المدونات !!!

[امرؤ القيس]

[frame="1 80"]اشوى ان له مدونه عشان ما ياكلنا بالشماته[/frame]

غريبه اثرك تخااف من الشماااته

[فديكا التميمي]

اقتباس:  المشاركة الأصلية كتبت بواسطة جزيرة     مع احترامي لكل من ادلى بدلوه مازال البعض يفرض أراءه على الآخرين أو يبدأ بحياكة الهمز و اللمز لنترفع و نسموا نناقش لكن بكلمات جميلة و راقية والمدونة في المنتدى بابها واسع وقد وضعت لها شروط ولعل الأغلبية بل الكل ملتزم و حر فيما يكتب مادام مادامه ملتزم بشروطها ومن لا تروقه لا يقرأها

المشكله إنهم موب بس يقرون إلا يعسكرون
بس أبو طبيع مايجوز عن طبعه

[تركـي]

اقتباس: مع احترامي لكل من ادلى بدلوه مازال البعض يفرض أراءه على الآخرين أو يبدأ بحياكة الهمز و اللمز لنترفع و نسموا نناقش لكن بكلمات جميلة و راقية والمدونة في المنتدى بابها واسع وقد وضعت لها شروط ولعل الأغلبية بل الكل ملتزم و حر فيما يكتب مادام مادامه ملتزم بشروطها ومن لا تروقه لا يقرأها

هذا الرد ..
أختصر صياغة هذا الموضوع ..
آغفلوو ياعالم ..
وخلو الخلق للخالق ..
المنتدى مفتوح للكل وكل له أهتماماته الشخصية اللتي يرى أنها تروق له ...
هناك مدونات وصل عدد المشاهدات فيها أرقام خيالية
يعني مو لازم للي يقول مايروق لي والا ينتقد
فكره ينطبق مع الكل
وقسم المدونات كل يعبر عن رأيه وذكرياته وحياته وكل مايتعلق فيه
يعني مو عايش في وسط بيت المنتقدين
مع أن شر البليه مايضحك
عندما ترى شخص ينتقد وفي ردوده وتوقيعه
يعبر عن ذاته ..
كل يوم طالع واحد
اللي مايبي الرمزيات واللي مايبي المدونات واللي مايبي الرياضه
هو جواب واحد
لا ترى الناس بعين طبعك
اذا كان تفكير شخص فقط انه يؤيد مايتناسب مع هواه وفكره
غيرك مايروق له فكرك
والمنتدى هنا يتواجد فيها كافة الأجناس من طلاب وصبايا وشباب وشيبان وعجز ومثقفين وجهله
وكل له أحترامه اذا كان ملتزم بقوانين المنتدى وضوابط الأقسام اللتي تكون محور أهتمامه ..
المجال مفتوح لكل الاعضاء
وهو حر فيما يكتب
سواء سوالف أو خواطر أو ذكريات أو تعليقات
وهذا يمثل رأيه ....

وارجو الآيتطرق احد لأي اسم أو مدونه شخصيا
لأن هذا فقط ملك لصاحبها أو صاحبته ..

النقد الهادف نرحب فيه
أما المقارنات والشخصنه
سوف يطبق فيه النظام ..
وهذه سياسة المنتدى ولايحتاج تعريف فيها ......
حقوق الاعضاء محفوظه

[عاشق ديرتي بريده]

ليت المدونات مافتحوها ولاشفتها بالمنتدى

فهي سبب شهرتي وحب الناس لي

وبعد افتتاح مدونتي المشهوره بكل مكان بيت بيت دار دار زنقه زنقه

بعدها تعرفت على مقوله الوصول الى القمه سهل لكن المحافظه عليها صعب

حتى جوالي لم يهدأ من المطالبه بالأستمرار وعدم التوقف

<<<< قاعد على كرسي ولابس بدله وكرفته ونظارات سود وحاط رجل على رجل علشان اللي يبي يصورون

[عاشق ديرتي بريده]

اقتباس:  المشاركة الأصلية كتبت بواسطة عزف الحقيقة     اشوى ان له مدونه عشان ما ياكلنا بالشماته

عزف عيوني ترا اول من نط على اصحاب المدونات انا

بس مادري من اللي هاشن من المشرفين وشوي ويوقفن

وخفت وفتحت كشكول مو مدونه وهذا فرقي عن غيري

<<< نيم من عشر وتوه قايم

[احمد النجم]

العزيز /تركي
كل كلامك في محله فيما يخص (المشاركات التي تكون تحت الضوابط) وكذلك عدم الردود الموجه بغرض الاساءه

لكن ؟؟
التدوين (أرث ادبي ) له قيمته وانت(الادرى) بهذا الشيء

المدونات في النت مساحه لايدخلها الا المؤهل

شخضيا لست ضد مدونه بعينها وللعلم ادخل للمدونات ومثل ماهناك(تسطيح) لفظي ومعنوي للمدونه .هناك مدونات تستحق الاحترام والمتابعه والنهل منها

بقي شيء أخر أخوي/تركي
لا اعتقد النقد لظاهره موجوده هو تدخل في غير محله!!بحجه انها وفق ضوابط المنتدى!
وليس من المنطق القول اذا لم يعجبك شيء لا تدخله!!

