الــمجــلس الإجتـمــاعـي /// لـ النقاش والحـوار الهادف !!

[رتاج]

راشد صباح الخير
فين موضوع تلفزيون الواقع لاعضاء المنتدى بصراحة تعبت وانا ادور علية لا يكون راح يصور في منطقة تانيه .

راشد من صدق حذفوا الموضوع

.

[قصمنجيه]

الذين يشاهدون محتوى الموضوع الآن : 2 ( الأعضاء 2 والزوار 0)
‏قصمنجيه, ‏رتاج
8

8

8
صباح الخير ريتاج ....

[رتاج]

يا هلا صباح النور والمسرات قصمنجية


كيفك اليوم ايش اخبارك ان شاء الله تكوني مبسوطة

[فتحي الشقاقي]

رتاج

حسب ما قرأت في الردود والمشاركات التابعه لمعرفك علمت من ردود البعض انك من الطائف ولا اعلم هل هو استفحال من غيرك او ترجل بذكر منطقتك منك .

لذلك اود الاستفسار عن بعض الاشياء هناك ان امكن ؟

سمعت من الكثير ان الطائف مع الاسف تعتبر من اكثر المناطق في السعودية تكثر فيها المشاكل والجرائم بأنواعها

حتى انه يقال ان هناك احد القضاه طلب النقل من رئيس القضاء الاعلى في الرياض

فقال له الرئيس لماذا تطلب النقل الى اي منطقه غير الطائف ولم تحدد مكان تفضله ؟

فقال ان الشياطين عشره

تسعة منهم في الطائف
وواحد منهم في العالم كله
وفي الليل يجتمع العشره جميعهم في الطائف

اوضح ان الجرائم في الطائف فريده من نوعها ولم يعد يتحمل
حتى انه يقال / ان منطقة الطائف تعتبر المنطقه الوحيده التي يكلف بها قضاه معينين يتم اختيارهم بدقه لانها منطقه موحشه وحساسه



هل هذا صحيح ؟

وما هي طبيعة البرامج لشباب الطائف المعتاده في نظرك ؟


دام صباحك مشرق ودامت ورودك المهداه متفتحه

[راشد الصليحان]

اهلين اختي رتااج
تلفزيون الواقع خلاص ودوه المحذوفات ...فيه عدة إحتمالات لسبب حذفه ..اولا لأنه شبيه بإستار اكاديمي ..! والسبب الثاني
بيقولوا التلفزيون حرااام .. والسبب الأهم انه كشف عقليات لم تكن معروفة بالسابق
لذالك قالوا يكفي فضائح ..!!

وانا اقووول خيراَ فعلوا ...الإستيعاب محدود ولذلك صار يخوفهم ..!

شكرا يارتااج

[جورينا]

رتااااااااااااااااااااااااااااااااااج

[QUOTE][طيب يا اخوان لنا فتره ونحنا ندخل مع بعض المجلس مجلس راشد الله يعطيه العافية
قلت في بالي ليه ما اهدي اخواني واخواتي هديه والرسول صلى الله عليه وسلم يقول تهادوا تحابوا وانا هنا اهديكم من ورد الهدا ورد طبيعي هديه متواضعة /QUOTE]

اقتباس: ،،،، فراشة نجد ،،،،

تسلمين ياااعمري على هالهدية الله يخليك لعين ترجيك وماقصرتي يالغلاااااااااااااااااااااااااااااااااا

الله يحفظك ،،

[جورينا]

راشد

صباح الخير

اقتباس: تلفزيون الواقع خلاص ودوه المحذوفات

افا ياسفااابة كنت مستانسة علية اطلع علية وانا داخله المنتدى زائر

ومعبية لك كلام حتى من زود التحمس كاتبته بورقة اخاف انساه مايصير لازم يرجع

بكتب اللي بقلبي للحين يقرقع بمصاريني

[فتحي الشقاقي]

راشد لا تقلق فقد اقترحت المحكمة بسبب مثل هذه التصرفات التي حدثت لك


شارك في الموضوع الموجود بالعام وسوف تكسب قضيتك



...

[فتحي الشقاقي]

اقتباس: راشد الصليحاني مدري ليش انا احب فتحي الشقاقي ياناس ...! احس فيه طيبة ...وفراسة بالرأي ! حكم رائــعة يافتحي ...ولاتبعد عنا ..لأننا نحبك ! توقيعك رهيب ..جداَ صورة فرس جامح ..يحتاج لمن يقودها ..!! زودنا بمثل هذه الحكم الجميلة كروعتك .. __________________

احبك الله الذي احببتني فيه

اممممم طيب طيب

الحين لازم امدحك مو حلوه تحبني واطلع بدون رد الجمل حق حبك

ابن الذيب مدح الشيخ حمدان في قصيدة عاد انا بزرفها منه وحطها لك :


يا أهل جنيف ارسلوا هرمون راشد الصلحاني
حتى الــردي في ولــده تـــنحل مـشكـلتـــــــــــة

ويـلقـــح الــزوجــــة مـن المـــصل مـــجانــــي
وينـــام مـــرتـاح ما ازعلــها ولا ازعـلـتـــــــة

وينـافـــــــس الاول من عـــيالــــه الثانـــــــــي
ويطلع على سيدي راشد الصلحانــــي مرجلتة


وسلمتكم

[لمبة شارع]

السلام عليكم..ورحمة الله وبركاته....

