رحت للإمارات ... وكثر الدمع حرق جفوني

[عجوز سمنسي]

[align=center]

اقتباس:  المشاركة الأصلية كتبت بواسطة هامة حاسوبية     [align=center] تحيتي هامة حاسوبية [/align]

انتي خليتي فيها تحيتي ياهومة؟

منزلة الصور الرهيبة وتقولين تحيتي

ماغير قهرتي المسيكينة وحيدة المنتدة وخليتي دميعاتها تبطبط اربع اربع

لك الله ياوحيدة[/align]

[عجوز سمنسي]

[align=center]

اقتباس:  المشاركة الأصلية كتبت بواسطة &وحيدة كالقمر&     [align=center]هـــــــــــــــــــمومة إرحمـــــــــــــيني..... <<<<نفسي أرووووح لها ياااااااااناس....[/align]

ياناس احد يركب البنية ويوديها لدبي ويخليها تشوف وتستانس

ماغير تصايح علينا المسكينة

والا اقولك وحيدة

قولي امين الله يجيب لك العريس السمنسي اللي يسافر فيك شهر العسل بدبي

والا امك عليها السلام مافيها فايدة ماراح تخليكم تروحون[/align]

[ღ ][ وحيدة كالقمر ][ღ]

آميــــــــــــــــــن ياسمنسي


هين امي غاسلت(ن) إيدي من موافقتها نسافر للخارج.....


بس صدق ياشايبنا يقولون إن الشارقة هناك مثل بريدة...يعني حريم متحجبات ومتغطيات ...صدق وإلا أهلي يهكون علينا......

تكفو ن لا تحذفون ردودي ودي أستفسر أكثر يالغالين....
لي الله .....


تحيتي

[هامة حاسوبية]

[align=center]

يالعجوز

اقتباس: ياناس احد يركب البنية ويوديها لدبي ويخليها تشوف وتستانس

السالفة مهب بلاة أحد يركب هالبنية وإلا غيره ويوديه

السالفة إن فيه ناس مخططين يهجون لذلك الديار >> مب أنا ترا



وحيدة

اسألي وهامة تجيب

اقتباس: بس صدق ياشايبنا يقولون إن الشارقة هناك مثل بريدة...يعني حريم متحجبات ومتغطيات ...صدق وإلا أهلي يهكون علينا......

فليسمح لي الشايب بالإجابة

الشارقة والعين >> العين تابعة لبو ظبي ، يعتبرن من أكثر إمارات الدولة محافظة

بحيث تجدين غالبية المواطنات هناك منقبات أو متحجبات

لكن الشارقة فيها نسبة أجانب والعين أغلب سكانها بدو

هذا مالدي وإذا جا الشايب يعطينا العلم الوكاد اللي يجمد على الشارب




تحيتي

هامة حاسوبية

[/align]

[عجوز سمنسي]

دامك ياهومة طلبتي الافادة فانا ابعطيك الافادة البسيطة اللي اعرفها

الشارقة وراس الخيمة كانت سياسيا تتبع الدولة السعودية وذلك لاقتناع القواسم بدعوة الشيخ محمد بن عبدالوهاب

وبعد توحد الامارات اصبح لكل امارة الحرية باختيار قانونها فاختارت الشارقة وراس الخيمة النظام الاسلامي

اتحدث عن الشارقة لعلاقتي فيها حيث الدوائر الشرعية والمعاهد التابعة لجامعة الامام والمحافظة

اذكر ان الشيخ زايد طلب في اجتماع لحكام الامارات ان يوحد القانون وان يستعينوا بقضاة من مصر والمغرب العربي

فرض القواسم ذلك بحجة اقتناعهم وعلاقتهم بالسعودية وعدم استغنائهم عن السعودية ونظامها القضائي

الحالات الاجتماعية اعتقد ان الشارقة مناسبة جدا لنا كبيئة محافظة متطورة مقاربة ومشابة لوضعنا

عاد انتي ياوحيدة روحي ويصير خير

اقول ياهومة الحاسوبية : طبطبي تكفين على كتف وحيدة وامسحي دميعاتها وقولي لها لك الله وان شاء الله بالجنة

والله ماحر تسبد وحيدة الا انتي ياهومة

[هامة حاسوبية]

[align=center]

وأنا من يطبطب على كتفي يالشايب



أيوووه عليك نور

الشارقة مناسبة لنا جدا فديت القاسمي أنا >> ترا الجواز جنبه والتذكره قريبه

[/align]

[فتحي الشقاقي]

بالله كيف حصلت على سكنفي دبي ؟

انا من 15 رمضان ماخليت فندق ولا منتجع ولا شاليهات مادقيت عليها كلها محجوزه الى ثالث العيد ،،

ومافي سكن في هذي الاماكن بأقل من 1200 ريال للشخصين ..

