كلب يفصل طالبة من كلية البنات في الرياض...!!! ( شر البلية ما يضحك )

[برق1]

ولد الاسكان :
الله يجزاك بالخير على هذا الكلام اللي ما عليه وزد : " بعدين اذا ماتبي احد يعاكسه تصون نفسه وتلبس اشياء محترمه والله العظيم مايتجرا احد يحط عينه بعينه "
صدقت والله , ما شفنا الصيّع يعكسون المحتشمات أبدا بل يحترمونهن بحمد الله
لكن هذي شكلها هي اللي تعاكس الشباب من زود الميانة
صدق سيبويه القحطاني : شر البلية ما يضحك

الفاضلة الذاهبة :

كيف لايوجد شرك في لوائح الكليات ؟!
أجل مافيه نص في لوائح الكليات ان الطالبة ممنوع تحضر أخوها معها للقاعة ! ليش ما يجي معها ؟!
وما فيه نص نظام ان الطالبة ما تجي بملابس سمكري مثلا ؟! ليش يمنعونها تجي بها ؟!
وما فيه نص نظام انها ما تجي عريانة ؟ ليش يمنعونها تجي عريانة ؟!

لو كل نقطة يحطون لها نص كان تحتاج البنت أربع سنين وما يمديها تقرا اللوائح قبل التسجيل , قصدي أربعين سنة

لذلك فقولتك ما فيه نظام تراها وأنا أخوك ضاربة البطين ( أي : ماهي يم جادة )

فالضوابط توضع عاااااامة , ويندرج تحتها تلقائيا كل ما يشمله مفهومها دون أن يذكر .

[كـامـو]

اقتباس:  المشاركة الأصلية كتبت بواسطة TMEEM     ما أردى من البنت الا الكرتون أبوها .

يا ليت أبوها كان كرتون على الاقل علشان ما يتكلم و لا يطالبنا بتقبل خطأ ابنته الشنيع

مشكور أخي تميم على مرورك و تعليقك

[كـامـو]

اقتباس:  المشاركة الأصلية كتبت بواسطة ولد الاسكان     الله يالدنيا الحين صار الكلب هو الي بيحفظها من المعاكسات ههههههههه الحمد الله والشكر على هالعققل الكبير له وللابوه والله كبروا بعيني اول مره ادري ان بمجيتمعنا عقول لم تستخدم خخخخ بعدين اذا ماتبي احد يعاكسه تصون نفسه وتلبس اشياء محترمه والله العظيم مايتجرا احد يحط عينه بعينه وتحيه للابوه ..... خخخ مشكور سيبويه

فعلا أخي ولد الاسكان

اذا أن البنت أسترت نفسها و تحشمت مستحيل أحد يقربها الا ما ندر !!

تحيتي لك

[كـامـو]

اقتباس:  المشاركة الأصلية كتبت بواسطة لمبة شارع     هل سمعتم من قبل بالمثل (عذر اقبح من ذنب)؟؟ في الاقتباس اعلاه تجسيد لهذا المثل قال ايش قال حراسة من المعاكسات !!! ...

لمبة شارع الموقر

فعلا كما قلت عذر أقبح من ذنب

اقتباس: هذا العذر مضحك جدا ويذكرني بالمتباكين على الحرية الشخصية في موضوع تنبيه بخصوص الرسائل الخاصة

هل ما زالت حرارتك لذلك الموضوع موجودة !!!

فعلا شر البلية ما يضحك

شاكر لك مرورك و تعليقك

[كـامـو]

اقتباس:  المشاركة الأصلية كتبت بواسطة & جمال الطفوله &     ههههههههههههههه بصراحه صادق شر البلية مايضحك .... أنا ياناااس اذا مر من عندي ( صرصور ) << اسوي بلااااااااااوي فما بالكم اذا مر ( كلب ) !!!!! ذكرتوني بموقف .. أذكر العام بمدرستي بنت جابت للمدرسه ( قط ) << مالقت الا ( قط ) لا والأداره عاااادي عندهم !!!!!!!!! يعطيك العافيه ياسيبويه القحطاني على نقل الحادثه الغريبه و( المضحكــه ) ...

