اليــوم الوطــني .. كلاكيت من جديد .. !!

[تركـي]

اقتباس:  المشاركة الأصلية كتبت بواسطة عازفة ألحان الليل     لأنه مافي وعي وتوجيه للشباب والبنات حتى اصحاب الوعي نايمين

هلا .. عازفة الليل ..

مو فااضين يسون توعية باليوم الوطني
هم مشغولين بقضايا المرأة .. وقيادتها للسيارة
وشراء المتابعين لصفحاتهم بالتويتر ..

[تركـي]

اقتباس:  المشاركة الأصلية كتبت بواسطة اغلاهم واحلاهم     علييكم السسلام حيـآالله تركي ْْ والله طرحكك مشككلهه مالهـآـآ ححل اليوم وطني بس قرب الكل متلون بسيارآتهم ومستعدين بـ ألآعلاآم لبدآيه مسيرةة رقص وأغـآني ومضـآيقـآت بالمولآت لـ بعد حد والمشكله الاكبر دور ألآمن والهئيه ضـآـآآآآيع بهاليوم ولآ لهم أي سسلطه ْْ بحجة انه اليوم الوطني لآحد يتدخل طيب يوم وطني قلنـآـآ مو تقلبون الشوآرع وألآسوآق رقص وازعـآجات وتكسير ْ وتقولون يوم وطني صصـآرة ححرب والله ْْالمفروض يكون فيه تنظيم متعوب عليه من قبل الجهـآـآت الرسمييه والله نفتك ويكون يوم وطني بحق وحقيق احتفـآلآت هـآدئه وجميلهه ْْ الصرآحه شـآيله هم هاليوم وانـآـآ بالبيت تفـآهات تصيير تقهر انها تكون ببلاد وأرض الحرميين ْْ بس وش نقول م بيد حيله الله يهديهم ْْ يمـآـآل العـآفيه تركي ْْ السموحه علىآ الاطـآله ْْ

هلا بــ آغلاهم وآحلاهم ..

لاحول ولا قوة الآ باللـــه العظيم ..
أن نرى فوضى ومسخرة كما حدث في السنوات الماضية
ونتفرج عليها وسط مباركة من المسئولين بأن يصبح هذا اليوم
مجرد فوضى عارمه وسط الشوارع وتصبيغ سيارات ووجيه
وحتى فرحة الاطفال يمكن تغتال وسط خوف العائلات من المناظر المقرفه وسط الشوارع ..
من حثالة مرآهقين سمح لهم وتركو لهم الحرية في التعبير عن هبالهم بأي طريقة يريدونها ..

للأسف ..
ليتهم يتعلمون من الدول الآخرى
كيف الآحتفال الوطني وسط آجواء آمنيه وفرحة عارمة للكل
وليس بتلك الصورة اللتي تكون مضحكة للآجانب وهم يرون تفكير الشباب لا يتعدى رقص فوق كبوت سياره أو إبراز مواهب الصياعة
وفنونها آمام الجميع وسط الشوارع ..

أي والله ياليتهم يفكوننا بس ..
ويخلون الطرق تمشي بدلا من تعطيلها من هالشباب المرآهق ..

وصح انا ما آرحم ببريدة الآ سكان حي النهضه والريان والإسكان
والآحياء اللي بجنب النخيل ..
آلزم بيتك بالغصب ..
هذا اللي طلعنا فيه من هاليوم ..

[قـتـالـه]

اقتباس:  المشاركة الأصلية كتبت بواسطة تركـي     هلا .. بــ قتاله .. آقرب مثال : الكويت في آحتفالاتهم بشهر فبراير بالتحرير مهرجانات وتنظيم وآمن وسعة صدر وسط آجواء عائلية وشبابية بغض النظر عن مضمونها

هلابي واكثر مسهلا بما انكم ماتعرفون تهلون بمن عنكم غاب
ياخي خف ربك وكثر الخوف
مااستشهدت الا باحتفالات فبراير
اللي البنات شاصات الجنز وعلى راسها حجاب مثل قلته
وترقص فوق سيارة كشف !
فوضى وهبال عندهم يخليك كل شوي رافع عيونك للسما
تشوف المقرصه الحاره بتطيح من اي جهه
بس المحبوب براحه هناك حريم وفلة حجاج اكيد احتفالاتهم تونس
مو زينا يحول ماهنا غير ابو صروال يتمايل وفالها لحاله : )

[تركـي]

هذي بعض الصور ..

آترك التعليق لكم ..

وهذي لبنات الوطن ..
صوره مع التحية للمسئولين ..

