هل مهر الفتـــــــــاه دليل ع قيمتهــــــــــــا

[ملكه بعز الخوالد]

اقتباس:  المشاركة الأصلية كتبت بواسطة shahd2007     نرى ونسمع الكثير يشتكون من المهر المهر هديه من الزوج لزوجته تعبيرعن مكانتها وتقدير لها موب تفاخر وبيع وشراء للبنت او دليل على قيمتها

اي فتاه لو قدم لها مهر اقل من الخمسين اكيد راح تضايق وتحس انها مالها قيمه وانا اكيد ماارضى بأقل من الخمسين ..خلي البنت تتفاخر وتنبسط


اجل الناقه تنشرى بملايين . واحنا بعشرين وعشره هنا البذخ والاسراف

[ملكه بعز الخوالد]

اقتباس:  المشاركة الأصلية كتبت بواسطة زنقازنقا     حيالله ملكة الخوالد موضوع طيب جدا غلاء المهور من المهم ان يعرف انه لايقتصر على بلد دون بلد ففي الشرق والغرب غلاء مقارنة بوضعهم الاجتماعي وهو لايدل على قيمة البنت او لا انما هي من العادات الجاهلية والاستنفاع من هالمسكينة والا وش دخل الابو والام والاخوة ياخذون من المهر ؟؟ وعموما تراهن بيرخصن إِنَّ مِنْ أَشْرَاطِ السَّاعَةِ أَنْ يُتَّخَذَ الْمَسَاجِدُ طُرُقًا ، وَأَنْ يُسَلِّمَ الرَّجُلُ عَلَى الرَّجُلِ بِالْمَعْرِفَةِ ، وَأَنْ تَتَّجِرَ الْمَرْأَةُ وَالرَّجُلُ جَمِيعًا ، وَأَنْ تَغْلُو النِّسَاءُ وَالْخَيْلُ جَمِيعًا ، ثُمَّ تَرْخُصُ ، فَلَا تَغْلُو أَبَدًا

ربي يحييك ,.

غلاء المهر يقتصر ع حالة الزوج اذا كان قادر قدم غالي واذا حلته جيده قدم وسط واذا حالته بسيطه قدم شي بسيط


واذا جت الساعه كل شي يرخص بعيون الناس مايصير الشي له قيمه

[شاها]

آآجل أرقام خياليه وينهن مانشوف اللي تقولين
والله كل مال المهر ينزل شوي ويصير قيمه غرفة نوم
عاد تدرين بابنت عمي
دآآيم اندب حظي آني منب بدويه وآلآ كان اللحين
يدفع لي 200 الف آآآخخ وحتى لو آنا قبيحه المعشر والبدي
غصبن عليه مو 40 ومزكومه آآف الحظ مدعوس <<

[ملكه بعز الخوالد]

اقتباس:  المشاركة الأصلية كتبت بواسطة الصيااد     نعم يدل مقدار المهر على قيمة الفتاة . انا شخصيا لا يمكن ان ادفع مهر الا بعد ان اشوف الفتاة واقدر كم تسوى .؟

وجهة نظر احترمها ..


لكن اذا كنت تبي تقيسها بجمالها وشفت البنت وقدرت انها تسوى

مية الف او الفين ع جمالها. وتيسر زواجك عليها واثناء الحياه الزوجيه للأسف

ماعشت معها بسعاده وحياتك كلها مشاكل لاسمح الله هنــــــا اكيد راح تقول

خساره عليها المية الف .. لازم تسوي شي ماتندم عليه

بعض الازواج يندمون ع تقديمهم لمهر غالي لانهم اكتشفو ان الزوجه

ماتستاهل كل اللي دفعته

[قـتـالـه]

اقتباس:  المشاركة الأصلية كتبت بواسطة هوارة     يدفع لي 200 الف آآآخخ وحتى لو آنا قبيحه المعشر والبدي

