إلى متى هاذا الاستغلال ياكلية الاقتصاد ..؟؟ ترانا ملينا

[ـالجوريـ]

اقتباس: سبحان الله حتى وقت الردود مابينهن فارق كبير

لأننا أول ماجينا فتحنا الموضوع

[ـالجوريـ]

اقتباس: أختي متأذيه شكرا لك على ماكتبتي فأحرفك نطقت عن أحرف كثير من الطالبات

لكن للأسف هالحروف مؤذيه

يعني كأنه تتهمهن بالسرقه

ع العموم

الله يهدي الجميع

[عمر الشعلان]

بكل صراحة لقد تأذيت كثيرا مما قرأت وإن كنت ارى كما يرى آخرون أن بالكلية اناس نحسبهم على خير والله حسيبهم وان ما يحدث إن حدث فهو سلوك مشين من فئة ضالة لا ترعى في المؤمنين إلا ولا زمة حاسبهم الله

فعميدة الكلية نراها ان شاء الله على خير وارجو ان يوفقها لما يحبة ويرضاه فهي على قدر كبير من الالتزام الديني والخلقي والتمسك بامور دينها ودنياها
التي بها صلاح الامر ان شاء الله.

فهناك من الطالبات ممن يرغبن في نفخ القلييل ليصير كثيرا والتهويل من الشىء من باب خلع قلوب الناس لما يحدث لبناتهن وهذه حرب استباقية
ليقع ذلك بقلوب الواجفين المرهقة من وقع الامتحانات فنحن على الابواب
والحديث عن عشر درجات لا يأتي ابدا قبل امتحان منتصف الفصل الدراسي
فهو بيدي المعلمة عن ما يخص تقديرها للطالبة من حيث الالتزام والانضباطوالمشاركة العلمية وليس مشاركات صيانة أو عمالة فمن من بناتنا بالله عليكم اذا طلب منها ومن يجروء على هذا فكل ولى أمر له كل الحق بأن يذهب للكلية ويسوي مشاكل إن شاء كما أن قونين المملكة تمنع وتجرم الاتيان بيمثل ذلك من أعمل قد تعرض صاحبها للتحقيق والعقاب إن ثبت.

,انني اري مع ذلك خير في هذا كلة لما تعدة جامعة القصيم بمشاركة العديد من الكليات في عمليات جودة وتطوير العملية التعليمية حيث سيصبح من حق الطالب المشاركة في تقييم العملية التعليمية وليس المعلم
وهو الاتجاه التعليمي السائد بدول العالم

لإاجر ان تراعو الله فيما تقولون وتفعلون والله الموفق لما يحبة ويرضاه


وشكرا اخ كثير وأخواتي على المشاركة والموضوع واجوا الا اكون اطلت وقبلوني عضوا مشاركا نعكم

والسلام عليكم ورحة الله وبركاتة

[بنت الديرة]

وليه عشان اخذ عشر درجات لازم ادفع ولا يسوون لي اختبار!!!!

المشاركه من اسمها مشاركه داخل المحاضره مالها دخل بالأختبار وغيره

الأختبار اصلا له درجات لحاله

طول عمري اخذ العشره بكليه التربيه الأدبية بلا اختبار وبلا دفع ريال واحد

الله يعينكم على مابلاكم ياكلية الأقتصاد لكن السكوت هو اكبر غلط

[هذي انا]

