حوار الأسبوع : تريلة ديزل :|

[قـتـالـه]

اقتباس:  المشاركة الأصلية كتبت بواسطة تركـي     ولو تأنى الشخص قبل آصدار الأحكام جزافا من الممكن آن لا يتحسف بعد خراب مالطا ...

شجاعه ايوبيه لما يتحسف ويجيني مجاهراً بتذلله عاظ برطمه آسف
لوهو مخرب مالطتي وحارق بغدادي
شفت ياتركي مايحدث بعد الحرايق من اعتذار
هو جزء نبيل من الاختلاف الصحي

[مخملية روح]

يازين قتاله وموضوعها .. ...

اقتباس: أحياناً اصحابنا القريبون يختلفون عنا فكر وجسد وفصيله وتفاعل مع المعطيات ومع ذلك ماشيه امورنا معهم ولانضوج فيهُن < تقرأبلسان سوري بعكس الند الشبيه المماثل والمطابق لا وبعد كل واحد له (40) يشبهونه ياصبر الأرض

هههه
ياعيني ... للإختلاف متعة لو فقدناها لأصبحت الحياة متشابهة ... ومملة !.. فتنوع الأفكار واختلاف الرأي .......يحدث التغيير في الحياة بشرط التناغم ..... لأن الإختلاف فطره إنسانية وحاجه بشريه لذلك.. يجب أن لانسمح لهذا الإختلاف ........أن يخلق المشاكل والخلافات بيننا .... وان نرتقي بأسلوبنا ...ونتعلم من كل موقف .... في حياتنا ...

[قـتـالـه]

اقتباس:  المشاركة الأصلية كتبت بواسطة مخملية روح     يجب أن لانسمح لهذا الإختلاف ........أن يخلق المشاكل والخلافات بيننا .... وان نرتقي بأسلوبنا ...ونتعلم من كل موقف .... في حياتنا ...

ويازين المخمل بهالشبط :|

مخمليه ترا انا مااحب اختلف مع النساوين بنوب
بواقعي لو يقطعوني مااختلفت مع حداهن
يختي ابي حياتي ماعلينا عايز رجف تريلات :/


بس الاختلاف مع الرجل الغير متنطع حيآآآآة وربي
يجيبك يمين يسار يقنعك او تقنعينه
وتنهتي السالفه مايبتل يحفرلك

[فتاة غير]

حبيت أسجل إعجابي بثقافتك ماشاء لله


إلى الأمام

[غريب الماضي]

كفاكم جلد للذات . الخير والاخيار موجودين والحمدلله وخلوا نظرتكم للحياة نظرة ايجابيه ممزوجه بابتسامه .
تصبحون على خير

[قـتـالـه]

اقتباس:  المشاركة الأصلية كتبت بواسطة غريب الماضي     كفاكم جلد للذات .

مااشوف احد يجلد
ياشين يمنك حفظت مصطلح وودك تقوله
من باب تراي اعرف ياهووه

[الـــفـــ@ــــد]

عجبت لمن ابتلى بمكر الناس كيف يغفل عن قول
’’وأفوض أمري إلى الله والله بصير بالعباد’’
والله يقول بعدها ؛
’’ فوقاه الله سيئات ما مكروا ”

[قـتـالـه]

اقتباس:  المشاركة الأصلية كتبت بواسطة الـــفـــ@ــــد     ’’وأفوض أمري إلى الله والله بصير بالعباد’’ والله يقول بعدها ؛ ’’ فوقاه الله سيئات ما مكروا ”

ياعزيلي عنك وش جارين عليك
مثل اللي يتهبع بين جحور ديبان

[قـتـالـه]

اقتباس:  المشاركة الأصلية كتبت بواسطة الرعبوبة     حبيت أسجل إعجابي بثقافتك ماشاء لله إلى الأمام

لباتس بعد وش ثقافتوه
الديزل والقاز كلها نواتج بترول
وخطوط التابلاين قربت البعيد وصرنا كلنا أكابر ومثقفين وبرجوازيين :|