والختــــــــــــــــــــــــــــــام

محبوب الكل ..
ابو برطم
لازم يشارك طبعا ..

http://www.abotlal.com/vb/showthread.php?t=53557

[Ṥ Қ ў]

لو اللي يسسونه شي عـآدي فكو اللثـآـآم والله شي يستحىآ مننه

ابدآ مالهـآـآ دآعي هالحركـآـآـت بس لو أعرف متىآ يكون

الارتقـآـآء والفكر الوآعي طريقهم ْْ!؟




الله يسستر علىآ المسلميين وللاسف هاللي صـآر العـآـآم

من مششـآهد لم يجد لهن اي رآآآآدع من أي جهه ْْ


بكل صرآحه شي يضيق الصصدر لو بس تفكير يرتقي شوي

ويفكرون انهم ابنـآـآء بلاد أطهر بقعهه علىآ الارض م يسون

هالاشيـآـآء خـآرج نططاق الوطنييه ْْ


يمـآل العـآفيه تركي ْْ

[الفتى السمنسي]

يارب لاتؤاخذنا بما يفعل سفهائنا .
عقول خاوية تدل على فشل مخرجات التعليم الذي تولى تعليمهم وتربيتهم ,, فليفرح اعدائنا وليهنأوا بنومهم فهؤلاء الأعراب غثاء كغثاء السيل .

[تركـي]

اقتباس:  المشاركة الأصلية كتبت بواسطة قـتـالـه     هلابي واكثر مسهلا بما انكم ماتعرفون تهلون بمن عنكم غاب ياخي خف ربك وكثر الخوف مااستشهدت الا باحتفالات فبراير اللي البنات شاصات الجنز وعلى راسها حجاب مثل قلته وترقص فوق سيارة كشف ! فوضى وهبال عندهم يخليك كل شوي رافع عيونك للسما تشوف المقرصه الحاره بتطيح من اي جهه بس المحبوب براحه هناك حريم وفلة حجاج اكيد احتفالاتهم تونس مو زينا يحول ماهنا غير ابو صروال يتمايل وفالها لحاله : )

الحمدللــــــــــــه على السلامه .. ياأم السواطير .. على قولة الفتى ..

آحتفالات فبراير تتوافق مع سلوك وعادات المجتمع في الكويت يعني هم راضيين كذاا ..
بأقامة حفلات غنائية ومهرجانات
وظهور بناتهم هذا شيء راجع لهم ..
كل مجتمع وله تقاليده وعاداته وسلوكياته ..
وحتى بفرنسا يحتفلون بعد بناتهم بالشوطيء والمنتجعات
ويبقى كل وعاداته في المجتمع الذي يعيش فيه ..

وانا ذكرت ( بغض النظر عن مضمون الآحتفالات ) ..
ومقصدي هو النظام والتنظيم والمناسبة اللتي وضع الآحتفال من آجلها .. في الآحتفال وسط آجواء آمنيه للعوائل والمواطنين والمقيمين وطمأنينه ..
مو مثل اللي عندنا .. ماتدري من آنت بيده ..
يجيك بزر ماتدري هو صاحي والآ مأجر الدور السابع وعلى باله آنه نجم الليله وهو يرقص برصيف أو وسط الشارع ..

ياقتــــــاله ..
ثقافة الآحتفالات لسآآآ يبغى لنا 30 سنه قدآآم عشان يتثقف الشباب لها ..
ماشفتي الشاعر / خلف بن هذاال يقصد بالجنادريه قصيده وطنيه
وربعنا يرددون آخر حرف ويرقصون معه ..
والمواقف والصور المرفقه آحسن تعبير ..

[الافق]

أحسنت الطرح أخي تركي

فاليوم الوطني مناسبة عزيزة على قلوبنا نفتخر بها جميعاً فمنها نستلهم العبر ونستعرض الإنجازات ونفتخر بما تم تحقيقه من نتائج قياسية على جميع الأصعدة ومستويات التنمية، فاليوم الوطني مناسبة لإظهار الفرحة بأننا جميعاً أبناء وطن واحد نعمل من أجل رفعته وازدهاره لا من أجل تخريبه ودماره من قبل فئة ( الهمج ) كماتفضلت أخي الكريم الذين للأسف لم يجعلوا من هذا اليوم مناسبة وطنية بل جعلوها فرصة لنشر الفوضى والاعمال التخريبية بالتجمعات وتكسير واجهات المحال التجارية والقيام بأعمال نهب وتخريب وإغلاق لعدد من الشوارع ومضايقة العائلات ..... الخ من الأمور التي حدثت بهذه المناسبة في بعض المدن في الأعوام الماضية و التي تعطي كذلك أنطباع غير حضاري عن مجتمعنا في يوم الوطن!.

