تواصل من نوع خاص (واتس آب )

[عادل الحبيتر]

القروبات .. تصلح للناس اللي عندهم أوقات فراغ ..
لأن فيه ناس تلاقي نص يومه فراغ في فراغ .. وهذا هو اللي يصلح له القروب

لكن الناس اللي عندهم ارتباطات يوميه .. تلاقي أوقات فراغه ساعات قليله .. وتجده يستغلها بالجلوس مع أصدقاءه أو بأشياء أخرى

البعض تأتيه رسايل بالقروب ويمر يوم ويومين وهو ما فتحهم .. وانا من ضمنهم

[ونة خفية]

من الملاحظ أن أكثر المندفعين لهذا البرنامج هم شريحة الشيبان إللي فوق الأربعين سنة
سوى ( رجال - نساء )

[(*§ حـــــور §*)]

اقتباس:  المشاركة الأصلية كتبت بواسطة ونة خفية     من الملاحظ أن أكثر المندفعين لهذا البرنامج هم شريحة الشيبان إللي فوق الأربعين سنة سوى ( رجال - نساء )

ذكرتيني بوحدة عمرها فووق الخمسين ومااتعرف تقرأ ولا تكتب
ومفعلتن بجوالها برناامج الوااتس
وحااطتن قرووباات كثيرة
همن لاجتها رسالة
بدت تصوت لبنااتها
بناات تعاالن اقرن علي الرسااالة
همن لاقرنها عليها
قاالت يالله ردن عليهم هههههه
وه بس
يالبى الوااتس والموتسوتسين
بالنسبة لي انا مااحب الوااتس مولية
ولا عندي قرووباات
بس لاشفت رسالة جايتني رديت عليها

[روح لايسعهآ جسـد]

البرامج هذي مادري ليه مادخلت مزاجي
نفسي ادمن زي الناس واضيع وقتي فيها
بس عجزت

[pepsi]

الوتسب برانامج رائع وطريقه تواصل بين الاهل والاصدقاءبالنسبه لي استخدمه بالتواصل مع الاهل والاقارب بالخارج
نتبادل الاخبار وصورالزوجات وصورالمواليد الجددحتي في مجال التسوق واختيارالاشياء حتي لو بغيت حاجه معينه ارسل
الصوره لقريباتي ويتم طلبي وهم نفس الشي يرسلون لي وافرها لهم حلووو الوتسب يوفر علينا اشياء كثيره

[آرتــيــآحّ ..♥]

الواتس اب ، برنامج جميل ياعدنا على التواصل السريع و تقارب المسافات ، .

بالنسبة للقروبات كثيرة ، قروب بيتنا و قروب خالاتي وحريم خوالي ، وقروب الجاليات. وقروب صديقات قدامى ، وقروب الدراسه والبحوث ، .

من النوع الي احب اسال عن الحال وكذا ، اما بي سي مارسل ، ونادر اجلس عليه الا لشي مهم او اذا سافر ابوي ، .

ايجابياته كثيره لكن سلبياته ايضاً اكثر ، من حيث الادمان عليه ، قلة التواصل الجسدي مع الاقارب ،
قد يؤدي الى مشاكل أسريه ،

استخدامه باعتدال بدون افراط و لاتفريط امر جميل ، .

~*

[shahd2007]

قروبات
البيبي لسعه الصدر والسوالف والضحك واحيانا استفيد او افيد بقروب زميلات الجامعه
قروب الواتس اب عندي 3 والله من ثقل الدم بالايفونيين
افتح رسايلهم عشان تروح علامه الرساله والغالب مااقراهن
مكررات او قديمات او عشر اسطر

ميزته ان القروبات وفرت جهد اتفاق او عزيمه او سالفه تبي تعلم الكل فيها
نحطها بالقروب وخلاص

[هلاوين]

من الغلط ان يعتمد الشخص على امر مهم بالوتس اب

اذا الناس مثلي انا شخصيا نادر مااقرأ .

لكن جميل بالتواصل والسوالف الجانبيه وهو احياء ناس اموت .

دمت بخير ابو شهد

[صمت الحروف]

شف يا أخ جلوي..

كل التكنلوجيا جدا مفيده..

العيب فينا..

ندمن عليها ونستخدمها للعب والوناسة..
فلا غرابه

شعب يردد مقولة فلها وربي يحلها


إذا رحت لأهلي يجين الكآبه
كل ماسك جواله وبصبعه يحرك

الله يعين عليكم بديتوا تسبحون بالجوال..

ياليتهم يسبحون كلها نكت وسواليف القايله

زمان نجلس ونسولف ونشوف بعض

الله يرحم الحال

لاطحنا بشيء ندمن عليه
ونقول التكنلوجيا ضرتنا

[دِيم]

أحسن شي فيه .. كسر الحاجز بيني وبين أخوالي *_*

+ تعلّموا البشر الحين ..
صاروا بس يرسلون برود كاست وعليها ..

[Tulane]

ما ألتفت له كثير .. و عدد القروبات فيه 1 " قروب عائلي "
ولو ما انضفت فيه غصب بعد مادريت عنه

هو للترفيه .. لا إيجابي و لا سلبي
و أقدر أستغني عنه

[طقاقة بدون مايك]

والله آنآ حملتوه بعدين حذفتوه ...مَ عجبن آصر1حة ..‘‘..‘‘!!~


ننتظر اصدارات جديدة وبرامج جديدة تكون آفضل..‘‘..‘‘!!~

[بنت البدائع]

برنامج لايمكن الإستغناء عنه ،، صار هو وسيلتنا الوحيده للتواصل وخاصة في مجال ( العمل )

الحين نبي نعود امي عليه عشان تكمل هههههه

اما عدد القروبات خذ وخل

قروب العيله من اخوان وخوات
وقروب لبنات العم والعمه ومثله لبنات الخال والخاله
وقروب شلة المدرسات
وقروب تبع الحموله
وعن قريب قروب لحريم الجيران ههههه << بعد كم سنه

بالمختصر المفيد:
الواتس اب رأيت فيه فائدة وجمعني بزميلات انقطعت عنهم مده طويله

س* سؤال
ليش الرجال يكرهون نغمة رسائله؟

[نديم بريده]

( هذا رأي الشخصي )

أن له سلبيات ومنها :

له أثر على فقرات الرقبه من كثر أنحنى الرأس إلى أسفل ..

وربما يسبب حول لدى صغار السن من كثر ما يناظرونه من

مسافة قربيبة بحيث تكون العينين بإتجاه بعض أكثر ..

[حراًولد حر]

افضل برنامج