ما هي ردة فعلك ؟؟؟ للرجال فقط

[الجنـرآل $]

طبعا هي مادقت علي وتبي تخطبن وبدون مهر بعد إلا هي تدري بوسامتي واني جنتلمان

حصلي موقف مع وحده من قرايبنا مريت من عندهم اباخذ غرض وشافتن
وابلشتن قالتلي تراي ابزوجك وحده من بناتي واختر حداهن عاد انا قلتله يصير خير قالتلي خلاص اجل قلت وش خلاص بعدين انشاء الله عاد الله يستر اذا ماجت وقالت لأمي خلي ولدك يعرس على وحده من بناتي عاد اببلش والله يستر اذا ما ارسلتلي رساله نصيه وقالت تراه حنا شارينك

[بحـر]

اقتباس:  المشاركة الأصلية كتبت بواسطة عزف الحقيقة     مصدق الصياد ... ماعمري فتحت الباب لطارقة أنثى الا وأجدها متسوله

الله يهدييييك يا عزف
صارت متسولة ؟

[بحـر]

اقتباس:  المشاركة الأصلية كتبت بواسطة رفيــع الشــان     سبق حدث مثل هذا التخيل مع اختلاف الاحداث الاحترام والتقدير سيكون من نصيبها القبول والرفض حسب الضروف

اجابة منطقية رفيع الشان

[بحـر]

اقتباس:  المشاركة الأصلية كتبت بواسطة الـــفـــ@ــــد     ما عندي مانع لكن ترى مهري غالي

أغديك مخفض شوي دايم التخفيضات تدهر هالأيام
موب عاد لدرجة تدفع لك مهر

[بحـر]

اقتباس:  المشاركة الأصلية كتبت بواسطة مهندس الكلمات     يمكن اذا كنت شايب وفقير وحالتي حاله يمكن هاه لاحظوا يمكن وقتها أوافق

بعد يمقن ؟؟
لا تصدق بالحيل وش تبي بك لا كنت شايب وفقير بعد !

[بحـر]

اقتباس:  المشاركة الأصلية كتبت بواسطة التنين الصيني     انا برفض واقول : بـ كمل دراستي .... الا اذا وده تصير الثالثة .... ! ما عندي مانع

يمكن توافق تكمل دراستك عاد بنات هالوقت فاهمات

اللي اخذت على الأولى و الثانية مهيب بعيده تاخذ على الثالثة توقع تطق بيتكم ؟
بس لا منه طقت يمكنه ما تعرف بيت الأولى من الثانية ثمن عاد تفتح له الثانية و تروح فيها أنت ولا
لو تفتح الأولى اكيد بتتكفل بكل الزواج

[بحـر]

اقتباس:  المشاركة الأصلية كتبت بواسطة shahd2007     ^ عاشوا الجو وصدقوا اهم شي اشرطوا بيت لحالكم عيال الناس موب لعبه يحطون عند حموله

ليتهم بس عاشوا الجو لا بعد يتدلعون

[بحـر]

اقتباس:  المشاركة الأصلية كتبت بواسطة عاشق ديرتي بريده     وانا ناقص غثاء

الله يعينك

[بحـر]

اقتباس:  المشاركة الأصلية كتبت بواسطة عازفة ألحان الليل     إذا تبين رايي ماعتقد الطريقه مصتصاغه بمجتمعنا حتى لو تكون كبيره بالسن الكبيرات بالسن اعتقد لهن طرق غير هذي الطريقه تخيل في يوم من الأيام جتك بنت = فتاة = آنسه<<طيب تراهم فهموا خخخ سواء عن طريق مسج أو اتصال أو رسلت لك احد المهم قالت لك أبيك على سنة الله ورسوله و ما ابي منك مهر ولا شي أنا شاريتك وش بتكون ردة فعلك ؟ بكل صراحة و مصداقية ! خير إن شاء الله وين حنا به !!!! والله الطريقه غلط حتى الشباب ماسووها !!! على كل حال هي أخلاقك من تجعلك مرغوبه ومخطوبه وليس الطريقه شكرا لك

ممكن غير مستساغه لكنها موجوده
ما عنيت أنا التفاصيل بالضبط
اللي قصدته تختارين انتي زوجك وفق المواصفات
اللي تبينها تخطبينه انتي يعني
طبعاً شي اكيد أخلاقك اللي تخليك مرغوبه بس
وش يدريك بأخلاق اللي بيكسرون باب بيتكم
أحياناً تكوني مرغوبه من الجميع و الخطاب اكثر
من النمل بس اللي في بالك و طموحك ما حصلتيه معهم !
فهمتيني