كح كح كح جمال الطفوله سببتي لي حساسيه من قدمك يا أوخيتي

من صرصور تسوين بلاوي أجل الحمد لله ان الكلب ما دخل على كليتكم و الا كان صارلك تشنج بالكبد

شاكر لك مرورك و تعليقك

[كـامـو]

اقتباس:  المشاركة الأصلية كتبت بواسطة دلووعة بريدة     اختي الذاهبه ... دائما تفكيررك غريب ,, وتعقيبا على ماذكرتي اعتقد ان المزح له حدوود لااظن انه يتجاااوز المباهاة والمسخره وعدم احتراام الناس بحضورها لذلك الحيواان المنبوذ,,, وفي اماكن التعليم ايضا ,,, عذراا ... تصرف الفتاة تصرفا ارعنا وغير مهذب سلوكيا ... ليس الكل منا يتقبل تلك الحيوانات !!! وانتي تنفين عنها بالتبااهي !! ان كنت لاتعلمين عن خفايا فتياتنا فسأخبرك بها بالشررح الوجيز الآن العاالم اصبح اكثرر انفتاحاا واكثرر همجية بالاصح ,,, فموضوع التفاخر والتباهي بالمظهرر والكلام والافعال وغيرهاا انتهى ... الان يبحثون عن كل مااهو غريب يلفت الانتباه وتحصل الكثيرر من المناافساات الغير حميده مالله بها عليم واود يااختي الذاهبه ان كانت لك فرصه في زيااارة جامعاتنا التي في الريااض وبالاخص (( جامعة الملك سعود)) اتمنى ان لاتفويتيها وسارعي بالذهااب لتري العجب العجااب من بنااتناا المسلمااات وسوف تتذكرين انه لايوجد فرق بين بناتنا المسلماات وبين الغربياات سوى ..................................... والادهى من ذلك ان بعض البلدان الاجنبيه تمنع وتعاقب من يدخل بمثل هذا الحيوان داخل محل او سوق او مطعم او .. فكيف ببلادنا الشريفه الطااهره وفي اماكن التعليم ايضاااا !!!!!!!!! اتمنى من المسؤولون اعاملين في الكليه واعضاء هيئة التدريس وكل من له شأن في الفصل واعطاء العقوبات ان يشددوا العقاب لمثل هذه التصرفاات ,,, لكي يكوون درسا لهم وردعا لامثاالهم ... وان كانت تلك الفتاة تزعم ان سبب حضورهاا للكلب حماية لها من المعااكساات وتأذية الشبااب _ فمااعجبه من تبــــــــــــرير!!! ان كانت صادقه في كلامها بامكانها القياام بأسهل الطرق للحمايه من المعاكسات كأن تخبرر المسؤوله عن النقل وتتصرف معهن باسهل تصرف .....( عموما الذباب لايقع الا على الحلوى المكشووفه ** وماحصل من ااولئك الشباب هو نتاج افعال الطالبات ,, كما نسمع ونشااهد الان ,,,,,,,,,, اعتذر على الاطاله ولكن : اسأل الله الهدايه والسداد لجميع فتياتنا ولجميع من ايدهن على العمل السيء))

دلوعة بريدة

لا فض فوك فعلا كل كلمة خطيتيها هي عين الصواب

و لكن ما نقول الا

نسأل الله الهدايه والسداد لجميع فتياتنا ولجميع من ايدهن على العمل السيء.......اللهم امين

تحياتي لك و دمت بصحة و عافيه

[كـامـو]