بدون مقدمات وبدون تصبيحة اضافية البلد ياجماعة مافيها اسمنت...

واصحاب الموقف يتمننون علينا بعشرين وثلاثين كيس وكلام فارغ...

ومندوب فرع وزراة التجارة حفظه الله ورعاه واقف هناك يقول لا زم تنباع الكمية اللي على ظهر الشاحنة قدامي عشان ماتنشى سوق سودا...

يالله يالمبة روح جيب لك شاحنة صغيرة وشيل ياللي بدك ياه...ومايمديك تروح تجيب شاحنة الا الكمية مخلصة ومبيوعه واقعد انتظر شحنة ثانية في الموقف..

طيب انا كنت أول اتصل بالمورد وينزل الاسمنت عندي بالموقع بدون مشاكل وغلبة...

وامس الضحى يقول لي السواق تعال عندي في الموقف الساعة ثنتين الظهر واعطيك.....<<<<والله لو بلاش ماجيت وانا من فجر ربي قايم وابغى ساعة القليلولة انام تسوى عشر عماير...

ماعلينا...

يقولون <<<والعهدة على الرواة في الموقف .. يقولون وصل سعره في الرياض 22 ريال للكيس..وفي الغربية نفس الشي...بل سمعت انه في جيزان وصل 27<<<<ياجماعة هالديرة طايحة بخت بكل شي ماعدا الغبار والحر...

المهم عندنا لايزال صامد(بحكم اننا ديرة كل مين لعانته معه) ..في حال توفره يباع بالموقف بـ 14...وتسليم الموقع ب 15 اذا كان قريب..مع اني كنت آخذه بـ 13,5 تسليم الموقع كل الشهور الماضية..

وأبشركم من غير شر الحديد بـ 3000 للطن...

يعني كيلو الصبة هالحين أغلى من كيلو حلا من اطلق محل حلويات...


ماعلينا برضوه.....

ومناسبة هذا الباب لكتاب الاجتماعي انه انعكس على حالتي النفسية لي كم يوم مبتلش ما اخذت كمية...وحالتي النفسية خلتني اتهاوش مع محيطي الاجتماعي الحبيب..مما انعكس على مزاجي بأثر سيء...والحمد لله على كل حال...

الناس في العراق تتذابح وفي فلسطين تذل وتهان ونحن مبتلشين في كم كيس اسمنت...!!!






راشد الصليحاني...

اقتباس: اهلين اختي رتااج تلفزيون الواقع خلاص ودوه المحذوفات ...فيه عدة إحتمالات لسبب حذفه ..اولا لأنه شبيه بإستار اكاديمي ..! والسبب الثاني بيقولوا التلفزيون حرااام .. والسبب الأهم انه كشف عقليات لم تكن معروفة بالسابق لذالك قالوا يكفي فضائح ..!! وانا اقووول خيراَ فعلوا ...الإستيعاب محدود ولذلك صار يخوفهم ..! شكرا يارتااج

حسنا فعل من حذفه....!!

ذلك المتصفح بعد صفحته الاولى تحول الى ساحة سخيفة...وليس لها معنى !! وكان محله الطبيعي قسم الطرايب مدري الطرايف..وبصراحة أخذ اتجاه غير طبيعي...ولذلك كان حذفه اولى من بقائه...





فراشة نجد...

اقتباس: افا ياسفااابة كنت مستانسة علية اطلع علية وانا داخله المنتدى زائر ومعبية لك كلام حتى من زود التحمس كاتبته بورقة اخاف انساه مايصير لازم يرجع بكتب اللي بقلبي للحين يقرقع بمصاريني

الله من النصب!!!





فتحي الشقاقي الفارس الميداني

اقتباس: راشد لا تقلق فقد اقترحت المحكمة بسبب مثل هذه التصرفات التي حدثت لك شارك في الموضوع الموجود بالعام وسوف تكسب قضيتك

ارس لك على بر يافارس...فتحي والا فارس...

وبعدين موضوعك حق المحكمة ومالمحكمة ماله معنى ولا يناسب المرحلة الحالية من تاريخ امتنا المجيدة...!!

أنا قريته على السريع وقلت هذي احدى بزعات فارس!! تلقاه فاضي الفجر وطقت في راسه...

لكن نتمنى لكم محاكمة عادلة وطيبة...

