الله يخلف على حريمنا ..... معقوله اللي يصير !!!!

[عاشق ديرتي بريده]

اقتباس:  المشاركة الأصلية كتبت بواسطة ^جبل عمر^     إحترت وشلون أشرح لك لكن يجب أن يكون هناك ثقة للأهل عموماً والبنات خصوصاً الي في راسه شي راح يسويه سواءً باليل أو النهار وجهت نظري إسلوب فرض الأوامر ولى نحن في زمن خطير ولذلك تأخذ الأمور بعقلانية وبثقة وبأسلوب الإقناع وبيان سبب المنع يعني ما يصلح يفرض الأمر على العيال مثال قل يا بنتي تعرفين خطر النت بذا الوقت والشياطين الي فيه ومن هالكلام أقنعها ليه خطر مو سكري وترى إذا شفتك بالنت يا ويلك صدقني راح ترجع لمه لأن كل ممنوع مرغوب

اخوي جبل الثقه موجوده ولكن لاتوصل حد السذاجه كما قلت بالسابق !

اكثر مادمر الناس الثقه الزائده !

[عاشق ديرتي بريده]

اقتباس:  المشاركة الأصلية كتبت بواسطة بنت البدائع     ليه يعني: وش فرق بين ليلة آخر الإسبوع وليلة وسط الإسبوع بدخول النت لوحده متخرجه ومتفرغه وتتطلع على النت سواء قراءه أو مشاركه ؟ وخصوصاً إن النوم في الليل مو نظامها بالأغلب ؟ البعض منهم نايم ... والبعض الآخر جالس عندها . الحمد لله على أجمل نعمه رزقني فيها ربي بوالديني وإهتمامهم بشؤني جميعها لولاء الثقه ,, كان مادخلوا النت للبيت أساساً .. ياخرااااااااااااااااااااابي يعني بنت البدائع طلعت صايعه وضايعه لأنها تدخل كثير للنت آخر الليل أحسن الظن بارك الله فيك , الفساد والنفس الأمّاره بالسوء تأتي بكل وقت فجر ظهر عصر .....> وليس فقط آخر الليل .. ياللأسف ... نظره ساقطه عند البعض ومازالت موجوده ...

هذا اللي يضيع الناس انا ماعندي شغل واضيع وقتي !
اختي بنت البدائع قليل من الاعضاء يدخل النت واهله حواليه واسالي وراح تعرفي كلامي ومقصدي !

اعتبري كلامي ساقط ولكن للأسف هذا مايقال عنكم !

[عاشق ديرتي بريده]

اقتباس:  المشاركة الأصلية كتبت بواسطة الأسترليني     شف يا عاشق ابتكلم هنا عن الذكور واخص نفسي ولا الاناث مالي دخل بهن كل وحدة لسانه يلوط اذانه ناس صايعة وضايعة بوجهة نظرك !!! اسمع يا عزيزي ما عندي وقت معين لدخول النت واغلب ما ادخلة بالنهار لكن وصفك للاعضاء بهذة الصورة واضح ان نظرتك قاصرة . يا اخي فيه ناس تحكمهم اعمالهم انهم ينامون بالنهار ويصحون باليل فيه ناس راعية سمر وتحب تتطلع على المواضيع باليل تستفيد وتفيد احسن من يقعدون بالاستراحة ولا عندهم غير الحش بخلق الله . يا تبينا ندخل للنت لصار سعادتك موجود ولا حنا ناس صايعة وضايعة !! الأسترليني ،،

هلابك اخوي والله انك صادق لسانها يلوط اذانها !

اخوي انا اقول اللي يدخل اخر الليل انا مااتكلم عن شخص اقصى حد له الساعه وحده !

[عازفة ألحان الليل]

في اشياء غير صايعه ضايعة <<<لو سمحت لا تعمم

-الفراغ القاتل
-المجتمع لايعطي الشباب فرص للوظائف<<وخاصة البنت
-ومن قال اني الي يدخل في منتصف الليل ضايع وصايع

يكون بعلمك مرة انا كتبت موضوع الفجر يعني لا يروح بالك بعيد

انتم ماادري مين تشفون وتشكون بكل الخلق ؟؟؟

طيب تدري ان قولك هذا فيه ظلم لبعض العضوات ؟؟ وقد اذنبت اكثر من نصحت !

ودي يوم ياعاشق تشوف عيوبك قبل ماتشوفه بغيرك !

