Oo صندوق رسائلي الخاصة في المنتدى " هل أنتِ بنت " oO

[شيخة الزعيمات]

هل أنا كنت ظالمة أو مخطئة معها حتى تهجرني .. ؟
لآ آنتي الصوآب فعلك آلليَ سويتيهَ :/
هيَ تطلبَ آلمحَحَآل من آنه يصيرآو يحدث:/
يمَمَكن تكَكَون آحتمآلتك صحيحه100 %
من آن يكون ولد متنكر بمعرف فتآة :/
وهل قلقي وتحفظي الشديد تجدونه منطقي او مبالغ فيه .. ؟
منطقي :/
وليس مبآلغ فيه:/
لأنه تحفظك سرمن آسرآرك:/
ومعدل الثقة في هذا العالم الأفتراضي بين البنات , كم من المفترض أن يكون على مقياس10/10 .. ؟
1/10
لأن آلنهآيه مسآويه آغلب آلآحيآن:/

ويتبقى سؤال مهم للبنات ... ! لو كنت مكاني ماذا سوف تفعلين ..؟
آبقى متمكسسه عَ تحفظي ورفضي لطلبهآ:/

[أخت الذيب خالد]

مرة من المرات السالفة .. جتني رسالة خاصة من عضو يخطبني ,,
بس للأسف .. كنت فايتة
وإلا كان العرس تحت اشراف منتدى بريده ... والمعازيم دعوة عامة لجميع الأعضاء ,,,,
لكن مالنا إلا المكتوب ,,

عن نفسي .. تزعجني بعض العلاقات السطحية حينما تريد الاندماج ..
مو ضروري كل من قابلناه .. او حكينا معاه لازم يتعمق فينا !!

حتى لو كان بالعالم الواقعي ,,
وحدة من زميلات الكلية ناشبة بحلقي لليوم ,,!! كانت علاقتي فيها سطحية .. بس هي إلا تبي تتعمق ,, راحت لديرتها ,, وتزوجت . وانجبت .. وهي حاطتني براسها
الغريب اني غيرت رقمي يمكن 3 مرات .. وتجيبه ,, إنا لله وإنا إليه راجعون
والمصيبة انها صارت تراسلن بالوتساب ..
الناس ترسل برودكاست ,, وهي ترسل سواليف صباح الخير وكيفك ومن هالكلام الزين اللي على قلبي ثقيل !! لاحول ولا قوة إلا بالله!
* بس لا تاخذين عني فكرة اني شايفة نفسي او متعالية .. لكن الأرواح جنود مجندة


محارة يا جميلتي

[مهندس الكلمات]

اقتباس: بإني لا أحب أن أقدم أيملي لـ أحد كما وأنه لو تم التنسيق على موعد بيننا في مكان عام فــ الأحتمال الأكبر هو عدم حضوري بسبب أني لا أريد أن تعرف هي أو غيرها من أكون وإلى بيت من أنتمي ..!

طيب ودي اعرف الفرق بين الرسائل الخاصة والايميل ؟؟
كلها واحد بوجهت نظري
لكن الفرق هو التخفي عن الاهل وسهولة تلفيق الاعذار !!

[ضمير بريدة]

سمعنا الصوت ولم نسمع الصدى

ورأينا على مثل الشمس يقع

إن كانت الحروف المكتوب تنقل الواقع المخفية فالعمل صواب خانته الطريقة

[أحب نفسي]

هه
عسآي آتوآصل مع خويآتي و عمآتي و خآلآتي و بنآت خآلآتي آروح آزود على نفسي من هآلعآلم
مآلي خلق آتعرف ع آحد آو آصآدق آحد مطلقآ



و
تصرفك سليم مليون ب آلميه ..

[أحب نفسي]

اقتباس: حتى لو كان بالعالم الواقعي ,, وحدة من زميلات الكلية ناشبة بحلقي لليوم ,,!! كانت علاقتي فيها سطحية .. بس هي إلا تبي تتعمق ,, راحت لديرتها ,, وتزوجت . وانجبت .. وهي حاطتني براسها الغريب اني غيرت رقمي يمكن 3 مرات .. وتجيبه ,, إنا لله وإنا إليه راجعون والمصيبة انها صارت تراسلن بالوتساب .. الناس ترسل برودكاست ,, وهي ترسل سواليف صباح الخير وكيفك ومن هالكلام الزين اللي على قلبي ثقيل !! لاحول ولا قوة إلا بالله! * بس لا تاخذين عني فكرة اني شايفة نفسي او متعالية .. لكن الأرواح جنود مجندة