اقتباس:  المشاركة الأصلية كتبت بواسطة وحده متأذيه     [align=center] بسم الله الرحمن الرحيم .. اتمنى من العلي القدير ان يصل صوتي الى المسؤؤل عن كليات التربيه في منطقه القصيم .. علشان يشوف الاستغلال وين وصل .. بصراحه اخواني نحن طالبات كليه الاقتصاد خاصه قسم (( التغذيه )) نعاني بشكل كبير من الاستغلال من الدكتورات والاستاذات من (( الجنسيه المصريه )) .. كل يوم طالعات لنا بطلب علشان عشر درجات بأعتبارها مشاركه هل يعقل بأن الطالبه مسؤله عن توفير ..... 1/ ادوات طبيه 2/ اجهزه كهربائيه 3/ تأثيث الكليه 4/ زراعة الكليه 5/ كتب لمكتبة الكليه ما احد بيستفيد من الاشياء هذي الا حنا يالطالبات اعذروني لاني راح اتكلم بالعاميه علشان اوصل لكم اللي قاهرنا من المصريات الطلب الاول : الدكتوره طلبت منا اننا نجيب 25 شتله علشان تزرع الكليه اوووووكي ماقلنا شي جبنا له 25 شتله علشان عشر درجات انذلينا به يوم جبنا له 25 شتله قالت ماراح تأخذون العشره لحد ماتكملون لـ 40 شتله !!!!!!! مع انه بالبدايه كان الاتفاق على 25 شتله بس يوم شافت الطالبات ماعندهن مانع يجيبن قالت زيدووو لحد الاربعيين !!! مع انه غصب عليه انه تعطينا العشره حاله حال الاستاذات السعوديات اللي يعطننا العشر درجات من غير اي طلب المشكله ان الطلب هاذا بالذات مطلوب من 3 فرقات وكل فرقه لاتقل عدد طالباته عن 150 طالبه ....!!! يعني كل 450 طالبه راح تجيب 40 شتله من قال زودت لأربعين لا تجيبين كلام من عندك ووين ماصارت كليه هاذي صااارت غابه .. والمشكله اللي يقهر ليته ازرعتهن كلهن زرعت من كل عشر شتلات وحده !! والباقي مادري وين راحن شكله فتحت مشروع مشتل له .... يعني تبينهم يزرعون بيوم واحد!!!!! بعدين الكليه به اماكن كثيره للزراعه تكفي لانواع واشكال الشتلات والدكتوره شاورتنا وقلنا له عادي يعني ما غصبتنا الطلب الثاني : طلب منا نجيب كنب علشان زي مايقولن راحتن جبنا كنب قعدنا يوم واليوم الثاني واليوم الثالث وينه ؟؟؟؟ اختفى !!!!! رحنا سألن وين كنبنا ..؟؟ الكنب حنا اللي اقترحنا نجيبه ولا الدكتوره مكتفيه بالطاولات والكراسي اللي جابوا بعض البنات قالن لنا شلناه وحجتهن المره هاذي انه (( منظر غير حضااااااااري )) دام انه منظر غير حضاري ليش طلبوه من الاووول .. طيب وين راح الكنب ؟؟ اكيييييد موجود بشقق اخواننا المصريين ... لا تظلمين احد بكلامك خلاص شالوه بكيفهم الطلب الثالث : اجهزه لقياس الضغط .. طلبت منا على كل 5 طالبات اننا نجيب قياس ضغط وشوله .. يقولون علشان اذا البنت تعبت ناخذ قياااس ضغطه المشكله اذا تعبت الطالبه ياليتهم يقيسون ضغطه يتصلون على ولي امره وتنتهي المهمه .. طيب وين اجهزة الضغط ووش فايدتهن واللي يبي يعرف وين راحن الاجهزه يساافر لمصر ويشوفهن بالمستشفيااات 5 طالبات يجيبن جهاز؟؟؟ من وين لك هالكلام حنا ما دفعنا الا 3 ريال يعني ما عندك 3 ريالات ؟؟؟>>> اتوقع هذا مصروف اخوك الصغير الطلب الرابع : اجهزة الميكرويفات .. حنا اربع فرق على كل فرقه احضار اربعه اجهزه يعني 16 جهاز تدرون وشوله الطلب ...؟؟؟ طيب وين المشكله حتى لو جدعوهن كل اللي دفعتيه 10 ريالات علشان نزوب الزبده على قوله المصريه .. جبنا الميكرويفات وماقلنا شي طبعا علشان هالعشرررره جاء الوقت اللي نبي نستفييد من الميكرويفات علشان نزوب الزبده دخلنا معمل الطبخ ندور يمين يسار فوق تحت فتحنا الدروج ندور هاللي جبنا ومالقينا اي اثر لاي ميكروييييف وصرخت وحده من الطلبات من الفرحه طبعااا وتباشرنا بوجود كرتون واحد للميكرويف تدرون وش المفاجأه اللي لقينا .. (( كرتون ميكروييف بلا ميكرويف )) وقلنا للدكتوره وين الميكرويف اللي جبنا علشان نذوب الزبده ..؟؟ قالت : الزبده زايبه بلاش ميكرويييف والمشكله اننا بعز الشتاء طيب دام الزبده زايبه ليش من الاساس تطلب هالطلب ..؟؟ هنا السؤال .. وين الميكرويفات ..؟؟ وكالعاده يابيعن يا بمطابخ المصريات على ما اظن بالامتحانات شفناهن وباقي الايام ما نحتاجهن اصلا الطلب الاخير واللي مازال تحت الانشاء والدراسه : الا وهو ترمييم ارض معمل الكيمياء !!!! اما تبليط او فرشه ..؟؟ وجميع الطالبات في انتظار تصريح الهانم اما بأحضار كرتون بلاط واسمنت او متر من الفرشه وغراء .... عاد هذا بالذات حنا اللي اقترحنا على الدكتوره اننا نرممه منها درجات ونحسن شكل المعمل ولو دفعنا ما راح يتعدى 10 او 15 يعني ما يضرك الى متى هاذا الاستغلال والى من نشكي ..؟؟ الى عميدة الكليه اللي تطلب معهن ..؟؟ يااااااااارب صوتي يوصل للمسؤل ويحل هالمشكله التي تعاني منها طالبات قسم التغذيه والله اعلم بباقي الاقسام .. اعتقد ان الدوله ماقصرت ومخصصه ميزانيه لكل شي .... وعذراً على الاطاله ولكن هاذا جزء بسيييييييييط جداً والقادم اعظم والضحايا الطالبات ... واعذروني على ركاكة الاسلوب ..[/align]

