الــمجــلس الإجتـمــاعـي /// لـ النقاش والحـوار الهادف !!

[قصمنجيه]

واضح التأدلج

لكن نغزة بسيطة لكي تعلم أنك في وادي و الطرح في وادي آخر ..
جليا أنك لا تتبابع أعمدة الصحف و الطرح فيها .. هذا لا شك فيه أبدًا, و لا تتباع الطرح المرئي
و أيضـًا من سابع المستحيلات أن أراهن بأنك متابع لفرز أنتاجات دار الساقي و مشتقاتها ..
لذلك من الصعب يا فارس أن اتعاطى معك و أنت بها الزقح و التأدلج

أجل ما فيه أحد ما يحب الهيئة ..!!

[قصمنجيه]

.

.

يا جماعة عندي سدح تساؤل
بالنسبة للعمال سوى الخادمات أو العاملين الرجال سوى مزارعي أو سواقين أو غيرهم ..
أيهم تفضلون اللي يكونون من زمان هنا , أنتم فقط تنقلون كفالتهم .. أو اللي يجون جدد ..
و ماهي مزايا الجدد عن اللي من سنة لوط و هم بالأراضي السعودية ..؟؟
أو على الأقل يكون لهم خبرة فيها ..؟؟

[فارس الميدان]

اقتباس: قصمنجية زاقح حيل

الا انتي والشايب زاقحين للخلف على الزمان الاولى زمانكـم اييييييه دنيا الحياة فيها تتغير بالساعه ماهو باربعين سنه .. الظاهر انكم للحين تتعطرون كلونيا .. يعني معقوله سمعتو في انجل والين لالا وقتكم صعب من جد



.....

[فارس الميدان]

جاني النوم .. الظاهر انه اثر فيني الهستوب >> قهوة راشد المغشوشه

سي يو مام

[لمبة شارع]

السلام عليكم ورحمة الله وبركاته وصباح مفعم بالقهر بسبب مشوار المدارس الممل


ياجماعة لا احد يزعل فارس !!!لأن فارس احسن واحد بالعالم ..ويقوى محمد علي كلاي!!!وصديقه الملك عبدالله!!

اقتباس: مازقحت ولا شي الله يصلحك ،، بس انا لي تداخلات كثير في الهيئه ولي اطلاع اكثر واكثر . اذا تبين وظيفة عندهم ترا وعد قدام الاعضاء هذي كلها بخليك تباشر معهم من السبت الجاي في اي مدينه تبينها ( يعني انا اتكلم من واقع كل شي ، تعامل وتجربه ومعرفه والخ ...

طيب وانا يافارس ورا ماتشوف لي وظيفة بعد بالهيئة!!! وميخالف لو اباشر السبت اللي بعد الجاي!!

اقتباس: المشاركة الاصلية بواسطة عيون الصقر مافي احد منكم سأل عن اختنا او اخونا @بسومه@

انا سمعت انها ممسوكة بالعراق....!!!

اقتباس: المشاركة الاصلية بواسطة قصمنجية يا جماعة عندي سدح تساؤل بالنسبة للعمال سوى الخادمات أو العاملين الرجال سوى مزارعي أو سواقين أو غيرهم .. أيهم تفضلون اللي يكونون من زمان هنا , أنتم فقط تنقلون كفالتهم .. أو اللي يجون جدد .. و ماهي مزايا الجدد عن اللي من سنة لوط و هم بالأراضي السعودية ..؟؟ أو على الأقل يكون لهم خبرة فيها ..؟؟

قصمنجية

حسب تجربة ومشاهدة..الجديد احسن...صح يتعب شوي في التدريب لكن النتيجة طيبة...بالنسبة للعمالة الزراعية احسن شي المصريين بلا منافس...بس اذا ابطى خرب..
نقل الكفالة للعمال اللي يعرفهم الواحد وواثق من مستواهم مايبغالها كلام خاصة اذا صار فيه ارتياح متبادل...

[راشد الصليحان]

سلامتها بسووووومة عسى ماشر ؟؟ علمنا ياعيون وش القصة ؟ الله يستر !

[الرأي الأول]

قصمنجيه

رد على سوالك

افضل الجديد اللى من بلده

يكون افكاره جديده وخالى من اى نوع من اللكاعه


تحيتى لك

[نجم النعايم]

وش ذا
قسم جديد
قريت شريط العنوان
وشفت نفسي فاضي
قلت ادردش
وش القصه ياناس
تراني اول مره اشوف الموضوع
عن اي مواضيع حاليا تناقش
جاوبوني اختصروا علي الوقت بدل ما أضيعه في البحث عن المواضيع والردود عليها حتى لايداهمني الوقت وينتهي وقت الفضاوه
وبعدين ليش ماتعلمونا ان فيه مواااااااااااااااااااااااضيع وافكار جديده
بطلوا جحاده يالجحودين

وسلامتكم,,,,,

[راشد الصليحان]

هلابك يانجم النعايم

بمجلسك تفضل واشرب الشاهي ..! عندنا سواليف ونقاشات ودردشة تهمك وتهم المجتمع
نطرح قضية ونتناقشها ..ومايخلا المجلس من قفشات وضحكات من الجميع .المهم لاتبعد وادري ماتبعت لأنك تحب
الرأي السنع والسوالف الأخوية ..بدون تعقيدات ..! تابع معنا ةتعرف سالفتنا

ياهلااااا ورحب ..!

