ضبط فتاة هاربة من ذويها ترافق المفحطين بالقصيم

[قـتـالـه]

اقتباس:  المشاركة الأصلية كتبت بواسطة هلاوين     الفتى السمنسي والله انك محق وان اغلب الفسااااد من النت وشاكلته. .

يعني بعصور الانسان الأول مافيه فساد؟
حب النساء والدنفسه ماوجدت من ايام النبي والصحابه ؟
توعوا شوي ولاتلقون بفشلكم بالحياة على التقنيه
رح انت والفتى وذركم وعيشوا بخيام هجيجاً عن الفساد

[هلاوين]

اقتباس:  المشاركة الأصلية كتبت بواسطة قـتـالـه     يعني بعصور الانسان الأول مافيه فساد؟ حب النساء والدنفسه ماوجدت من ايام النبي والصحابه توعوا شوي ولاتلقون بفشلكم بالحياة على التقنيه رح انت والفتى وذركم وعيشوا بخيام هجيجاً عن الفساد

الظاهر عقلك وعلمك اكبر من ردك .

وتعرفين وش نقصد

ماقلنا مافيه فتن والعرب تغنى وتغزل بالنساء بل النبي بين انها فتنه .

المقصود بردي ان الفساااااد الحاصل

بسبب النت وطقته ولولاء هذي

التكنلوجيا لما تعرفنا على بعض .

نسيت اقولك مع علمي بخطرها مافيه نفر بالبيت مامعه لاب توب

غير امي ولو عرفت كان عطيناه هههه

[أم سلطان]

اقتباس:  المشاركة الأصلية كتبت بواسطة هلاوين     الظاهر عقلك وعلمك اكبر من ردك . وتعرفين وش نقصد ماقلنا مافيه فتن والعرب تغنى وتغزل بالنساء بل النبي بين انها فتنه . المقصود بردي ان الفساااااد الحاصل بسبب النت وطقته ولولاء هذي التكنلوجيا لما تعرفنا على بعض . نسيت اقولك مع علمي بخطرها مافيه نفر بالبيت مامعه لاب توب غير امي ولو عرفت كان عطيناه هههه

هو سهل الفساد للفاسده وليست لمن تحمل قدر من الفضيله الست معي.
اذكر سمعت من سنين مضت لشيخ ناصر العمر ينبه الاهل عن الغفله على بناتهم بمكه يعني قبل الايفون وغيره .
زرع الثقه بالبنت مع الانتباه لها افضل من تخوينه .

[هلاوين]

اقتباس:  المشاركة الأصلية كتبت بواسطة أم سلطان     هو سهل الفساد للفاسده وليست لمن تحمل قدر من الفضيله الست معي. اذكر سمعت من سنين مضت لشيخ ناصر العمر ينبه الاهل عن الغفله على بناتهم بمكه يعني قبل الايفون وغيره . زرع الثقه بالبنت مع الانتباه لها افضل من تخوينه .

ام سلطاااان صدقين انه لين جلود الناس حتى طاااح كم حبة من تدينهم وخير شاهد محدثك هههه >>فضح نفسه ههه

[طقاقة بدون مايك]

مَ شآء الله :P
مَ شآء الله البنـآت عندنآ لآ إنحرفوا قليلآ ; إنحرفو عَ أصــول...يَ لبيـه بس ...آجل هآذي يَ حول رآيحة وَ دآجــه مع فلول ...قضت الدجة عشآن تدجين مع فلول يَ خيه و ممدآهـ مسكوتس...ي عزيلي عنتس بس...~ !







آشــوف إنه قضيه بسيطة بِ النسبة لِ قضـآيآ بعض الصبآيآ فِ السجون ...فهي عَ الاقل أهون قآصر ودجت مع المستر فلول بمكآن عآم ...آهون من اللي إتِدَسَدَس بِ فنآدق وإلآ شقق مفروشآ تآلي هَـ الليول ...~ !

[نـادر]

فلول سربوووت او ضايع او داج او ماعندك احد

[لعيون دودي]

الله يحلل بنت الشريف منا صارت بنت القصيم تطقله بأصبع
مسكينتن هي الرعاة اصبحت هائته من غير رآعي

اتمنى ان يكون نقلنا لاي حدث من باب النقاش الجاد والا يصل الامر بنا الى "التشمت" فوالله ان عواقبه وخيمه فمن المؤكد ان لدى الجميع بنات واخوات وزوجات ,,,
نسال الله لها ولنا السلامة اللهم آآمين..

[رفيــع الشــان]

ما هي اول ولا ثاني ولا ثالث قضية
كثير سمعنا مثل ها الفتاة
ومقاطع الانترنت موجودة
لكن هذا وفتاة الثمامة الاعلام تكلم عنهم ووسائل التقنية فضحتهم

السؤال تم القبض عليها : وش الاجراء معها ومع المفحط خاصة انها لها فترة اسبوعين معه...

