<<زعل وكب الباقي ومشى ذذ
والجيـم جاملتـه احسبـه يـقـدر .. واثره بأمر فرقـاه ورد وصـدر
وانا انتظـر انـه يجينـي يتعـذر .. لاكن تـرا مثلـه يخـون برفيقـه
والحاء حشا ماشفت طبعه مع الناس .. مافيه رحمـه ولا عنـده احسـاس
ياخذ ذهب صافي ويعطيني انحـاس .. ياويل منهـو بالهـوا نشـف ريقـه
والخاء خدمته من عيوني ولا فـاد .. ولا هقيـت انـه يجازيـن بعنـاد
القلـب بسبابـه تقـل فيـه وقـاد .. من حر مابي كن وصطـه حريقـه
والـدال دام الحـب ويـاه مابـيـه .. ومابي احد عندي من الناس تطريه
الـي جـرا للقلـب والله مكفـيـه .. خلـو فـؤادي لا يزيـد اتحريقـه
والذال ذكرا صاحبي تتعب الـروح .. والنوم ماله داخل العيـن مصلـوح
اشكي صراحه واشتكي عدت اجروح .. حالاً مثل حالي مـن الـي يطيقـه
الراء رماني اقشـر الحـظ بالحـب .. مع واحداً ماظـن لـه بالهوا طب
حسبي عليه الله عـدد كـل ماهـب .. نسناس ريحاً فـي مسـارع طليقـه
والزاء زمان الحب عنـدي تحـول .. اصبح بدال الحـب كرهـاً مطـول
راح الغلا الي اذكـره لـه منـول .. مثـل القمـر لغـاب وفـى بريقـه
السين سم الغدر ذقتـه ملـى كـاس .. ماهي غريبه نشربه من بعض ناس
مثله ولو قدره نشيله علـى الـراس .. ماظن يوم اتصيـر روحـه شفيقـه
الشيـن شلـت الهـم عنـه لحالـي .. ولا شكيت الحمـل والـي جرالـي
صابر على ظيـم الدهـر والليالـي .. روحي بمر الريق صارت شريقـه
والصاد صدقونـي اذا قلـت مابيـه .. ولا ينتظر لحظه اناجـيه وارجيـه
ولا يحسبنـي لعبتـاً بيـن اياديـه .. يقـدر يمشينـي ورجلـي عويقـه
الطاء طعـم حبـه ولونـه كرهتـه .. منشان شيـاً يـدري انـي عرفتـه
ولو حبه بشيـك الهـوا ماصرفتـه .. حتى ولو روحـه لروحـي شقيقـه
الظاء ظمى قلبي من الشـوق زايـد .. والقرب اصبح بيننـا اليـوم كايـد
والحـب ماظنـه ولاهـوب عايـد .. لوعشت انا وحدي على ارضاً سحيقه
والعين عيا القلب ماهوب حاصـل .. يقول مقدر مع اهل الغـدر اواصـل
الحـب جملـه مايجيبـه فواصـل .. وينعاف لو روحي ببحـره غريقـه
والغين غادرت المحبـه بلا حـد .. وبينت لـه اهـم الاسبـاب موجـز
ومن يتهمني بالكـذب قلـت يعجـز .. يثبت علي الكـذب بايـت طريقـه
الفاء فلا والله بقالـه معـي شـي .. والله مايطـري ببالـي ونـا حـي
طويت انا صفحه قديمه معـه طـي .. طي الكتاب الـي يريـد اتعليقـه
والقاف قررت انهـي الوضع كلـه .. وعاف شمس الحـب وارقـد فظلـه
ومن جاء يابي روحي معه قلت خله .. خله تجف اجـروح فيهـا عميقـه
والكاف كل الي مظـى لازم انسـاه .. وانسى جميع الي جرى من سوايـاه
الحـب لـه بلـوا وياكبـر بلـواه .. الى نصبلـك بالعـدى مـن جنيقـه
الـلام لا والله ماظـاق صــدري .. على فراق الي جحـد كـل قـدري
ادري بشي وبعض الاشياء مـدري .. هـذا يـخـص الله رب الخليـقـه
والميم ماودي انا اجني على الحـال .. ودي اعـدل كلشيـن بـه امــال
وترك زمـان راح ماريـح البـال .. والحـظ لامـن نـام لازم تفيـقـه
والنون نيـة صاحبـي ليـه شينـه .. وانــا مـعـه بنـيـه حسيـنـه
الحين انـا بطلـت زينـه وشينـه .. مابي عسل حبـه ولابغـى رحيقـه
الهاء هدمـت الحـب ويـاه مليـت .. مليت مـن كثـر التمنـي وياليـت
ياليتنـي بالعمـر ماكنـت حبيـت .. ولا عارفـت الحـب ولا فريـقـه
والواو ولت وكـل ذكـراه مابي .. من دون مانحتـاج شرعـاً وقاضـي
هذا حصل ولي حصل فيه راضـي .. ارتحت من همن بروحـي وضيقـه
والياء ياليت القـاء حروفـاً زواده .. بكتب كلامـن غيـر هـذا زيـاده
واكمل حوارن قمت انا فـي اعـداده .. لو يسمعه قلب انقطـع مـن خفيقـه
العرض العادي
