نبتلش حنا يالرجاجيل بأرواحنا قبل الزواج ..من زود الفراغ..
وعشان كذا.. تلقى الواحد عضو باكثر من شلة.. واستراحة..
يطلع من هذي.. ويدخل ذيك.. وبينهن يسير على ذولاك...
وكله مهب حب لذيك الوجيه... لكن مالنا باليد حيله..
ونقعد نحسب للزواج الي بيفكنا من هالشلل..وبنية الحلال ..اللي تبي تنسينا زيد وعبيد..
ولاحط الواحد راسه على الوسادة .. خذ ياحلوم وياتخيل..
وعادي تخطم نانسي .. وبنت وهبي .. مع زينة الطبايع والاخلاق ..
وبعد مايتم المقسوم .. ونلقى بنت الحلال .. ونتزوج.. الله لايوريك ..
نحذر جميع خويانا بعدم الإزعاج .. وأن الوجه من الوجه أبيض (يعني لاتجي)
كله نحتري هالعسل ينكب علينا ويغرقنا... حتى يطلع مع آذاننا ..
وبس هي أيام أو أسابيع .. تطف المرة بنا .. تحس انه لقت شي تتلسى به..
نتفاجأ أن أكره شي للزوجة هو البيبت .. مرة خواته مجتمعات ..ومرة خالتهم زايره.. وثالثة أمه عليه قل صح..ومره ..ومره ..إلخ
حتى إذا شفت الوقع وأثره تقعد ببيت أهله أكثر من بيتك ؟
ويالله رح دور ربعك اللي تحللت منهم وقلت لا أحد يوريك وجهه..
حتى جوالك من زود القرادة غيرته.. عشان مايلقونك...
وأعز واحد منهم لك أول ..يبي يقولك رح للمعزبة خله تنفعك ؟
عاد إذا حملت.... هذي علووووووم ...
ياساتر ..أول الأشهر (متوحمة) ..وياويلك إن كانت عليك..
وآخر الأشهر (ثقيلة) ومالي خلق أشتغل لك..وزانت العلثة عشان تقعد عن أهله..
وأنت.. عندك المطعم والمغسلة ..و(تراي يالله اتحمل اللي في بطني )..
عاد إذا ولدت... 40 يوم ماتكفي عشان تخيط الجروح ؟
ويالله.. حتى إذا حسبته لقيت أنك أنت الضحية..
وعشانه مسيكينة.. وتعبانه.. أهله كل يوم عندك.. خاصة اذا كان البزر بكريه..
والا ماغير عند اهله وامه.. وعذره انه ماعنده خبره بالبزران.. ولازم امه تساعده..!!
وأنت الله مير يخلف...!!
أهلك متصورين إنك ببيتك ..وعند أم عيالك، ومغرقتك بالحشيمة والدلال..
وحالك مثل معيد القريتين ؟؟
أقول..
ولاتزعل الحريم منا..
ياحلالاة يالثانية وبس؟ على الأقل لاراحت الوحدة..
هذا إذا راحت وماصارت (باتكس) بالبيت عشان ماتروح للثانية ..إذا راحت عندك بيت ثاني.. يضفك ويهتم فيك
بس مشكلتنا يارجال هالوقت إننا نخاف إن المرة تتزوج علينا .. وندعي الله إنه ترضى بنا ..
خاصة إن كانت مدرسة ورافعة خشمة فوق ؟ ..بس ماتتصورون لو الواحد سواها (مسيار) كان ريح وارتاح .. وسلامتكم ...
العرض الشجري