تحياتي

[قـتـالـه]

اقتباس:  المشاركة الأصلية كتبت بواسطة تركـي     الحمدللــــــــــــه على السلامه .. ياأم السواطير .. على قولة الفتى .. الاهتمام لجا بشحاذه مثل قلته برمضان كنت اتواجد كزائره شفت رد لعضو قدير كلنا نضربله سلام كان يرد اعتقد بموضوع ديم كان ذاكرتي ماحمضت :| وتسنه والله متعشي معكم البارحه لاهلا فيه احد ولارحب اي والله ربايا فرانكفورت ماعليكم شرهه .. ماكن التهالي بالعائد تجلي غباش الروح :/ ياقتــــــاله .. ثقافة الآحتفالات لسآآآ يبغى لنا 30 سنه قدآآم عشان يتثقف الشباب لها ..

ياخي خلو التهاويل
اللي يردحون اكبر مابهم ابو خمسوعشرين صابغين وجيههم خضر
ويرادحون وسط شرطه وجموس هيئه :|
وانكرتوا عليهم تقل راقصين رقص اباحي هه
واذا واحد طلع خويته العراقيه ترقص لابسه اخضر
مو معناها انها سعوديه
السعوديات ياحياة الشقا احتفالاتهن حلا اخضر بوسط استراحه عليها سبعة بيبان واذا خربنها حطن مناكير بلون العلم :/
والحين خلاص علمهن تويتر ان الوطن ماعطاهن شي
ليه يحتفلن فيه يقولنها بكل وساعة حنوك

[جلوي العتيبي]

للأسف نحن شعب نهوى المخالفات والتحديات لذلك في كل مناسبه من هذا النوع نرى مضاهر للسلوك المخالف أكثر من مضاهر الإحتفال .

ولو تسأل أكثر المتحمسين في ذلك اليوم عن تاريخ تأسيس الدولة السعودية قالك مادري

[عزف الحقيقة]

الشرهه على من ينظر ويرقب هولاء المراهقين ..


احتفال بيوم الوطن ماذا تريدون ان يكون


في مكان يجتمع فيه الاف من الناس ويريدون


التعبير بقدر ماتستوعبه ثقافتهم وفكرهم ؟


يعني هل تريدون ان يتم توزيع عليهم


ورقه وقلم للتعبير عن حب الوطن ؟!


وش المشكله مراهق يرقص او مراهقة


طالعه مع فتحة السياره !


قسم بالله ودي اشوف فساد حقيقي بدون


تهاويل ومبالغات


احيانا اشعر ان بعض افراد مجتمعنا


يفرح اذا شاف ريحة شي يستحق النقد


لأدراجه تحت بند الفساد والانفصاخ !!

[عازفة ألحان الليل]

^
لا ما في مشكلة لكن في نوع من المخاطرة وانتهاك ارواح خصوصا بالشوارع
ناهيك عن بعض التصرفات الغير لائقة بين الشباب والبنات

هذا رأيي ..

[غربة شامية]

بهنئكن باليوم الوطني لبلادكن.....وباتمنا من الله يديم الامن والامان عليكن....ويحميكن ويحمي قيادتكن يارب.....وعقبالنا نفرح بالنصر..
ونرجع ع بلادنا....

[Ṥ Қ ў]

اقتباس: الشرهه على من ينظر ويرقب هولاء المراهقين .. احتفال بيوم الوطن ماذا تريدون ان يكون في مكان يجتمع فيه الاف من الناس ويريدون التعبير بقدر ماتستوعبه ثقافتهم وفكرهم ؟ يعني هل تريدون ان يتم توزيع عليهم ورقه وقلم للتعبير عن حب الوطن ؟! وش المشكله مراهق يرقص او مراهقة طالعه مع فتحة السياره ! قسم بالله ودي اشوف فساد حقيقي بدون تهاويل ومبالغات احيانا اشعر ان بعض افراد مجتمعنا يفرح اذا شاف ريحة شي يستحق النقد لأدراجه تحت بند الفساد والانفصاخ !!

م قلنا ششي بس الاحتفال ييكون بالشي المعقول

مسوين تهااويل بهاليوم مالها أي دآعيييي

اجل يكسرون ويضايقون الناس ونقول مرآهقين ْْ!!؟

طالعه مع فتحة السياره وترقص قدآم الشباب والخلق

ونقول مرآهقه !!؟