السمه السلبيه السادسه ( العجازه ) ؟؟؟؟؟

[المبصر]

اقتباس:  المشاركة الأصلية كتبت بواسطة الورده الجريحه     لا أخوي أنا ماقصدت الي أنت فهمته وماوصلتك كلماتي بالشكل المطلوب أنا أخوي ماقلت الي قلته الا بعد مالاحطت وعاشرت كثير من الليدات والعجازات سواء بالجامعه أو من محيطي وبالأجتماعات العامه الشي واح عليهن حتى أذا جن يتكلمن عن مشاكلهن يجيبن المشكله بأسلوب أستهتار وأنهابسيطه مع أن غيرهم يشوفها كبيره يعني أنا ماربطت العجز بالظحك والأنبساط بس هالنوعيه دائما بليدين وقلوبهم ميته يعني أنهم مايهتمو ن لشي أهم شي أنفسهم لأنه أذا أجتمع قل العمل مع الأهمال وش يبقى للأنسان أنا بضربلك مثل وحده أعرفها معروف أنها عجازه لانها دائما تلقاها بكل أجتماع وعيالا أنواع الأهمال لامن لبس ولا نظافه وتعرف أن زوجها يسافر للخارج وصاحب علاقات ودائما تردد أهم شي عندي أنه يصرف علي ومخلين براحتي هنا لاحظت أن العجز وقل العمل سببو بميتة القلب والتطنيش للحياة وبقولك ليش الشقورديه مرتبطه بالمشاكل لأنه هالصنف على الأغلب عصبيين وفيهم قل صبر وهالشي يسبب قلق لبعض الناس لأنه يكون مايصبر لا على النظافه حتى بالعمل خارج البيت تلاقيه يبي كل شي كامل وينجن أذا شاف خطأودائما مايقع بمشاكل لنفسه مع الناس وحتى أقاربه بسبب قلت صبره هذا تصوري وأتمنى تكون فهمتني تبقى أنت أستاذ وأنا تلميذه أتعلم من كتاباتك

ماشاء الله عيني عليك بارده هذا التحليل ممتاز

- لماذ اقول ممتاز ؟

لانه ربط بين البلاده والعجز وبين العصبيه والشوقرديه

وهذا صحيح نسبيا قال علماء النفس ( السمات نسبيه وليست عامه )

مامعني نسبيا ؟؟

يعني يوجد وبكثره لكنه ليس عام بمعني يوجد عجاز عصبي وشوقردي بليد مطنش للحياه وبارد القلب والمشاعر

الشوقرديه هي حب العمل واتقانه وخفته على المرأه وقد تكون المرأه بليده وهي شوقرديه

لكن صحيح يكثر انتشار وارتباط البلاده بالعجز و العصبيه بالسنع


بقي مساله ذكرتيها في تعليقك

هل مقابله المشكله باستهتار وانها بسيطه امر ايجابي ام سلبي ؟؟

انتظر ايجابتك ؟؟؟

[الورده الجريحه]

أخوي المبصر أعذرني على الأخطاء الأملائيه كتبها من غير ماارجع أعدل

بالكلمات بسبب الأرهاق وعمااايله فعذرا لك

[قلب الأسد]

الحين فيه ناس تفكر تفتح مغسلة صحون ومواعين ...

الله يخلي هالشغالات بهالزمــن ....الاماندر من بعض الشقرديات .....

[المبصر]

اقتباس:  المشاركة الأصلية كتبت بواسطة قلب الأسد     الحين فيه ناس تفكر تفتح مغسلة صحون ومواعين ... الله يخلي هالشغالات بهالزمــن ....الاماندر من بعض الشقرديات .....

ههههههههه

لها الدرجه يا قلب العجز

ولكن يا قلب

لو خيرت بين شوقرديه عاديه وعاجزه ومزيونه

وش تختار ؟ انتظر الاجابه

[عزف الحقيقة]

اقتباس: لكن عندي سؤل لك كم سؤل ياعزيزي وش رايك العجازه اليوم بالبنات اكثر ولا بالعيال ؟؟

لا أعلم بالضبط لكن من خلال مراقبتي للوضع أجد

أن الرجل العجاز موضع نقد حتى أنك لاتحبذ الذهاب

معه كثيرا وحتى في الاستراحة بعضهم اذا دخلت

لقيته ضابط القهوة والشاهي وكله حيوية ونشاط وبعضهم اذا دخلت

تلقاه منتنبل ولخوفه من النقد قد يبادرك بقول قسم بالله توي جاي

هذي قعدتي ثم تجده يقوم بتكاسل !!