خلف واختلاف وخلاف وخلفات كلهن احبهن

[t u l i p | n]

قتاله
ماعليش يشاركون الصغارين <~ تبي تعلمكم ان ضيوفهم يحسبونه بالثنوي خخخخ دوعابه ياجميله


الأسلوب اللي يطرح فيه وجهة النظر غالباً هو اللي يعطيك الانطباع الأول فـ يا تتأنى بالرد و إلا تنفعل و ترد رد ماله داعي

عن نفسي أنا عصبيه غصب ينط عرق جبهتي اذا جاء اللي ( يخالف )
بـ إسلوب فج <~ اختلافه على عيني بس اسلوبه يعمين عن تقبل رأيه لأني اصلاً ما فكرت به ...



لا هنتي قتاله
بعد ها الحوار قررت اغير شي بنفسي <~ عنده صعوبه بالحوار و تقبل الطرف المخالف

أكرر شكري

[قـتـالـه]

اقتباس:  المشاركة الأصلية كتبت بواسطة t u l i p | n     لا هنتي قتاله بعد ها الحوار قررت اغير شي بنفسي <~ عنده صعوبه بالحوار و تقبل الطرف المخالف أكرر شكري

يادينهم ديناه << دعم لوجستي لتوليب ان
تسان ينط بالجبهه عرق تراتس شمريه :|
اي والله ياحيي غيري نظرتك لدوائر الاختلاف دام تقدرين حالك

بعلمتس شي عن اهل الشمال
الحين الناس يقولون فلان صدره شمالي
تشبهاً بسعة صدر اهل ذيك الديار
والصدق انهم ولايع وضيان
واللي يتتن منهم تقل جمره يعلق باللي حوله
بس بهم سعة أفق تجاه الآخر
بسبب مخالطتهم للاردن وسوريا وماحوت ذيك الديار
شايفين ثقافه اخرى ولايوحشهم الاختلاف

*على فكره كلما توسطنا من شبه الجزيره كلما صارت نتايج الاختلاف
مع الآخرين اصعب تدرون ليه

حياتس ياتوليبه

[ليلـ]

من الواجب مني العدول عن رأيي و والإقتنااع برأي الغير
لإن الأختلاف في الرأي لايفسد في الود قضيه للخروج بحل واحد إن وجد
ولاكن هنآك من يتجه للشخصنه والحقد وقد يكرهك بسبب مواجهتك له وعدم الأقتناع برأيه هنآ سنقول إن لم تكن معي فأنت ضدي .

[قـتـالـه]

اقتباس:  المشاركة الأصلية كتبت بواسطة ليل التجافي     ولاكن هنآك من يتجه للشخصنه والحقد وقد يكرهك بسبب مواجهتك له وعدم الأقتناع برأيه هنآ سنقول إن لم تكن معي فأنت ضدي .

مفصله مقاس حواري على الناس اللي انت تحكي عنهم فوق ^

[شاها]

-
يه يه غوتاله هوني ورآعية ديزل بعد هه تفداك الكباريت هه
والله ياخيه بعذرهم راعيين النفسيات لخايسه
بالحوار الشمس الحارقة مآثره عليهم وماتبيهم ينفجرون .
والله آذآ الشخص خلقه ديزل آهز رآسي وآمشي مالي خلق
المشاكل ووجع الرآس واذا من النوع اللي يتقبل والله نفسي مرن ومطاطي معه وترفيسنا ممتع ..!

[قـتـالـه]

اقتباس:  المشاركة الأصلية كتبت بواسطة هوارة     - والله ياخيه بعذرهم راعيين النفسيات لخايسه بالحوار الشمس الحارقة مآثره عليهم وماتبيهم ينفجرون .

وش رايتس بي وانا اسوق تريلة الديزل
مو بس حوار وشموس
ضيفي عليها بلع لحوم النياق
اعنبوهم أقضوهن