عمل الرجل في البيت ......!

[أوبس مير]

اقتباس:  المشاركة الأصلية كتبت بواسطة عزف الحقيقة     هذ يعود لثقة الرجل في نفسه وتقديره بتقديم المساعدة أما من يعتقد أنه يقلل من قيمته فاعتقد أن هذا النوع مهزوز لك ودي

صحيح كلامكـ
من يعتقد انه عيب هذا فيه خلل

أثابكـ الله
كلام قليل ولكن يحمل درر

شاكره مرورك العطر

[أوبس مير]

اقتباس:  المشاركة الأصلية كتبت بواسطة مايا     لا ألاوه تخلي أبوي والا أخوي يدخل المطبخ الصراحة أنا ماأؤيد الرجل يشتغل بشغل البيت

ليس القصد

بـ أن يدخل الرجل المطبخ ويسبع ويطبخ ووو
لا القصد أن يسااعد ....

وفيه فرق بين الثنتين

والله والله فيه رجاال متكلين على زوجاتهم حتى بأغراض المنزل هي اللي تشتريها

طيب وين قول الله .. الرجال قواموون على النسااء ..


شاكره مرورك العطر

[كااااجو]

اقتباس:  المشاركة الأصلية كتبت بواسطة عاشق ديرتي بريده     ماهو عيب ولاينقص من الرجوله .... بس كسل والمفروض اذا نويت اساعده بالعمل تقول لا لا ياحبيبي لا تتعب نفسك يكفي انك تعبان برا علشاننا والله يانا مالي خلق اغسل صفريه تحتيه حكاكه !!

خخخ حلوه يعني الحكاكة برا الصفربه حله عاد

[كااااجو]

مافيها شي ...اهم شي اذا اثقلني مايحمله بطني ودي يرفع الصينيه لي او يوديها للمطبخ والله مايقصر بهذي فديت روحه والحوش غسله 5مرات من عمر زواجنا اللي ماكمل الست سنوات بس مش ملزوم بنظري لأنه كافي هالدوام لو انا رجل مازين شي ...بس اذا صار اخر من غسل الحوش يقول واغسل الحوش ولا اكلف عليك ويذكره سنه كود مايغسله هههه

[سحر الورد]

موب لازم يدخل المطبخ ويطبخ او يغسل

او يمسح وغيرة

على الاقل يقوم بترتيب اغراضة

وينضف مكانة
مو يدخل المطبخ وياخذ الصحن ويجلس بالصالة ياكل وبعدها تركة
محلة او يفتح قرطاس ويرمية بالارض

نجلس تلاحق فية ننضف وراة تقول بزر

وخاصة لما تكون المرة مو موجودة تلاقي البيت حاسة حوس




يعطيك العافية

[هلاوين]

خل اقولك باعلى صوتي من كمال الرجوله مساعدة الرجل اهله في البيت

كما كان يفعل الرسول صلى الله عليه وسلم

لكن انا شخصيا والله منب اساعدهم لاني عجااااااز

ولو يحصل يجيبون الماء ويشربونن مارفضت هههههه


موضوع جميل شكر اوبس مير

[أم سلطان]

اقتباس:  المشاركة الأصلية كتبت بواسطة متزوجه ولكن     اسمك مخالف لردك ولكن هل من العيب قيامه بغسل فناء المنزل وانه لا يناسب ان يقوم به الرجل هل من العيب حمل الغاز وتركيبه عنها ؟\ هل من العيب نقل الأغراض عنها لا نقول أن تكون المرءاه جالسه والزوج يغسل بس مايمنع ان تمسك الأشياء الدقيقه وهو الأشياء الكبيره اجل منتي من موؤيدي سياقة المراءه للسياره ؟

هلا اختي

ان اقول عمل النساء وليس نقل اسطوانة غاز اومثل هذه الامور
مع العلم انني ولله الحمد اقوم بنقل اسطوانة الغاز بنفسي
الرجل له اعمال خارج المنزل هل تقوم المراءه بمساعدته بها او القيام ببعض من مهامه بدوائر الحكوميهاو غيرها ؟؟

ياغاليتي بعض النساء اهانن الرجال حتى غسل الملابس غسل !!!!

