الشورى 40 (( دعوة للجميع ))

[تركـي]

مشكلة البعض ..
مآآخذ مقلب بنفسه
ومصنف نفسه أنه مهم عبر الترويج لنفسه وهذا وآرد في الردود في هذا الموضوع نفسه .. ...

وتجده مضيع مشيته ومشية الغراب
بكثرة معرفاته ..
والمصيبة لو ترجع الى ملفه الشخصي بكل معرفاته
لا تجد غير التباكي ..

لن يأتي مشرف ويتسلط أو يتقصد آحد بعينه ..

مثل بعض الآعضاء اللي مشتكي يقول
أنت ياتركي تصفي حساباتك معي ..

على أيش آصفي حساباتي ..؟؟

هي ضوابط وقوانين تطبق على الكل ..
والكل هنا سواسية ..

ولكن هناك آتخذ طريقة خالف تعرف
بعد أن عجز عن مجارآة الكبار بالطرح والحوار الهادف
وتفرغ للتباكي بالشخصنة للآعضاء والمشرفين والآدارة ..


تأكدو أن كل الآعضاء هم محل تقدير في المنتدى
وأنتم الوقود الحقيقي ..

وأي منظومة آذا كانت الآهداف محددة لها بنظام وقوانين وضوابط
ستسير ولن يضرها بعض المطبات المركبة ..

نتمنى لكم كل محبة ورضى وسعادة
وأن تستمتعو بهذا الصرح

الذي هو منكم وفيكم ......

[الفتى السمنسي]

اقتباس:  المشاركة الأصلية كتبت بواسطة تركـي     مشكلة البعض .. مآآخذ مقلب بنفسه ومصنف نفسه أنه مهم عبر الترويج لنفسه وهذا وآرد في الردود في هذا الموضوع نفسه .. ... ....

أيعقل أن يكون هذا الرد صادر من مسؤول يمثل منتدى بريده ؟!؟!
ياعزيزي ياتركي سواء تقصدني أو تقصد غيري فمن غير اللائق أن يكن ردك بهذا المستوى الرديء .
ردك هذا يجعلنا نتخيل أنفسنا وكأننا شلة عرابجه متجمعين بطرف شارع .
المجلس ياتركي ثري بالثقافه والمعرفه ويوجد فيه نخب مثقفه كذلك لاننسى الزوار فمنهم مثقفين ومطلعين ..ماموقفك ياتركي وهم يقرأوون تعقيبك هذا ........لاتعليق .
استغفر الله العظيم من كل ذنب عظيم .
أتمنى من المشرفين والمشرفات أن يتخذوا من (ابو نوره وأبو شهد) قدوة لهم بالرد على الأعضاء .

[قـتـالـه]

اقتباس:  المشاركة الأصلية كتبت بواسطة الـــفـــ@ــــد     عرفه او مطلع السنة الجديدة ومناسب جدا الصفح بالاشهر الحرم

التسامح فضيله لحاله مايحتاج له مناسبه
بعدين حنا نبيها قبل الاشهر الحرم
مو الصيد فيها مايصلح او مايجوز .. خل الاداره تهش بذاك الوقت
ماتلاقي احد تصيدوه

^
ياحزني من ساكتون هو تسذا الحتسي عن الاشهر الحرم
علمون بسرعه اعدل ردي :|

[قـتـالـه]

اقتباس:  المشاركة الأصلية كتبت بواسطة الفتى السمنسي     ياعزيزي ياتركي سواء تقصدني أو تقصد غيري فمن غير اللائق أن يكن ردك بهذا المستوى الرديء .