[بحـر]

اقتباس:  المشاركة الأصلية كتبت بواسطة ابو فارس الحمادا     نرحب بها أشدالترحيب ونفتح لها قلوبنا إذاواجهك خير واجهه إذاهبت رياحك فاغتنمها

حلو اغتنام الفرص
موب يتشرط الواحد همن عاد يعنس ببيتهم

[بحـر]

اقتباس:  المشاركة الأصلية كتبت بواسطة سَـاكنة القـلب     أختي الكريمة بحر ، دعابتك المرحة أراها حلًا جديًا لنجاح الزواج ، وأراهن على ذلك . كان الصحابة – رضي الله عنهم – يحملون هم البنت لا الولد ويخطبون لها قبله ، وهم في زمن الأخيار الأنقياء أصحاب الأمانة .. ! فالأولى بنا في زمنٍ عزّ فيه الصالح أن نتسابق لخطبة الرجل الأمين الذي نسلم له ابنتنا فلذة كبدنا هانئين مطمئنين ، ولو تطّلب الأمر مساعدته ماديًا في سبيل إتمام الزواج .. للأسف درج عند الناس أنّ من تُخطب بهذه الطريقة هي التي يوجد بها عيب أو رغب عنها الخطاب ، وهذا اعتقاد خاطئ وغير منطقي ألبته ، بل إنّ جميلة الأخلاق والخلقة هي التي لا يُسلمها والدها إلى أي أحد .. ! الرجال أعرف بالرجال ، وحريٌ بالأب إذا وجد الرجل المناسب أن يشاور ابنته فيه ثم يطرح عليه الموضوع ثم تتم باقي أمور الخطبة والزواج . أما مسألة أن يتقدم غريبٌ تمامًا عن العائلة ، ثم يُسأل عنه أسبوعين ؛ فبعيدة عن الأخذ بأسباب التوفيق ، سيما أن كثيرًا من الناس أصبح يثني على الخاطب ولا يذكر حقيقته خوفًا من قطع النصيب ، وهم بذلك يقطعون السعادة عن زوجته المستقبلية باقي عمرها .. !

يسلم قلبك ساكنة القلب
صدقتِ في كل حرف
الله يسعدك دنيا و آخره

[بحـر]

اقتباس:  المشاركة الأصلية كتبت بواسطة هوارة     / بحري لآتخافين عيالنا مايردون من لطافتهم وحنيتهم ماتسمح بكسررالخواطر بنيه وببلاش ياهو مدعي له من آميميته ههه لآفض فوك خيتي ساكنــة كلام جميل لكن بعض الجاهلات آعرفهن تكره كذا تقول آآنا مجدوعه فيني عيب تزعل على محارمها لذكروها لمن يعز عليهم ويعجبهم ..

الله لا يخلينا
صادقة بعض البنات غريب تفكيرهم
يعني اللحين من غلاتك بيختارلك اللي يحفظك
طول عمرك و ترفضين !

[بحـر]

اقتباس:  المشاركة الأصلية كتبت بواسطة دلوعه بكيفي     <<مو تخيل ابتخيل مثلهم اني رجل وطاقه علي بنت والله لو انا رجال وربي مااخذها لوتقول اللي تقول جايه وطاقه الباب اخاف بكراء تطلقن وتطردني من البيت.لو افكر اتزوج2.

هههههههه تحمستي بالتخيل

[بحـر]

اقتباس:  المشاركة الأصلية كتبت بواسطة ضمير بريدة     الظاهر صاحبة الموضوع قالت : للرجال فقط ؟ !!!! أجل ليش غالب الرد من النساء !!!!!!!!!!!!!!!!!!!!

التخيل للرجال
و البنات أعجبتهم فكرتي

[بحـر]

اقتباس:  المشاركة الأصلية كتبت بواسطة قلب الأسد     اذا هي موووت بوافق والله الحين امور الزواج صارت بيد هالحريم وراه ماتكمل ويخطبن هن الرجال بصراحه اذا وجد بها مواصفات مايريده الرجل ليش لا ..

طيب الشينات وش ذنبهن

إذا كانت حكيمة ليش ما تكون بإيديها أمور الزواج
بالعكس تريح من المسؤولية