ملت أسموعي من حديـث الرتابـه
من نشرة الأخبار في قصـة كتـاب
وانا محنـك فـي فنـون الخطابـه
شاعر سحرت بشعري عقول واللباب
ودي افض فض والمشاعر تشابـه
لكن شعورا صدق ماهـوب كـذاب
انته سـوالا صعـب فعـلا جوابـه
الله خلقك إنسـان ساحـر وجـذاب
جديتك تسخر مـن أهـل الدعابـه
ودعابتك تأخذ مـن الجـد ماطـاب
آحيان اقول انـك عـلاج الكآآآبـه
وآحيان اقول انك دوا كل منصـاب
يامن شغل قلبـي بطولـة غيابـه
عندي حضورك غير وغيابك غيـاب
ليه الجفا! يكفـي فـوادي عذابـه
ماني حمل صبر ومشاريه وعتـاب
ماتدري اني واحد(ن) مـن عتابـه
قومٍ لها تاريـخ وأمجـاد وأنسـاب
ماهيـب حـي الله نـاسٍ غـلابـه
تجمع فتات الخبر وتطـق الأبـواب
والحب من عصر النبي والصحابـه
أنشد خلف هذال ولا أنشـد حجـاب
لكن قبـل عمـرك يولـي شبابـه
حاول تكون لك علاقـات وأحبـاب
مما راق لي