[راشد الصليحان]

ياناس ..أرفقوا اشوي وتقبلوا وجهة نظر صريحــة وقاسية تنتقد ((السهارى )) من العيال والبنات ..!!
عاشق ديريتي.. صريح وواضح قال رأيه بدون تمثليات ..!!

وبعدين خلوكم واقعيين فعلا كثير من ((سهارى النت )) تدور حولهم الشبهات ..!!
صحيح الخراب ماله وقت محدد...لكن الليل خطير وقديماَ قالوا ((الليل ابو الأسرار ))

وسلامتكم

[عاشق ديرتي بريده]

اقتباس:  المشاركة الأصلية كتبت بواسطة شقرديه     الحمد لله على نعمة العقل يمين بالله الذي لا إله إلا هو لو أصحى اليوم الفجر على الساعة 3 وأكون رايقة لأدخل النت وش هالتفكير ؟؟ 1: هل كل معرف نسائي يعني بنت ؟؟ أم 17 إلى 27 مثلا كنهاية سن الشباب عند المرأة؟؟ ثاني أمر هل النت للمسنجر والمنتديات بس؟؟ هذي نظرة سطحية جدا قاصرة جدا هل كل بنت لها هدف خبيث وخيانة من النت؟؟ البنت أو الولد دخلوا النت محاسبين على وقتهم وعلى نوع استخدامهم له لا فرق بين بنت وولد واللي فيها فساد تلقاه لو بين عشاوين أو حتى عز الظهر !!! فكر شوي قبل تدرعم بموضوع !!

بدون حلف اختي شقرديه ادخلي بالوقت اللي يعجبك !

حتى والبنت اللي مالها هدف خبيث بالنت راح تحصل شخص يلعب عليها ويضيعها !

[طـمـوح]

يمكن وحده عايشه بأمريكا وفارق التوقيت يختلف ؟!

ويمكن انت وش دخلك من العالم متى يدخلون !!

[هين هين]

عاااااااااااااااشق

الليل مايحلى الا بجلاسه

هين هين

[عاشق ديرتي بريده]

اقتباس:  المشاركة الأصلية كتبت بواسطة •°سـرىآ اللـيـل°•     أقووول أما لو سرىآ اللي منزلة الموضوع وش تتوقعون الردود !!!!!!!!!!!! << إلى مقبرة الموطأ تراه قريبة ماهنا بعايد .. ياحوليلكم أثاريكم على الهواااء يامال الذهاب الله يهديك ياعاشق بتقلق الجماعة اليوم أحسن النية الله يصلحك عز الله طلعوك من ملة محمد << ورب البيت يسونه ترى لاتستغرب شيء عليهم << أنتبه تراهم قوم جوجو أهذب تاهيه’

اختي سرى وربي ماهمني احد لاني اقول رايي بكل صراحه !
وهذهم خلوني سطحي واللي قالي اهجد ماقصرو لكن مصيرهم يسمعون الكلام من غيري ويعرفون كلامي !

[بنت البدائع]

اقتباس:  المشاركة الأصلية كتبت بواسطة عاشق ديرتي بريده     هذا اللي يضيع الناس انا ماعندي شغل واضيع وقتي !اختي بنت البدائع قليل من الاعضاء يدخل النت واهله حواليه واسالي وراح تعرفي كلامي ومقصدي ! اعتبري كلامي ساقط ولكن للأسف هذا مايقال عنكم !

عفواً أخوي عاشق...
أنا ماأقصد بكلامي إن سبب دخولي للنت مسألة تضيع وقت ؟

لا أقصد دخلتي في الليل لاتناظرها هالنظره اللي حدثتنا عنها

وبس ..

[عاشق ديرتي بريده]