اقتباس:  المشاركة الأصلية كتبت بواسطة for you     يا ولي امر الطالبه المبجل و هل احترمت ابنتك هذا الشهر الكريم بإحضارها كلب ( نجس ) بين الطالبات ... الطالبه هذي وين رايحه ...؟ لايكون على بالها حضانه كلابه ..! مو منبر للتعليم والمعرفه ... يااااااااااااي , ياااااااااااااااربيه , ياحراااااااااااااام ...! كان خليت الكلب النجس يطبطب على بنتك يمكن تفيق .... ما ادري هل الإقتباس السابق بهارات مضافه للأكله من قبل الجريده ام لا ... عموما الكلام اللي في الإقتباس قائله او كاتبه اما انه مايستحي على دمه وفاكر الناس مغفلين وساذجين او انه مغفل وساذج او انه احمق تافه .... لا حظو (( اخذت الكلب الخاص بالحراسه في المزرعه )) بالله عليكم هل كلب الحراسه أليف بطبعه ام شرس وصاحب صوت جهوري عند رؤية الغريب ..؟؟ اذن كيف يركب كلب (((( الحراسه )))) في الباص وبين الفتيات ويصل للكليه هذا الكلب بكل ادب والبنات راكبات في الباص بكل هدوء ...! في الإقتباس السابق ودهم ( والد الفتاة او محرر الخبر ) يقولون شي وافهم يافهيم ... وش رايك يا آل سرحان تروح تشتكي لجمعية الرفق بالحيوان , هناك المكان المناسب ... عش شوال ترى أهوال ... ___________ تقديري للكل .

فور يو شاكر لك تعليقك و مرورك

أجل جمعية الرفق بالحيوان

اقتباس: وش رايك يا آل سرحان تروح تشتكي لجمعية الرفق بالحيوان , هناك المكان المناسب ... عش شوال ترى أهوال ...

ضحكتني الله يضحك سنك

تحياتي

[كـامـو]

اقتباس:  المشاركة الأصلية كتبت بواسطة ابعاد     . لو حدث هذا الأمر في كليتنا لفلصلت البنت فصلا نهائيا .....! اعتقد اذا كان الخبر صحيح تستحق العقوبهـ واكثر منها .

أختي ابعاد

احترم رأيك لكن بأعتقادي أن قرار فصلها لفصل دراسي واحد أو سنه واحده هو القرار الانسب

صحيح ان فعلتها شنيعه لكن بفصلها نهائيا فيه تدمير لمستقبلها::::>>يا عيني على المستقبل اللي بدايته كلب

لكن الله يهديها و يصلحها

اوخيتي شاكر لك مرورك وتعليقك

[كـامـو]

اقتباس:  المشاركة الأصلية كتبت بواسطة بحبوحه     قالت ايش قالت كلب حراسه00 السالفه ومافيها ان هذي موضه جديده عند بنات الرياض تسحيب الكلاب والقطاوه وفيه بدايات لهاالموضه عندنا ببريده قبل اسبوع وحده تقول لي انها بتشتري قطوه بالعيد اذا راحت للرياض 00تعرفون لازم الموضه!! الحمد لله والشكر

أجل موضه و ما لقن الا الكلاب و القطاوة يتموضنن فيها::::>>أعرب كلمة يتموضنن

الحمد لله على نعمة العقل

و بالنسبة للي تبي تشتري قطوة و بتروح للرياض

لا تشتري و تخسر نفسها أنا امسك لها واحد من القطاوة اللي باستراحتنا و تراه أليف بالحييل:::>>ايه هين

لله في خلقه شؤون و الا كيف يصل الحال ببناتنا الى ان يراكضن خلف الكلاب و القطاوة
و علشان ايش علشان الموضه لا أعادها الله من موضه

أوخيتي بحبوحه شاكر لك مرورك و تعليقك

[كـامـو]

اقتباس:  المشاركة الأصلية كتبت بواسطة برق1     كيف لايوجد شرك في لوائح الكليات ؟! أجل مافيه نص في لوائح الكليات ان الطالبة ممنوع تحضر أخوها معها للقاعة ! ليش ما يجي معها ؟! وما فيه نص نظام ان الطالبة ما تجي بملابس سمكري مثلا ؟! ليش يمنعونها تجي بها ؟! وما فيه نص نظام انها ما تجي عريانة ؟ ليش يمنعونها تجي عريانة ؟! .

