ما أجمل بلد زرته ؟ وما الموقف الذي لا تنساه ؟

[انيس مونس ربعه]

صراحة صعبة تقول أجمل بلد زرتة

لأن الجمال صراحة بوناسة الصحبة في السفر

لكن أقول ماليزيا حلوة وأعجبتني

من المواقف اللي مانسيته

أننا في المطار نبغى نودع وباقي بعض أخوينا بيغون يسافرون لديرة ثانية

المهم هم مستاجرين سيارة ونزلونا في المطار خاصة أننا كنا متأخرين

وسلمنا عليهم وراحوا

بعد كذا بلشين حنا بسرعة نبغى نلحق وعند البوابة أكتشفنا أننا ناسين الجوزات

في سيارة أخوينا جاك الذيب ينط ويركض بين هالناس

ركض ركض بعض الناس أرتاعت وش السالفة

أخرتها شفت سيارة أخوينا واقفة بسبب زحمة سيارات على طول

صرت أسرع واحد في العالم وفي أخر لحظة

لحقت أخوينا وهم طاير عيونهم وش السالفة

قلت الجوزات بدرج السيارة ناسينة ......

أخذت الجوزات منهم ولاسلمت عليهم تدري ليش يضحكون


ورجعت وأناظر رجال الأمن منتشرين مايدرون وش السالفة

واللي معي يبي يسافر بعد يضحك من هالسرعة في الركض خيالية

لكن ربك ستر والحمدلله لحقنا على الطيارة

موضوع رائع ..

بالنسبة لي سافرت كثيرا ولدول كثيرة ولكن لم أرى مثل ماربيا ولم أستمتع إلا في عدن!

وأما الموقف فلقد كان في مانيلا وقبل الإقلاع بساعتين وعندما أخرجت الشنطة اليدوية لأخرج الجواز تفاجأت أنني نسيته في السيفتي بوكس ( صندوق الأمانات ) فضطررت لإن أجلس 3 أيام أخرى والمشكلة أن الماستر كارد لا تغطي ثمن الأيام الثلاثة ! وليس معي كاش ( مفنش ) ولكن بحمد من الله إنحلت المشكلة بعد أكثر من يوم وإلا كدت أن أنام في الشارع بقية الأيام

وموقف آخر زرت مصنع للأدوات النحاسية في ماليزيا وتفاجأت بشخص عربي ( باين عليه سعودي من أهل الحجاز , هكذا خيل لي ) المهم جلسنا مع بعضنا البعض وضحكنا بشكل هستيري من التعليقات على بعض السعوديين ! وتفاجئت بالنهاية انه أردني ( جالس يتمسخر فيني من الأمس وأنا مو داري ) أكره الزلمات ! وخرجت وأنا في غاية الغضب والسخرية من نفسي وسذاجتي !

وأما الموقف الذي لن أنساه فهو في مصر في الماريوت تحديدا في الحديقة كان هناك نادل ( قرصون ) يمر من جانبي وهو يتمتم ويقول كلمات لا أعرف معناها ! المهم طلبت منه شاي وذهب لإحضاره وعندما عاد قال لي ( تصدق بالله إني دفنت أمي وخالي وحطتهم داخل القبر بيدي دول ) وأكمل الحديث عن معاناته ( وبما أني شخص نشئت في مجتمع يحب ( التلفت - الشرافه ) لفت إنتباهي أحد الماره فجلست أديم النظر اليه ! وصاحبنا يروي مئساته ومعاناته ! وعندما شاهد فعلتي هذه , صرخ بأعلى صوته ( ولا أنت دراي عني ولا عن الميتين بتوعي ) .....! حقيقة أصبت بشيء من الحياء تجاهه فذهبت لأصالحه ولكنه رفض الحديث معي وبعد ذلك ندمت أشد الندم !

أبوشهد ..

[ماجد الأول]

السلام عليكم

في الحقيقة مشاركات رائعة
شكرا لكم واحدا واحدا
ونرجو المزيد ..

مع التحية

[امرؤ القيس]

والله اجمل بلد صراحة 000

انا لا احب السفر للخارج نهائيا ولاني ماطلعت جواز حتى الان فانا دايم اتمشى داخل السعودية واحسن شيء مريت عليه رمااال الخبوب اللي تونس وتنثر جميع مابراسك من هموووووم

[nicej]

اجمل مناطق زرتها كانت جزر في شرق اسيا كانت رائعة تعرفون فلم ذاك الولد حق تايتانك ( مارحت لتايتانك ) بس رحت للجزيرة اللي سوى فلمه الثانية فيها اسمها جزيرة بوك روعة مياة زرقاء صافية شلالات وخضرة سبحان الله
اغرب موقف كنت في البحر اغطس مع الخواجات هناك وفجئة طلع لي اخطبوط صغير بس مقرف ابنحاش ماقدرت ابصرخ ماقدرت ماصدقت خبر اني اطلع للسفينة وحرمت الغطس وش لنا بالغطس خلنا فوق الواحد يقدر يركض ويزاعق وينفس صح .

