
هنا أجد ألف علامة استفهام في رأسي ، زواج غير متكافئ أبدًا ومع ذلك تقدم التنازل وتقبل .. !
ودائمًا أقرأ ماذا تفيد الشهادات وأنتِ بلا زواج ، وكيف تنامين وليس معك أطفال و....و.... !!
بنظرهم ثقافة الفتاة ونفعها لنفسها والآخرين شيء ثانوي لا أهمية له مقارنة بالزواج وإن كان غير متكافئ .. !!
يا لهذا الزواج المقدّس الذي خُلقنا له ومن أجله .. !!

نفس الشيء بالنسبة لمن يتنازلون في الدين والأخلاق ؛ لأنهم يرون الزواج ( عصا موسى ) التي تحيل الزوج إلى شخص آخر تمامًا يعرف ما له وما عليه .. !
وهذه الفئة بالذات تعض أصابعها ندمًا .

شخصيًا أفضل بيقين أن أفني عصارة عمري وزهرة شبابي في دراستي ووظيفتي واحتساب ذلك ؛ على أن أبدأ حياتي الزوجية بتنازلات وقضائها بحسرات .. !!

مهما كان الزواج جميلًا وذهبيًا يبقى ( قفصًا ) ، والتفريط بالحرية من أجل من لا يستحق ضربٌ من الجنون .

أما ظروف الرجل ، ماديته ، سكنه ؛ فلا تمنع أبدًا من إتمام الزواج وإن كانت ما كانت ؛ لأني سأتزوج الرجل وليس ماله وسكنه و...و... .

جزيت خيرًا ، و اللهم توفيقك نرجو لشباب وبنات المسلمين .

[أورگـيـد ..❤]

اقتباس:  المشاركة الأصلية كتبت بواسطة تركـي     السلام عليكم ...

وعليكم السلام ورحمة الله وبركاته

غالبا مايكون التنازل على حسب تقدم العمر

اولا شي معروف الدين والاخلاق والسمعه والنسب هذولي شي اساسي لو تتنازل البنت الاهل ماتنازلوا
<<< اتكلم عن الاغلب

وبعدين عاد لازم يكون مقتدر والاهم الشخصيه ياحبذا تكون
مستقله وعقله يكون متفتح بحدود

وعنده قناعه تامه ان حياتنا تختلف عن حياة الاخرين مايبنيها على
اساس تجاربهم << مشكلة هالصفات اغلبه ماتبين الا بعد الزواج

وثاني شي مستعده اتنازل عن الزواج بكبره ولا اتنازل عن صفة الكرم
(مو كريم راعي فزعات وعزايم عاد ابلشبوه انا لا كريم يكون مرخي جيبه )

ديني ولا دين البخيل او المجود على الفاضي

ممكن اقبل بفقير واقول هذا نصيبي بس واحد عنده خير والله منعم

عليه ولا اشوف شي منهن بصراحه شي مايتحمل ابد

ويعطيك العافيه مشرفنا

.

[شوكولاته بنات]

امممممممممممممم شوفوو انا اعتقد ان الشرووط على حسب البنت واهله

مثل الحيين انا اعرف نااس كانو متشرطيين بيت ومايدخن وسااكن ببريده و محاافظ على صلاواته

وللاسف بددت الشرووط تقل مع كبر عمرهاااا وعنوستهااا

اما بالنسبه لي احرص على دينه وصلااته اهم شي واهلي اهم ما عندهم الاساسياات

مثل و ظيفه ومحاافظ على صلااته واهله طيبيين ومو معقديين وباقي الاشيااء
انا المسؤؤؤؤله عنهاا مثل الشكل او نووع الوظيفه و السكن والعائله والمااديه

تشكراتي للموضوووع الرائع

[شاها]

أهم شي ميسور مو فقير اذا فقير يكد لما يغتني وشلون يؤكل بنت الناس
والتدخين أأتوقع صعب البنت تعيش معه مررررة معن
الكثير يتساهل بص انا عجزت أأدخله مزاجي واذا سوابق صغنونه مو مشكله لكن اذا كانت بتوع
مجرمين صعبه بعدين فيه حد يسافر يفحط هه شكلك كل عمرك
تفحط هههه لالا عاتي اذا تفحيط بسيطه لاتخاف
واللي يقول عاتي من ناحية السوابق مجرد كلام اللحين ينقال والا لجاء الجد مستحيل ترضى
ومتفتح بحدود ممكن مو يكون تفتحه فيه تجاوزات من ناحيه دينيه ..