بالنسبة للنساء انا غالبا اشاهد في البر مثلا رجل وزوجته فبعضهم

أول ما ينزلون على طول الاحظ المرأة اتكي بجنب كفر السيارة

والرجل يشيل ويحط ويدهر وهي

تستمر على هالجلسة حتى يغادرون المكان وبعضهن تجده حيه

وتشوفه تنزل وتحط وتشيل وتفرش وتجمع حطب وهذي تخلي

قلبك يخفق تحس إن به نومسه0

لذا اعتقد فيه وفيه من كلا الجنسين

اقتباس: ولو تزوجت على وحده عجازه شو بتعمل ؟؟؟

أجيب له ثلاث شغالات واجلس امدحهن قدامه

هذي ماتصلح لي أبد لأن العجازة انسانه متبلدة الحس والشعور

اقتباس: ولو خيرت بين شوقرديه ونصف جمال وعجازه وجمليه شو بتختار ؟؟

الشقردية أكيد انه شقردية بكثير من الأمور واحسن من جميلة ثلجية

بلا طعم ولا نكهة

لك ودي

[قـتـالـه]

اقتباس:  المشاركة الأصلية كتبت بواسطة عزف الحقيقة     أول ما ينزلون على طول الاحظ المرأة اتكي بجنب كفر السيارة

ياقرادة حظوه يوم يكشت مع ام برستيج
كفوها الكفر
خلها تركا عليه لين تمسح غباره :|

البر له اهله وناسه
ياكرهي للكشته مع امهات تنغيز بجوالتهن
ماتثيرهن الضو وحرث جمرها

<< شغلتها تعصد الضو لين ترمد وتطفي :|

[المبصر]

الاخ عزف

يعني تطلق العجازه مو صحيح ؟

يقول لك قلب الاسد في مداخلته اكثر الحريم عجازات ؟؟

وش نعمل مع هذه المشكله

[Modern]

المبصر
معرّفك يوحي بأنك جدي خلاف طرحك
المهم هنا
حقيقة ما اشوف لنا وجة نقول عجازات خصوصا في رمضان!
لاخلا ولا عدم من الظهر وهن بالمطبخ
وعلى قولة القايل هن يلفن سمبوسه قبل الاذان وحنا نلف السمبوسه بعد الاذان ر

[المبصر]

اقتباس:  المشاركة الأصلية كتبت بواسطة modern     المبصر معرّفك يوحي بأنك جدي خلاف طرحك المهم هنا حقيقة ما اشوف لنا وجة نقول عجازات خصوصا في رمضان! لاخلا ولا عدم من الظهر وهن بالمطبخ وعلى قولة القايل هن يلفن سمبوسه قبل الاذان وحنا نلف السمبوسه بعد الاذان ر

هل تعلم انه يوجد عندنا مليون شغاله

في بريده قلما يخلو بيت منها

وهل تعلم ان ربع سكان المملكه مصابون بالسكر

وهل تعلم ان السمنه تنتشر في النساء بصوره مذهله

وهل تعلم ان حوداث طلاق وقعت بسبب عجز الفتاه وعدم معرفتها للبيت

هل تعلم ان كثير من الفتيات تقضي النهار بالنوم والليل باللابتوب والجوال والاسواق

هل تعلم ان كثير من المدرسات تشرح وهي جالسه ؟؟ ولاتحضر للدروس ؟؟ وتغاب كثير عن المدرسه ؟؟ وتتاخر في المناهج ؟؟ وسأل المشرفات عن ذلك !!!! تجد ان العجز الوظيفي سمه بارزه وموجوده في العاملات في حقل التعليم !!!!


هذه اخي كلها حقائق ولاينبغي ان ندفن رؤوسنا بالرمال

العجز ينتشر بصوره مذهله هذا كلام الاطباء في عيادتهم وعلماء التربيه في مدارسهم وعلماء النفس وعلماء الدين هذه حقيقه وانكارها سفسطه

- ثم ان مفهوم العجز اوسع من كونه العمل بالمطبخ

هو كره وثقل العمل في الوجبات الاجتماعيه واهمال الذات

العجز يا عزيزي هو همال الذات ( شعرها شكلها ثوبها اناقتها ) واهمال خدمه الزوج والقيام عليه ( طعامه ثوبه بيته نومه فراشه ) واهمال الاولاد والقيام عليهم ( الرضاعه الاطعام المتابعه الاشراف ) واهمال القيام بالوجبات الاجتماعيه ( اهل الزوج - ضيوفه - )

[بنت الكرم 2008]

والله ياشيخ الي اشوفه ان العجز بالذكور اكثر البنت ليكسلت علطول تاخذ دش يروقها وينشطها الولد علطول ينحر المخده
البنت ليعطشت فزت وصبت ألما والولاد يصيبه الجفاف لين تجي ماما تسقيه
البنت دبره والولدك خامد مكانه
ولا حظها بالصغار
صح في من يعشق الكسل مو لانها كسلانه بس تحب تحس انها برنسيسه وش فيها كفرة ولا اشركت
خلها تونس وتدلع دامه معجب ابو الشباب انها تتفرغ للمرايه

[المبصر]