مو بس انت اللي تنغش معرفات
اعرف ناس أقضوا عنا ارقام الباسووردات
لهم على سبعتلاف معرف
وحق النهار غير حق الليل مثل ثياب الحريم

[الفتى السمنسي]

اقتباس:  المشاركة الأصلية كتبت بواسطة قـتـالـه     ^ ياحزني من ساكتون هو تسذا الحتسي عن الاشهر الحرم علمون بسرعه اعدل ردي :|

أتوقع إن الفتوى ماتبي شيء عندتس .صايرتن مفتيه للحريم وإذا قضيتي صاقعتن هالفتاوى هذا حلال وهذا حرام رجعتي تقولين :
ياحزني من ساكتون هو تسذا صح اللي أنا قلته .
ياحليلكن يالحريم .

[الـــفـــ@ــــد]

اقتباس:  المشاركة الأصلية كتبت بواسطة الفتى السمنسي     أيعقل أن يكون هذا الرد صادر من مسؤول يمثل منتدى بريده ؟!؟! ياعزيزي ياتركي سواء تقصدني أو تقصد غيري فمن غير اللائق أن يكن ردك بهذا المستوى الرديء . ردك هذا يجعلنا نتخيل أنفسنا وكأننا شلة عرابجه متجمعين بطرف شارع . المجلس ياتركي ثري بالثقافه والمعرفه ويوجد فيه نخب مثقفه كذلك لاننسى الزوار فمنهم مثقفين ومطلعين ..ماموقفك ياتركي وهم يقرأوون تعقيبك هذا ........لاتعليق . استغفر الله العظيم من كل ذنب عظيم . أتمنى من المشرفين والمشرفات أن يتخذوا من (ابو نوره وأبو شهد) قدوة لهم بالرد على الأعضاء .

اخي العزيز الفتى

ليس دفاع عن تركي ولا غيره

لكن كلمة حق يجب ان تقال

لم يمر على الاشراف العام افضل من اثنين هما مودرن وتركي

اتزان وثقة بالنفس واحترام ومرجله

اما ابو نورة وابو شهد فلهم اخطائهم ولهم ضحايا ليس منزه الا

رسول الله صلى الله عليه وسلم

تقديري

[قـتـالـه]

اقتباس:  المشاركة الأصلية كتبت بواسطة الفتى السمنسي     .صايرتن مفتيه للحريم وإذا قضيتي صاقعتن هالفتاوى هذا حلال وهذا حرام رجعتي تقولين : .

ماعمري اطريت الحلال والحرام
منحيني ادري ان اموري رهاف
دور التحريم والتجريم عندك بمعرفك هذاك

[الفتى السمنسي]

اقتباس:  المشاركة الأصلية كتبت بواسطة قـتـالـه     مو بس انت اللي تنغش معرفات

ياحبكم للقافه ..تدخلون خشومكم بشيء مايخصكم ...وش يقرب لكم (الفريان) .
تعدد المعرفات حرية شخصية للعضو مادام لم يتجاوز الخطوط الحمراء .
والله يانتم مشغلينن أنفسكم بفلان وعلان ...دعوا الخلق للخالق وتفرغوا لماهو أهم يامشافيح

[الفتى السمنسي]

اقتباس:  المشاركة الأصلية كتبت بواسطة قـتـالـه     دور التحريم والتجريم عندك بمعرفك هذاك

هههههههه .ابوطبيع مايجوز عن طبعه . وش فيها لما يصير عندي عشر معرفات .خلينا على الأقل نكثر سوق المجلس ماتشوفينه يصفر من الأعضاء ..اغلبهم هج يبحث عن ارض خصبه ويبحث عن الأمن والأمان الفكري .
المفروض يسوون للي عندهم معرفات كثيره تكريم لأنهم انعشوا المجلس بتواجد معرفاتهم المتعدده ...شفتي إننا مفيدين للمنتدى وعندنا بعد نظر

[قـتـالـه]

اقتباس:  المشاركة الأصلية كتبت بواسطة الفتى السمنسي     ...شفتي إننا مفيدين للمنتدى وعندنا بعد نظر