أخوي برق1

الله يقطع شيطانك

أجل بملابس سمكري

تحياتي لك

[الذاهبة]

مرحبا استاذ برق ..

الأمور التي ذكرتها مستبعدة ولا تقبل النقاش و التحدث بها ..

لكن اصطحاب كائنات حية : أعتقد منطقي نوعاً ما ..

لم لا ؟

ألا يمكن أن تصطحب أحدهن : طير أو ببغاء أو حيا الله كائن حي ؟

يا اخي وحدة من طالباتي ( طالبة ثانوية ) و في مدرسة حكومية .. في قرية :

جت مره و معها سلحفاة ..

و تبيعها على زميلاتها .. و تسوي طلبيات ..

اللي تبي سلحفاة .. تجيب لها ..

هل هذا الكلام خرافي بعد ؟



حبيبتي دلوعة بريدة ..


الله يسامحك : أنا تفكيري دايماً غريب @@ !!




أنا قصدت يا غالية .. أن الكلاب اعزكم الله لها أنواع ..

و كلاب الكشخة غير كلاب الحراسة السود المخيفة ..

هذا ما قصدته ..

و اتفق معك أن الناس اصبحت تبحث عن الغرابة و الهبال ..

عشان كذا أقول : قد تكون تستهبل .. أو تبي تسوي حركة غريبة تضحك صاحباتها ..


كل ماذكرتيه صحيح عزيزتي ..

و إحدى أخواتي تدرس في سعود و تحدثني عن أشياء هبال و الحمد لله اللي تخرجنا ..



أخوتي :

أنا ما ادافع عن تصرفها .. أقول أخطأت .. أخطأت أخطأت

لكن :

ما تستحق فصل ..

تعرفون الفصل وش معناته يا ناس !!؟!




تحياتي للجميع

[لمبة شارع]

اقتباس:  المشاركة الأصلية كتبت بواسطة الذاهبة     مرحبا استاذ برق .. الأمور التي ذكرتها مستبعدة ولا تقبل النقاش و التحدث بها .. لكن اصطحاب كائنات حية : أعتقد منطقي نوعاً ما .. لم لا ؟ ألا يمكن أن تصطحب أحدهن : طير أو ببغاء أو حيا الله كائن حي ؟ يا اخي وحدة من طالباتي ( طالبة ثانوية ) و في مدرسة حكومية .. في قرية : جت مره و معها سلحفاة .. و تبيعها على زميلاتها .. و تسوي طلبيات .. اللي تبي سلحفاة .. تجيب لها .. هل هذا الكلام خرافي بعد ؟ حبيبتي دلوعة بريدة .. الله يسامحك : أنا تفكيري دايماً غريب @@ !! أنا قصدت يا غالية .. أن الكلاب اعزكم الله لها أنواع .. و كلاب الكشخة غير كلاب الحراسة السود المخيفة .. هذا ما قصدته .. و اتفق معك أن الناس اصبحت تبحث عن الغرابة و الهبال .. عشان كذا أقول : قد تكون تستهبل .. أو تبي تسوي حركة غريبة تضحك صاحباتها ..

احيانا لما تسفك اسرائيل الدماء في قطاع غزة او الضفة الغربية يخرج متحدث اسرائيلي في قناة الجزيرة ليبرر تصرفات جيش الاحتلال بشكل لا يشبهه شيء غير كلام الذاهبة اعلاه...

