قبل ماتتزوج لازم تقولها

[جند الروح]

اسمع ياعاق ياللي تخاف من زوجتك علشان امك وتحاول انك تساوي امك بزوجتك ,, والام لاتساوى بأحد



أستودعكم الله

نصيحه وحبيت أكسب فيها أجر

وتكتب لي أن شاء الله

وربي عالم بالنيات

[أسيل محمد]

عساي مااعمى .. ورب البيت من يوم شفتك متحمس توقعتك شايفن فلم وإلا سامعن انشوده تحكي عن الام ..
اممممم شكلك حاطن السماعات في إيذانك ومعلي الصوت مره لذلك المقطع مأثر فيك مره ..عشان كذا ماحبيت آخذ واعطي وانتي تحت تأثير المقطع

ع العموم الله يرزقنا بر امهاتنا .. ويهدي الجميع

[زنقازنقا]

يبدولي اني توي جاي ولا ادري وش هالقصه اشوف غبرة عاجة
ومحتمي الوطيس لكن اشوفكم باخر حلقة :

[فتاة المستقبل]

ما مداي قاريه مشكله واحده مع زوجها بقسم المتزوجين ..تشتكي من زوجها والزامه الاجباري بالقيام باهله ,,تحاول تقنعه مافيش امل, هو نفس عينتك ومطلق سابقا ..

ياخوي ياصاحب الموضوع انت الراس عندك يابس متيبس جاف ماراح يتقبل منا اي شئ ولاراح يقتنع ..

فنسكت ابرك لنا ..

[هنؤؤنه]

عفوآ
وش دخل الزوجه بـ الام؟
اذا قصدك ممكن تحرضك ع امك وتخيليك تزعلها
فهذا الشي يرجع لك موب لزوجتك
انت وين شخصيتك؟؟وايش هو موقفك؟ومع مين واقف؟
مع الحق؟؟سواء مع زوجتك او امك؟
لان بعض الامهات الله يهدين فاهمه زواج ولدها غلط
ع بالها بنت الناس (زوجته )اخذته منها
ع قولتهم انا الي ربيت ولغيري صفيت خخخخ



انت مو من حقك تأمرها بهـ الاسلوب الا اذا شفت منها شي




حتى احنا عندنا امهات
ونعرف البر ونعرف العقوق

[لسعه الخير]

وراكم اكلتوة وقسم بالله واضحة نيتة مرة
هو الي فهمتة قصدة من باب السوالف مو قصده بهواش وفرض راية
يحاول يوضح لها ان الي يحبة يغلي امة
ومعه والله حق والله يابعض البنات تحر الام من تحت لتحت
عشنا وشفنا
وبالعقل اصلا للي معارضين كلامة اي انسانة تحب زوجها ومحترمته
بتحاول تحترم اهلة وتعزهم
ومافي بنت نيتها زينة بتزعل من كلامة
ترى لولا لله ثم امة ماعرفتية محد طلعه على الكرة الارضية الى الله ثم امة ههههههه

[البـــBADERـــدر B.D.Q]

بالعكس عمر الشي ماجا بالامر والغصب .. بالاقناع وباسلوب مميز تقدر تاخذ الي تبي وعن قناعه ..

بر بامك وبين للزوجتك اهميته عندك وان رضاك من رضاه بس بعيد عن صيغه الامر والغصب .. بالاضافه انك تقدر ام الزوجه وتحترمه .. مهما كان هي تبي تشوف تقدير للامه بعد مثل ماهي بتقدر امك

[سَـاكنة القـلب]

الأم .. !
ما أوجز اللفظ ،
........وما أرق المعاني .. !

أحيي فيك عاطفتك الجياشة تجاه الأم .. !
وأبشرك بخيري الدنيا والآخرة – بإذن الله - .

ولكن ،
هي نصيحة من قلبٍ محب ..
إياك إياك أخي الكريم وخلط الأمور ودمج المسؤوليات وخسارة كل شيء ؛ بسبب إقدامٍ تنقصه الحكمة .
بربك ما معنى أن تبتدر الزوجة في أوائل أيام العمر الوردي بالتذكير بالأم – بذات الأسلوب الذي ذكرته - .. ؟!
لماذا لا تُشعرها بأنها ستكون حبيبتك وسواد عينيك .. ؟!
وإن ملكت قلبها – مع الأيام – تصارحها بود في رغبتك بأن تكون عونًا لك على برِ أمك .. !
وصدقيني يا أخي ؛ ستسعد بذلك ، وستلبي رغبتك راضية مبتهجة ..
فالنفوس جُبلت على رد الإحسان إلى من أحسنَ إليها .. وما دامت ترى سعادتك وشكرك وامتنانك في بذلها لأمك ؛ فستقوم بذلك ولا ريب .