كلامك هذا راجع لك انتي مو راي كل البنات

واذا انتي ما تبين تدفعين غيرك يبي>> مع اني اظن ان هالشي ما يكلف ولو تجمعين قيمة كل المشاركات ما جن ربع قيمة الفطور اللي عاى طاولتكم كل يوم

بعدين اشوفك ما تكلمتي عن الشتلات الا بعد ما جبتيهن يعني حنا وش ذنبنا الحين وحنا ما جبناههن والدكتوره مو فاضيه كل فتره وفتره تسوي لنا امتحان

عموما يكفينا

حسبي الله ونعم الوكيل

[غلا الدنيا2007]

ههههههههههههههههه <<< رايقه

حنا يوم دخلوا علينا حسبناهم عشان الجوالات << مستجدات هع

ياهم منقهرين بس صراحه المكتوب مبالغ فيه العميده شوي ويطق به عرق

عاد خلاص قالوا لكم مافيش مشاركات ماديه ابلشوا باعماركم هع

[رنا خالد]

نريد تدخل سمو الامير فيصل بن بندر شخصياً ونقل عميدة الكلية بهذا نستطيع ان نمشي على الطريق الصحيح

[ماغيري]

اختي ياللي متأذيه ..

السلام عليكم ورحمة الله وبركاته

انا من طالبات التغذيه الفرقه الثانيه

ولو تبين صوتك يوصل للمسؤلين بقولك على شي

تراهم مايدرون عن المنتديات ومايكتب به

مجرد انك تكتبين بشكل مبالغ جداً يصل للكذب )..

وهذا غير ان هالطلبات مااجبرنا عليها

ولو حابه تأخذين مشاركه

(( انتظمي بالحضور - وشاركي )) .. ولو مافيه مشاركه ..مثل مانك قدرتي تكتبين هنا شكوى .. تقدرين تروحين لاي دكتوره تطلب طلب .. وتقولين له
انا مااحب الطلبات احب تكون مشاركتي بالمحاضره << وهالشي مستحيل ترفضه دكتوره .. بلعكس تشوف طالبه معه تشارك وتجتهد بتعطيه حقه
ولو ماعطتك حقك .. رب العالمين بيحاسب اي شخص على عمله


اولاً :

كل مايطلب منا (( لسنآ بمجبورين )) ان نأتي به

وان اردتي ان تكسبي درجة المشاركه

انتظمي بالحضور - وانتظمي بالمحاضره - وحاولي قدر المستطاع ان تشاركي

فإذا اردتي ان تحصلي على درجة المشاركه

ماعليك الا ان تفعلي ماذكرت ..

والطلبات اللي (( شقيتي )) منها .. اكررها واقول لست بمجبوره

ونفس الدكتورات لا تجبر اي طالبه ..

ثانياً :

اختي انتي حلفتي ... وياليت حلفك على شي صدق

انتي بالغتي جداً .. الحلف ليس بكلمة (( السلآم عليكم ))

وسأعلق على ماكتبتي .. (( وماحلفتي عليه ))

**
الدكتوره طلبت منا اننا نجيب 25 شتله علشان تزرع الكليه اوووووكي ماقلنا
شي جبنا له 25 شتله علشان عشر درجات انذلينا به يوم جبنا له 25 شتله
قالت ماراح تأخذون العشره لحد ماتكملون لـ 40 شتله !!!!!!!

الدكتوره سوت اختبار من خمس درجات ..

اختبرنا وخلصنا .. فيه احد حصل على درجه متدنيه

وفيه احد حصل على درجه عاليه

وللمساعده .. الطالبات التي حصلت على درجه متدنيه

طلبت هذا الطلب (( ولسنا بمجبورين ))..

تريدين درجات بغير هذه الصوره .. لست بعاجزه

اذهبي للدكتوره واشرحي لها وضعك .. لا يعني ان حالتك الماديه ليست بجيده

ولكن كلامي يعني ان " انتي لا ترغبين بمثل هذه الطلبات " وانك تريدن ان

تأخذي (( حقك )) من المشاركه بحضورك وانتظامك ومشاركتك

وخليها تحسب مشاركتك بالمحاضره وانتظامك معها

<< ليس بعيبٍ ابداً ..


-------------------------------------------------------

الطلب الثاني :

طلب منا نجيب كنب علشان زي مايقولن راحتن :36_1_1 جبنا كنب قعدنا يوم واليوم الثاني واليوم الثالث وينه ؟؟؟؟ اختفى !!!!! رحنا سألن وين كنبنا ..؟؟

قالن لنا شلناه وحجتهن المره هاذي انه (( منظر غير حضااااااااري ))
دام انه منظر غير حضاري ليش طلبوه من الاووول .. طيب وين راح الكنب ؟؟ اكيييييد موجود بشقق اخواننا المصريين ...


يروح للي يروح ..

اهم شي استفادوا منه ..

مو انتي جبتيه وحصلتي على درجات ؟؟!!

