ذكرتك ليلة البارح بعد ماطول غيابك سهرت وقلت وين اللــه بلا خلي موديني
أنا اللي كنت اقول اني نسيت وماحسب حسابك اثرني مانسيت ان طاري النسيان ناسيني
تموت بخاطري قصة جفاك وقسوة عتابك على كبر الخطا منك ترى ماطحت من عيني
أنا اللي خانني حظي وظلم الوقت واقرابك ولا أدري وش بلا حظي معك دايم يعنيني
إذا قصدك تبي تعرف غلاك أموت وأحيا بك وأكيد انك بعد مثلي مثل مااغليك تغليني
نقشت اسمك على قلبي مادام إن الهوا جابك أموت وباندفن واسمك وحبك عايش فيني
أشوفك بالغياب اللي خذاك هناك وابطابك واشوفك بالمنام بسكة احلامي مخاويني
أشوفك بالهدايا والورق والحبر واكتابك وأشوفك بالدروب اللي على بابك توديني
أبيك وما أبي غيرك أنا ماأعيش إلا بك تعال وان ماحصل شوفك ترى صوتك يكفيني
دخيلك لاتغيب وتبتعد ويطول غيابك دخيل اللـه وبعد اللـه دخيلك لا تخليني
العرض المتطور