أيضًا ؛ الدنيا ديون ، والبنت تبر أم زوجها ؛ لتأتي امرأة أخيها بالمثل في تعاملها مع أمها ..
وعلى المدى البعيد ؛ تحظى ببر نساء أبنائها .

لكن التهديد والتشكيك وحدة الصوت من أول يوم كفيلة بإحياء صراعات وبغضاء لم تكن واردة بالحسبان .. !
فالله الله بالحكمة والمنطق الحسن ولين القول .

نقطة أخرى :
أحق الناس على الرجل أمه .. !
وأحق الناس على المرأة زوجها .. !

لذا هي نصيحة عامة لكل الأزواج : لا توكل مهامك التي أُمرت بها شرعًا إلى زوجتك .

نقطة أخيرة :
والله نبتهج ونفرح ونقر عينًا ؛ عندما نشاهد من يضع أمه هذا الموضع من قلبه واهتماماته وحقّ لزوجتك أن تفرح بك ؛ فمن لا خير له في أمه ؛ لا خير له في كل الناس – بما فيهم زوجته - .. !

جزيتَ الجنة .

[حلاتي بعنادي]

آكيد من دون قول بحترم آمـه آمـآ يجي بآلآسلوب هـذآ لآ فيه آسلوب آرقى ورآح تفهم آلزوجه !

ومهمـآ كـآن آلآم هي آلآم آلله يرزقنآ بره

.

[ناقه فسفوريه]

وراكم عليه يححول أكلتوه بقشوره هو يبي يبر أمه بس الظاهر خانه التعبير

[جلوي العتيبي]

المبالغه في الحرص تعطي نتائج عكسيه

الزوجه ليست طفله وهي إنسانه واعية ومدركة فإن لم يصدر منها شيء فلاحاجه للتنبيه والمبالغه بحبك لأمك أمامها فالزوجه تغار من البنت ومن الاخت ومن الأم وبحاجه إلى دبلوماسيه في التعامل

[سهاد]

لازم يقول لنفسه ان هذي أمك حبيت حرمتك والا ماحبيته ..رضت والا انرضت ..بكت والا ضحكت
ماهو أول ماتزعل زوجته يترك أمه ويلاحقه.. ولا يهين زوجته علشان يرضي أمه
كل له حقوق و عليه واجبات ،الرجل اللي ماله حرية التصرف في وواجباته الخاصة لاتسلم لي عليه

[كرآميش]

ياربي ذكرتني بطليقي ييييع من أول مكالمه وامي وامي كني بنت شوارع ماتعلمت الادب في نفسي قلت شكله دايم جالس تحت رجلينها بعد الزواج إنصدمت من أسلوب تعامله مع امه يرفع صوته عليها ويرفض يوديها مشاويرها ومواعيد المستشفى تبعها وكنت أرحمها وأخلي امي توديها مع السواق لانها حرمه كبيره وماتعرف وانت ياصاحب الموضوع الله يقدرك على بر أمك ويرزقك بنت الحلال اللي تعينك على برها

[زمن الغرباء]

لاتخاف الررجل يبي يلقى مرة تعينه على أمه
بسبب تربية مجتمعنا وكثرة الدروس اللي تتلقاها الفتاة قبل الزواج
الحمولة والحمولة

لكن البنت اللي تتمنى احد يساعدها على بر والديها
الله يخلي لي امي وابوي والله خواطرهم ألزم علي من غيرهم

الزوج بداله عشر
لكن الام والابو مايتعوضون

الله يرزقك الزوجة الصالحة اللي تتفهم طبيعتك وتبر بامك
ويرزقنا الازواج الصالحين اللي يبرون بامهاتنا وابائنا

بالتوفيق

[نجداوي]

زمن الربط بين الاهل والزوجه انتهى

والدليل الاستقلاليه الكامله المقدمه من الازواج بمعظم الزيجات

شكرآ جند.