[بنت الشرقيه]

[align=center]مساء الخير

انا رجعت بعد اجازه واول رد اكتبه هنا في منتدى السياحه
مدري ليش تصفحت المنتدى وعجبني الموضوع
قلت خلوني اشارك معكم
اخي ماجد موضوعك فكرته ممتعه خصوصا وانت تقرأ مواقف الاخوات والاخوان

بالنسبه لي اول بلد زرتها سوريا
واصعب موقف واجهني هناك اني ماكنت اشتهي اكلهم
مدري ليش وكنت عايشه على الجبن الكيري الى ان رجعت
ومن عقبها وانا ما احب هالديره


البلد الثاني امريكا طبعا قبل احداث سبتمبر يوم كانوا يهلون بالعرب
زرت اورلاندوا فيها دزني لاند وكانت مشاهد لاتنسى
طريقه تصوير الافلام مشاهد واقعيه تشاهدها
طبعا الموقف الي صار اني ضايقت زوجي كثير لاني تركت بنتي الصغيره عند امي فكنت كل يوم لازم امسيه
ببكاء ماينقطع بسبب اشتياقي لبنتي فكان الله يسعده يجري اتصال يومي لي عشان اكلم بنتي او بالاصح اسمع صوتها
الي مابعد عرفت تنطق الا ماما وبابا وتضيع المكالمه ببكائي


بعدين تركيا
ونفس الموقف صار كنت اتحف زوجي بموجه من الحزن والبكاء لبعدي عن ابنتي
مع انه طلب مني ان نأخذها معنا بس كنت خايفه عليها من الضياع او السرقه ((حشى مهب بنت محفظه ))
فكان الله يعافيه يجري الاتصال اليومي كما هو الحال دائما لكي اسمع حسها


البلد الرابعه كانت لبنان وسحرتني بمناظرها جبالها ونظافتها واناقه بعض نسائها
يعني فعلا روعه
اه نسيت قبل لبنان كانت مصر
وبصراحه ماكنت اكل الا في الفندق ما اشتهي اكل مطاعمهم يعني النظافه مو الى هناك
مصر طبعا اكثر شي ضايقتا التسول هناك لانك تشيل هم الطلعه بسبب تسول البعض
بس روعه منظرها في الليل يجعلك تزورها مره اخرى
وكل مره نقول ماراح نزور مصر نزورها
الى الان زرتها خمس مرات واحلى مره كانت مع خزامى نجد
واخذنا بوت في شرم الشيخ وسحرنا البحر هناك وانبسطو العيال لانهم كانو يمارسون الصيد بالسنارات
والصيد كان سمك ملون رائع الشكل فكانو يصيدونه ويرجعونه للبحر فكانت متعه المنظر الي تشوفه زرقه البحر والشعب المرجانيه روعه فعلا لن انساها
زرت الامارات والبحرين اسواقهم تعجبني
بس ماصار لي موقف فيهم كاني في السعوديه
اخيرا اجمل موقف في السفرات الي فاتت هو الجو العائلي ولمت الاب والام والاولاد
اشرطت الفديو والصور الفوتوغرافيه الي تذكرك بكل سفره سافرتها وكل ضحكه ضحكتها
هذا اجمل شي بالسفر


[/align]

[~§(عطر الحكي)§~]

بصراحه مازرت إلا البحرين وسوريا

بس ماأضن أني راح أروح غيرهم يعني سوريا كل ليالينا الحلوه اللي نقضيها بالسعوديه تذكرنا بسوريا

من تشم هوا الشام ينشرح صدرك تحس كل الشجر يرحبون فيكـ ، كسب اللاذقيه سوق الحميديه بلودان الزبداني وصدق اللي يقول يامال الشام يامل

وبصراحه أني أحن لهالبلد بشكل غريب

واما عن المواقف ماأضن ان هناك موقف إلا أنه مره صار علينا حادث بالأردن قبل 3 سنوات بس على طول شحنا السياره للسعوديه ويازين تأمينهم الحمد لله انه حادث ليس بذاك القوهـ وعوضنا الأردن مبلغ 15 الف ريال ، واخوينا اللي بالشام دخلوا الاردن رحنا معهم

[راعي الوفاء]

[align=center]انا زرت جميع الدول الخبوبية تبون اقولها لكم ولا لا؟؟؟



ابعد شيئ زرته ,,, البصر[/align]

[بريــداوي]

الصراحة انا ماقد طلعت برا المملكة لاكن داخل المملكة

ابها
الطائف
بريدة

[ام المقداد]

من زمااااااااااااااااااااااااان بعيد..
والى الآن وانا اعتقد ان امريكا
من اجمل البلدان ..
جمعت بين الطبيعه والحضاره..
والخدمات الممتازه..
امضيت فيها فتره من طفولتي...
وكانت من اجمل سنين العمر..
***
البلد الثاني مصر..ام الدنيا..
الناس طيبين جداً..لكن النصب
شغال على ودنه..
لاارى فيها مايستحق الزياره مره
اخرى..
خاصه لمن لايحبون الصخب <<مثلي
موضوع جميل شكرا لك ماجد.