ولهن طلاعه مع كل وغد لو يوصل عددهم 15 :|
ياخذها من بيت اهلها عقب النفاس وعلى محلات الذهب
ماتحتسي عليه الا عقب مايلبسها كيلو غويشات
على قولة ام الطنايا يمنها قعدت تتأمل بأحوال البدويات
تنهدت وتقول الله يعز الاسلام هههههههههههههههههههه
لباها من راسها لمواطيها

[ملكه بعز الخوالد]

اقتباس:  المشاركة الأصلية كتبت بواسطة تركـي     في ظل متغيرات الحياة .. والغلاء الحاصل في المعمورة .. تختلف قيمة المهر من عائلة وعائلة وقبيله وقبيلة وهجره وهجره .. المتعارف عليه هو مابين الــ 40 الى الـ60 الف للبنت البكر .. ويكون هناك إتفاق حول تكاليف ليلة الزواج بين العائلتين .. هناك جماعات فيه مبالغه في المهر قد يصل الى 200 الف وكل هذا على ظهر الشاب ولو قسنا تكاليف الزواج من ناحية القصر والعشآآ والقهوه والبخور كل هذا على عاتق رقبة الشاب .. قد تصل فيه القروض الى سنوات كثيرة كان من الممكن الآستفادة منها لصالح الزوجين بشراء آرض أو بيت صغيرأو سيارة جديدة ويكون هناك حفل مبسط يجمع آهل العروسين ومن يعز عليهم .. لكن المصيبة آصبحت الفنادق والقاعات والقصور مجرد تفاخر والغريبه آبطالها الأمهات كل وحده تقول الآ بنيتي والآ وليدي لازم يظهر بأبهى حلة في العرس ليش آحنا آنقص من الفلان والعلان .. للأسف الزوآج هو بركة وتيسير لكن البعض حوره الى مناسبات وهياط وتفاخر وإسراف وبذخ وبوفيهات وزفه وشبكه ومدري من هالمصطلحات الدخيله على مجتمعنا .. والغريب آن الفرح هو للأطفال وهم ممنوعين من دخول المناسبات .. حتى مايحوسو على قولتهم المناسبة ويلعبون بالحلا والفطااير .. وحتى آصبحت ظاهرة البطاقات الخاصة في التقليد الآعمى ... بينما يتكلم الأولين بأن المناسبات كانت تجمع جميع آهل الحي بكل آجناسهم وتصنيفاتهم .. والكبير والصغير بأيسر السبل لظهور الفرح ..

ايوه هنا المشكله .. العائله البسيطه تتكلف فوق فوق طاقتهم

منشان يتنافسون مع العوائل المقتدره ومنشان ايقال عن زواجهم زواج

امراء وتطلع كل تكاليف الزواج سلف ودين للأسف ويضل الزوج يدفع

ديونه لسنوات ويصير زواجه نكبه

وصارت الان الزواجات منافسات (فاليتنافس المتنافسون )

من اللي زواجه احسن من زواج الفلان


لكن الثري او الغني ايحق لهم اذا ماكان فيه ديون او تكلفه

[ملكه بعز الخوالد]

اقتباس:  المشاركة الأصلية كتبت بواسطة هوارة     آآجل أرقام خياليه وينهن مانشوف اللي تقولين والله كل مال المهر ينزل شوي ويصير قيمه غرفة نوم عاد تدرين بابنت عمي دآآيم اندب حظي آني منب بدويه وآلآ كان اللحين يدفع لي 200 الف آآآخخ وحتى لو آنا قبيحه المعشر والبدي غصبن عليه مو 40 ومزكومه آآف الحظ مدعوس <<

فيه كثير اللي يدفع 100 و 200 وهذي فئه من الناس اللي هي قادره ع دفعها

الله يجيب لك اللي يدفع لك مية الف زين هيك ولا تبين اكثر ههه

[شاها]

اقتباس: ولهن طلاعه مع كل وغد لو يوصل عددهم 15 :| ياخذها من بيت اهلها عقب النفاس وعلى محلات الذهب ماتحتسي عليه الا عقب مايلبسها كيلو غويشات

