أبي رأيكم يابنات توافقين أولا !!! اللي يبي يدخل من الرجال يعطينا حل

[بنت البدائع]

اقتباس:  المشاركة الأصلية كتبت بواسطة شموع تحت المطر     يالبرنسيسة... اي ماتت بنت بالكلية.. الله يخلف على اهلها... جلسنا اسبوع مو مصدقين مع ان الخبر كل البنات عرفوا فيه بس رئيسة قسم الارشاد بالكلية بنت المشيقح هي اللي أكدت الخبر وبدت تدور على البنات وتقولهم لاتاكلون وتمشون مع أحد ماتعرفونة.. العميدة رفضت تدخل أحد من الصحافة أو من براء الكلية..عشان كذا ماحد عرف... لاتستبعدين اي شي..لان اسمها كلية تجمع الكل..صالح ولا طالح..

الله يرحم البنت ويخلف على شبابة بالجنه ..

البنات أحيان يكون ن شر يجب الحذر منه ...

[بنت البدائع]

اقتباس:  المشاركة الأصلية كتبت بواسطة Queen buraydh     عزيزتي بنت البدايع بالنسبه لي لا اُفضل غير المدخن على المُدخن ,, لكن ماراح يصير الا المكتوب ..

يعني كله واحد <<< غريبة والله

والمكتوب مامنه مفر

شاكرة لك التفضل بالمرور

[بنت البدائع]

اقتباس:  المشاركة الأصلية كتبت بواسطة ابو ريما الخالدي     الدخان يجر وراه كل البلاوي الحمدلله الذي عصمني منه

بالفعل أبو ريما الدخان بداية لسلسلة المهالك

بس الأغلب لايظن ذلك ..

[بنت البدائع]

اقتباس:  المشاركة الأصلية كتبت بواسطة هادي الطبع     حقيقه ان الانسان قد يقلع عن التدخين وقد تتطور الاحداث مثل ماصار مع قريبتك ولكن الحل القاطع الا وهو الاستخاره اولاً وآخرا واعتقد بانها تعرف الطريق بعد الاستخاره

بوركت أخي هادي الطبع وبورك ردك الهادي

فعلاً الإستخارة أمر لابد منه

[بنت البدائع]

اقتباس:  المشاركة الأصلية كتبت بواسطة مــــا زنــــــــ     [align=center] . . . فيه ناس رفضوا شاب على خلق فقد لانه مدخن !! وزوجوا بنتهم لشخص اخر لكنه يصبحها بكف ويمسيها بطراق وتحلم أنها تشوف أهلها الا بالمناسبات الكبرى كا العياد والاعراس والمأتم وفوق ذلك تزوج عليها مسيار من الشين وهو بصراحه ماشاء الله عليه مهوب يدخن الله لايضره !! . . . [/align]

وشلون يصير على خُلق وهو يدخن

ماأقصد أن اللي يدخن داشر لا <<< لاتفهمون غلط تراكم حساسين بهالمنتدى

واللي مايدخن ويمسي زوجته بكف ويصبحها بطراق هذا شي راجع على طبيعة الرجال

[بنت البدائع]

اقتباس:  المشاركة الأصلية كتبت بواسطة رحيل     من رأيي إذا الرجال مافيه عيب غير التدخين بقبل فيه ومو دليل أن الدخان يجر وراه بلاوي على قولتك في الغالبيه اللي يدخنون ابتلوا فيه وقت المراهقه وعلى فكره فيه ملتزمين ويدخنون لإن ابتلوا فيه وما قدروا يتركونه وللمعلوميه ثلاثة أرباع الرجال يدخنون يعني مو معقوله كل البنات يرفضون ويقعدون بناتنا وعيالنا من دون زواج والرجال ما يجي تفصيل زي ماتبين على فكره أنا أكره شي بالدنيا الدخان إذا شميته تنقلب نفسيتي بس أنا مقتنعه بالكلام اللي قلتلك

هلا حبيبتي رحيل انا رديت بأحد الردود وقلت أن الدخان أهون العيوب عند الشباب

وصرنا قريبين للقناعه من هالشي

بس حتى لو قدر الله مانرضى فيه

والدخان كماتفضلتي بلوى لكل الرجال الملتزم والعادي

شاكرة لك التفضل بالرد

[بنت البدائع]

