آسئل عن البنت إذا جيت تخطبها .. عكس المعادله ..!!

[فوفتي]

اقتباس:  المشاركة الأصلية كتبت بواسطة shahd2007     اييه يسئلون مافي مانع لكن المعتاد تسئل ام المحروس ام البنت اذا بنتها تعرف تطبخ وكذا لكن يسئل عنها هي تصلي او لا ولا يبي يشوف جواله ولا ب توبه ووين سافرت مع اهلها ووو لييه ماكانت عند رجال وبيت رجل لا ي بعدي اشوف انه مرض موب رجل هذا حتى الاهل اذا خطبت بنتهم مايسئلون الا عن صلاته وسفراته وغيره مالهم دخل فيه

انا قصدت يسأل من جميع النواحي يعني عن الاخلاق والسنع واللبس مو عن وين سافرت وين جت ..

[الخيآلي]

اقتباس:  المشاركة الأصلية كتبت بواسطة فوفتي     انا قصدت يسأل من جميع النواحي يعني عن الاخلاق والسنع واللبس مو عن وين سافرت وين جت ..

ايه اكيد الحاجات الشخصيه مالها داعي تسأل عنها واعتبرها لقافه بعد
بس حنا نسأل مثل ماقلتي الاخلاق والسنع

[الخيآلي]

اقتباس:  المشاركة الأصلية كتبت بواسطة shahd2007     اييه يسئلون مافي مانع لكن المعتاد تسئل ام المحروس ام البنت اذا بنتها تعرف تطبخ وكذا لكن يسئل عنها هي تصلي او لا ولا يبي يشوف جواله ولا ب توبه ووين سافرت مع اهلها ووو لييه ماكانت عند رجال وبيت رجل لا ي بعدي اشوف انه مرض موب رجل هذا حتى الاهل اذا خطبت بنتهم مايسئلون الا عن صلاته وسفراته وغيره مالهم دخل فيه

لاياشهد ماقلنا نشوف جواله والحاجات الشخصيه
و الصلاة تعتبر من الدين اكيد اسأل عن دين البنت

[تركـي]

اقتباس:  المشاركة الأصلية كتبت بواسطة فوفتي     وراه البنات توحشن ^_* وش وراكن اعترفن !! انا عن نفسي بنت وسبق وقلت السؤال عن البنت ضروري من جميع النواحي لان بنات هالوقت وهالزمن تغيرن عن اول واغلبيتهن ماتعرف كوعه من بوعه.. والله يوفقنا وياكم..

عشانهن ماتعودن .. يسئلون عنهن ..

بس يمكن تغريدة الرقله ( لورنس ) ..
جابت مفعولها ..

فعلا هالزمن مو مثل أول ..
البنات متعلقات بأمهن وخواتهن وزميلات المدرسة والآقارب
اللحين الله يدفع البلا ..
عنده آقل شي 5 قروبات ..
وهالببي والواتس ماترفع عيونه عنهن ..

والله يوفق بنيات المسلمين كلهن ..
ونفرح بهن بعرس جماعي .. مع مهرجان الصيف ..

[عنفوآن أنثى]

آسئل عن البنت إذا جيت تخطبها

من حقكم ..

[bant tamim]

هههههه <<موضوع خرآفي

وانت مصدق كلام هالرقله لورنس عزالله جاب العيد ههههه بعدين غريبه يعني انكم تتزوجون يهالشباب ع عماكم نوي اذا ماسألت انت امك رآح تنبش وتسأل يعني ماتطيح الامتوآسي ههههه << هي صح كذا ..
وسالفت فوآتيرها ومدري كيف هههه من متى الولد يسأل عن جواله وفوآتيره هههه<<يابنت انتي ترآك ببوريده يسألون كم مقاس ثوبه

شووووكرن ع هيك موضوع

[تركـي]

اقتباس:  المشاركة الأصلية كتبت بواسطة bant tamim     هههههه <<موضوع خرآفي وانت مصدق كلام هالرقله لورنس عزالله جاب العيد ههههه بعدين غريبه يعني انكم تتزوجون يهالشباب ع عماكم نوي اذا ماسألت انت امك رآح تنبش وتسأل يعني ماتطيح الامتوآسي ههههه << هي صح كذا .. وسالفت فوآتيرها ومدري كيف هههه من متى الولد يسأل عن جواله وفوآتيره هههه<<يابنت انتي ترآك ببوريده يسألون كم مقاس ثوبه شووووكرن ع هيك موضوع

بنت تميم ..