شي رهيب ارتفاع الاسعار بالعيد هذا في دبي ،،

لو سويت مقارنه بأسعار السكن في مكة المكرمة مع دبي

في مكة افضل موسم في رمضان بالعشر الاواخر تسكن في دار التوحيد اليوم بــ 4000 ريال
اما في دبي تاخذ شاليه في المرديان الو الجميرا بتش ايام العيد مافي اقل من 5500 ريال ،،

يعني معقوله هذي الاسعار توصل في دبي للدرجة هذي ؟؟؟

برامج دبي بالعيد مغطي على افضل مواسم العباده بمكة >> عشنا وشفنا

افكر اخذ سكن سنوي في دبي ومافي سكن لشقة عاديه بأقل من 60 الف بالسنه ،، اموت واعرف كيف عايشين الهنود في دبي بهذي المعيشه ..

اما عن الطرق :

بصراحه الامارات مافيها كلام ،، حتى لو كان فيها سيد واحد تحصل فيه خدمات بالطرق رهيبه من مطاعم وتشجير وإناره طول المسافه ..


اما زلت اردد /

شارك الغي في سما دبــــــــــي
كان تبغي تشوف الناس في جنة

[الكوري]

حرام مقارنة بين السعودية بكبرها وقدمها بالإمارات الحديثة والصغيرة
صحيح عندنا ثروة أكثر منهم بكثير ولكن الأمانة عند ربعنا مبيوعة والله اللي يصير بالسعودية من المقاولين ماترده إلا جهنم الله يحمينا منها ناس ماعندهم ذمة وياليت حملة مكافحة الفساد اللي أعلنها الملك عبدالله تبدأ وبقوة

[ღ ][ وحيدة كالقمر ][ღ]

الله يخليكم .....افدتونا...

تصدقون لقيت فكرة...بقول لأمي بحاول أقنعه إن فيه مدن هناك مثل بريدة

ابد تسنك ببريدة<<<<ماتحب تبالغ الأخت


والله ياأمي تبي تطيع....راسه ناشف أعرفه حبيبة قلبي......


والله حمستوني.....مررررررة إرفقوا علي حرام عليكم.....


تصدقون أخوي يوم شراء سيارته كان لوحده...قالوا المرة الثانية لاجيت تشتري سيارة لا زم تكون معاك عائلة


<<<<<هنا وحيدة شهقت وجزمت وجهزت الجواز ياحياة الشقى....



إيه بالجنة ع قولة السمنسي......


طيب أذكر أخوي قالنا عن منتزه وملاهي فيها......بدبي طبعاً.....وشي؟؟؟غير عالم الثلج...<<<تعلمكم إنه مخربته وتعرف شي عن الإمارات...

[هامة حاسوبية]

[align=center]

اقتباس: شارك الغي في سما دبــــــــــي كان تبغي تشوف الناس في جنة

هههههههههههههههههههه

يامنسم أنت

بس صدق والله علي الخوار صح لسانه ملايين >> هي لعلي الخوار القصيدة وإلا لا ؟!



وحيده

يامالك بدبي ، بتشوفين حاجاااااااااات مب شي واحد بس

وبيفتحون ديزني لاند عندهم بعد بس مادري فتحوه وإلا للحين

[/align]

[بنت البدائع]

طليت بس أشوف ردود هامه المنسمه

أرفقي على عمرك لا يطق فيك عرق

شدتني بعض الردود اللي تكلموا عن محطات الطرق هنا<<<

ودي لو مرة أذكر بعمري إني دخلت دورة مياة صاحية..

