ياعسى ربي يمتحن قليبك بالحب مثل ماامتحنتني ياللي ببالي :|
الابيض , العاجي, الذهبي المطفي
احب الالوان واقربها لروح ام القتاتيل
وامي تحب اللون الجحي
< شخطت من عند سؤال الزخارف
.
.
ياللي بعدوو . .
2_ هل تفضل |ين ان يكون جميع ديكور المنزل بنفس اللون ولماذا ؟ 3_كيف توفق بين اختيارك لدهان (طلاء) المنزل والديكور؟؟
مالي خلق الترقيع وأذية العين اللي نشوفها ببيوت الناس الحين :|
اطلع من عندهم وانا عاصبتن راسي من الوان اشوفها
احس بعض بيوتهم تحولت لدهانات الجزيره كل جدار بلون
ايقالهم متطورين خخ
والا غرف البنات والعيال ولا جدار مثل الثاني
وأديلوه نفسيات وعسارة اخلاق مايدرون ان البلا بجدرانهم
احب الفلفت الابيض المايل للكريمي
ببعض الطبعات الذهبي الخفيف المطفي ويصير الواحد واقف فوق راس المصري وهو يطبع يالله يالله يجي اللون على الكيف..
افضل تعميمه على البيت كله والتغيير يكون بالاثاث
4_ هل سبق وان اعجبتك |ي قطعة ديكور ولم تتمكن |ي من الحصول عليها ؟؟وماهي ؟؟
انا مشكلتي بالاوادم
مااقدر احصل على اللي ابي والا هين الاثاث :/
5_هل سبق واشتريت شيئا وندمت على شراءه ؟ولماذا؟؟
هه اجل ام الطنايا مربيه مرابيع خشب
يوم اني اشري واندم
6_لوعطيت لك الحريه الكامله لتأثث أي ركن من اركان المنزل .اي ركن تختار؟؟ياريت لو تعطينا فكره بسيطه؟؟
ودي اصلح مجلس عزف الحقيقه
زملتلوه يقول ماني حاطن مجلس واغربالي :|
وين بيقلطبوه الرجال
ابحط له مشب شمالي هه
ودلال بغداديات 60 سم :/
7_ماهو المكان الذي ترتاح فيه في بيتك؟؟
وربي لولا خوفي يعرفون خوياتي شخصيتي لاصور لك مكان
خاص بي وبنفر ثاني عسى الله يجيبه
المكان صاير بين جدار المطبخ المستخدم كبوفيه فطور
واسفل درج الصاله
مغبا حميم
جلسه عربيه وثيره بقماش كشميري
لقيته مع باكستاني يبيعه بمحل انتيكات
القماش بيج مطرز بخيوط داكنه
امام مكاني الحميم
طاوله خشبيه ارضيه سطحها سيراميك مرسوم عليها باليد
8_هل تحب الديكورات الهادئه ام الديكورات الفاخره والراقيه؟؟
احبها كلاسيكيه جدآ
ولا لي خلق اللي يحطون دهانات كلاسيكيه دافئه
ويأثثون من ايكيآ :/
امووت بتطعيم الديكور بالانتيكات الكشميريه وامتلك ارث كبير منها
شي اشهق فيه واناقز من الفرحه بالمحل
وشي يجيني هدايا
برضوه مااقدر اصور
شوفي ذولي من قوقل افندي
9_هل تواكب كل ماهو جديد في عالم الديكور؟
لا ابدآ
غايتي ماالاقيها بالجديد
< بتله تحرث بأماكن الا نتيكات
_هل تحب التجديد دائما ؟ومتى يكون(كل سنه _على حسب)؟
على مستوى اثاث لا
وش اجدد وانا اشتري انتيكات هه
التجديد زين بالاوادم بس
_هل تفضل الديكورات ذات الطراز القديم؟؟
ماينقالها قديم حسيت اني اجمع قراشيع
يقولون لها انتيكات وهي انواع
كشميريه .. مغربيه .. صينيه .. شعبيه حقاتنا:/
_هل سبق واحتفظت بقطعة ديكور قديمه؟ولماذا؟؟
يوووه رجعنا لسالفة قديمه !
13-هل تعتبرالتحف و الاثريات واللوحات شي اساسي اوتشكل مقدار بسيط من اهتمامك؟؟
-هل تفضل التحف الزجاجيه ام الفخاريه ام الخشبيه؟؟
من زين بزراننا احط تحف والا من كبر هالبيوت عاد
اممم احب المشغولات المعدنيه النادره
احتفظ فيها ببعض الزوايا وان حاصت او ماصت
قدمنا فيها حلا
_هل تفضل كثرة التحف والاثريات بالمنزل؟
جدآ مهمه
اصلاً وش اللي يظهر الاثاث الا الاناره
واموت بطريقة المصابيح
العرض المتطور