ترآآ مثل هالرقله ( لورنس ) يطلع منهم أفكار ..
مو يقولون خذ الحكمه من آفوآه الرقلات ..

بس بعض الأمهات ..
يلعبن عليه البنات ..
تدخل عليه وتحب رآسه وتقول سمي ياخاله الفنجال ..
وتجيك آميمتك .. طايرتن بالبنيه ..
وتخليه ملاك .. عشان بوسة هالرأس ..
وتبدأ الأم .. ياعليه سنع وذرابه وضحكه وعيون ..
كبرت ماشاءالله وصارت مره يعتمد عليه ..
والحظيظ اللي بيأخذه ..
وهمن هالشاب .. يصدق .. بعضهم ..
واذا جت الشوفه قال .. أغدينا غلطانين بالبيت ..

وصدق بعض الحريم تنبش البنيه نبش ..
ترتاع البنيه لا شافت الأم وبناته .. يصورنه من آصبع رجلينه الى قصيصته اللي فرحتن به .. وهمن تشكك تقول وشبهم ذولا ..
لا يصير بي شي بس وانا مادري ..

[العمر حياااتى]

مشكووووووووووووووووووووووووووووووور

[إِيِلاَنّ]

::::

طيب الله يقويكم أسألوا ,, من حقك تسأل عن شريكه حياتك
بس يكون بـ حدود المعقول وأعتقد أهم شئ يسأل عنه
بعد الدين طبعاً ,, هو " الأخلاق "
لأن الأشياء الثانويه مثل " الطبخ ,’ واللبس و ...." من الممكن إنه تتعدل بعد الزواج
أما الأخلاق والطبع صعبه شوي على قولتهم ,’ أبو طبيع مالك الله يخليه..

*
ربي يوفقكم ويرزقكم ماتتمنون :|
تركي ,’
يعطيك العافيه..

[هلاوين]

هلا تركي اخبارك >> فاقدك عسى ماشر

من حق الزوج ان يعرف شريك عمرة قبل الاختيار .

كما ان البنت تسال للولد السؤال .

وكل بحسبه

اقتباس:  المشاركة الأصلية كتبت بواسطة إِيِلاَنّ     :::: طيب الله يقويكم أسألوا ,, من حقك تسأل عن شريكه حياتك بس يكون بـ حدود المعقول وأعتقد أهم شئ يسأل عنه بعد الدين طبعاً ,, هو " الأخلاق " لأن الأشياء الثانويه مثل " الطبخ ,’ واللبس و ...." من الممكن إنه تتعدل بعد الزواج أما الأخلاق والطبع صعبه شوي على قولتهم ,’ أبو طبيع مالك الله يخليه.. * ربي يوفقكم ويرزقكم ماتتمنون :| تركي ,’ يعطيك العافيه..

فيه مثل يقول المرأة على دين رجلها .يعني (المرأة تتكون بتكوين زوجها )

تستطيع تغيير غالب عاداتها المكتسبة لتساير زوجها

وهذي من افضل مايميز المرأة

[إِيِلاَنّ]

اقتباس:  المشاركة الأصلية كتبت بواسطة هلاوين     فيه مثل يقول المرأة على دين رجلها .يعني (المرأة تتكون بتكوين زوجها ) تستطيع تغيير غالب عاداتها المكتسبة لتساير زوجها وهذي من افضل مايميز المرأة

كلامك صحيح ,’
بس مو كل الحريم كذا ,, أعرف واحد تزوج وحده
أخلاقه ماعليه بس لبسه لك عليه وحاول يغيره ماقدر
آخر شئ طلقه ,, فيه بعض الحريم تحب تعاند
يعني الشي اللي مايبيه زوجه تسويه والعكس..

وع العموم ,’
هذا شئ راجع للزوج حسب لينه وشدته معه
والله يوفق الجميع :|

[تركـي]

اقتباس:  المشاركة الأصلية كتبت بواسطة إِيِلاَنّ     :::: طيب الله يقويكم أسألوا ,, من حقك تسأل عن شريكه حياتك بس يكون بـ حدود المعقول وأعتقد أهم شئ يسأل عنه بعد الدين طبعاً ,, هو " الأخلاق " لأن الأشياء الثانويه مثل " الطبخ ,’ واللبس و ...." من الممكن إنه تتعدل بعد الزواج أما الأخلاق والطبع صعبه شوي على قولتهم ,’ أبو طبيع مالك الله يخليه.. * ربي يوفقكم ويرزقكم ماتتمنون :| تركي ,’ يعطيك العافيه..