[JησÖ̤̇ση4E̳̐√ΈЯ̤̈̇]

اذا تهورت واعرست بقول لامي تدور لي وحده غنية وبنت تجار وعلاقات يعني زواج مصلحه بالعربي ..

اما فقيره والله ياهي تبي اخذه



تحياتي لك

[روح متألقه]

اعتقد في المرأه له خمس زوايا ( الجمال - المال - الدين - الحموله - الام والخالات والخوات او البيئه الميحطه بالبنت )ودي اعرف وش دخل الخالات والخوات باخلاق البنت يعني الاتؤمنت بمبدأ انه قد يخرج من الميت الحي وقد يخرج من صلب الكافر مؤمنة-
الهدوء والعصبيه الولاده والعقم الحشمه للزوج والتمرد عليه والطبخ والرفاله السنع والدبره والخرق وقلة الدبره الملسونه ومقطوعه اللسان ملازمه البيت والخراجه الولجه الشكوره لكل ما ياتي به الزوج والكفوره الصبوره وقليه الصبر العصبيه والبارده الحنونه للعيال والقاسيه عليهم ..... الخ من الصفات النسويه ) ودي افهم هل هذه الصفات قصدك تكتسبها البنت من المحيطين بها ياليت توضح اكثر وياليت توضح كل اللي قلت عنه يحتاج الى توضيح لكن في وقت آخر بالنسبة للمرأة الولود (عندي عمة لها 15 مولود مابين ذكر وانثى وليسوا بتوائم ولها اخت لم ترزق الا بنتين وبناتها بعضهم ولود وكثير النسل وبعضهن المنتصف

[المبصر]

اقتباس:  المشاركة الأصلية كتبت بواسطة روح متألقه     اعتقد في المرأه له خمس زوايا ( الجمال - المال - الدين - الحموله - الام والخالات والخوات او البيئه الميحطه بالبنت )ودي اعرف وش دخل الخالات والخوات باخلاق البنت يعني الاتؤمنت بمبدأ انه قد يخرج من الميت الحي وقد يخرج من صلب الكافر مؤمنة- الهدوء والعصبيه الولاده والعقم الحشمه للزوج والتمرد عليه والطبخ والرفاله السنع والدبره والخرق وقلة الدبره الملسونه ومقطوعه اللسان ملازمه البيت والخراجه الولجه الشكوره لكل ما ياتي به الزوج والكفوره الصبوره وقليه الصبر العصبيه والبارده الحنونه للعيال والقاسيه عليهم ..... الخ من الصفات النسويه ) ودي افهم هل هذه الصفات قصدك تكتسبها البنت من المحيطين بها ياليت توضح اكثر وياليت توضح كل اللي قلت عنه يحتاج الى توضيح لكن في وقت آخر بالنسبة للمرأة الولود (عندي عمة لها 15 مولود مابين ذكر وانثى وليسوا بتوائم ولها اخت لم ترزق الا بنتين وبناتها بعضهم ولود وكثير النسل وبعضهن المنتصف

اقصد اختي الكريمه ان البنت تنشأ في جو اسري معين تتشرب طباع هذا الجو حتي ان العقلاء يقولون اسأل عن الام لا عن البنت
ومن عجائب الصدف بالامس اتصل على شاب طلاق زوجته وهي بالنفاس لان امها تتدخل فيها في كل شي حتي في العلاقه الخاصه (طبعا نصحته بالرجوع اليها )
علماء الاجتماع والنفس قالو ان الاسره هي محل الغرس الاول وقالو ان سنوات الطفل الاولي لاتنمحي بسهوله وقالو الشخص صوره مصغره لاسرته وقاربه بالورثه والجينات تطبع اخلاقه وصفاته بعجينه اسرته وبالتنشئه الاسريه

وهذه قاعده ( اغلبيه ) وليس قاعده ( مطلقه )
صحيح قولك (يخرج الحي من الميت ) ولكن الاغلب ان البنات على دين الامهات والاخوات والقريبات بالجينوم في الخليه المخصبه عند تكون الجنين وبالامتصاص الاجتماعي

لااريد ان اسمي فيه عوائل ( في بريده) بناتهم معروفات عند ( الرجال ) الفاهمين وليس الشباب ( الغفل الى على وجهه ) اقول معروفات ب ( الدين - الحشيمه للرجل - قلة الكلام - العصبيه - السيطره على الزوج - الجمال - الشياكه - القراوه - الحوسه والاهمال والقثرده - الطبخ - الحنان على الاولد - الصبر ..... ) حتي تجد بعضهم يقول لك العائله الفلانيه حريمهم ( حشمات ركابات ) يعني يكرمن ويسطرن على الرجل

