المساجد أم الأسواق في العشر الأواخر ؟

[نبض قلب]

حياك اخي الكريم
صدقت مناظر تستغرب منها في هذه الايام الفضيله ,,السيارات طوابير بالمجمعات كنهم يوزعون ببلاش
لكن معذورين يسوون كذا
مو كله تسوّق لا
تخيل كل يوم مهرجانات وكل يوم سحوبات وسيارات وهدايا عينيه ونقديه واجهزه بمبالغ طائله
يحق لهم يتركون كل شي ويروحون

ربي لا تزغ قلبي بعذ اذ هديتني
الله يهدينا ولايفتننا الا بطاعته

[روح لايسعهآ جسـد]

طقاقه بدون مايك

كل اللي قلته صاير لي وكرهني بالمسجد استغفر الله
افكر اكتب للامام ورقة يتفاهم معهن في احد المحاضرات


شسموهـ انت صازهـ باللي تقولينه
هي البضاعه الزينه ماتنزل الا دلولاتي ؟

[طقاقة بدون مايك]

اقتباس:  المشاركة الأصلية كتبت بواسطة روح لايسعهآ جسـد     طقاقه بدون مايك كل اللي قلته صاير لي وكرهني بالمسجد استغفر الله افكر اكتب للامام ورقة يتفاهم معهن في احد المحاضرات شسموهـ انت صازهـ باللي تقولينه هي البضاعه الزينه ماتنزل الا دلولاتي ؟

بو طبيع م يجوز عن طبعه ...دآم الحل الافضل موجود وش لتس اورآق وطلآيب وإمآم ...يعني الامام بيعدل من الوضع هلحين >>م هقوتي والله مآر الله يصلحن قبلهن بس





/



روح شئ مفروغ منه هذ1 ...موضآت والاشياء الزينة والحصرية تنزل ب موآسمهآ آكيد ...الشتاء تنزل موضاته ب الشتا والصيف كذلك وع افتراض انه عندنا ربيع برضه بيصير كذلك


قبل اسبوع رحت للمجمع ابي اشري لي شئ معين و ي ‘ الله ي آغلب المحلات قاعدين يفرزون بضايعهم القديمة وم به شئ ينشر ى هبد ابد وآمس رحت ل نفس المجمع وإذآ بـ تشكيلآت جديدة نآزلة و حصرية وتنزيلآت للعيد
يعني قبل 5 ايام من العيد تشوفي(ن) منزلين كل م هو جديد ويلمع ويبرق..من عقب م البضايع قديمة وتصفر وم به شئ زود



يعني حنآ نسميه لعآنة و خبث تجآر وهم يسمونها دهآ وحنكة تجآر



يستغلون الموآسم إستغلاال الويل الله وكيليك

[روح لايسعهآ جسـد]

معناتها بروح انام عشان اصح صح بالليل واروح لسوق
هههههههههه
مشكورة طقاقه بدون مايك
تسلمين

[كـش مـلـك]

ــ كتب أحد الأحبة :
ــــــــــــــــــــــــــ

يتعجب كثير من الناس لماذا لم نعد نستمتع بالعيد وحلاوته مثل زمان؟؟؟
... الجواب ببساطة هو أننا لم نعط رمضان حقه من العبادة والأجتهاد
... بل صار شهر للترفيه والمسلسلات .... والتسوق والوجبات
فكيف نتوقع أن نذوق حلاوة الطاعة ...
الأنسان لن يحس بحقيقة الراحة ألا بعد الجهد ... وحقيقة الشبع ألا بعد الجوع

[هــاويــے القصيمے]

ارحم النساء واغبط التجار

الحين الحريم يتقضن من السوق على بالهن بيزينن انفسهن بتلطيس وجيههن وعاد شف البس والله من زين الذوق

يازين الجمال الطبيعي الا نشوفه عند النساء بالخارج

المساجد ليست حكر على احدهن بس انتن تدورن اي شي قدام اهلكن علشان ماتروحن للمسجد

قديم العذر اذكر يوم حنا صغار اذا قال لنا ابوي الله يرحمه وراكم ماصليتو

التراويح نقول المذن مكرهنا بالمسجد وهو ماله دخل بس ندور عذر

[شيني سر عنوستي]

جزاك الله الخير

[كـش مـلـك]

ــ قلبتوها سواليف ...

[Miss Tala]

قتاله وش وجه التشابه بين الحرمه اللي بالمسجد وبين الفرخ ...!!
ميته ضحك عالتشبيه ..

يازيييييييييييين المساجد والاسواق غصب مالنا غناة عنهن ...

[قـتـالـه]

اقتباس:  المشاركة الأصلية كتبت بواسطة miss tala     قتاله وش وجه التشابه بين الحرمه اللي بالمسجد وبين الفرخ ...!! ميته ضحك عالتشبيه .. يازيييييييييييين المساجد والاسواق غصب مالنا غناة عنهن ...