((طرفه))

وحده من زميلاتي حالفين أنهم مايطبون المحطات اللي على الطرق من الهوايل اللي يشوفون

وش سوو ؟؟

عند السفر يأخذون رواق خيمه ويطقونه بالبر عند الحاجه وكلن يشوف شغله من أفراد العيله

[حصيصه الامريكيه]

الحمد الله ع السلامه ياسمنسي
وانت دائما مطيح بالصيف بسوريا
وبالعيد بدبي متى تعقل انت وين زوجتك عنك
او مغلوبا على امرها المسكينه...؟
الا وشلون رحت بسياره احس انه كسل وبعيده
عموما..
دوما سالما غالما من كل مكروهـ

[عجوز سمنسي]

[align=center]

اقتباس:  المشاركة الأصلية كتبت بواسطة فزاع     يا اخي ربعنا حاولوا يطبقون نظام الامارات في ان شركات مثل (( ساسكو )) تأمن نظام محطات الوقود بكل الخدمات على الخطوط السريعة مثل ما هو حاصل في الامارات ( شركة بترول ابو ظبي _ ادونيك وبترول دبي _ ريبوك - لكن ربعنا يحاولون عمل الخدمات بأقل التكاليف وبدون صيانة و يمكن الدراهم راحت في جيب كم مصري ... على كم لبناني .... على كم سوري فهم المعزيب ان المشروع يعمل صيانة ذاتيه لنفسه وهو لهف الهبرة الكبيره و مشى تعرف الثقة في ابن البلد (( صفر )) و الاخ المقيم يقدم للربع خدمات .....

هلا بفزاع

ياخي اسمك رهيب في مسلسل بدوي بدل وضحى وابن عجلان

المشكلة الكبيرة من ابو شكيم وشلته يافزاع

الدولة حريصة ولكن اليهود العرب مهب تاركيننا في حالنا
ليت يكون عندنا تخصيص لمحطات الوقود اللي بالطرق السريعة وتكون مسؤولة كليا عن اي تخلف او نقص في الخدمات

والا يمسكونها للشركات الامارتاتية عندهم ذمة وربي احسن من ربعنا لان النظافة طبع فيهم[/align]

[عجوز سمنسي]

[align=center]

اقتباس:  المشاركة الأصلية كتبت بواسطة الكبري     الحمد لله على السلامه ، وش فيه شارع الرقة يالشايب ، الإمارات فيها تطور ولا شك ، لكن عندما تدخل بعض مدنها لا تشعر أنك بالإمارات ، ولعلك تحكي الحقيقة عن عجمان وغيرها ، وحدثني عن شوارع دبي الضيقه ، وزجمتها التي تجعلك تنتظر لساعات ، دبي متطورة وراقية لكن ليست بالكامل ، وفيها أنظمة وخطط أتمنى أن تستفيد السعودية منها ، عجوز بقي أن أقول أني قرأت إحصائية مفادها : أن مساحة دول الخليج وعدد سكانها وإقتصادها لا تعادل المنطقة الشرقية من السعودية ، لكم اطيب المنى

هلا بالكبري

ياخوي الرقة فيها قطاوة تقول : ميووووووووووو

عل فكرة الشوارع الضيقة اللي تشوفها في دبي تعتبر وسط المدينة القديمة وصعب تنظيمها ومع ذلك تعتبر شوارعها في الزفلته والارصفة والانارة افضل بكثير من مدن بالسعودية

لانلعب على ارواحنا ياكبري هذا الواقع

انت تقصد شارع نايف وهو يعتبر وسط المدينة القديمة

انظمتها الادارية رائعة وانظمتها المرورية ممتازة واحترامهم للنظام شي غريب لم اتوقع ان اجده في بلاد عربية

طبعا هذا ناتج من احتكاكهم الكبير بالاجانب

القهر ياكبري ان دول الخليج ماتجي ربعة بالشرقية ومع ذلك احسن منا

حنا اغنى منهم بكثييييييييييير ومع ذلك لازالت شوارعنا متخلفة

قسم بالله اليوم الصبح حامت تسبدي من شوارعنا

كلما صلحت السيارة ارجع اركب لها مقصات وركب ومساعدات

شكرا لك ياكبري[/align]

[اسم العضو]

ياشايب ياسمنسي

لبغيت تستانس سافر لدول أقل تطور من السعوديه مثلآ روح لليمن أو دول أفريقيه

مثل السودان أوأرتريا ولا الصومال وشوف الفرق والمقارنه وين من بريدة الى دبي

حته وحده بس تقهر روحك !!!

سلام....