اقتباس:  المشاركة الأصلية كتبت بواسطة هامة حاسوبية     [align=center] بنت البدايع مرحبا بك عزيزتي لا شك أن الدخان مضر بالصحة وقاتل وينفر الناس من شاربه ولكن إذا كانت معظم صفات الشاب ممتازة وعيبه الرئيسي الدخان فبرأيي أن توافق الفتاة ، لأن عيوب الشباب اليوم تعدت الدخان بكثير للأسف !! - ولتحاول بعد الزواج أن تغيره بحيث يترك الدخان - وأعرف لك شابين من أفضل الشباب والجميع يثني عليهم ولكنهم للأسف يشربون (معسل) وهذا أمر لا يمكن التغاضي عنه كالدخان وبالتالي يتم رفضهم من معظم الناس !! عزيزتي كوني أكثر واقعية ولا تنشدي المثالية ، بل قارني الشاب بمجتمعه ، فإن كان من الفئة الجيدة فالحمد لله ، وإلا فالعيوب تشمل الجنسين وليت الشباب يعون خطره ويبادرون بتركه لك تحيتي هامة حاسوبية [/align]

هلا والله بسيدة الحكمه والعقل

أختي هامة مارأيك بالشاب اللي يقول المعسل أهون من الدخان !!

فعلاً أختي هامة عيوب الشباب الآن تعدت الدخان الله يصلحهم يارب ويرزقنا الطيب منهم

[بنت البدائع]

[QUOTE=اعلامي متعقل;1349655]

بنت البدائع ........... حولت اشارك كم مرة ادخل الموضوع واقرا الردود لعلي احصل

مدخل للموضوع <<<< مو ضابطة معي ومش مجرب التدخين ... واستراحتنا

ما فيه احد ........ بتع دخان ومن الكلام ده وكلنا رهيبين <<<<<<< هذا يدور زوجه

لا ..... صراحة عن الموضوع مخي جيم .... اول مرة .... بس .... ايه ..لقيت ... شي

اقتباس: احد المشاركات .. تقول اتزوجه ... وبعدين اخليه يتركه ........ اتوقع يتركه هي .... ولا يترك التدخين

... اتوقع .......

اقتباس: تحياتي ....... لك ......... ولمشرفنا فور يو

اقتباس: [/QUOTE

]


أخ إعلامي الله يكثر من أمثالك أنت وربعك

معقولة إستراحه كامله مابه أحد يدخن

الله يبشرك بالخير..


احد المشاركات .. تقول اتزوجه ... وبعدين اخليه يتركه ........ اتوقع يتركه هي .... ولا يترك التدخين

لاتحطم الآمال ماعلى الله شي بعيد .. تحياتي ....... لك ......... ولمشرفنا فور يو[/CENTER] [/COLOR][/SIZE][/FONT][/QUOTE

وش دخل فوريو

أص لاينقفل موضوعي وأنا مابعد قضيت من إستفساراتي

[بنت البدائع]

اقتباس:  المشاركة الأصلية كتبت بواسطة شموع تحت المطر     بنت البدايع وشو غنامة الجديد هذا....؟؟ لاتخرطين علــــــــــي.. انا بسكن خاص وحماية مشددة عليه..ياكافـــي بس... وين يصير غنامة هذا بالسعودية..

كر كر كر كر ياشموع

مدري وحدة بريداوية تعرفت علية بمكه أيام الإجازة بالشامية

تقول إني بحي غنّامة

أجل هي تنصب علي

[بنت البدائع]

اقتباس:  المشاركة الأصلية كتبت بواسطة الملاك الوردي     المدخن المشكله مو في تدخينه في ريحته والمدخن غالبا يكون عصبي وعنده ضغوط نفسيه و...الخ شكل خطيبك مدخن بالنسبة لي ع حسب يمكن ارفض ويمكن اوافق رفضنا الكثير لاسباب غير الدخان واي خاطب يوحي الارتباط به بمشاكل تركه اولى هذا من رايي

هلا بالملاك الوردي

المدخن أنسان طبيعي جداً

ولم أرد بكتابة الموضوع أستبعدة من شاكلة الشباب المقبلين على الزواج

ولكن قصدي أشوف أرائكم

وزي ماقلنا قبل أصبح من أهون العيوب الآن

شاكرة لك التفضل بالرد

[شموع تحت المطر]

والله مادري اسألي فور يـــــو ولا ابو خالد عشانهم وراي اليوم وانا امشي واطالع وراء >>متولمة للمصايب

انا ماعرف شي الا السكن حقنا..... وماحد يشوفنا ومانشوف احد....

مشكلة الحمايــة.. على غير سنع..

