بنت سعوديه تستغيث بخادم الحرمين الشريفين :فيديو

[خالد2007]

اقتباس:  المشاركة الأصلية كتبت بواسطة (الرحال)     [align=center][/align]تصدق رحمتك خلودي 2007 مشكور على الموضوع المؤثر

معليش يارحال ..انا مابي احد يرحمني لاني مو محتاج شي .الحمدلله كل شي متوفر لي .بس انا كشفت وضعي لكم علشان اللي يظلمون يتقون الله ..انا كبرت خلاص واخذ حقي بيدي لو لزم الامر .
انا حكيت معاناتي يوم انا صغير شفت الظلم والضرب والقهر والسبب بس انه امي ماتت وانا واختي اطفال ومازادت معاناتنا وصارت مأسات يوم جدتي ماتت .اكملت وشفنا انواع الاذلال والعبوديه والاهانات من زوجة اب ظالمه وماتخاف ربها .

[خالد2007]

اقتباس:  المشاركة الأصلية كتبت بواسطة صريح جد     ههههههههههههههه تحطهن مزهريات تصدق جتنا شغاله ما شاء الله عليها ما تجدع اي شي في الزباله كل شي تغبيه وتجمعه وتحطة في مستودع مثل كراتين باغات قواطي صحون بلاستيك وتسوي منهن بعض الاختراعات الي ما يخطر على بال احد حتى اذا طلعنا في البر ما تشوفة الا مراكض ورى ها القراطيس والجرايد تجميع بهن وماشاء الله عليها مستحيل يضيع لنا شي في البر مثل بياله او فنجال عندها حاسه سادسه للبحث عن اماكن البيالات تصدق اني مغبي بياله تحت رمثه وعيت علينا نمشي الا لين تلقاء ها البياله عكس حريمنا الي ما يهتمن في اي شي اشوفك خالد كل يوم طايح مدح في دوله شكل زوجتك راح تصفي من ساحل العاج خخخخ

عمو ..شف الاجنبيات راعيات دبره ومايحلتن شي . مب زي قشيشنا ..انواع الضياع .اجل عمرك سمعت بوحده تنسى ولدها الصغير بالبر ويوم وصلوا للبيت قالت : هووو يابوناصر تراي نسيت عبودي بالبر ...شلق عاد
هاذولي ميزتهن يتجددن وزينات لو يلبسن كيسة خيشه .
ومب راعيات نوم وكسل وبلع .
شفهن رشيقات ..يذكرنن بالكورلا الديزل .
ربعنا من الجموس القديمه الشكمانين يدجنبك من صرفية البنزين .

[شميساوي]

[align=center]ربنا سبحانه وتعالى ... أمر الناس بـ عدم الظلم ... وحرمه على نفسه ...

قال صلى الله عليه وسلم : اتقوا دعوه المظلوم فإنها تحمل على الغمام يقول الله تعالى :

( وعزتي وجلالي لأنصرنك ولو بعد حين ) ...

فـ يارب أنصرنا على من ظلمنا ,,,, ووفق لهذه البنت من يخاف الله فيها ويرحمها ....

الله يعينك ويوفقك أخوي خالد ...[/align]

[خالد2007]

اقتباس:  المشاركة الأصلية كتبت بواسطة نور سينm     أقول خالد..اعتقد انك كبير الحين ورجال تقدر تاخذ حقك.صح؟ يعني ليش تشتكي...اخاف بس ماتعرف من الرجوله غير اسمه!

اقول وش اخبار عاشورا اللي بالقطيف خخخخخخخخخخخ

[خالد2007]

اقتباس:  المشاركة الأصلية كتبت بواسطة أبو الريش     [align=center]خالد , هههه الفلبينيه خالقه ربي للترتيب والنظام اللي زايد عن حده , تعجبن حركاتهن حتى اذا شفتهن بالسوق يتسوقن يحسسنك بمتعة التسوق , دايمن ورى بعض تقل قطيع برابر [/align]

وهه ياحبيلهن تقل (قوقسي) ماتفرقهن عن بعض وبهن خف دم وامانه وحليوات ورشيقات ومب راعيات بلع .
وحده سعوديه تقول لزوجها : وراك يابوفلان يوم حنا عراريس وانت تمسك ايدي وحنا نمشي بالشارع .....قال : هاذاك منول يوم انتي رشيقه .
لو امسك ايديتس يالخبله سكرنا الشارع خخخخخخخخخخخ

[خالد2007]

أب ينتقم من طليقته بتزويج ابنته لرجل ثمانيني!
عنيزة - بدر العتيبي:

أرغم والد طفلة لم تتجاوز الثانية عشرة من عمرها ابنته القاصرة على الزواج من رجل ثمانيني مقابل 80 ألفاً وانتقاماً من طليقته التي كان القضاء أنصفها بالحكم بالحضانة لها.

الوكيل الشرعي وابن عم الطليقة الذي تحتفظ "الرياض" باسمه قال: إن الطفلة ذهبت مع والدها قبل سنوات والذي يقطن في إحدى المدن المجاورة بعد تجربة زواج فاشلة ولم تكن الطفلة المغلوب على أمرها على تواصل مستمر مع أمها بسبب أن والدها كان يرفض ويماطل في ذلك، الأمر الذي جعلها تتصل وبالخفية من احد جيرانهم بالرغم من أن القاضي بمحكمة عنيزة أمر الأب بضرورة تواصل الطفلة مع أمها. ويضيف الوكيل الشرعي بالقول: في نهاية شهر رمضان الماضي اتصل بنا جار والد الطفلة وأكد أن الأب قام بتزويجها بمبلغ يتجاوز 80 ألف ريال. ويضيف على الفور رفعنا خطاباً لإمارة المنطقة وبعد عدة اتصالات معهم قالوا إننا استدعيناه وقمنا بإجراء اللازم لكن الأب واصل مماطلته وقام بإدخال الثمانيني على ابنته في الأيام القلائل الماضية ليعلن زواج ابنته القاصر التي لم تتجاوز الثانية عشرة من عمرها ولا تدرك معنى الزواج. وتساءل الوكيل الشرعي كيف يقوم مأذون الانكحة بعقد النكاح والطفلة قاصرة حيت لايتجاوز عمرها الثانية عشرة، إضافة إلى عدم علم والدتها. وناشد الوكيل الشرعي لطفلة عنيزة (الثانية) عبر ال"الرياض" هيئة حقوق الإنسان والجهات المسؤولة بسرعة التدخل وحل هذه القضية بأسرع وقت ممكن. مؤكداً أن والدة الطفلة تعيش حالة نفسية سيئة بعد علمها بالخبر. الجدير بالذكر أن هذه الحالة تعتبر مشابهة لقضية طفلة عنيزة التي تم تزويجها دون علمها وعلم والدتها العام المنصرم في قضية نظرتها محكمة عنيزة وتم لها الطلاق مؤخراً.(جريدة الرياض لهاذا اليوم)
اشونه مب ابوي هاذا شرس ..راحت البنت ملح ..شفتوا ياناس عقول بعض الرجال انه اردى من عقل بعض البهايم ...يعاند زوجته الاولى ببنته ..شفتوا اغبى من هالشي