هي مو حرمه ههههههههه
فرخ مطوعه توها طافه صغيره
تعرفين اللي لشافت عباة الكتف كفرت راعيتها
أوذت حرمه ورانا تقولها وشلون تصلين بعباة الكتف :|
قلت ترا ان ماسكتي يالفرخ والله لأعرس على ابوتس
شكله هو الامام وجايزينلي صوته
واليوم ماشفتها بالقيام وااااغربالي :/

[Miss Tala]

اقتباس:  المشاركة الأصلية كتبت بواسطة قـتـالـه     هي مو حرمه ههههههههه فرخ مطوعه توها طافه صغيره تعرفين اللي لشافت عباة الكتف كفرت راعيتها أوذت حرمه ورانا تقولها وشلون تصلين بعباة الكتف :| قلت ترا ان ماسكتي يالفرخ والله لأعرس على ابوتس شكله هو الامام وجايزينلي صوته واليوم ماشفتها بالقيام وااااغربالي :/

هههههههه هين امرهن سهل لا صارت فرخ ..
عاد اللي طاف ومن هالنمونه ماله الا السهج ...بس الظاهر طاري العرس سكته ...

ماجت القيام الظاهر متوحشه ...والا انها اقتنعت بعباة الكتف ...حداهن ..

[عزف الحقيقة]

ياساتر هذي مشاكل الحريم

وهن بس يصلي بالمسجد شهر لا وشهر يصفطن به

الشياطين اجل وش راح يكون الحال لو يصلي طول السنة بالمسجد

سبحان الله الشرع ماخلى شيء فعلا افضل صلاة للمرأة

ببيتها

والمفروض ماتروح للمسجد الا التي عمرها فوق الخمسين

[ابو كندا]

لكل الاعضاء الي يدخلون

والله انكم مسئولين يوم القيامه

البنات اللي فوق ينخرون بالدين نخر

ويستهترون بالامر بالمعروف والنهي عن المنكر

ويسمنه لقافه

يمكن يصير فيه اخطاء عند النصيحه

من الاخوات هذا امر واقع ويحل بالتناصح

اما هذا الاستهتار الحاصل

امر لايرضاه الله ونخشى من سخط الله

[قـتـالـه]

اقتباس:  المشاركة الأصلية كتبت بواسطة ابو كندا     لكل الاعضاء الي يدخلون والله انكم مسئولين يوم القيامه البنات اللي فوق ينخرون بالدين نخر ويستهترون بالامر بالمعروف والنهي عن المنكر ويسمنه لقافه يمكن يصير فيه اخطاء عند النصيحه من الاخوات هذا امر واقع ويحل بالتناصح اما هذا الاستهتار الحاصل امر لايرضاه الله ونخشى من سخط الله

ياحزني
ابو كندا وضع اصابعه في آذانه واستغشى ثيابه :|
وقذف بنات المسلمين انهن ينخرن نخر السوسه
الحمراء بأعجاز النخل :|

ياحيي ترانا مسلمات وربما اعلى منك بالدرجات واسمى بالمكانات
لست داعيه انما قدوه برقي ظنوني وأدب عباراتي . . :/
لن اتهم مسلمآ يومآ بما يكره احتسابآ وليس خوفآ ..

تدري وش مشكلتك ياابو كندا
تمتلك فؤاد ازرق متوجس
وديدنك لاأحد يقرب للدين وأهله وكأننا بنات المجوس

ياحيي
تموت يدي وتشل قبل ان انخر قوام وجودي اللي هو ديني

انما التصرفات الهوجاء من المتمسكين بالدين بالمقلوب
لاتمثل الاسلام ولا أهله
هؤلاء مقاومتهم نوع من الاحسان . .
وانت اولهم عندما هاجمتني
وين الدعوه لله باللين والنصيحه بالحق
حسيتك من الاعراب اللي توهم طافين بالدين هه

شوفة عينك
كم ردت من أخت وقالت مااروح للتراويح بسبب صفاقة داعيات !

وهل أولات الدعوه الحديثات من أهل البيت
او بنات انبياء لايصدر منهن الخلل
ولابد من الترضي عليهن ورضاهن !

انتهى زمان امي بنت الطنايا وأمهم
عندما كان الدين يصدر من اشخاص بعينهم
ولهم الحق بالتحريم والتحليل


الحمدلله موارد الدين الان يانعه وبكل نقرة كيبورد
استطيع ان اجد حكمآ اوقف فيه امثالك عند حدهم


يومنك عجزت ترد علي استفزعت بالاعضاء هههههه

[كـش مـلـك]

ــ حرية الرأي مكفولة كما والظرافة كذلك والتوازن وحسن الظن بالآخر مطلوبان بين كلا الجنسين وتبقى المرأة شقيقة الرجل وملح الحياة كما ويبقى الرجل ملاذ الآمان وعنوان الحب والحماية فلا مناح من سعة البال والصدر ..

ــ لنتحمل بعضنا البعض فكلنا إخوة وأخوات ليس بيننا هنا سوى الفكر الذي هو نتاج التربية والثقافة ، ولولا الأذواق لبارت السلع .

ــ محبكم / كش ملك