إيلان ..

كلام عين العقل ..

بالفعل .. حدر جبل ولا تحدر طبع ..
وبالفعل .. آخلاق البنت وتربيتها .. لها دور رئيسي في قبولها
بغض النظر حتى بشكلها عند البعض ..
لأن كثير ينشد بنية .. متربيه وسنعه ..

والله يوفق ويرزق الجميع ..
يعافيك ربي ..

[t u l i p | n]

تدري ليه يسأل عن الشاب و لا يسأل عن البنت
لأنه (غالبا) طبع البنت تتبع رجله ، ادري يبي يجي احد يقول الزمن تغير
بس خِلقة البنت غير الولد ، الطبيعي إن الرجل يقود و المرأه تنقاد

داريه ان فكري متخلّف و سقيم و كل ابو شي ، بس هو الصح
<~ و الله من شتيمه و شتيمه تبي تجي ذذ

[هلاوين]

اقتباس:  المشاركة الأصلية كتبت بواسطة t u l i p | n     تدري ليه يسأل عن الشاب و لا يسأل عن البنت لأنه (غالبا) طبع البنت تتبع رجله ، ادري يبي يجي احد يقول الزمن تغير بس خِلقة البنت غير الولد ، الطبيعي إن الرجل يقود و المرأه تنقاد داريه ان فكري متخلّف و سقيم و كل ابو شي ، بس هو الصح <~ و الله من شتيمه و شتيمه تبي تجي ذذ

سبحان والله ماشفت ردك لكن كلامك هو الواقع والصحيح .

بالعكس هذا هو الحل الصحيح لتجنب المواجهات بين الزوجين .

[تركـي]

اقتباس:  المشاركة الأصلية كتبت بواسطة t u l i p | n     تدري ليه يسأل عن الشاب و لا يسأل عن البنت لأنه (غالبا) طبع البنت تتبع رجله ، ادري يبي يجي احد يقول الزمن تغير بس خِلقة البنت غير الولد ، الطبيعي إن الرجل يقود و المرأه تنقاد داريه ان فكري متخلّف و سقيم و كل ابو شي ، بس هو الصح <~ و الله من شتيمه و شتيمه تبي تجي ذذ

توليبه ..
أول شيء الحمدلله على السلامه وعودا حميدا ..

وبالعكس كل وجهات النظر في هذا المتصفح نقف لها آحتراما ..
وكل يعبر عن رأيه ..

ويمكن نظريتك ..
تنطبق على حريم أول .. يوم الدنيا دنيا هاك اللحين ..
وهي تقوم من الفجور وتطبخ وتنفخ وتخيط وشايلتن ابوعياله بعيونه
والمسيكينه اذا جا الليل مابه عرقن يسقي عرق من التعب ..
وتلقاه رآضيه بحياته وتطيع شور هالبعل المقدآم ..

اللحين تغير الزمن ..
وآنتي آبخص ..
ماتشوفين السمنه وين وصلت بين البنات ..
تبطح .. ونت .. ومخدومه محشومه .. وسواق تحت الطلب وطلعات للآسواق وحفلات تخرج ونجاح .. ومناسبات ..
حتى المدرسه والكليه .. تجمعات وكلن تعبي رأس الثانيه ..
وعاد الهواتف الذكية والتكنلوجيا .. خلاهن .. متمردات ..
وبعضهن لسانه يلووط آذانه ..ماتبي الآ رأيه ..وتبي تعبر وتدبر
وهي مابعد فقشت من البيضه ..

والشباب .. بعد ..
تخيلي .. حياته وشبابه هجوله وبيوم وليله يلقى نفسه بقصر الآفراح .. وقدآمه هالبنوته ..
ترآآ .. من يوم صارو يزلطون الشنبات .. وهم لك عليهم
والغريب شيبان اللحين زالطن الشنب .. وموهقينه ربعه يقولون له ..
آجزم بس وآعرس وخذ لك بنيه بقراطيسه ..

ترآآ بعض الحريم هي اللي تدير البيت ..
وعلى قولة القواله
متخذه .. الحكمه
ظل رجل ولا ظل حيطه ..
ماكل يقووود اللحين ..