ولولا ان ادارة المنتدي لاتسمح بالذكر لذكرت العوائل التي اعرف ولفصلت في هذا الموضوع من ناحيه التفصيل في الجمال والصفات النفسيه والمزاجيه وغيرها كثير اكثر لكن الموضوع يا اختي حساس وقد قلت لتركي ( اللبيب بالاشاره يفهم )
اذا سمحت ادارة المنتدي في التفصيل في هذا الموضوع فلامانع بل ساذكره في حلقات متواصله حتي نعرف عوائل بريده ( بتشخيص صحيح ) ولكني اجزم ان الموضوع لايصلح لطرحه وقد رأيتم ما حصل لشيخنا العبودي في كتابه ( عوائل القصيم ) ولذا ( افهمي من السطور الى ما بين السطور ) وفقك الله

[أم سلطان]

كل شي يتنازل الواحدفيه الا الزواج مافيه انصاف الحلول


المدخن يفتح الله
راعي السفريات مايقبل ابدا ابدا

العصبي والبخيل من المعيبات وبشده باالرجل

الغير محافظ على الصلاة لانشوف وجهه


والانسان يبذل الاسباب والنصيب من رب العباد مالنا دبره كله قسمه ونصيب

موضوع رايق شكر الك

[يركدون]

باعتقادي ان وقت التنازلات قد حان لان مابه حد يخلا من العيوب والمعاصي
الا ماندر والنادر يدور النادر
مع ان العرس مثل مايقولون غبن ناس اشين الناس ياخذون احسن البنات
وبنات اشين البنات ياخذن احسن الرجال
فهذا حظ ونصيب ولكن الاهم من كل هذا انك ماتدري وش الخاتمه يعني
الموضوع ماوقف على الزواج وبس فيه عيال وفيه حياة تبي تكاتف وتواصل
بين الطرفين هذا المهم اما الزواج فهو البداية والعبرة بالنهاية

[تركـي]

وهذا خبر يتعلق بالموضوع طاازه اليوم ...

المطالبه بالفحص جنائيا .. ونفسيا ..
للأزواج ..

اقتباس: طالب مستشار قضائي الجهات المعنية وعلى رأسها وزارتا الداخلية والعدل بضرورة إصدار آلية جديدة تبحث ملفات المتقدمين للزواج جنائيا ونفسيا، وذلك للحد من المشكلات التي يروح ضحيتها دوما الصغار، مشيرا إلى ضرورة سن ضوابط دقيقة للزواج المتعدد أيضا. وذكر المستشار القضائي الخاص، والمستشار العلمي للجمعية العالمية للصحة النفسية بدول الخليج ومنطقة الشرق الأوسط الشيخ الدكتور صالح اللحيدان في حديث نشرته صحيفة شمس السعودية , أن المشكلات التي تتعرض لها الأسر غالبا ما تكون نفسية أو جنائية، وتنتهي العلاقة الزوجية بين الطرفين بالانفصال، ما يشتت الصغار ويجعلهم عرضة للضياع والعنف. وأكد الدكتور اللحيدان أن قرابة 70 % من مشكلات الصغار وأسرهم تعود إلى ما بعد الطلاق، وأسبابها في حقيقتها مرتبطة بالاختيار أولا، وإخفاء أحد طرفي العلاقة بعض المعلومات المهمة قبل الارتباط كأن يعاني مرضا نفسيا أو لديه سلوك منحرف أو يتعاطى المخدرات وغيرها. وأكد أنه متأسف جدا للحوادث التي بدأت تنتشر في المجتمع السعودي ويكون ضحيتها صغار السن والأطفال، ويقول: «تابعت قضية الطفل أحمد الغامدي الذي قتل على يد زوجة والده وعثر على جثته في عمارة مهجورة بالطائف قبل أيام»، ويضيف: «هذه الحادثة تندرج تحت الاعتداء بسبب الغير، والاعتداء على القصر يكون سببه دوما إما عدم العدل والمساواة أو لمرض وعقدة نفسية تدفع الجاني للاعتداء، دون حساب لعواقب الأمور»، وطالب اللحيدان بعمل بحث دقيق عن الجانية بالعودة إلى ملف حالتها النفسية والعضوية وعمل تحليل يعتمد على نظر الحالة الوراثية والحالات المكتسبة، ويتم من خلاله دراسة حالتها ومعرفة ما إذا كانت لديها سوابق جنائية.