ليه مقهوره .. ماتعجبك الطلبات ترى منتي مجبوره ابــــــد

اعيد الكلام مره ثانيه وااقول .. انتظمي - شاركي - بتحصلين على درجآت

--------------------------------------------------

الطلب الثالث :

اجهزه لقياس الضغط .. طلبت منا على كل 5 طالبات اننا نجيب قياس ضغط وشوله .. يقولون علشان اذا البنت تعبت ناخذ قياااس ضغطه المشكله اذا تعبت الطالبه ياليتهم يقيسون ضغطه يتصلون على ولي امره وتنتهي المهمه .. طيب وين اجهزة الضغط ووش فايدتهن واللي يبي يعرف وين راحن الاجهزه يساافر لمصر ويشوفهن بالمستشفيااات :12:

اجهزه ؟؟!!!

والمبلغ المطلوب 3 ريالات فقط ..انا دفعت 3 ريالات

3 ريالات من جميع طالبات القاعه .. يالله تجيب جهاز ضغط واحد

اختي يدك اللي كتبت هالكلام

بتشهد عليك يوم القيامه

-------------------------------------

الطلب الرابع :

اجهزة الميكرويفات .. حنا اربع فرق على كل فرقه احضار اربعه اجهزه يعني 16 جهاز تدرون وشوله الطلب ...؟؟؟

علشان نزوب الزبده على قوله المصريه .. جبنا الميكرويفات وماقلنا شي طبعا علشان هالعشرررره جاء الوقت اللي نبي نستفييد من الميكرويفات علشان نزوب الزبده دخلنا معمل الطبخ ندور يمين يسار فوق تحت فتحنا الدروج ندور هاللي جبنا ومالقينا اي اثر لاي ميكروييييف وصرخت وحده من الطلبات من الفرحه طبعااا وتباشرنا بوجود كرتون واحد للميكرويف تدرون وش المفاجأه اللي لقينا ..

اوووف اوووف

اقسم بالله العلي العظيم انه

طلب من كل شعبه بالفرقه ميكرويف واحد فقط

ودفعنا على 12 ريال فقط ..

ولا تكذبين بكل معمل فيه ميكرويفين

وبإختبار العملي فيه بنات استخدموه

يااختي حرام تكذبين ..

---------------------------------------



الطلب الاخير واللي مازال تحت الانشاء والدراسه :

الا وهو ترمييم ارض معمل الكيمياء !!!! اما تبليط او فرشه ..؟؟ :19:
وجميع الطالبات في انتظار تصريح الهانم اما بأحضار كرتون بلاط واسمنت او متر من الفرشه وغراء ....

اختي ..

الدكتوره طلبت منا شي نسويه للكيله

البنات هم اللي اقترحوا انهم يصلحون المعمل

.... ومازال تحت الدراسه .. وانتي حتى الان لم تشاركي فيه

فإذا كانت نظرتك للمشاركه هذه هكذا ..

اعفي نفسك منها فلستي مجبره ابداً .. وانتظمي مع الدكتوره

---------------------------------------

كلمه اخيره اوجهها لك .

ولكل من رد هنآ ..

لكـ ..

كل كلمه كتبتيها ستشهد عليها يدك ..

وانتي لما تجيبين اي طلب يطلبوه ..

اول شي .. خلي نيتك حسنه .. وربي بيجازيك على نيتك

لكل شي جبتيه .. ولاي مكان راح ..

تأكدي ان اي احد يستخدمه وينفعك راح تكسبين اجر بإذن الله


وثاني شي .. من اجل المشاركه ..


ولو طلب بحث (( مشاركه )) نفس الشي البحوث تصلح عند المكتبات

وشوفي كم يدفع عليها << اقل من 200 مافيه !!!!

البحث عادي يدفع عليه ..

واذا كنتي تصلحين بحوثك بنفسك .. هذي تحيه لك ..

و10 شاقيتك هه 25 ريال ان كثرت

ولو تحبين طريقة البحث او اي طريقه غير هالطلبات

اظن لك لسان تتكلمين فيه وتروحين لاي دكتوره

وتشرحي له نظرتك ..

بدل مانك تجين هنا وتفتين وتبالغين وكأنك مجبوره على هالشي

......

ولكل من رد هنآ ..

بالنسبه لي واغلب طالبات القسم

نحب ان المشاركه انه تكون بهالشكل


بهالطلبات نرتاح .. هذا غير ان كل مايطلب نشوفه قدام عيوننا

ولو ماشفنها .. ماجبنا شي يلعب فيه .. جبنا شي ينفع

استغلال ولا غيره ..راح لمحله ولا ماراح

انتي سوي اللي عليك .. واحتسبي الاجر اولاً واخيراً

ورب العالمين بيحاسب اي شخص مايوفي بعمله

مو هنآ بمنتدى ولا بإسلوب ... لآ تعليق

(( ولا متأمله )) انه يوصل للمسؤلين

رددي ياليل مااطولك ..