وآآآآآآآآآآوتس
ذكرتين ب وحده آلأسبوع آللي رآح مرسله لي [ تقول خلنجتمع نروح للملآهي ] .!
آلمشكله كلآمي كآن معهآ سطحي >> كم آلسآعه ؟ متى تخلص آلمحآضره ؟ وش آسم آلدكتورهـ ؟ و تسذآ
ومير آبلش فيهآ .!
تخرجنآ
وتوقعت برتآح منه
لكن لآزلت متعلقه بي
وللحين تكلم ولآ آرد وترسسلي ,, وينك ؟ ردي علي ,,
وسآهتتتتتتتتتتتتتتتتتتته


تتوقعين مآتفهم ؟
ولآ تتغيبى ؟





>> ع فكرهـ آخت آلذيب آنت ميآسه آللي قبل صح ؟
تسآني منب وآهمه ف ترآتس زميلة لعمتي !!
آمشي خلنطلع للملآهي حنآ و آيآكم وش رآيتس ؟ >>> هع هع هع

[العود الازرق]

خير ماسويتي ..وانا اخوك

[كااااجو]

امممم واتا ناويه اشبك معتس ياامونه هههه
مشكله بعض الناس حساسيتهم زايدة شوي ويكونوا محتاجين لتكوين صداقات
بس موقفك مافيه شي والحذر مطلوب ...

[عازفة ألحان الليل]

عن نفسي لا اثق بأحد بالعالم الإفتراضي بمجمله

هنا فقط اثرثر مع بعض العضوات في رسائل خاصة ولاتصل لإيميلات وغيرها

وحتى ثرثرتي قليله جدا

ولم يسبق لي ان تعمقت بالعلاقة مثلك

ادخل بسلام واخرج بسلام هذا هو شعاري

ولكن لو حصل لي ماحصل معك وقالت لي صديقتي تعالي للبيت نتقابل ثم تقطع العلاقه معي فجأة

لعرفت فورا انه (ولد ) لأنه لو كانت بنت لما قطعت العلاقة بل العكس سوف تقدر ظروفك وسوف تقابلك في مكان عام

او انها سوف تقدر ظروفك وتستمر العلاقه بينكما بحدود

اعتقد انه قطع العلاقه معك بهذه السرعة حتى يوهمك انه زعلان

وحتى تبحثي عنه من جديد وترضي متطلباته ..

[قـتـالـه]

ياالله وش ذا !
بالله واحد من اللي كاتب الردود اعلاه يرجع يقرا الموضوع من أول وجديد يشوف النفسيات هه
وش هاالاقوام ياوجه الله :/
كل ذا وحشه او خايفين من العالم
من شفت واثره متوحش من الثاني
وهم عقارب مجمعه !

وش دعوى اللي تقول عجزت اتخلص من الناس اللي يموتون علي
يانايف الداخليه شف لي حل باللي تلاحقني :|
واللي تقول اخاف يطلعون عيال !

انا عن نفسي قتاله على سن ورمح
ماعندي مشكله من التواصل
بشرط اتأكد انها بنت وبطريقتي
والوعد الاسواق .. الله اكبر يعني وش بتسويبي
بتنط علي او بتسرق صرافتي
التعارف النتي حاله حال التعارف بالانتظارات او بغرف المستشفيات
وعندي صداقتين عرفتهن عن طريق النت
احب علي من بعض قراباتي
وحده من سدير يالبا ذيك اللهجه
والثانيه من عربنا :|

يبدو ان هنا اقوام متوحشون
يجفلون من الناس
يالله يسافرون خارج منطقتهم علشان يضطرون يحتكون بالاخرين
ويتقبلونهم ..

محاره اللي احبها
يمكن انك غير مستعده لعقد الصداقات النتيه او العابره
هذا شأنك .. وانتي حره بتصرفك مع اللي كسحتيها
ولكن هناك اكثر من طريقه لمعرفة جنس صاحب الخاص
وترليون طريقه لأختبار النوايابدون ضوضاء مواضيع
واغربالي تلقين وجهها كبر الفصفصه وهي تقرا موضوعك هه


بوجهي علامة استفهام كبر برج بريده من اللي تشوف الخاص
عيب او ترفض صداقة انثى بالمسن وهي تقبل اضافات
برامج المحادثات اللي بالجوالات المتقدمه !

من مبطي وحنا شعب متناقض .. أوحيتوا ؟!

[عزف الحقيقة]

محاره من زود الحذارة صايره

مثل الحباره ماشاء الله

لكن بالأخير لكل انسان خصوصيته

في تكوين العلاقات

00

اقتباس: وش دعوى اللي تقول عجزت اتخلص من الناس اللي يموتون علي يانايف الداخليه شف لي حل باللي تلاحقني :|

الله يهديك ياقتالة افهميه يعني اننا مماليح

حتى البنات يطاردن ورانا فكات علينا

[محارهـ]

* اهـلا بــ الفتى

اقتباس: على فكره ماحصل معك حصل معي مع أحد الأعضاء وكنا ندردش بالماسين وتطور الأمر للجوال ومن ثم التقينا وأقسم بالله إنه الآن من فئة (أفضل الأصدقاء) . رأيي الشخصي أن تلتقيها ولكن ليس في منزلها بل في مكان عام كلقاء أول فقط.