اقتباس:  المشاركة الأصلية كتبت بواسطة فتحـية     [align=center]اللهم إني قررت أشارك . . . تحية لك من موضع قدميك إلى نيويورك بالضبط أمام مبنى الأمم المتحدة على هذه الصراحة وليست بمستغربه منك .. نأتي لصلب موضوعك الغريب نوعا إذ لا أظنه يصدر من شخص يتعاطى النت يوميا .. لكن لابأس هي وجهة نظرك وعلينا احترامها .. لايغيب عنك في عالم النت لا نتعامل مع التوقيت سواء كان ليل أو نهار كلنا سكان قرية واحدة لاتغرب عنها الشمس .. يمكنني تصفح موقع وأشعة الشمس عمودية على رأسي بينما آخرون يشاركوني التصفح في ذات الوقت والقمر عندهم قد اكتمل بدراً .. !! ثم إن مصطلحات الصياعه والضياع الليلي تناسب لو كان النت يقتضي خروجاً للشارع أما مانفعله لايعدو سوى كونه فتح باب الجهاز ولايتطلب مني ارتداء عباءة ولاخروجاً ليلياً يثير الشبهات وتجعل من الصياعة والضياع عنواناً لخروجي .. لو أنك تركت الأمر على إطلاقه بحيث يكون الصياع والضياع في كل وقت _ وليس الليل فقط _ لكان مقبولاً إلى حد ما لكنه هكذا لايعدو سوى كونه ضرباً من أشكال محدودية النظر ! أيضاً أستغرب من إقحامك مسألة الثقة التي تصل حد السذاجة .. من لايستطيع منح ثقته لابنته في الليل فمن الأفضل أن لايمنحها إياها إطلاقاً !! إذ لا يغيب عنك أن الفساد النتي غير مرتبط بوقت ولابظلمة ليل .. لا أظن الشات يغلق أبوابه نهاراً ولاحتى البالتوك !! أما الحديث عن الخيانه أيضاً فأظنها مبالغة لاتدخل العقل .. ليس لكوني أرفضها مطلقاً بل لأنك ربطت حصولها فقط بمجرد الدخول ليلاً وهذه نظره يشوبها الكثير من التعقيد ونزراً غير يسير من الظلم ! ثم إن النت ياأخي لم يعد مقهى فحسب .. هو تماما كالتلفاز تفتحه متى شئت وتغلقه متى أردت .. برأيك هل سأكون خائنة لو فتحت التلفاز ليلاً !! في النهاية وبحكم أني زائرة ليليه أغلب الوقت إلا أني لن أسرد لك المبررات لدخولي بهذا التوقيت .. فقط لأني لا أرى مايستدعي تبريراً !! <== هذا المستخدم قسمه إملاء وخط سلملم [/align]

أختي فتحيه
النت بالوقت الحالي اصبح اكثر خطوره من الخروج للشارع !

الان يوجد كام ومايك وبلاوي !

اما الثقه المطلقه فهي ممنوعه فلايوجد شي اسمه ثقه مطلقه مدام شياطين الجن والانس موجودين !

انتي اشوى شوي الشبهات بعيده عنك لانك متغطيه !!!

[عاشق ديرتي بريده]

اقتباس:  المشاركة الأصلية كتبت بواسطة حبيبة قلبة     صراحة انت انسان متخلف ...عذرا بس موضوعك بايخ الى مته حنا متخلفين ياناس

الحمدلله اني متخلف وهذا تفكيري !

قمة العقل يظهر لي من معرفك !

[عاشق ديرتي بريده]

اقتباس:  المشاركة الأصلية كتبت بواسطة فيصل...........     عاشق تفكير بريداوي قبل عشرين سنة يدخل ويدور براسة الشك.. هذه شبكة 24 ساعة الا اذا انت تقول هذا منتدى بريدة واستطيع اتحكم به خذا مفتاحة واذا جاك النوم سكره واذا صحيت من نومك افتحه الله يصلحك يعاشق

اخوي فيصل والله اذا تقول عن ابوي وابوك انهم متخلفين مااقدر ارد عليك !

ناس لاتعرف السهر الا لذكر الله والتهجد وترمي عليهم كلمة متخلفين !

[رحيل]

اقتباس: اخوي انا اقول اللي يدخل اخر الليل انا مااتكلم عن شخص اقصى حد له الساعه وحده !

أنت ياعاشق توقت على روحك يعني يوم قعدت للساعه وحده
صار اللي يقعد للساعه وحده مهب عليه الكلام
يعني لو بعد مده تقعد للساعه 4 يصير مافيه إشكاليه
يصير اللي يقعد للصبح هو اللي عليه الكلام

حنا شتاء يعني الساعه وحده هذا نص الليل
ولا الساعه وحده محسوبه من النهار مهب من الليل

[عاشق ديرتي بريده]

اقتباس:  المشاركة الأصلية كتبت بواسطة الحنتريش     انا اقول خله تدخل اي وقت ولو اهله مايبونه تدخل تسان يمصعون سلك الجهاز ههههههه

المشكله اخوي الحنتريش ان السلك يمصع بس اذا نامو الاهل انشبك !