اوافقك بعدم ارسال كلام باطنه الغمز والتقليل وظاهره النقد


تركي <ترى الدوري قًرب

نبي نغفل شوي

[نــف نــف]

اقتباس:  المشاركة الأصلية كتبت بواسطة رايق دايم     قصدك (الدونات) المشبعة بالكوليسترول. ياعزيزي مايفعل هناك تحت إسم (مدونات) لهو جريمة كبرى بحق المدونه العربية الزاخرة بمختلف الحكم والأمثال والعلوم بأنواعها . أجل واحد من إياهم بتاع مدونه طويله وممله جدا جدا كل كلامه عن إنه كسول ويحب البساسه ويحب الشرشف حقه اللي له خمس سنوات معه ولا ينام إلا وهو متغطي فيه ....شفت مسخره أسخر من هالمسخره . قتلوا المدونات العربيه هؤلاء العابثين

حتى آلمدونآت لآحقيننآ فيهآ .. يَ سآآتر !!
يعني تبوننآ نكتب عن رحلة آبن بطوطه !؟
ولآ آبن آلبيطآر !؟
عشآن مدونآت آلعرب آلزآخره !
/
يَ أخي كيفه يحب شرشف يحب دبدوب يحب آن شآء آلله مكنسه ..
هي حريه شخصيه .. لو يقلبه بقآله مزآجه

[حبر جاف]

اقتباس:  المشاركة الأصلية كتبت بواسطة مشغول و شاغلني     اباعتبر هالرد تسجيل اعجاب في حظرتك.. وهذي صراحه مهيب مجامله أبداً وبعدين لوأبجاملك بجاملك على وشو علمني .!؟ ولا موضيع ولا فكر مخالف للامه ولا حتى عضويه اصليه .. تجاريه ههههههه اجل عابثون ... وش دخل عابثون المدونه تعبر عن صاحب الموضوع فقط .. وثانياُ المدونات تفيد تبي تقول وشلون .. اقراء اول مدونه لي عضو كتباته مكسوره واقراء اخر المدونه تلقى العكس .. يعني تفيد كتابين .. رجا لبغت ترد رد شي بوه فايده .. على الاقل نستفيد .. مهب الا مخالف الاعضاء والطمه الكبره قبل خمس ايام مخالف الامه العربيه والمسلمين مخالف مليار شخص تخيلو هههه هههههه يقول لاتعيدون صومو بالعيد لان هيئه الفلكيه بابريطانيا ماشافو الهلال ههههههههه

هههههههههههههههههههههههه +100 مشغول
وع فكره مدونتك خطيره واصل

بنسبه لي أنا أعتبرها مساحات خاصه للعضو له كامل الحريه يفعل مايشاء فيها..(( لكن بحدوود وأحترام المنتدى ))

والتعبيرعن النفس والمشاعر فكل شخص يختلف عن الشخص الاخر في طريقة طرحه..

هل لك أخي وأنت أختي مدونة؟ وما هدفك منها؟


ابدا مالي مدونه

وهل تقرأ ما يكتبه الأخرين في مدوناتهم هنا؟

البعض ادخل مدوناتهم
تعجبني طريقتهم

وهل ترى أهمية هذا القسم؟ أو ترى حذفه؟


ايه مهم قووه واهم قسم بالمنتدى
اذا يبي يحذفون شي عندهم بريده الخاص <<ماعمري دخلته

[فديكا التميمي]

اقتباس:  المشاركة الأصلية كتبت بواسطة عاشق ديرتي بريده     ليت المدونات مافتحوها ولاشفتها بالمنتدى فهي سبب شهرتي وحب الناس لي وبعد افتتاح مدونتي المشهوره بكل مكان بيت بيت دار دار زنقه زنقه بعدها تعرفت على مقوله الوصول الى القمه سهل لكن المحافظه عليها صعب حتى جوالي لم يهدأ من المطالبه بالأستمرار وعدم التوقف <<<< قاعد على كرسي ولابس بدله وكرفته ونظارات سود وحاط رجل على رجل علشان اللي يبي يصورون

هذا وهو كشكول وش لو انت تدوِن..؟؟
تسان بيتك مايفضى

[احمد النجم]

فيه ملاحظه جديره بالنظر فيها

---------------------------

اقتباس: المنتديات الأدبية

واحة الحرف

خيمــــــة الشــعـر

شعراء على الطريق
مدونـــــات الأعضـــــاء

نوافذ أدبية
--------------------------------------------------
هل مايحصل بالمدونات (يمت )للادب بصله؟؟!

