اليوم جالس افتش بأوراقي عاد لقيت صرافة واوراق تخص أبتعاثي .. قبل كم سنه
تخرجت انا من الثانويه عام 1421 واشتغلت .. عاد بعام 1425 فكرت ادرس برا بمصر .. وكملت اوراقي وسافرت وبديت بالاجراءات بالقاهره بالملحق الثقافي بالقاهره وعطوني الاوراق علشان اوديها لمكتب الوافدين ورحت للوافدين وكملت وعطيتهم اوراقي علشان يكملون تسجيلي بجامعة القاهره .. عاد الموظفه المصريه قالت لي عايز ايه القسم اللي انتا عاوزاه تدخله .. قلت لها ابي ادخل قسم ادارة اعمال . قالت لي ما ينفعش لان معدلك مش حاينفع يدخلك للجامعه .. قلت لها طيب ايش القسم اللي ينفع على معدل درجاتي . قالت ادخل قسم القانون ( المحاماة ) عاد انا صدقت حالي ابصير محامي .. عاد قلت لها خلاص ابفكر واجي لمكم بكرا . عاد وانا بقسم الوافدين تعرف علي كويتي طالب يبي يسجل بالجامعه .. عاد يوم طلعت ركبنا بتاكسي عاد قالي الطالب الكويتي ابدخل معك بالشقه يبي يصاحبني قلت له ابشاور اصدقائي وانا بصراحه ما ارتحت للكويتي لانه ما يصلح لي ابد لان واضح ان عاداتهم ما تناسبنا أبد . المهم صرفته ..
ويوم وصلت شقتي بديت اسوي اتصالات اشاور بعض المحامين عن دراسة المحاماة .. قالوا لي تراها صعبه قوه الدراسه بقسم القانون لان القانون هذا قانون فرنساوي . وهذا ورقة رسوم التسجيل حطيتها عندي للذكرى
وبعدها شفت مصري راكبين جميع بالتاكسي وبدا يسألني يقول انت جاي للدراسه قلت ايه قال ايش راح تدرس قلت راح ادرس المحاماة . قالي انصحك نصيحه لا تدرسها . قلت ليش قالي بص دنا درسة بقسم القانون وما تخرجتش الا بعد 8 سنوات ويقول لي بعد انه جلس بالسنه الاولى 4 سنوات وهو كل سنه يرسب .. عاد انا اقول بيني وبين نفسي اللي مصري يسقط كل سنه وشلون اجل راح اعبر بالدراسه ..
وجلست بمصر 25 يوم وانا ما بين اني ودي ادرس وما بين اني أنسحب .. واستأجرت شقتي من شايب مصري عمره 95 سنهاخذت الشقه ايجارها بالشهر 1000 جنيه .. ومره من المرات جاي لشقتي ولقيت الاسعاف موجود عند عمارة شقتي .. قلت لحارس العماره عسى ما شر .. قالي العم ابوفؤاد ماااااات . يقصد الشايب اللي له العماره .. قلت كيف مات .. قالي مات وهو يستحما لقوه ميت ..
عاد الشايب هذا الله يرحمه دكتور واحس انه يوم على وقت ام كلثوم يعرف ا كلثوم وعبدالحليم حافظ ..
ومره من المرات قلت ابروح افتح حساب بالبنك .. ودخلت لبنك مصر قلت ابفتح حساب قالوا لي لازم تجيب ورقة من السفاره . ورحت لبنك ثاني وقالوا لي نفس الشئ .. عاد رحت لبنك ثالث الي هو بنك الاهلي المصري والحمد لله فتحوا لي حساب بالبنك وهذي هي الصرافه
عاد بديت استعملها ..
لكن بعد 25 يوم من جلوسي بمصر .. قررت أني ارجع للسعوديه لاني استخرت عن الدراسه بالقانون .. عاد بعدها بشهرين رحت لمصر سياحه وعلشان اعطي مفتاح الشقه لاصحاب العماره لانه باقي خمس ايام ويخلص ايجارها .عاد صارت خيره عدم دراستي لان الله عوضني
وبعدها رحت لمصر تقريبا 8 مرات او اكثر .. مره اروح سياحه ومره اروح لدعوات ومره اروح لزياره . وحضرت افتتاح بطولة افريقيا عام 2006 بدعوه جتني . ومره رحت انا واهلي ومره انا واصدقائي
لكن فعلا كانت ايام حلووووه بكل زياراتي