وشوله العريسه تلبس تشريعه والعريس يبلس بشت !!!!!!!

[ابوخالد382]

اقتباس:  المشاركة الأصلية كتبت بواسطة عاشق ديرتي بريده     والله ياعندنا بعض الاشياء نسويها ومالها داعي ماادري وش طيحنا فيها الحين من اللي قال للعريس يلبس بشت ومن قال للعروسه تلبس تشريعه الزواج !! !!

عاشق تراي أوافقك على موضوع الطرحه والتشريعه اللي مالأبوها داعي ,تصدق التشريعة يتجاوز سعرها الآلاف والضحية هالمعرس,,الدعوى صارت عند البنات ,,,منهي اللي تجيب تشريعة(يعني تقليعة) آخر موديل,,هذا بالإضافة للديكور المصاحب للتشريعة يكلف آلاف الريالات,,,,نجي لموضوع العريس يدخل عند النساء علشان بسلامته يقعد ويهج كشرته بجنب عروسته وسط النساء,,,
ويقولون ليش الشباب عزف عن الزواج؟؟؟البلى من هالمصاريف اللي إقطعت ظهورهم ,,والمشكله إنها ليلة واحده.....والله من العادات السيئة عندنا سواء جديده علينا أو قديمه.....بس الله يرحم الحال.....

[كفاني عذاب]

والله انك بايعة بزبيبة ياعاشق
وش اللي وشوله وشوله
اللي يبي يسوون الناس خلهم يسوون
والله يا انت حشري
انا اذا جيت ابعر ابلبس طربال قل بعد وشوله
ومرتي خيشة
ودمتم

[عجوووووز قريح]

يوم أنا أعرس ياوليدي ويوم كنت أنت ذاك الحين تمهد بفراشك أو أظنك باميا بظهر أبوك
وأنا لا بسه شلحه عجز ماأظن أنك تذكرها هذا كان قديم عندنا الله المستعان كانت مصنوعه من شينكو المنيوم حديد مستعمل من الرصاص
لأنه بوقته ما كان عندي اهدومن زينه كلها مشتشققه
وامي الله يرحمه قالت اللبسي اي شيء اهم شيء تستري جسمك
وأبو أعيالي الله يقومه بالعافيه لابس سروال سنه وفنيله علاق
ماكان اول فيه إلتزمات مثل جيلكم هذا جيل النيدو والله فشلتونا بإعتقاداتكم هالشينه هالمقلده من غيركم
الحمد ما مرينا بزمن مثل زمانكم اللي الواحد منكم ينزل راسه من الفشيله
هه وبس

[عاشق ديرتي بريده]

اقتباس:  المشاركة الأصلية كتبت بواسطة ابوخالد382     عاشق تراي أوافقك على موضوع الطرحه والتشريعه اللي مالأبوها داعي ,تصدق التشريعة يتجاوز سعرها الآلاف والضحية هالمعرس,,الدعوى صارت عند البنات ,,,منهي اللي تجيب تشريعة(يعني تقليعة) آخر موديل,,هذا بالإضافة للديكور المصاحب للتشريعة يكلف آلاف الريالات,,,,نجي لموضوع العريس يدخل عند النساء علشان بسلامته يقعد ويهج كشرته بجنب عروسته وسط النساء,,, ويقولون ليش الشباب عزف عن الزواج؟؟؟البلى من هالمصاريف اللي إقطعت ظهورهم ,,والمشكله إنها ليلة واحده.....والله من العادات السيئة عندنا سواء جديده علينا أو قديمه.....بس الله يرحم الحال.....

تسلم ابوخالد
وفعلا الله يرحم الحال
والحين طلعت موضه جديده بالزواجات
رحت لم زواج قبل ايام الرجال بقصر الرصافه
والحريم بفندق موفنبيك !!!!!!!!!!!!!

[عاشق ديرتي بريده]

اقتباس:  المشاركة الأصلية كتبت بواسطة الكوكاوي     والله انك بايعة بزبيبة ياعاشق وش اللي وشوله وشوله اللي يبي يسوون الناس خلهم يسوون والله يا انت حشري انا اذا جيت ابعر ابلبس طربال قل بعد وشوله ومرتي خيشة ودمتم

هلا بك اخوي كوكاوي
والله ماحشرت نفسي ومالي دخل باحد اللي يبي يسوي شي يسويه ولااحد له دخل فيه
بس لايجي احد ويقول عادات وتقاليد !!!!!!!!!
وترا يمدحون الطربال التنزاني !

[جبل السكر]

[align=center]

اقتباس: الله يبارك فيك والحمدلله مرتاح بينكم كلكم خير وبركه

الحمــــــــــدللــــــــه دوووم يـــــــارب ولايغيـــر عــليكـ

اقتباس: ومن اللي اخذ عن السعوديه انه رجعي ومريض !!!

مــا كــأنكـ عــايش وتشـــوف وتسمــع يــاعاشق طبعــاً الـــدول الحــاقدهـ علـى
السعــوديهـ مــاأكتـــرها مــايحتاج أعــددها

اقتباس: ويعني بالتشريعه والبشت والبوسات نصير شعب متقدم !!!