يبدو لي أنا الأغلب أجمع على عدم اللقاء الخاص
والإنقسام أصبح فقط على اللقاء العام
<< شكلي بوقف عد صار الموضوع طويل
حسناً أخي ..
أتصور تطور العلاقة بين الأعضاء الشباب منطقي أكثر من البنات

شكراً *

[محارهـ]

* مرحباً ابو فارس

اقتباس: الآن أنت رفضتِ فكرة اللقاء وإعطاء إيميلك لأي أحد وفي النهاية تستفسرين هل أنامخطئة وتحاولين إعطاءاستبيان للأعضاء أعتقد إذاكنت ترفضين اللقاء نهائيا مع أياً كان فلماذاكتابة موضوع هنا أماإذاكان هناك مغزى آخر في الموضوع فهذاشي ثاني وشكرا

المغزى ليس في بطن الموضوع بل في كعب الصفحة

اقتباس: اقتباس:  المشاركة الأصلية كتبت بواسطة محارهـ     [align=center][tabletext="width:80%;background-image:url('http://www.u06p.com/up/upfiles/zla00499.jpg');"][cell="filter:;"] [align=center] * همسه لها ولجميع العضوات صديقتي .. أعذريني فــ للواقع حسابات أخرى خصوصاً مع البنات نعم أثق بك في هذا العالم الأفتراضي وثقتي لها حدود وحدودها لاتصل إلى حياتي الشخصية وبسطها أمامك ونعم أقدرك وأحترمك كثيراً وأستفدت منك كثراً ولكن ياصديقتي ...! نحن هنا لنا أسماء مستعارة ولربما كانت لنا أيضاً ضمائر مستعارة أرجوكِ .. أفصلي بين العالمين ونحن هنا نكتب ونكتب ونعبر عن مابدخلنا وافكارنا ومجتمعنا ياصديقتي صغير ومازالت نظرته لمن تكتب في هذا العالم الإفتراضي " غير سوية تماماً " فــ كوني " جوهرة مصونة " ودعيني أقول لك قبل الختام .. مثلما أشك بإنك لست بنت .. ! لك الحق أن تشكي بي .. ! [/align][/cell][/tabletext][/align]

شكراً *

[محارهـ]

* اهـلا عاشق ديرتي بريده

اقتباس: اخت محاره اذا عملتي شي وتعتقدين انه هو الصح فلا تلتفتي الى الوراء

أحياناً نعتقد أن الصواب معنا وبعد أن نلتفت إلى الوراء نكتشف العكس

اقتباس: وحينما قطعت جسر الرسائل عنك فهذا دليل على انها لا تستاهل من يصادقها

ربما أحست بإن كرمتها قد جرحت بسبب صراحتي كما قال أحد الأعضاء او العضوات " لا أذكر "
فـ غضبت وأرادت ان تكتم غضبها الحرفي عني ثم أغلقت الباب " ربما "
وأظنه كذلك " ولا .. لا ياصديقتي "

اقتباس: انتي تحافظي على نفسك والمفروض منها ان تقتنع بما فعلتي وتتمسك بك اكثر

اممم , تتمسك بي .. !
تعتقد راح تتمسك بي أو تقطع خط الرجعه نهائياً خوفاً من أن أصبح انا " شاباً "
طيب مايمكن خافت وقالت " محاره شكلها ولد .. ! "

اقتباس: وانا رجل لم ولن اقابل احد من المنتديات فلست مجبر بالتعرف على احد ولاني ناقص وجع رأس محاره الله يستر عليك ويوفقك

جزاك الله خير

شكراً *

[محارهـ]

* اهـلا بـ التنين الصيني

اقتباس: يبدو لي انها فهمت الحذر .... كـ رفض وابعاد بعدما كانت معجبة ....

أتصدق أخي ..
بعد ردي على " عاشق ديرتي بريدة "
صرت ألتمس لها الأعذار أكثر من قبل
فــ ردي السابق جعلني أفكر في احتمالية أن تكون قد خافت من أن اكون واحداً من اللذين أجروا عملية تحول جنسي أنترنتي .. !
وأتمنى أن يصبح هذا هو السبب
فــ هذا السبب سوف يجعل أجترامها وتقديرها يزداد أضعاف مضاعفة عندي

شكراً *