صدقتي ياالغاليه ان باالحقيقه لست مؤيده ابدا لسياقة المراءه وليس الموضوع سياقه والسلام الموضوع فتن سوف تنفتح علينا نحن بغنى عنها

هذا راي ومقتنعه اقتناع تام ان الرجل كافيه عمله خارج المنزل اعانهم المولى على كثرة مسؤلياتهم

[آنين الورد]

جدد لييه رجالنا كذا يحس انه اهانه والاايش،،!؟
وربي هذا يزيد من المحبه والالفه بيينكم،،

وش فيها لما تشوف زوجتك تعباانه او حامل او او او،،! تروح وتريحه وتسبع وتنظف وربي ترى المرأه ضعييفه كل شي يتعبه

ربي لايخلينا منهم ويسخرهم لاهلهم وزوجااتهم ي رب،،

شااكره لگ المووضووع الرووععه~

--ودي لگ--

[طقاقة بدون مايك]

جدي شيف مآهر ...بدآ يطبخ ل نفسه من بعد م تقآعد ...وضع له ف غرفته زي المطبخ الصغنون .....يطبخ ل نفسه لانه به السكر و يبي يعتمد على نفسه ب جدولة طعآمه...ع الرغم من أن بنآته يخدمونه ب عيونهم ....بس هاذي رغبته .....لا وآحيآنن يعزمنـآ ع طبخوه ...يئبرني م شاء الله تبارك الله..>م نقص من قدره وهيبته شئ ...م تلبق المشيخة الا عليه وم ضره هذ1 انه يعرف يطبخ ب شئ...بلعكس الا زآده عزة على عزة >... ّّ





لكن جدي هذ1 كآنت قضى 9 سنوات من فترة شبابه ودراسته ف أمريكـه...ف ي لتأثيرهم العجيب....>>... ّّ




أعتبر الرجال المساعدين ل نسائهم ف اعمال المنزل ...ع الاقل يشيلون انفسهم فقط ويرتبون حوستهم ومكانه ...ولا بأس لإن كان فيه اعمال اخرى يجيدونها ف المنزل وليس ب الضرورة إمتهانها ولكن المساعدة وقت الحاجة فقط ...أنا اعتبر النوعيه هاذي ب العقول الاوبن مآيند....>>... ّّ



آخوتي البنين يشآركون ف اعمآل المنزل ...حالهم من حالنآ ....لانه مو بس حنا الي عايشين ب البيت ....وكلن يشتغل ويدهر ....>>... ّّ

وآنآ س أربي ورعآني هآكذ1 إن شاء الله ...ألكل سوآسية عندي ف اعمال المنزل....>>... ّّ

[منبع الحكمة]

عمل الرجل في بيته ومع زوجته شرف لأن نبينا محمد صلى الله عليه وسلم فعل هذا الشيء

وأريد أن تنتبه الزوجة لبعض النقاط

- أن تمدح زوجها حينما يقوم بأي عمل من أعمالها
- أن تستدرج زوجها للعمل بالبيت ، وخاصة إذا كانت متعبة وذلك بالطرق الخاصة للحريم ، وخاصة في المطبخ وعلى المغسلة أو عند الغسالة ( وهما وحيدين )...!!!!
- أن تفهم الزوجة أن العمل معها ليس فرضاً وأمراً وغصبا ،، وإنما هو يساعد على الألفة .
- أن تفهّم زوجها أن العمل معها هو تربية للاولاد حتى يعتمدوا على أنفسهم بالمستقبل ،، وأرجوا أنها ما تجيب طاري أن العمل معها تربية للأولاد على أن يساعدوا زوجاتهم بالمستقبل ...

شكرا لألك على الموزوع ...

[يزيد 2011]

طيب واللي عندوه شغاله وش يسوي ؟؟

الحمدلله ماعمري قلت لأهلي لا كل شي اسويه لهم

اوديهم واجيبهم وامشيهم

اشوف بعض التعليقات يقولون تنظف ومادري وشو وراه وش شايفينا
الى هالدرجه الرجال مايهتمون بالنظافه ؟؟

اذا تزوجت جبت شغاله والحمدلله رب العالمين !!

[أوبس مير]

اقتباس:  المشاركة الأصلية كتبت بواسطة to be     بابي وامي انت يارسول الله صلوات الله عليه وسلم اذا كنتي تعلمين اننا لا نرتقي لمرتبته فلماذا تقارنينا فيه ؟

بما انه رسول الأمه
علينا ان نتبع سننه وأفعااله وماكان يعمل ..