[JR0007]

بسم الله الرحمن الرحيم

الحمدالله على العافيه لغير المدخنين والله يعين كل مدخن ويعافيه

الموضوع مو هل تقبل بزوج مدخن الموضوع اكبر من كذا

لكل واحد وجهة نظر والردود كثيره وكل واحد بعقله راضي ومشكورين على المشاركه

من الي قالت
(انا وشطارتي اخليه يتركه)

تدرون فيه شي يغفل عنه كثير من الناس الا وهو من المدخن ؟ مجتمع متقارب اخوان عيال عم جيران اقارب الدعوه عامه المجتمع في خطر .

من ايش في خطر من ؟؟؟ العزوف عن الزواج لدى الشباب ومن يفوته القيطار وتبداء مرحلة العنوسه للبنات

يوم قلت من قالت لأن الأخت عندها شي تفتقده كثير من البنات اليوم وهو الرؤيه المستقبليه
والثقه في فن التأثير على الشريك وزوج المستقبل لدفعه الى كل ما هو طيب وابعاده عن كل ماهو العكس

على فكرة انا من الفئه الي ما تبونه يا بنات انا انا( مدخن )

هل سنرفض هل هل هل
متى سنؤمن انكن يا معشر النساء محور التغيير لكل مجتمع فأنتن وبلا شك القاعده الصلبه وبصلاحكم وأردتكم تصنعووون المعجزات

هل ستقبلين فأنتي المعجزة وبكٍ تكون المعجزه والأستقرار والنظوج والأحساس بالمسؤليه لكل شاب

ولم تسئلن انفسكن ايها البنات هل سيقبل هو بك بعد كل هذا ؟ وانتن ابخص وش صاير خلوني ساكت بس
يعني يدا بيد يا أخوات جاء دوركم تقبلووو الشباب فلاربما كانت بيدك هدايته والرجال يبين فيه الجميل والمعروف خاصه بعد زوجك يا سلام يحطك بعيونه طول عمره فأنتي المنقذه وانتي الي قبلتي فيه على كل عذاريبه وانتي الأجوديه يابنت الأجاويد
شوفت عيونكم البيوت مليانه بنات والشباب ملووووو وقعدووو بالأستراحات

عموما انا املااء ما عندك احد حولووو تقروون الرد تهجو مايخالف
نظره واقعيه والي تحت المطر الله يجيب الشتاء

اول رد اكتبه صراحه في المنتدى اتمنى يجوز لكم ويستحسنكم وشكرا


دمتم في رعاية الله

[بنت البدائع]

اقتباس:  المشاركة الأصلية كتبت بواسطة أريج الحياة     والله انكم تتشرطون وراميين الواقع وراء ظهوركم احيانا تتزوجين واحد وانتي ماتدرين هل هو مدخن او لا لذلك كوني عاقله واعرفي كيف تتعايشي مع المشكله وطالعي حسنات زوجتك وقيسيها ب سيئاته واعرفي ان في الدنيا هذي كلها مافي احد كامل حتى لو انه ابوك الي جابك لابد مايكون فيه عذرووب .

أريج عورتي قلبي تراك

شكلي أبوافق على هندي البقالة حقتنا بعد كلامك

ياقلبي أنا عارفة الواقع اللي أنا فية

بس حبيت أشوف أرائكم هل أنتم مثلي أو لا

وبعدين أنتي قلتي يمكن تكونين متزوجه شخص يدخن وأنتي ماتدرين؟؟

لا بالمشمش ياآالبي ليه ماأعرف يكفي بس الريحه اللي بتلصق بثيابة وبفمه وسيارته

إلا عاد أن كنت ماأشم هذي حالة ثانية..

شرفتيني أريج بمرورك بس تراك دقيتين شوي

[الحصان الأسود]

بنت البدائع مرحبآ

سبق أن وضعت موضوع سابق لي .

وهو اسأله وشبه احصائيه لوجهات النظر .

تفضلي

http://buraydh.com/forum/showthread.php?t=99943

[ღ ][ وحيدة كالقمر ][ღ]

أريج:
يالغلا وكيف مااعرف ....وهو أول مايسأل ولي الأمر عن حالته هل هو مدخن والا لا..طبعاً أتكلم عن أبوي مادري كل الرجال كذا والا بعضهم

طيب؟؟


يعني هي غير مقتنعه فيه حتى لو تعنس ...

يعني أكررررره ريحته وشلون تبين أعيش معاه؟؟؟وأتحمل هالريحة الكريهه....كيف؟

ودي أقتنع بس عجززززززت...وإحتمال يكون مافيه أمل.........