هل الفتاة ترضى بالزواج من شاب له علاقات

[دره]

مااحس اني أفكر بهالوقت ان في شاب ماله علآقه سابقه ..
ولكن فرق بين علآقه جوال ومعاكسات طبيعي ان اي شاب يسويها
وعلآقه غير شرعيه (بقصد ممارسه غير شرعيه بحته ) :s ..

انا اقبل بـ الاولى ولكن الثانيه لآ بالتأكيد ..
ولكن مااظن اني راح اعرف هالشئ قبل الزواج .. ولاكان محد تزوج :p
والاهم ان بعد الزواج مايستمر على ماهو عليه :)


وعافاك الرحمن اخوي :)

[صمت]

اكيد مافيه وحدة ترضى بوااحد له مااضي من هالنووع مهما كان
ولكن بعد الزواج اذا رات منه فعل هالاشياء لابد من وقفة معتبرة معه والتصرف بحكمة..

ولكن اصحاب تلك العلاقات لماذا لايرتبط بواحدة من عشيقااته بدل مايلعوز بنات الناس ..

نسال الله العااافية..

[الصمان]

وش الخرابيط انا واحد عمري حوالي 30 وليس لي اي علاقه سابقه أو حاضره
وهذي العلاقه سخافه وكل واحد يلعب على الثاني انا احبك واذا جا الجد شف
البنت تبي شحن وفلوس والولد يبي ؟؟؟؟؟؟؟؟ وسهر وغيرة
والتباهي انا عندي وعندي انا خويتي احسن . اسمع صوته .شف صورته
الله يخلف علينا بس
كـــل واحـــد يتكلم عن نـفســـه

[السيناتور]

الصمان ما اعتقد ان كلامك صحيح

[ذات]

انا بنسبه لي ماعندي مشاكل ارتبط بشاب له علاقات ...اسمحولي على ردي ووجهة نظر خاصه فيني ...
لان اتوقع العمد علينا كبنات في ان احنا نغير ها الشخص واكيد ماقرر انه يتزوج الا ويعف نفسه ...والعكس صحيح ..
ومال احد حق يحاسب احد على الماضي ....يعني اعتبر الماضي انتهى ...ونسيته ...
دامه تلفونات ...مو مشكله ...لكن اذا تطورت الى الحرام والجنس هذي لها تصور ثاني..
وبعدين معليش الكلام للبنات وحتى العيال ...ماتقدرون تغيرون شيء احنا مو عايشين بلمريخ وناس بزهره ..شيء طبيعي ان كل شخص يدور على الجنس الاخر والا صار اختلال بلبشريه فليه مضخمين الوضع ....
اسمحولي على الرد بس المسأله جدا عاديه لا تضخمون الامور ....
تحياتي ..

[نيزك]

8
8

.
.

لا تضخمون الأمووووور ؟!!!!!
.
.
صارت الرذيلة أمر عادي !!

أعوذ بالله

[ذات]

اقتباس:  المشاركة الأصلية كتبت بواسطة نيزك     8 8 . . لا تضخمون الأمووووور ؟!!!!! . . صارت الرذيلة أمر عادي !! أعوذ بالله

رذيله قبل الزواج لكن لمن اتزوجه واعينه على الخير اتوقع ماتصير رذيله ...ولو كل واحد منكم يشوف اللي يكلم او له علاقه انه انسان مليان بلعيوب ونصير نرفض بعض فكذا بتنتشر الرذيله يا عزيزي ...
وعموا ليتها الرذيله توقف على المكالمات ...من وجهة نظري مي رذيله ...ممكن نختار لها معنى الطف شوي ...طيش ..واستهتار ...ومن تاب تاب الله عليه ...
لكن ارفض نسميهم بالارذلين ....
وجهة نظر ...وشكرا عزيزي ...

[بنت منيره]

اقتباس: ( هل ترضين بالزواج من شاب له علاقة غير شرعية مع فتيات سواء كان يكلمهن او يقابلهن او غيرها)

طبعا ارفض بدون تفكير
وش لون ارضى بواحد مرخص اهله >وش يضمن ان ربي مايبتليه في بنته
وفي الحديث (من يدين يدان)
ومن يزرع يحصد واحد اللي زرعه علاقات وش يخلين اضمن انه ما فيه امراض
او واحد من عياله يطلع مثله


بعدين اللي تجزمين اللي تكلم راح تخذ واحد يكلم واللي محافظه يجيها مثلها
والله سبحانه وتعال قال
(الطيبين لطيبات)

[ابورورو]

وش لون تقبل بالله في حرمه تقبل

[Miss Tala]

الاكيد كل وحده تبي لنفسهاا الزين االنظيف..!!
بس الحين اللي صاير انك اصلا ماتدري ..يعني صارووا الناس مايقولون حتى لو تسال الناس يسترون هالاشياء..الصلاة وهي الصلاة يقولون ماشاء الله عليه راعي صلاة وهو العياذ بالله مو دايم بالمسجد.
عشااان كذا اعيد واكرر الدعاء ثم الدعاء ..

[نيزك]

اقتباس:  المشاركة الأصلية كتبت بواسطة ذات     رذيله قبل الزواج لكن لمن اتزوجه واعينه على الخير اتوقع ماتصير رذيله ...ولو كل واحد منكم يشوف اللي يكلم او له علاقه انه انسان مليان بلعيوب ونصير نرفض بعض فكذا بتنتشر الرذيله يا عزيزي ... وعموا ليتها الرذيله توقف على المكالمات ...من وجهة نظري مي رذيله ...ممكن نختار لها معنى الطف شوي ...طيش ..واستهتار ...ومن تاب تاب الله عليه ... لكن ارفض نسميهم بالارذلين .... وجهة نظر ...وشكرا عزيزي ...

وجهة نظر ....

لكن الله يزوجك واحد مهب راعي هالأمور و يملا عينك و يوفقكم ...
.
.

إمرأة غريبة !!

[ذات]

اقتباس:  المشاركة الأصلية كتبت بواسطة نيزك     وجهة نظر .... لكن الله يزوجك واحد مهب راعي هالأمور و يملا عينك و يوفقكم ... . . إمرأة غريبة !!

أمين ......والدعوه موصوله للجميع ...
وشكرا على رمز الغرابة في شخصيتي ....(:

[السيناتور]

اشكرك ياذات على الرد

[فجــر]

اكيـــــــد لأ..
كيف تأمن الفتاة مع شاب عاص اولا لله..ويخون زوجته ولا يهتم لرباط الزواج والعهد المقدس !

[ناااايف]

بما السؤال موجه للفتيات

دخلت لاستفيد وألزم الصمت