قصم لآشفتهن عند محلات الذهب
حشي من هالذهبان بنت الذين
والرجل مغير يدربي الدميجه هاه لاتزعل
عاد اذا جايبه ولد رآآسه مترين
المحل كله له ووالله ياهن
عايشات عيشه الملوك بنات الذين وحنا نفرح بطقمن فطسه والا قطعه جوال

خلينا على اشهبنا المنتف باس الشكوى لله هذا المكتــــوب
شين نعرف له ولاشين نجهله << تهون على روحه

[راعي الدار]

لالالالالالالالالالالالالالالالالالالالا

[شاها]

اقتباس: فيه كثير اللي يدفع 100 و 200 وهذي فئه من الناس اللي هي قادره ع دفعها الله يجيب لك اللي يدفع لك مية الف زين هيك ولا تبين اكثر ههه

آآنا آآآعرف هــوامير ارصدتهم بالمليارات
وزواجاتهم باستراحات ومهورهم 50 باس عاد
خبرك حقين بريده لو تموتين يخلون القرش يتنفس
بالله اللي تسولفين عنهم ذول البدو ياعين امي ..
لا ميه شويه زيدي هي من جيبك هه

[الصيااد]

اقتباس:  المشاركة الأصلية كتبت بواسطة راعي الدار     لالالالالالالالالالالالالالالالالالالالا

حياك الله ياراعي الدار ..

معليه شكلة يجرب صوته .........

[بدويه متحضره]

غلاء المهر او رخصه لا يدل ع مكانه البنت او قدرها عند اهلها الحين البنات قامو يتشرطون يكون مهرها غالي عشان التباهي بس




وبعض الزوجات مهرها غالي وهي غاليه وبعضهن مهرها رخيص وهي كذلك

^^^^^
ويمكن العكس تماما

[shahd2007]

اقتباس:  المشاركة الأصلية كتبت بواسطة ملكه بعز الخوالد     اي فتاه لو قدم لها مهر اقل من الخمسين اكيد راح تضايق وتحس انها مالها قيمه وانا اكيد ماارضى بأقل من الخمسين ..خلي البنت تتفاخر وتنبسط

اقتباس:  المشاركة الأصلية كتبت بواسطة ملكه بعز الخوالد     اجل الناقه تنشرى بملايين . واحنا بعشرين وعشره هنا البذخ والاسراف

اكيد بتتضايق لان اقل من خمسين ماتمد ..!
شوفي اذا بيخطبني من اللي يشتري النياق بملايين هنا
نغير المتعارف عليه ونطلب مهر اكثر من ناقته

اقتباس: والغريب آن الفرح هو للأطفال وهم ممنوعين من دخول المناسبات .. حتى مايحوسو على قولتهم المناسبة ويلعبون بالحلا والفطااير ..

هاه من يقول الفرح للاطفال ليه ملاهي
الاطفال ي زين بيتهم لهم وتراضيهم بعشاء من برا
وتوعدهم بملاهي لكن ناس متكلفين
اجيب لي صفه بزران يحوسون بمراكضهم وفوضويتهم

<<متعقده ماحضرت زواج الا يوم صار عمري 14
وعشانه زواج خالتي ولا كان مااروح

[عزف الحقيقة]

أهلا ملكة

..

المرأة لاتقدر بثمن زاد أو نقص مهرها

اقتباس: هل هذا عذر او سبب في غلاء المهور ؟؟

كل شيء زاد وارتفع ماعدا المهر

المهور في جميع انحاء المملكة تعتبر قليلة جدا

ولا تفي حتى بمتطلبات الزوجة وتكاليف الزواج

فالغالبية 50 الف ماعدا الحالات النادرة التي

قد تحدث في كل مكان

تحيتي لك

[أسيل محمد]

.
.
عُمر المهر مادل على قيمة البنت عند اهلها ولو كان كيذا كان اغلب البنات قعدن ببيوت اهلهن بدون زواج ..
بعض المهور رخيصة جدا وهذا أبدا ماهو رخص بالبنت قد ماهو ان الاهل يبون الستر لبنتهم ومتحسفين بالشاب ..
واللي يحدد قيمة المهر هو العرف السائد ..