اجل تبين صوتك يوصل عن طريق منتدى ؟!!

انتي جيتي وكتبتي وبالغتي حتى درجة الكذب

والله يعينك على ماستشهد عليك يداك

اختي ..

الله يسامحك ..

بالغتي وكذبتي بشكل كبير

لا حول ولا قوة الا بالله

وحسبنا الله ونعم الوكيل

[اميرة الورد]

السلام عليكم اختي سجلي عندك اكثر ناااااقد على هذا الاسلوب
بمعنى لو عندك مشكله بالكليه روحي وحاولي تحيلينها بنفسك بينك وبين دكتورة الماده هذا لو عندك اسلوب وقوه في المواجه مو تشيعين فيه وانتي لسى ماحاولتي بنفسك وبعدين ليه حاطين لك مكافاءه استخدميها بالامور هذي
اشوفك عاد يوم يجون يحطون اختبار مشاركه تجبين 5
مافي مثل كليه الاقتصاد ومافي مثل عميدتها واساتذة التغذيه
انا هذي كليتي فامستحـــــــــــــيل اني اسب فيها شي اذا عندي شي احاول اصلحه في الكليه مو خارجها والتشهير بالله راح تستفيدين شي؟؟؟

(موافقين على كــــــــــل ماتأمر به عميدة واساتذة هذه الكليه )

[عطر الحكي]

طلب منا نجيب كنب علشان زي مايقولن راحتن جبنا كنب قعدنا يوم واليوم الثاني واليوم الثالث وينه ؟؟؟؟ اختفى !!!!! رحنا سألن وين كنبنا ..؟؟

قالن لنا شلناه وحجتهن المره هاذي انه (( منظر غير حضااااااااري ))
دام انه منظر غير حضاري ليش طلبوه من الاووول .. طيب وين راح الكنب ؟؟ اكيييييد موجود بشقق اخواننا المصريين ...

ختي المتأذيه
انا طالبة بالكليه ومن فسم التغذية حبيت اشارك بالموضوع
انتي يا أختي حلفتي واقسمتي على ان كلامك صحيح وانتي سوف تحاسبين على هذا الحلف لانك صغتي الكلام على هواكي .
وانتي وجدتي ردود طالبات من نفس الفرقتنا تنكر كلامك وأنا سوف اعلق على كلامك.
في الفقرة الثانية وهي ان الدكتوره طلبت منى كنب وهذا غبر صحيح طلبت منى جلسات عربي وليس كنب بس قلتي كذا عشان تكون اشد وقعا واقوي وهذه الجلسات كانت مشكلة اي اقمشة متعددة وكانت من ارخص الاقمشة وكانت الطالبات يضعن هذه الجلسات في مبنى ج ويجلستا عليها وكان منظر المبنى سيء وغير حضاري لانها مرقعه مع الاسف .
وعلى فكره بلغتنا دكتورة المادة بأن نأخذ هذة الجلسات لكنم رفضتم اخذها اما ان تهتهمين دكتوراتنا و اخواتنا المصريات انهن اخذنها الى منازلهن فعلمي انكي اتهمتيهم زور وبهتان وسف تحاسبين على كل حلف حلفتيه كذبا .

وما أقول الا الله يهديك ويفتح على قلبك

[وقْع الكَلِم]

[align=center]معكم طالبة تغذية الفرقة الثانية
السلام عليكم ورحمة الله وبركاته

مايهم جميع طالبات التغذية هو الآتي
فالرجاء قراءة كل حرف في ردي
علنا نغيرشيء من حالنا

أكبر وأعظم تحية لك ياعزيزتي وحدة متأذية
صوتك وصل أيتها الحرة
كثّر الله أمثالكِ
لقد رأينا العميدة ورأينا إنتفاخ أوداجها وارتعاش جسدها
نعم فللحق صوته المدوي .......
لكن نسيتي شيء ألا وهو الإستغالال في مركز التصوير{حلوة مركز} كله آلة وحده وكل يوم فايحه ههههههه

إسمحي لي أختي وحدة متأذية أن أرد على بعض من كتبوا في موضوعك /للفائدة...
ــــــــــــــــــــــــــــــــــــــــــــــــــ ـــــــــــــــــــــ

اقتباس: }من أجل أيضاح الحقيقة قمنا بالاتصال على عميدة كلية الاقتصاد الدكتورة سهير عرفة وشرحنا لها ما طرح في المنتدى والذي اثار استغرابها وقد وعدت الدكتور بزيارة عاجلة هذا اليوم للفرق والتعميم عليهم بعدم الموافقة على ما طلب منهن لاننا في مكان تعليمي لا نرضى بان يحدث مثل هذا التصرف الخارج عن أطار التربية ووعدت الدكتورة سهير بان هذا الامر لن يتكرر مجددا أن ثبتت صحته ..{

ــــــــــــــــــــــــــــــــــــــــــــــــــ ـــــــــ
ألف شكر للأخ وليد الطريقي
ــــــــــــــــــــــــــــــــــــــــــــــــــ ـــــــــــــــــــــ