[منبع الحكمة]

موضوع المفروض يموت في لحده ...!!!

وسلم لي على اللي رفض يتجاوب مع

هــ ( الصحفيين السلق ) << تلميح عن الكلاب

ولو ظهر الموضوع فلنبحث عن أسباب وحلول

وأما أن يكون الموضوع ( جرر غنم ) كل يروح لجهة

فما هو معقوووووووووووووووووووووول

ياليتي مشرف والله لا أوريك بهاللي عقولهم ( ربّص جمش ) ...!!!

[Miss Tala]

هروب الفتيات (وذكروا السعوديات منهن) موضوع تكلموا عنه في برنامج كلام نواعم
مااقول الا الله يعافيهم ولايبلانا المسكينه طلعت من بيتها تبي ترتاح وهذا البشر اكلوا لحمها ....

[نهاية الحتسي]

^^^^^^^^

قول الله يستره عليتس ويثبتس على دينه

تطلع من رمضى تروح للنار تسمينه رآحه

إن كان هذا الكلام نابع من وانتي في قواتس العقليه فاأكتبي على بناتس السلام

[عاشق ديرتي بريده]

والله ياهو يضيق صدري اذا سمعت الاخبار

الله يستر على بنات المسلمين

دعواتكم لها بالهدايه

[مستقل]

اذا وقعت اي قضيه تجد الناس فيها فريقان يختصمون

محامي الانثي ومحامي الاهل وضاع عنا النظر الى المشكله كما هي

بدون عواطف واسقاط للرغبات والمشاكل الخاصه على الموضوع

اعتقد ان سبب هذه المشكله له زوايا متعدده

الزاويه الاولي زاويه الفتاه فهي مخطئه والمخطي لايبرر له بل يعاقب على خطائه ولا يخرجه من دائره التجريم الا اذا كان مجنونا او ساهيا او مكرها

الزاويه الثانيه زاويه الاهل فلابدمن الحزم بدون قسوه ولا تدليل
القسوه هي المعامله الصارمه للبنت
التدليل هي المعامله المائعه المتساهله مع البنت
الحزم هي المعامله العاقله للبنت التي تراعي احتياجها النفسي وتحميها وتثقفها وتعلمها انالحياه اخذ وعطاء

الزاويه الثالثه زاويه اسباب الوقوع في هذا الفعل
هي كثيره جدا تعتمد على ( عقل الفتاه - تربيه الفتاه - صديقه الفتاه - التكنولوجيا التي تتعامل معها الفتاه - عواطف الفتاه - دوافع الفتاه - عمر الفتاه - اشباع حاجتها النفسيه والاجتماعيه والماديه - الجو الاسري - الام الصالحه او الطالحه او المهمله او القاسيه - الاب الصالح او الطالح او المهمل او القاسي - مدرسه الفتاه - تعليم الفتاه - معلمه الفتاه - اقارب الفتاه - الصدمات العاطفيه للفتاه - عواطف المتلاعب وذكائه وحيله وكيفيه وصوله للفتاه - العقوبه الاجتماعيه والقانوينه وهل هي رادعه للشاب والشابه ام تحتاج الي اعاده صياغه )

هذه بعضالاسباب التي يمكن ان نفسر بها ظاهره هروب الفتيات مع الشباب

كثير من الاخوه وقع في التبسيط لهذه الظاهره المعقده المتشابكه التي تحتاج الى مجموعه من علماء النفس والاجتماع والاقتصاد والساسه والدين لحلها ووضع التصور الصحيح لاجلها

يقول الدكتور عبدالوهاب المسيري في كتابه اليد الخفيه ان المجتمعات العربيه تعيش ظاهره الاختزال للقضايا الفكريه والاجتماعيه المقعده

والاختزال هو جعل سبب وحيد اما الاهل او الاب او الام او الوسائل الحديثه
هي السبب في ظهور هذه الظاهره الاجتماعيه الخطيره

يقول عالم الاجتماع محمد السيف في كتابه مدخل لدراسه المجتمع السعودي

ان ازمه الناس اليوم هي وحدويه التفسير وعدم تكوين الذائقه الاجتماعيه التي تري ان الظواهر الاجتماعيه متداخله ومتفاعله ومتبادله التأثير

[قـتـالـه]

اقتباس:  المشاركة الأصلية كتبت بواسطة روح لايسعهآ جسـد     والله اذا المفحطين ارحم من ذويها فمالومها اذا هربت معهم

المفحطين داجين من يبيهم
زين ماباعوا (تسلوتها) وشروا بقروشها جنوط

[نهاية الحتسي]

اقتباس:  المشاركة الأصلية كتبت بواسطة روح لايسعهآ جسـد     والله اذا المفحطين ارحم من ذويها فمالومها اذا هربت معهم الاهل هم سبب ضياع بناتهم يتحملون النتيجه عاد

مشكله البنت لاصارت هشه !!! وهشاشته من هشاشة عقله