اتوقع لو نقلت المدونات للاقسام العامه ويصبح القسم (جار) جديد للاستراحه لكان أفضل بالوضع الحالي
ويتم الاكتفاء ببعض المدونات المهتمه بالادب والاداره ومشرفي الاقسام الادبيه لديهم القدره على تقييم الوضع العام

[سحر الورد]

المدونات

فكرتها حلوة تبين جانب من شخصية الاعضاء

في جميع حالتهم

واشاهد مدونة فديكا بريدة كثير

وعاشق درتي بريدة وحي المنتزة لانها مسلية مضحكة

وكثير

مدونات مميزة لكن تجذبني اكثر اللي فيها ضحك ومرح ومواقف حلوة








.

[تركـي]

هلا بالغالي احمد ......

انا معك بكل اللي تقول
نحن هنا لسنا بمنتدى ثقافي بحت
يجمع / عبده خال وابن خميس رحمة الله عليهم
معك انا بمفهوم التدوين .....
ولكن المساحه مفتوحه للكل كل على حسب ثقافته وليس مطلوب فيها مؤهلات ومقابلة شخصية لكي يجتاز أن يفتح مدونه ..
وسرده بالمدونة بما يتوافق مع مايرآه
سواء سواليف أو شعر أو ذكريات أو أي آهتمام يرآه ..

والأنتقاد والنقد مفتوح بكل مجالاته اذا كان هادف
سواء للمدونات أو غيرها ..

ولكن يأتي عضو والآ عضوه ويكون نقده على حسب هواه وشخصنة
بكلمات لاتمثل النقد
برأيك هل هذا مقنع ..؟؟

الكل هنا آقول لهم
آنتقد وناقش وحاور وآطرح ورد
ولن نمانع بذلك
اذا كان للمصلحة العامة والفائدة بمضمون الشيء
ولكن التعليقات الساخره مع أنها فن لايجيده الآ القليل
ولما تحذف أو تحرر رده
يأتيك وكأنه الدكتور / غازي القصيبي رحمة الله عليه
وكأن فوق رأسه ريشه
لايمس له حرف ......

قسم المجلس وضع للنقد الهادف والحوارت والنقاشات
ولا يمنع أن يكون هناك بعض القفشات في المواضيع والردود
ولكن دائما التقليد الأعمى للردود
والتهجم والشخصنه مع أننا نستعمل روح القانون فيها
لكن البعض يزودها شوي ..

نحن هنا وأنت تعرف نرحب بكل طرح سواء بالمواضيع أو الردود
ولو فرضنا قيود بالمشاركة
غير الضوابط المتعارف عليها
سيكون هناك ردة فعل وهذا من حق العضو ......

كل له أهتمامه وكل له ميوله
وهذا حق طبيعي لكل من يشارك هنا في المنتدى ويعبر عن رأيه ..

والمجال مفتوووح للكل ..
والأنتقاد مفتوح لكل طرح اذا كان بمفهوم النقد الهادف
وأما عدآآ ذلك
سوف يطبق فيه الضوابط

شاكرا لك وجهة نظرك الجميلة والمثرية ...

[فديكا التميمي]

اقتباس:  المشاركة الأصلية كتبت بواسطة سحر الورد     واشاهد مدونة فديكا بريدة كثير .

نتشرف
ويااحبي للي يعترفون ولا يكابرون ويجون ماغير يطاطون

[طقاقة بدون مايك]

على فكرة و برضه هي فونكيرة جديرة ب الذكر...>>... ّّ








اعترف انه اللي جــــآبن ل منتدى بريدة مدونة العضو الـ.............نعتذر عن طرح الاسم خوفآ من أن يكبر رآسه علينآ..>>... ّّ







والا أنآ اصلا مالي لآ في منتديآت بريدة ولا حتى في منتديات القويعيه...واللي جابني اصلن متابعتي ل مدونة عضو وشوؤئ شوئ لقيت حالي ابتوغل أكثر وآكثر في شرفات منتدآكم التشميل جدآ قدن جدن....>>... ّّ










يمكن أنه لي بآك ..إلآ أكيد لي بآتس ...بس عقب شوئ إن شاء الرب...>>... ّّ


موضوع رآئع ي فنتك ...>>... ّّ

[عاشق ديرتي بريده]

اقتباس: هذا وهو كشكول وش لو انت تدوِن..؟؟ تسان بيتك مايفضى

لو انا ادون كان بلش بس رايح جاي للرديني اشري قهوه للمعجبين