بلا تبويس وتمطيخ ...! أليس السلام والمصافحه باليد تكفي ...؟

[عتال]

يكفي المصافحه لتسا قط السيئات بلاتبويس وخربيطهم

[خالد التويجري]

اقتباس: اخواني أخواتي ألا ترون معي ان السلام والمصافحه باليد تكفي ..؟

الا .. الا .... الا ... الا ... الا والله يكفي ونص ومليون نص .
اويلاه لو انام و اقوم والقى ربعنا تركينه ... مالمه داعي
السلام في الاسلام مصافحه فقط ..
ومعانقه لمن اتى من سفر او غاب عنك مده طويله ..


لا وإذا مابوست وقربت للتحبيب ...
تصير متكبر و متغطرس وشين ...(وشو هو ماننبوه من زين خشته) ..<<<< هذا احسن كلام تسمعه لتجنبت التبويس .؟؟



تحياتي

[نجم النعايم]

أخي فور يو
البوس والتمطيخ من ضمن عاداتنا المتمسكين بها وهي عاده نتمنى ان نتخلص منها !!!

نقل العدوى, احدى أضرارها

وسلامتكم,,,,,,,,,,

[القاع البارد]

الا والله عادة سيئة ولا لها داع .
لا تعال بالأعياد في الدوائر الحكومية والمدارس .
صدق بعض الأخوة ان بعض الناس تشوفه كل أسبوع يعني طلعة اسبوعيه ومع هذا يبوسك كل طلعه والعجيب انه يبوس بعض الأصدقاء ولو اتيحت له فرصة شذبه وسبه ولله في خلقه شؤن . الحمد لله مما اٍبتلاه به وفضلنا على كثير ممن خلق تفضيلا .

[ظبي الأصيل]

هذا اللي مشغلكم ..!!!؟؟؟ الحمد لله..

[فور يو]

اقتباس:  المشاركة الأصلية كتبت بواسطة ظبي الأصيل     هذا اللي مشغلكم ..!!!؟؟؟ الحمد لله..

نعم الحمدلله والشكر ...

لا ادري لماذا بعض المعرفات تطالب بشيء ولا تفعله ...؟! هل هوا تناقض ام جهل ...؟! ام كتابة اي شيء ...؟!

اقتباس:  المشاركة الأصلية كتبت بواسطة ظبي الأصيل     ليس لدي كلام طويل ولكن أحب أن يشارك الكل برأيه سوء في الرأي أو العلاج أو لأي تعليق تجاه الموضوع لماذا دائما ننقد الاخرين في أي شئ

ظبي الأصيل شكرا على رفع الموضوع ...

[خالد القحطاني]

اقتباس:  المشاركة الأصلية كتبت بواسطة for you     اسعد الله اوقات الجميع بالخير والمسرات ... رجل يدخل على مجلس في مناسبه ممتلىء بالرجال يستلمهم من اولهم إلى آخرهم تبويس وتمطيخ أثناء السلام ...! اخواني أخواتي ألا ترون معي ان السلام والمصافحه باليد تكفي ..؟ _______ تقديري واحترامي للكل .

تريد كلام علمي أو تريد كلام نص ,,نص ؟

كلام علمي ... ثبت في علم النفس وفي عيادتي أن التبويس يعطي أريحيه بين المسلمين ويرفع من الروح الوثابه المسلمه
ويبعد الكدر والهم والوساوس الخبيثه...

كلام نص,,نص ماأحلى من التوبيس وخل عنك ابليس .

[فور يو]

اقتباس:  المشاركة الأصلية كتبت بواسطة خالد القحطاني     تريد كلام علمي أو تريد كلام نص ,,نص ؟ كلام علمي ... ثبت في علم النفس وفي عيادتي أن التبويس يعطي أريحيه بين المسلمين ويرفع من الروح الوثابه المسلمه ويبعد الكدر والهم والوساوس الخبيثه... كلام نص,,نص ماأحلى من التوبيس وخل عنك ابليس .

الأخ خالد القجطاني شكرا على المرور والله يبعد عنا ابليس والتبويس ...

[عيون الصقر]

بعضهم عليه براطم بعير تخربش تحت اذنك حتى تعتريك القشعريرة

[بدر722]

الحمد لله والشكر ...