انا ماقـــولت نتقــدم بلــبس الــبشت والـــتشريعهـ والـــبوسهـ قــولت نبــغى نتبــع الموضـــات والتقليعـــات اللـــي مافيـــها محظـــور شــرعي
أمــا التقــدم أكيـــد بيكــون بإنجــازات الــدولهـ ونجــاحها بكــل المجــالات والنهــضهـ
العمـــرانيهـ وطبعــاً الإختــراعات بــس قــول يــاليل مــاأطــولكـ
[/align]

[الطاحونة]

موضوع لا يستحق كل هذه الردود..!!
من المؤسف أننا نرى مواضيع تعب عليها وجلس صاحبها ينقحها ويعيد صياغتها أكثر من مرة
ثم يخرجها لنا بأفضل صورة ...ثم نرى الردود لا ترتقي للمستوى المطلوب..
ونرى في المقابل الذي يسلق موضوعه كسلق البيض تأتيه الردود من كل حدب وصوب..!!
أنا أحيل هذه المعادلة إلى السطحية الفكرية لأغلب أعضاء هذا المنتدى,,,,,
.....ودمتم

[عاشق ديرتي بريده]

اقتباس:  المشاركة الأصلية كتبت بواسطة الطاحونة     موضوع لا يستحق كل هذه الردود..!! من المؤسف أننا نرى مواضيع تعب عليها وجلس صاحبها ينقحها ويعيد صياغتها أكثر من مرة ثم يخرجها لنا بأفضل صورة ...ثم نرى الردود لا ترتقي للمستوى المطلوب.. ونرى في المقابل الذي يسلق موضوعه كسلق البيض تأتيه الردود من كل حدب وصوب..!! أنا أحيل هذه المعادلة إلى السطحية الفكرية لأغلب أعضاء هذا المنتدى,,,,, .....ودمتم

هلابك اخوي الطاحونه
يبقى كلامك وجهة نظرك واحترمها

[الحنتريش]

عاشق يامنسم
خلاص ننخليهم من باتسر
المره تلبس المشلح والرجل يلبس التشريعه ولا يهمك بس خلك واااالم
بس السمبوسه والشوربه برمضان والبطاطس لاتطريهن على لسانك اقصوه يقعدون يصدقون همن نروح ملح مايحصل لنا شي
تسان ماصوم لو مايصيرن على السفره ههههههههاي
لاطرت على الواحد قال منول ومنول
تراي مالن من قولت منول من جدتي ياناس افهمو الحين انتم عام 2007 والتغير بالدقيقه يصير لاتجيبون طاري منول ابد
بعد انت منول ببطن امك والحين رجال ماهنا زينك ابد
ياخي من اساسيات النجاح ان الواحد مايلتفت وراوه

[هامة حاسوبية]

[align=center]

لا بد أن يكون لنا عادات وتقاليد تميزنا عن غيرنا

ولكن بالتأكيد ليست بالضرورة أن تكون كلها من صالحنا أو مقتنعين فيها

وبوجه عام لو تخلينا عنها جملة فإننا حتما سنفقد هويتنا

فالعادات والتقاليد جزء من حضارة الأمة


<أنا أتحدث عن العادات التي لا تخالف الشريعة وليس فيها إسراف أو تبذير>


تحيتي

هامة حسوبية

[/align]

[نواف عوض العنزي]

كل ناس ولهم معتقدات وعادات صعب تغيرهاا

[عازفة ألحان الليل]

اقتباس:  المشاركة الأصلية كتبت بواسطة هامة حاسوبية     [align=center] لا بد أن يكون لنا عادات وتقاليد تميزنا عن غيرنا ولكن بالتأكيد ليست بالضرورة أن تكون كلها من صالحنا أو مقتنعين فيها وبوجه عام لو تخلينا عنها جملة فإننا حتما سنفقد هويتنا فالعادات والتقاليد جزء من حضارة الأمة <أنا أتحدث عن العادات التي لا تخالف الشريعة وليس فيها إسراف أو تبذير> تحيتي هامة حسوبية [/align]

طيب ادكري لي عاداتنا وتقاليدنا الي ميزتنا عن غيرنا وتكون بدون اسراف ولا
تبدير ونفتخرفيها من جد؟؟؟

[كـامـو]

[align=center]عاشق شكلك أنت متزوج بفروة

غريب أمرك كيف ما ترى لبس البشت و التشريعه !!!

بالنسبة للبنات فالتشرعيه موجودة بكل البلدان حتى بدول الكفر أما البشت فهو للتمييز و الكشخه.

فكما ترى الامراء و المشايخ دائما يلبسونه.

.[/align]

[الباذل]

[align=right]اصلاهاذي عادات وتقاليد.................
وان كانت مو عاجبتك شوف جدران بريده[/align]

[هامة حاسوبية]

[align=center]

اقتباس: طيب ادكري لي عاداتنا وتقاليدنا الي ميزتنا عن غيرنا وتكون بدون اسراف ولا تبدير ونفتخرفيها من جد؟؟؟

أنا لم أقل نفخر بها

ولا تتجاهلي قولي

اقتباس: ولكن بالتأكيد ليست بالضرورة أن تكون كلها من صالحنا أو مقتنعين فيها

ولكن قلت أنها تجعل لنا هوية تميزنا عن غيرنا

وبدون شرح مطول مثلا لو قلت أنني سأقيم حفل زواج خليجي سيتبادر إلى ذهنك الطراز الذي تقوم عليه حفلات الأعراس لدينا ، لكن لو قلت أنه زواج أمريكي سيكون الأمر مختلف

فما وجهة نظرك لو حضرتي زواج سعودي على الطراز الأمريكي ؟؟ بالتأكيد سنشعر أنها كارثة لأن ماحصل من ميزات بلد آخر وقد تخليت عن ميزة بلدي



تحيتي

هامة حاسوبية

[/align]