[فارس الميدان]

اقتباس: لمبة شارع طيب وانا يافارس ورا ماتشوف لي وظيفة بعد بالهيئة!!! وميخالف لو اباشر السبت اللي بعد الجاي!!

وعليكم السلام ورحمة الله وبركاته

انت مستواك اكبر من الهئية

يالله يالله اتشوفلك جنب خالد التويجري بالديوان الملكي .. تستاهل يالمبة

....

[راشد الصليحان]

طيب وحنا يافارس مالنا طاريء ؟ شفلي شغله لو مساااك معاريض !

[ماجدمحمدماجد]

السلام عليكم
الزياره بعد الملكه اجدها غير جميله حيث ان الزوج قد يأتيه الشيطان ويقول له ان زوجتك هذه غير شريفه بدليل جرأئتها للحديث معك قبل الدخله فهى فتات غير شريفه وهذه قصه حصلت بسبب زود الميانه التى صارت بين الزوجين قبل الدخله حيث انهما الان وبعد الدخله وراح شهر العسل كما يقولون هما الان يعيشان حياه كسيفه وفيها شى من الضنون بينهما والله المستعان

[قصمنجيه]

مساكم بالخير جميعـًا ...

بالنسبة للعمال أشوف الأخوان يأيدون الجدد , و هذا كثير ما أسمعه ...
لكن الشيء اللي يضايق أنه تروح نصف مخدوميته و أنت تدربه ..؟؟ و أن جبت واحد له خبره فـ هو يفيدك و يريحك بشكل كبير.. لكنه يعجنك و يخبزك ما تدري ..يعني لا الأول ريحك و لا الثاني ..

بالنسبة لك يا لمبة تقول المصريين إذا ابطوا خربوا .. و الله شكل العمالة جميعها كذا .. عندنا باكستاني له تقريبًا ست سبع طعش سنة ,هو الدينمو.. ما نشق خيط بأبره بدونه ..لكن بسنوات الأخيرة أنواع اللكاعة .


---------
ماجدمحمدماجد

هلا أخ ماجد ..
مدري أنا لا شفت معرفك أتذكر أنا القطار السريع ..

المهم معلينا هذي ثقالة دم تجاوزها ..
لكن بالنسبة لزيارات الملكة أنا لي عليها تحفظات .. ليس من مبدأ الشك و لكن لا أحبذها .


.

[لمبة شارع]

اقتباس:  المشاركة الأصلية كتبت بواسطة ماجدمحمدماجد     السلام عليكم الزياره بعد الملكه اجدها غير جميله حيث ان الزوج قد يأتيه الشيطان ويقول له ان زوجتك هذه غير شريفه بدليل جرأئتها للحديث معك قبل الدخله فهى فتات غير شريفه وهذه قصه حصلت بسبب زود الميانه التى صارت بين الزوجين قبل الدخله حيث انهما الان وبعد الدخله وراح شهر العسل كما يقولون هما الان يعيشان حياه كسيفه وفيها شى من الضنون بينهما والله المستعان

والله كلامك معقول يا اخي ماجد....

لكن انا ضد رفض المبدأ

لانه مادام عقد النكاح فهو محرم ...وربما ان لديه او لديها الكثير من الامور التي قد تنجلي عبر هذه المقابلات العابرة التي قد توضح شخصية الاثنين لبعضهما البعض اكثر من اسئلة الخطبة التي تتعلق بعموميات الدين والرزق والامانة

انا لا احث على الامر ولا انفر منه !!!فقط اقول لماذا تتحفظ الاسر على من يرغب بشيء من حقه؟؟؟

[مــنــال]

مرحبا ..

مساء الخير للجميع .

قصمنجيه بخصوص العمالة أفضل الجديد عشان اللكاعة مثل ماتفضلتوا و كمان من أجل أمر ا ّخر سأورده بعد هذه الحكاية ....

شغالة أختي صااااارت ملسونة و ترادد أختي يوم تطلب منها شيء و أحلى شيء ياقصمنجيه يوم تقول لأختي : أستغفر الله !!

ولا حسبي الله ونعم الوكيل !!

قصدها يعني تراكم كثرتوا علي الشغل ولو تشوفييين أختي يوم تقولها كذا خخخخ

تقولها : ماعليه يابزنس ويمن كثرنا عليك الشغل تحملينا ..

حتى على زوج أختي تطاول بس هذااااااااك حريقة مايعرف يسكت

مع أنها كانت أول طيوبة وتلعب مع عيال أختي و ماتتضايق منهم إلحيييين تغير حالها !!

المهم ..

بالنسبة لحديثك هنا :

اقتباس: لكن الشيء اللي يضايق أنه تروح نصف مخدوميته و أنت تدربه ..؟؟

صادقة ، الا ّن سواقنا الجديد له شهرين مايشتغل بسبب أنه مايعرف يسوووق !!

وخالي يدربه و أخوه يدربه ولازال مايعرف يسوق و الظاهر بنوديه لمدرسة تعليم السواقة مع أنهم هناك ماأظن يعلمونه مضبوط

و الشكوى لله !!

و الجديد أفضل أيضا ً من ناحية أنه يـُـدرب أو يتعلم طبائع الناس الذين سيعمل معهم وهذا أمر مهم بنظري .