اقتباس: أخوتي : أنا ما ادافع عن تصرفها .. أقول أخطأت .. أخطأت أخطأت

وهل ستفتحون تحقيقاً سعادة المتحدث موشيه اليعازر؟؟؟

[برق1]

الفاضلة الذاهبة :
هو كما قلت : اصطحاب الكائنات الحية يكون منطقيا أحيانا
هذا صحيح
لاحظي : ( أحيانا )
ومن الأحيان التي لا يكون فيها اصطحاب الكائنات الحية منطقيا اصطحاب الكلب
الكلب من الحيوانات النجسة
الكلب لايجوز اقتناؤه للزينة أو التباهي أو الاستعراض ولفت النظر
الكلب في المكان يمنع دخول الملائكة
الكلب يحرم بيعه وشراؤه للألفة به أو الزينة أو الفشخرة
مؤالفة الكلب تقليد غربي سببه الخواء الروحي وتفكك الروابط الاجتماعية والعواطف الأسرية
الكلب يمثل خطرا على الطالبات
اصطحاب الكلب مخالف للعرف والعرف من ضوابط الحلال والحرام
الكلب هو أبو البنت الذي سيرفع لحقوق الإنسان متناسيا المحاكم الشرعية ( لعلمه بخسارة قضيته فيها , فهو كمن قال الله فيهم : وَإِذَا دُعُوا إِلَى اللَّهِ وَرَسُولِهِ لِيَحْكُمَ بَيْنَهُمْ إِذَا فَرِيقٌ مِّنْهُم مُّعْرِضُونَ (48)
وَإِن يَكُن لَّهُمُ الْحَقُّ يَأْتُوا إِلَيْهِ مُذْعِنِينَ (49)
أَفِي قُلُوبِهِم مَّرَضٌ أَمِ ارْتَابُوا أَمْ يَخَافُونَ أَن يَحِيفَ اللَّهُ عَلَيْهِمْ وَرَسُولُهُ بَلْ أُوْلَئِكَ هُمُ الظَّالِمُونَ (50)
إِنَّمَا كَانَ قَوْلَ الْمُؤْمِنِينَ إِذَا دُعُوا إِلَى اللَّهِ وَرَسُولِهِ لِيَحْكُمَ بَيْنَهُمْ أَن يَقُولُوا سَمِعْنَا وَأَطَعْنَا وَأُوْلَئِكَ هُمُ الْمُفْلِحُونَ (51)

فالمحاكم الشرعية فاتحة أبوابها , لكنه يدري أن موضوعه سافل ليس له إلا الهيئات الغربية لحقوق الإنسان والكلب .

[فور يو]

الذاهبه : إذا كان الخبر صحيح ..

فور يو : الخبر صحيح ومنشور في الجريده ..


الذاهبه : أعتقد ان القرار تعسفي و ظالم للبنت ..
و رجاءاً أخوتي لا تظلمونها أو تتسرعون بالحكم و كأنها مذنبة بالفعل ..
أولاً : أنا لا أرى أن اصطحابها للكلب _ أعزكم الله _

فور يو : تعسفي مره وحده يالذاهبه , بالغتي في الوصف ..!

وبعدين كيف تقولي لا تظلمونها وكأنها مذنبه , وبعده بثواني تكتبين (( اعزكم الله )) ..!

كلمة اعزكم الله على ماذا تطلق ..؟؟


الذاهبه : و ترى هذي أيام و شهور و عمر يمضي مو لعب ..!

فور يو : والحرم الجامعي مو حديقة حيوانات ...


الذاهبه : ليه كل هذا .. ؟! و هل ارتكبت حرام ؟!


فور يو : لا ماسوت شي البنيه , جابت معها كلب (( نجس )) بس ...

الذاهبه :-

عليكِ بعض الأحيان طلعات ...!!

[أبو هذال]

تعرفون الفصل وش معناته ياناس !!؟!
^
^
ايه نعرفه وهي ستاهل لاصارت ماتحترم شي اسمه تعليم او الطالبات اللي في الكليه
تقعد في بيته .. اصررررررف ..