[عزف الحقيقة]

السلام عليكم00

لبنان راقية ناس اوروبيين00


تظل مصر رغم عيوبها ام الدنيا وبلد الطيبة00


صراحه اول مره اشوف لكم الكرامة حمار كامل ( على عدله ) بزباله جنب البوابة !!!!

لكم الود0

[البراق999]

[align=center]بصراحه اجمل بلد زرته

الامارات العربيه فعلا بلد ممتاز وطيبه اهله جعلته من اروع مايكون[/align]

[mam999]

زر ويلزوانس الدنيا


اجمل مافي ويلز عاصمتها كارديف امضيت فيها 3شهور اجمل مافيها المروج الخضراء ( الواحد وده يصير عنز من كثر الخضره فيها ) ههههه ( الله من زين التعبير )
فيها قلعة تاريخيه رهيبة تذكرك بالعصور الوسطى يذكرك بروبن هود القلعة اسمها على اسم العاصمة كارديف
زرت ايضا منتزه (بريكون......) اسمه الثانى ناسيه
اللى جلست اضحك عليه كان جنبي خواجه لما ضحكت استغرب ضحكتى مع ان مافيه شيء يضحك
وهو انى شفت بالمنتزة هذا الويلزيين جالسين ناصبين سنارتهم في النهر لصيد السمك وهو مشهور بسمك السلمون على النهر
تذكرت على طول وربطت ذاكرتى وادى حنيفه والفلبينيين اللى حاطين سنارتهم يصيدون فيها السميكات الصغار اللى جاية من الصرف الصحى بمجرى الوادى
لكن اللى يميز ويلز كثرة متاحفها
وعلى فكرة الويليزيين مايدانون الانجليز ولا يطيقونهم واكثر مايفتخرون به علمهم المكون من لونين ابيض واخضر وبوسطه تنين احمر والذي يدل على القوة في نظرهم

[ماجد الأول]

السلام عليكم

شكرا لكم جميعا

لأنكم أثريتم الموضوع

مع التحية ..

[بسمة الغد]

[align=center]

سافرتُ دولا شتى مذْ كنتُ طفلة .. تحكيها لي أمي ولا أذكرها ..

ولكنْ تسعفني ذاكرة الطفولة بـِ لندن عندما كنت بعمر الست سنوات ..كان الفصل شتاء ً ..

وأذكر اللعب بالثلج ولي صورا فيها .. كانت بـِ حق ممتعة ..

وأذكر أنني سافرتُ وأنا بعمر التاسعة أمريكا كانت طفولة مشاغبة وجميلة ..

في المرحلة المتوسطة .. تركيا كانت خلابة فعلا .. ( أنقرة \ أسطنبول والجزر الموجودة هناك ) ..

الطبيعة والبحر الجسر الفاصل بين تركيا التابعة لأسيا والأخرى التابعة لأوربا كان جميلا ..

المناطق الشعبية هناك .. والبائعين المتجولين كانت مبيعاتهم جميلة ..

أعدتُ الكرّة لأمريكا مرتين آخرتين وأنا كبيرة .. والحقّ يقال .. سافرتُ دولا كثيرة ولكنْ أمريكا فقط تستحق

السفر وتكرار الزيارة لها .. ربما الظروف والأوضاع السياسية غير محفزة ..

ولكنْ كـَ دولة فهي رقم ( 1 ) في كلّ كلّ كلّ شيء ..

ذهبتُ إلى ( نيويورك \ واشنطن وولاية أريزونا .. وولاية كليفورنا .. وفي كليفورنيا كانت سان ديقيو ولوس أنجلوس رائعة جدا ..

و فلوريدا ذهبتُ لأورلاندو .. وميامي حيث عميّ يسكن هناك في ذلك الوقت ..

وفي كلّ كلا منْ ( كليفورنيا وأورلاندو ذهب إلى ديزني ورود ) ..

الألعاب ممتعة ممتعة ممتعة لا تملها أبدا .. كلّ مكان فيها لا يكفيه يوم كامل .. بحجابي لعبتُ

ولعبتُ ولمْ أترك شيئا ً .. كانت المتعة طاغية فعلا ..


سافرتُ لـِ ماليزيا .. وجزر بيننق ولنكاوي .. وسانقفورة .. شرق آسيا رائعة جدا وجوها ربيعي وأرضها خضراء جميلة ..


( والشوبنق والتسوق هناك غير عاااااااادي رائع جدا جدا ) ..


سافرتُ الإمارت ( دبي \ الشارقة \ عجمان ) كلاهما رائع .. وممتع ولكنْ لا تشعر بدبي خاصة

أنك بدولة عربية لكثرة الجاليات هناك .. ولكنْ شهادة حقّ .. أنها من أنظف الدول التي شاهدت ..

لا تكاد ترى شيئا ملقى على الأرض والعمالة تعمل على مدار الساعة ..



السفر متعة لمن أحبّ السفر ..






[/align]