الناس وصلت سطح القمر وأنتم بلشين بالتمطيخ أي واحد ماوده أحد يبوسه يمد ايده من بعيد وأن جره واحد ما جره الباقين وكلن عقله براسه ويعرف خلاصه ..

وتخيل أي واحد منكم أن فيه شخص من زمان ما شافه قريب أو صديق أو جار وسلم عليك مصافح وتفهم أنه مبعد وجهه عنك ما وده يمطخك وش يكون تفكيرك لا أحد يطلعلي ويقول أنا واثق من نفسي والا أنا ماهمون الناس وكلامهم ما يهمن ...


فيه مواضيع أحيانآ تطرح والله اني أتأكد من الموقع أستغرب من طرحه ....



واللي يكره ريحت الغنم ترى العيد قرب ينام ولا يطلع من بيتهم واذا خلص العيد تبداء الدوامات ياخذ اجازه علشان ما أحد يمطخه وأحسن شي يقدم استقالته ويجلس بالبيت عند أمه وخواته علشان ما يوجعه وجهه...



حسبنا الله ونعم الوكيل ...

[فور يو]

اقتباس:  المشاركة الأصلية كتبت بواسطة بدر722     الحمد لله والشكر ... الناس وصلت سطح القمر وأنتم بلشين بالتمطيخ أي واحد ماوده أحد يبوسه يمد ايده من بعيد وأن جره واحد ما جره الباقين وكلن عقله براسه ويعرف خلاصه .. وتخيل أي واحد منكم أن فيه شخص من زمان ما شافه قريب أو صديق أو جار وسلم عليك مصافح وتفهم أنه مبعد وجهه عنك ما وده يمطخك وش يكون تفكيرك لا أحد يطلعلي ويقول أنا واثق من نفسي والا أنا ماهمون الناس وكلامهم ما يهمن ... فيه مواضيع أحيانآ تطرح والله اني أتأكد من الموقع أستغرب من طرحه .... واللي يكره ريحت الغنم ترى العيد قرب ينام ولا يطلع من بيتهم واذا خلص العيد تبداء الدوامات ياخذ اجازه علشان ما أحد يمطخه وأحسن شي يقدم استقالته ويجلس بالبيت عند أمه وخواته علشان ما يوجعه وجهه... حسبنا الله ونعم الوكيل ...

العيب الوحيد في النت ان كل من هب ودب بإمكانه ان يكتب ...

فيه ردود احيانا تطرح مثيره للضحك ...

بدر شكرا على رفع الموضوع ...

[بدر722]

اقتباس:  المشاركة الأصلية كتبت بواسطة for you     العيب الوحيد في النت ان كل من هب ودب بإمكانه ان يكتب ... فيه ردود احينا تطرح مثيره للضحك ... بدر شكرا على رفع الموضوع ...

الحمد لله ان فيه مواضيع تخلي الناس يضحكون ...

[فور يو]

اقتباس:  المشاركة الأصلية كتبت بواسطة بدر722     الحمد لله ان فيه مواضيع تخلي الناس يضحكون

سبحان الذي سخر لي بعض المعرفات لرفع الموضوع ...

[فور يو]

اقتباس:  المشاركة الأصلية كتبت بواسطة عيون الصقر     بعضهم عليه براطم بعير تخربش تحت اذنك حتى تعتريك القشعريرة

ويرافق القشعريره قرف وجفاشه , بعض الناس اذا بغى يسلم يتلك خطر يجيك ملع ...!

شكرا اخي عيون الصقر على المرور الكريم .

[الحصان الأسود]

يا اخوان حضرت زواج والهرجه مثل ماقلتوا تبويس وتمطيخ وجاء واحد تقل ثور ومن قوه السلام طاح عقالي طبعآضحكوا العيال عليه .....وبعده كل ماجاء واحد حطيت شماغي على وجهي ومعه ابتسامه قويه ههههههههه مزكوم سلم من بعيد.....البعض منهم يصدق والبعض يدري وش السالفه ويحس ويروح مبتسم ....
ياشيخ كذا ولا يمليك سعابيل ويطيح عقالك قدام الناس....