اقتباس: والذي اثار استغرابها

اقتباس: اللحين هي اللي طالبه الميكرويف ... وشلون تستغرب ...؟؟ او مسويه نفسه ماطلبت شي ..؟؟

صدقتِ>> ونحن نستغرب أيضا /أصلا هي من طلبت الميكرويفات
ــــــــــــــــــــــــــــــــــــــ

رد على الجوري

اقتباس: يعني لو انتي فعلا متأذيه من الإستغلال على "قولتك" كان قمتي للدكتوره وقلتي انا اعارض هالشئ ومانبي شتلات

أنتِ أول من يعلم أن لا أحد يستطيع الوقوف بوجه الدكتورات وخاصة المصريات وخاصة "راعية الشتلات"
فإبتعدي أرجوكِ عن طريق التقدم لانريد أن نحمل المتخلفين فهم لايزيدونا غير تتبيب
ــــ

اقتباس: رحت له انا وبعض البنات نبي نسأله عن الإختبار وعااادت علينا قالت اللي مايبي شتلات ترى مب لازم راح اخليه امتحان

لاتكذبي أرجوك سمعتها تقول {اللي مش عايز يقيب الشتلات هوا حر...وده لمصلحتكو..}
ولم تقل البته أنها لاتمانع الإمتحان...
ـــــ

اقتباس: يعني تعامل الدكتوره زين و ماوافقت الا يوم شافت الكل موافق

كذبتي مرة أخرى/أصلا هي لم ولن تنتظر الموافقه مع وجود المتخلفين أمثالك

اقتباس: وهي ماحطت هالشئ إلا تخفيف عليك لأن النهائي عليه 70 والعشره عشان تفيدك

لو كانت تريد الإفادة>وتحب مصلحتنا< لطلبت منا بحوث أو إمتحان
وأنت تعلمين أنها {10درجات مشاركه} مع أن إسمها مشاركه ...
وضعت على نصفها إمتحان والنصف الآخر شتلات ههههههههه
لماذا لم تضع العشرة كلها فهذا سيسرك بما إنكِ من المجتهدات الشاطرات
فأنتِ بالتأكيد ستأتي عليها جميعها
لكن لاأعلم سببا لفرحك "بالشتلات" غير أنك من الصفوف الخلفية جداً
ـــــــ

اقتباس: حضرتك ماتبين إمتحان ولاتبين نشاط من وين تجيب لك درجات ؟!

وأنتِ لماذا عندما خيرت بين الإمتحان والنشاط لماذا لم تطلبي الإمتحان؟بما إنك شاطره
وأرجوكِ إذا اختليت بالدكتورة لاتتحدثي بلساننا وتكلمي عن نفسك فقط فقط ..من جعلك سفير علينا
ونحن لانريد الإستغلال ناهيك عن الأسلوب الغير حضاري بما سميته "نشاط" وهو في الحقيقةقلة حياء واستهتار بنا إلى أبعد الحدود

اقتباس: ماتبين تدفعين للنشاط روحي للدكتوره وقولي انا ابي امتحان انا أعارض انا مااقدر ماراح تغصبك على شئ انتي ماتبينه

ومن يجترئ على المعارضة
فنحن لانتقن فن"التلزق" و"التلصق"وإهدار الكرامة وتحية لشلتي العزيزة وللكريمات جميعاً
ــــــ

اقتباس: وطبعا أكيد انتي اليوم جايه الكليه وسمعتي كلام العميده وتراك أذيتي الكل بتصرفك البايخ ضريتي ناس مالهم ذنب باللي قلتيه

أي ضرر هذا إنتصار عظيم بالنسبة لنا{مادري عنك عاد} فعندما دخلت العميدة أحسست بذلها وبعزتي وشارف قلبي على الطيران .. لقد إعترفت "العميدة" بالخطأ الكبير الذي طالما فعلته ..ولاتنكري ذلك
فمجيئها بمثابة الإعتذار ولا نقبل غير ترحيلها _ومن هم على شاكلتها _إلى ديار مصر أدامها الله لهم
ـــــــــــــ

اقتباس: فأبشري بالخسف بالدرجات لأنك مستحيل تجيبين درجة نهائيه زينه

ومايدريك فكما ذكرت تكلمي عن نفسك "يابنت الحلال"..كل ذا اهتمام بنا

اقتباس: وترى اللي قلتيه عنهن مب سهل شوفيهن اليوم معصبات ونفسياتهن اليوم غير وترى ماينلامن

صدق عاد "معصبات" ياقلبو هههههه أول مرة يعني
والله عليك بالمذاكرة جيدا ولاتتكلي على أحد غير الله فما نافعك غيره سبحانه ولاتخافين من "التعصيب "