اقتباس:  المشاركة الأصلية كتبت بواسطة بنت الكرم 2008     والله ياشيخ الي اشوفه ان العجز بالذكور اكثر البنت ليكسلت علطول تاخذ دش يروقها وينشطها الولد علطول ينحر المخده البنت ليعطشت فزت وصبت ألما والولاد يصيبه الجفاف لين تجي ماما تسقيه البنت دبره والولدك خامد مكانه ولا حظها بالصغار صح في من يعشق الكسل مو لانها كسلانه بس تحب تحس انها برنسيسه وش فيها كفرة ولا اشركت خلها تونس وتدلع دامه معجب ابو الشباب انها تتفرغ للمرايه

- صحيح ان العجز موجود عند الجنسين
وصحيح ان الرجل اذا رضي بالعجازه فليس لنا معه كلام

لكن تبقي صفه العجز مذمومه حتى ان كثير من الاخوه فضلو العصبيه على العجازه قالو ( الطرير حلو ولو على الرقبه )

- لكني عندي سؤل يا بنت الكرام

مالذي تفعلينه في موجهه واصلاح العجازه ؟؟

[عازفة ألحان الليل]

بس انا اخالفك الرأي

العجازة الي محبطينها اهلها ويقارنون بينها وبين اختها هذي ماتسمى عجازة هذي محطمة ولا اول ماكانت كذا بس تحتاج شوي توجيه وتكون احسن من اخته هذي محطمة نفسيا

واضا المريضة لاتسمى عجازة هي كانت نشيطة ولكن الله قدر لها المرض اذن هي مريضة <ويكن بالمعلوم المريضة تشتغل حتى وهي مريضة لأن في طبيعتها تحب العمل فتسوي الي تقدر عليه والي ماتقدر تخليه .

بعض الناس يحبون العمل في طبيعتهم وفي دمهم لكن شاء القدر صارت ظروفهم ضدهم ومع ذالك هم نشيطين .

[المبصر]

اقتباس:  المشاركة الأصلية كتبت بواسطة شمس الصباح     بس انا اخالفك الرأي العجازة الي محبطينها اهلها ويقارنون بينها وبين اختها هذي ماتسمى عجازة هذي محطمة ولا اول ماكانت كذا بس تحتاج شوي توجيه وتكون احسن من اخته هذي محطمة نفسيا واضا المريضة لاتسمى عجازة هي كانت نشيطة ولكن الله قدر لها المرض اذن هي مريضة <ويكن بالمعلوم المريضة تشتغل حتى وهي مريضة لأن في طبيعتها تحب العمل فتسوي الي تقدر عليه والي ماتقدر تخليه . بعض الناس يحبون العمل في طبيعتهم وفي دمهم لكن شاء القدر صارت ظروفهم ضدهم ومع ذالك هم نشيطين .

-

كلام رائع وجميل

اسألك اخت شمس من اجل ان نتحاور

هل العجازه سببها خلقه وطبع ؟؟ ام بسبب التربيه ؟؟ ام بسبب الظروف الاجتماعيه ؟؟ ام بسبب القدوه ؟؟

بانتظار اجابتك

[عازفة ألحان الليل]

اقتباس:  المشاركة الأصلية كتبت بواسطة المبصر     - كلام رائع وجميل اسألك اخت شمس من اجل ان نتحاور هل العجازه سببها خلقه وطبع ؟؟ ام بسبب التربيه ؟؟ ام بسبب الظروف الاجتماعيه ؟؟ ام بسبب القدوه ؟؟ بانتظار اجابتك

العجازة سببها التربية ثم الظروف الإجتماعية
والقدوة راجعة للتربية

اما سببها خلقة وطبع ما اعتقد

[المبصر]

اقتباس:  المشاركة الأصلية كتبت بواسطة شمس الصباح     العجازة سببها التربية ثم الظروف الإجتماعية والقدوة راجعة للتربية اما سببها خلقة وطبع ما اعتقد

يقول علماء النفس

ان الانسان عباره عن وحده فيسيلوجيه وسسيلوجيه وسكيولجيه

بمنعي ان الانسان له ثلاث محركات

جسده و نفسه ومجتمعه ( طعام - الحاجه للقبول - الحاجه لاثبات الذات )

الان العجز بسبب الطبع موجود ومتقرر علمليا اثبته علم النفس الفارق وعلم التنشئه الاجتماعيه

لماذا ؟؟؟؟

لان العجز قد يكون خصله وراثيه في الجينوم المنوي حيث ان الصبغيات تحتوي على مورثات جسديه ونفسه تمتد عبر السلالات البشريه

اليس الولد ينزع على ابيه وامه واعمامه واخوله في شلكه فكذا في طباعه وتقول العامه (الخال تحت الوساده )

يقول العلماء الصفات نوعان كسبيه ووهبيه والعقل نوعان غريزي وكسبي ويقصدون بذلك ان الانسان يرث من اهله خصائصهم النفسه والجسديه

شاكر مداخلتك الكريمه