ماقلنا شي خلهم يكثرون ويتمددون
بس لايوذوننا بالاستقصاد
طيب ليه فكرهم يختلف بكل معرف
وأرائهم تقل مضارب قبايل متناحره
رغم ان الجمجمه وحده
تحريهم نفسيات او متلبستهم الارواح
عاد انا ابرفع معروض لمن يهمه الامر هنا
استحداث قسم اسمه مجلس النفسيات
ويحطونن مشرفته
اسبوع استضيف لهم العليط بموضوع مثبت
واسبوع الحريم ام الغضيه

[الفتى السمنسي]

اقتباس:  المشاركة الأصلية كتبت بواسطة قـتـالـه     ماقلنا شي خلهم يكثرون ويتمددون بس لايوذوننا بالاستقصاد طيب ليه فكرهم يختلف بكل معرف وأرائهم تقل مضارب قبايل متناحره رغم ان الجمجمه وحده

اللي لونه تقل طماطه يدل على أن اللي مشغل نفسه بإتهام خلق الله بأن لهم معرفات كثيره أنه (مخطيء بتكهناته وتوقعاته) والدليل إن فكرهم مختلف بكل معرف مما يدل دلالة على أنهم أشخاص وليسوا شخص كما تتوهمون أنتم .
إذن من الذي يحتاج لطبيب نفسي ؟؟؟ سلمي لي على جاركم أبو صالح ..قسم إني أعزه واحترمه

[الفتى السمنسي]

اقتباس:  المشاركة الأصلية كتبت بواسطة الـــفـــ@ــــد     اخي العزيز الفتى ليس دفاع عن تركي ولا غيره لكن كلمة حق يجب ان تقال لم يمر على الاشراف العام افضل من اثنين هما مودرن وتركي اتزان وثقة بالنفس واحترام ومرجله اما ابو نورة وابو شهد فلهم اخطائهم ولهم ضحايا ليس منزه الا رسول الله صلى الله عليه وسلم تقديري

هلا بالفهد ..حنا وش اللي فككنا ولعب فينا لعب غير اللي يصيدون بالماء العكر .
تصدق فيه صحفي يماني يقول إن الرئيس علي عبدالله صالح سادس الخلفاء الراشدين والمصيبه كاتبها على لافته عريضه وطويله ومعلقها بأحد شوارع صنعاء .

[قـتـالـه]

اقتباس:  المشاركة الأصلية كتبت بواسطة الفتى السمنسي     إذن من الذي يحتاج لطبيب نفسي ؟؟؟ سلمي لي على جاركم أبو صالح ..قسم إني أعزه واحترمه

هههههه
يعني بتقنعني انك بكل معرفاتك تحمل نفس الفكر
ولاعمرك طلعت من معرف لمعرف علشان تقتص من عضو مآ
الفتى لاتلعب معي تراي اكثر وحده فاهمه هرولتك هنا
ابو صالح يزقح وجاه ولد من السوريه
وسماه خالد بن الوليد

[الـــفـــ@ــــد]

اقتباس:  المشاركة الأصلية كتبت بواسطة الفتى السمنسي     هلا بالفهد ..حنا وش اللي فككنا ولعب فينا لعب غير اللي يصيدون بالماء العكر . تصدق فيه صحفي يماني يقول إن الرئيس علي عبدالله صالح سادس الخلفاء الراشدين والمصيبه كاتبها على لافته عريضه وطويله ومعلقها بأحد شوارع صنعاء .

وش وجه الشبه بين طاغية وبين من ذكرت؟؟

عجيب ردك يا ولد خالتي!!!

[شمووخ اثنى]

المنتدى مثل اي دائرة حكومية

وصل ليها الفساد الاداري

هذا لة واسطة وهذا يمون وهذا ما يمون وهذا اطردة وهم ردوة وهم اطردوة
وهذا طبلولة لو ما فهمتوة
لو تغيرو قوانين المنتدى تعملوا معروف