اقتباس: وترى باين من اسلوبك وطريقة كلامك إنك لعابه

وحده متأذيه بودي لو عرفتك ..كيف سنجازيك على هذا المعروف الكبير جزاك الله عنا خيرالجزاء
وأنتِ "الجوري" لدينا الكثير من هم على شاكلتك وأمنيتي في يوم أرى فيه انعدام امثالك
ولا جبان سواك تظهرين مالاتبطنين لكن القلوب شواهد ونعرفكن جيداً فمهما فعلتِ /لن تخفي قبح فعالك....
ــــــــــــ

اقتباس: انا لارحت للدكتوره بالغرفه تعامله بالمره زين يعني حرام نظلمهن

لانريد الغرفة فمابالغرفة سواك
نريد العدل للجميع
فهمتني جيدا أليس كذلك

اقتباس: واللي تقول ناس يعطون وجه وناس لا احب اقوله أكيد انتي مسويه شئ غلط والدكتوره عرفت اسلوبك لأن اسلوب الدكتورات حلوو معي ومع غيري وانا بنفسي لاحظته وبشاهدة الكل

سيصدق كلامك غيرنا /
أسلوب الدكتورات "حلو" معك طيب
ماذنبنا إذ نحن لانتقن فن"المداهنه"!!
ـــــــــــــــــــــــ
طالبة تغذية

اقتباس: صحيح ان الدكتوره طلبت منا الشتلات ولكن خيرتنا قالت تبغون تعملون بحوث ماله اي فايده مجرد نقل كلام على الورق او انكم تساهمون في بناء منظر حضاري للكليه وحنا وافقنا على الشتلات احسن من البحوث يكفينا بحث التخرج

الدكتورة ذكرت هذاالكلام من باب التلقين ومن باب الإقناع لأمثالي لكن هيهات فهي "ماتمشي علينا"
ولم تخيرنا البته ..
ــــــــــــــــــــــــ

اقتباس: الكنب شكله يجيب المرض مسوين جلسه بمبنى ج اللي يشوفنا يقول عريش طاش ما طاش ما نا قصنا الا رقيه وهو منظر غير حضاااري تبينه تلاقينه بالارشيف الي ورا المضله اما انك تقولين ان الدكتورات اخذوه لبيوتهم ؟؟ ليش اني زايرتهم

حسناً/منظره غير حضاري ...إذن لماذا طُلب منا
إحضارة؟؟؟؟؟؟بس نحاسة يعني << فهموه ياناس وشوله قالت لنا نجيبه !!!!!!!!!
ــــــــــــــــــــــــــــ

اقتباس: مستحيل تطلع طالبه على انه تعبانه بدون تشخيص الطبيبه قبل فتره كنت اشعر بـ هبووووط بالضغط ولا قالو لي يجي ولي امرك بل على العكس شخصت الطبيبه حالتي و قاست الضغط وعالجتن هي فايده اجهزة الضغط الي مطلوبه منكم لان الي موفر من الكليه قد لايكون مقاسه يسمح بقياس الضغط لبعض الطالبات وكوني على ثقه ان الحكومه المصريه لن تقبل تبرعات لمستشفياته من كلية الاقت

سأذكر لك مشهد شهدته على "الطبيبه"
في المطبخ رأيت الطبيبة تعطي الدكتورة صاحبة الشتلات كيس ممتلئ من علب
حبوب مسكنه..والله على ما أقول شهيد
من سمح لها بذلك / مال ابوه هو
لو حبه ولا حبتين مهب عاد كراتين << وهذا أسلوب متدني من قبل دكتورة
وأنا أسميها سرقة
العلم مانفع أخواتنا الدكتورات فالجاهل الأمين أفضل بمليون مرة من العالم السارق حمانا الله وإياكم
تعالي وش بك تدافعين عن المصريات قط امك مصرية /يا أختي > قل الحق ولو على نفسك..
ـــــــــــــــــــــــــــ

اقتباس: هذا الطلب مو عشان تذوبين الزبده سلمك الله هم حاطين الافران لوقت الظروره كما حصل العام خلص خزان الغاز اثناء الامتحان العملي النهائي وطلعولنا 16 فرن وكملنا الامتحان واذا كنتي تبين تكحلين عيونك فيهم شوفي الارشيف اللي عند دورات المياه بالدور الاول لمبنى (أ) انا شايفتهم بعيوني وجودهم خلال الايام العاديه يضيقون علينا بالمعمل على غير فايده

في الإمتحانات في المطابخ حروب وأزمات ولم نشاهد زيادة في
الأفران /يمكن يخبونهن لليوم الأسود على قولة "مانع"
ــــــــــــــــــــــــ
همس

اقتباس: المتأذيه شدي حيلك للاختبارات الجايه لانه بيكون كل اسبوع اذا عندك استعداد

كشفت نفسك أيتها الكسوله هههههه
فنحن نريد النجاح بالعلم لابالشتلات
وأمثالك فليقعدوا ينتظروا يوم يسمح بالشتلات لينجحوا فرحين ..!!!!
ـــــــــــــــــــــــــــــــــــ
طالبة تغذية 2

اقتباس: وعيب عليك الك اللي تقولينه عن الدكتور فاطمه المصري هذي دكتور من اروع الدكتورات