[SAGA]

اقتباس:  المشاركة الأصلية كتبت بواسطة تركـي     .. سؤالي هناك كثير من الشباب والصبايا ينتظرون قطار الزواج وتجد الشاب يفني عمره بأنتظار ليلة العمر مابين قروض وتجهيزات ووو .... لكي يكمل نصف دينه ويظفر بالأستقرار في حياته ويقر عينه وعين والديه بذريته .. وايضا نجد الفتاة بأنتظار ليلة العمر مع فارس آحلامها الذي سينقلها الى حياة الزوجية والرفاهيه لتكوين مملكتها الصغيرة ببيتها وحلم عمرها بالأرتباط وأكمال نصف دينها .. بعد هذه المقدمه المتعوب عليها ..

اللي يقرا هالمقدمه يصدق يحسب العرس جنة الدنيا
ماكأن الوحده بعد عرسه ب3شهور تجي مادتن البوز شبرين هذا إذا ماصارت شنطته وراه والرجال يتحسر على أيام مضت...

اقتباس:  المشاركة الأصلية كتبت بواسطة تركـي     .. سؤالي الى ولي أمر الفتاة

اقتباس:  المشاركة الأصلية كتبت بواسطة تركـي     وايضا في حال أن الفتاة لها رأيها .. هل تتنازلون عن بعض الأشياء مثل أن الشاب ليس من الأثرياء وعلى باب الله والراتب ..

أوما ليس من الأثرياء ايه من كثر الأثرياء بالديره
أصلا بالنسبه لي ماابي ثري لإن السعودي لازادت قروشه أعرس على مرته,,
وبالنسبه لراتب الصدق إني رفضت واحد بس لإن راتبه أقل 5آلاف لإني أعرف روحي مسرفه يعني لو دخلت بنده أبشتري عينات بتوصل الفاتوره ل500 على هالحال وش بقى من الراتب
ووليش أتنازل وأقضي باقي حياتي قثرده ولاتشرين هذا تراه غالي ومحنا مسافرين قضى الراتب !!ومانب مسويتن به مثاليه أبعيش معه لو بعشه ومدري وشــو ..<شكله بالأخير بتاخذ واحد راتبه ألف وخمس خخ

اقتباس:  المشاركة الأصلية كتبت بواسطة تركـي     .. أو كونه مدخن ..

لاإن شاء الله إلا الدخان
لوهو أخلاق وكل صفاته زينه

اقتباس:  المشاركة الأصلية كتبت بواسطة تركـي     ..

اقتباس:  المشاركة الأصلية كتبت بواسطة تركـي     أو كونه في مراهقته سافر وكان له سوابق بريئة مثل تفحيط أو مضاربات أو أو .. أو مثلا عدم الصلاة مع الجماعة في صلاة الفجر أو حليق ومتفتح .. عند السؤال عن الشاب ..؟؟؟؟؟..

ومن اللي ماله سوابق الحين,,

اقتباس:  المشاركة الأصلية كتبت بواسطة تركـي     ..

اقتباس:  المشاركة الأصلية كتبت بواسطة تركـي     ويبقى الشاب يحلم بالفتاة اللتي تأتي من المريخ بمواصفاته اللتي حلم فيها بليلة قمراء ..!! تحيتــــــــــــــــــــي ..

أنا أنصح الشاب والبنت
لايحلمون أنهم بياخذون مثل هيفاء أومهند
عشان ماينصدمون بالواقع

[بدر1]

هات لي فكر وروح


واتنازل عن الميراث <<<< أمحق تفكير

[تركـي]

حيااك الله اخي المبصر ..

الموضوع لايمنع تناوله من ناحية تفصيلية ..

ولكن كما هو معروف بالمنتدى
يمنع أقحام اسماء العوائل
وذلك حفاظا على خصوصية العوائل
وحتى لا يكون هناك تداخلات خارجه ..

تحيتي لشخصك القدير ..

[ناقه فسفوريه]

مستحيل أتنازل عن شي لو أقعد طول عمري بلا عرس لأنه مافيه رجل

بهالزمن يستحق التنازل والتضحيه ممكن يسحب عليها ويجحدها بأي يوم

وأستغرب من الي يقولون موب مهم المال والماده !!!!!!

الزمن هذا زمن المااااااده مو شرط يكون غني والا مليونير بس يكون مقتدر

لأني وراي عيال موب بس انا الي بعيش معه أقعد اتلحط أنا وياهم بعدين

ثاني شي واهم شي السكن "مستحييييييييييل تسكن عند حموله

والقائمه تطووول بس هذولي أهم شي تقريبا