بالعكس كان يساعد زوجاته برووح من المررح

ومن يعمل في بيته له اجر عظيييم

رفيق بنسائه

وفي وقت يخجل كثير من الرجال من مساعدة زوجاتهم معتقدين أن ذلك قد يقلل من مكانتهم ،نجد رسولنا الكريم لا يتأخر أبدا عن مساعدة زوجاته ،فقد روي عن السيدة عائشة في أكثر من رواية أنه كان في خدمة أهل بيته. فقد سئلت عائشة ما كان النبي (صلى الله عليه وسلم ) يصنع في بيته؟ قالت: كان يكون في مهنة أهله (أي خدمة أهله) (رواه البخاري). وفي حادثة أخرى أن عائشة سئلت عما كان رسول الله (صلى الله عليه وسلم ) يعمل في بيته؟ قالت: "كان يخيط ثوبه ويخصف نعله ويعمل ما يعمل الرجال في بيوتهم"





و أحسن منك لم تر قطٌ عيني ... و أحسن منك لم تلد النساء

خلقت مبرءٌ من كل عيب ... كأنك قد خُلقت كما تشاء

وشكرآآ..

[أوبس مير]

اقتباس:  المشاركة الأصلية كتبت بواسطة كااااجو     مافيها شي ...اهم شي اذا اثقلني مايحمله بطني ودي يرفع الصينيه لي او يوديها للمطبخ والله مايقصر بهذي فديت روحه والحوش غسله 5مرات من عمر زواجنا اللي ماكمل الست سنوات بس مش ملزوم بنظري لأنه كافي هالدوام لو انا رجل مازين شي ...بس اذا صار اخر من غسل الحوش يقول واغسل الحوش ولا اكلف عليك ويذكره سنه كود مايغسله هههه

ههه مو هذي المشكككله

يتم يعيد ويزيد اذا عمل شي لأنه مو متعوود
ومو شي طبيعي

طيب الحرمه تدااوم ليه مايصير كافي عليها
تجي من الدواام تعباانه وتسوي الغداء وتسبع وووو

حنا مانبي منهم شي بس لايحووسوون ويسوون اللي يخربوونه

يعني قمة الفوضويه مافيه نظاام
بتفكيره ورااه حرمه كأنها شغاله بتسوي اللي خربه
خلاص هو يطلع من البيت وهو مرتااح

ليه الحرمه ماتتعب ترا هي أضعف من الرجل
من غير الاوجاع اللي تجيها
حمل طلق ولاده
تربيه أطفاال وووو

أنا ماغثن الا شي واحد

ليه الرجال الأجانب يساعدون زوجااتهم
وحنا لا < حمقت ههه
شاكره مروورك العطر

[أوبس مير]

اقتباس:  المشاركة الأصلية كتبت بواسطة سحر الورد     موب لازم يدخل المطبخ ويطبخ او يغسل او يمسح وغيرة على الاقل يقوم بترتيب اغراضة وينضف مكانة مو يدخل المطبخ وياخذ الصحن ويجلس بالصالة ياكل وبعدها تركة محلة او يفتح قرطاس ويرمية بالارض نجلس تلاحق فية ننضف وراة تقول بزر وخاصة لما تكون المرة مو موجودة تلاقي البيت حاسة حوس يعطيك العافية

علييييييييييك نووووور
وهذا المقصد بكذا يكون ساعد زوجته أو خوااته

فتح الله عليك >< حسيت أني مصريه ههه

شاكرهمرورك العطر

[أوبس مير]

اقتباس:  المشاركة الأصلية كتبت بواسطة هلاوين     خل اقولك باعلى صوتي من كمال الرجوله مساعدة الرجل اهله في البيت كما كان يفعل الرسول صلى الله عليه وسلم لكن انا شخصيا والله منب اساعدهم لاني عجااااااز ولو يحصل يجيبون الماء ويشربونن مارفضت هههههه موضوع جميل شكر اوبس مير

كلامك عين العقل
والله عاد عجااز هذي مشكلة الخليجي
هو ماذبحه الا عجزه وكبرياائه اللي مدري منين جايبه...

أجل يشربونك < هههه الله يعين أهلكـ عليك

الجميل مروورك العطر
شاكره لكـ