وفي المنتديات أيضا هناك "شطرطون"و"علوك" ههههههههههههه
ياشاطرة شدي حيلك وجيبي الدرجات من هذة "الدميجة الفارغة"
ــــــــــــــــــــــــــــ

اقتباس: يعني ايش تاخذهم لبيتها ولا تفتح مشتل اصلا هي مو محتاجه

"مو محتاجة" فلترجع إلى بلدها الفقير ليسدوا جوعها
أكرمناهم ووثقنا بهم فسرقونا واتهمونا بالجهل /نعم نحن جهلة مادمتي أنتِ ومن مثلك سفيرات نوايا حسنة عنا
وسنظل كذلك فمثلك الكثثثثثثثثثثثثثثثثثثثثثثثثير حسبنا الله ونعم الوكيل
تلقينهن بالغرفة حقتهن يقولن"دول قهله وبيتدحك عليهم"وبرضةعندهم
فلوس ماشاء الله" >الترجم: هذولا جهله ويهك عليهم ومندحين فلوس.

ــــــــــــــــــــــــــــــــــــــــــــــــــ ـــــــــ
ـــــــــــــــــــــ
حرس الله السعوديين من أعين الحاقدين آآآآآآآآآمين
قولوا آمين

بإنتظار الرد الصادق ..[/align]

[وليد الطريقي]

[align=center][quote]

اقتباس:  المشاركة الأصلية كتبت بواسطة ماغيري     اختي ياللي متأذيه .. السلام عليكم ورحمة الله وبركاته انا من طالبات التغذيه الفرقه الثانيه ولو تبين صوتك يوصل للمسؤلين بقولك على شي تراهم مايدرون عن المنتديات ومايكتب به

الاخت ما غيري ردك بان المسئولين ما يدرون عن ما يكتب بالمنتديات غريب فالردود المتزامنه مع الموضوع اكبر دليل على ايصال صوت الطالبة الى المسئولين بل ان الامر قد وصل واشغل الفكر

اقتباس: مو هنآ بمنتدى ولا بإسلوب ... لآ تعليق (( ولا متأمله )) انه يوصل للمسؤلين رددي ياليل مااطولك .. اجل تبين صوتك يوصل عن طريق منتدى ؟!!

وقد جاء الرد الاخر للمره الثانية بان صوت الاخت لم يصل وحقيقة استغرب اذا كان لم يصل والمشاهد أن فرق التغذية تركوا مذاكراتهم وتفرغوا للردود وأنتي أحداهن مشاركة واحد واكثر من سطر تفنيد هذا يواكد ان الصوت وصل عبر ادارة الكلية واقسامها وطالباتها

تحياتي ,,, [/align]

[الرمادي]

بين السطور الكثير من الأمور التي تستحق التوقف والنظر برؤية ثاقبة من المسئولين عن الكلية وعلى رأسهم الدكتور عبدالمنعم العبدالمنعم


بشهادة ا لجميع فهناك طلبات عديدة سواء لأجهزة الميكرويف او اجهزة قياس الضغط او الكنبات او الشتلات

وبالأخير تأتي العميدة لتعلن عدم علمها بكل ذلك !!! ماذا كانت تفعل بالكلية ؟!!!


بحسبة بسيطه ..

كل سنة عدد من الأجهزه !! فأين تذهب ؟!!

ليس من العيب ولا المرفوض ان تعطي الدكتور فرصه للطالبات للمشاركة ولابأس بمكافأتهن على ذلك ببعض الدرجات المخصصه للأنشطه والمشاركة

لكن ان يكون ذلك بالفرض او بالتحدي كما نرى هنا بأن الدكتوره تضع مقابل ذلك امتحان الله واعلم بمستواه فهنا المشكلة


على المسئولين النظر إلى مايحدث بإهتمام اكبر بعيداً عن رأي العميدة والمقربين منها وعليهم تحديد صلاحيات كل دكتوره حتى لاتكن الطالبات ضحيه لتسلطها وتجبرها



تحياتي ,,,

[وحده متأذيه]

اششكر كل من رد تأييد لللموضوع

واخــص بالشكر غاليتي (( وقــع الكــلمـ ))

على ردكـ الرائع

والله ولي الشرف اني اعرفكـ بس ان شاء الله عن قريب راح

تعرفيني ..,,

وانا اقدر شعور الطالبات بإنكارهن للموضوع خوفا من الرسوب

والحمدلله مانريد توصيله تتحق بفضل من الله ثم الاخوان ولـــيد والرحـال

وجميع من وقف معنا .,,

دمتمـ بخيرر .,,

[معمل 5]

أهلين بالمتأذية الصراحة انك حركة وبعدين غيري لقبك لأن من يوم ورايح مافيه أذى لأنك ادبتيهم كلهم من العميدة إلى راعية الشتلات
ولا تنسون المقصف الى كل يوم لهم اسعار دبلوها مع 5% يحسبون لنا نصيب منها