[عبد الله الفقير]

[align=center].. صباحكم عسل ..

بالبداية أربطوا الأحزمة و غيروا الفحمات و المساعدات .. سواء للي معه سيارة من الرجال
أو الي تركب مع أبوها أو السواق .. من البنات و الي يمتاطون شوارع بريدة الي سببت لي
أرق و قلق ما بعده قلق ..!؟

الصراحة تعبت نفسيا ً أنا أولا ً من حي مشعل .. بجد كل ما جيت أروح للبيت يجب أني أوقف
بأول الشارع و أجلس أفكر من وين بطلع و كيف بدخل و أي شارع أمسك و هل فيه مرور
أم لا و هل الشارع مزحوم أم لا و هل المطبات تغيرنا و لا زادن ..!

شي فظيع بجد .. الي يصير بالشوارع .. تجي تمسك الشارع الي امام قصر الشيخ صالح السلمان
الله يغفر له .. تشوف أنك كأنك في ملاهي مرة ترتفع مره تنزل مره ما تسمع ألا دب طرمبع
طرقط بووووووع طع أممممبع >> أصوات الشارع من سوء السفلته ..!

المهم انا توني جاي من العمل و تبعت نفسيا ً من الي شفته بشوارعنا ..! قلت علكم تشاركوني
في المجلس الإجتماعي ..

و الشكر للجميع و صباحكم سعيد للموجودين .. [/align]

[لمبة شارع]

هلا عبدالله وصباح الخير


انا بكل بساطة اضيع اذا دخلت في حي مشعل !!خاصة بعد التحديثات والازمات والاغلاقات الاخيرة في الشوراع والتقاطعات

وسبق ان ضعت ولم اخرج الا بمعونة احد الاخوة عبر الجوال

وحي مشعل بطن وادي بيع على الناس على علاته ..والبلدية لم تحرك ساكنا!! وهو من اسوأ مناطق المملكة العربية السعودية صلاحية للسكن بحكم طبيعته الجغرافية والجيولوجية

وتلف الشوارع سوء كيلة البلدية المعروفة..زاد عليها حشف المكان فصارت...

اقتباس: دب طرمبع طرقط بووووووع طع أممممبع

كان الله في عونكم وعوننا وعون كل اهالي البلد ...الذين تذهب اموال بيت مالهم للسفلتة والرصف ولا يجدوا امامهم غير المطبات والبزعات والتخرصات وانعدام الضمير والكفاية الفنية والهندسية...

[قصمنجيه]

عليكم السلام و الرحمة .. و صباحكم حرّ ...

بالنسبة لأخونا لمبة و بحكم العمار البارح كنت أبتداخل عليه بسؤال لكن الحين أتضح أنه توه بالسمنت أما السمنت.. و أنتم تعرفون الحريم تنفض يده يوم بداية العمار و غثاة , ثم لا وقف عظم .. قالت الله لا يهنك تنح ..و لا عاد أشوفك بشارع العمارة ..!!! يعني لا جاء البويات و السرمكة و مادخل بحكمهن .. استلمتهن الحريم .. عاد تعالوا شوفوا التوهيقات بس ..
بيت فسفوري ؟! و الثانية و ردي !! و الثالثة سراميك مورد!! ..
و الطامة الرابعة ... ما به مقلط

أزمة السمنت أتذكرها السنة الفائته لما قلّ عرضه و أرتفع سعره كانوا الجماعة ناوين يقومون لهم محل.
و تبهذلوا ورى السمنت بهذلة .. خلت الواحد يتخيل أن اللي يركض وراه هذا بترول ما هوب السمنت اللي حنا خابرين ...

لكن أبشر ما هيب الوضعية الآن قل عرض و بس زين إذا كان يرافق قلة العرض ضبط بالسوق .. المشكلة الآن كل شيء سعره مضاعف .. و على قولة رجل أختي لما خنقة العمار يقول صارت العمارة بسعر عمارتين ..!!!


....

بالنسبة لأخونا الفقيري ...

و الله من قدكم الحكير ببلاش ...
لكن عن جد مدري متى بريدة بتلقى كنزة .. و تكفينا حرث بهالشوارع .


.

[راشد الصليحان]

اخواني واخواتي ...مرتادي مجلسنا الإجتماعي العامر بالحوارات والنقاشات حول القضايا الإجتماعية الهامة ...!

احب ان اقدم لكم عظيم شكري لإستمراركم بالأطروحات والنقاشات المثمرة ... وهذا هو الهدف الأول والأخير من فتحنا لهذا المجلس المنبري الذي أستقطب خيرة الكتاب والمحاورين من مشرفين وأعضاء ...!

اخواني واخواتي ...لاحظنا بالفترة الأخيرة حدوث بعض النقاشات التي تسيء للهدف الذي أفتتح من اجله هذا المجلس ..وحرصاَ على إستمراره بالصورة الحسنة والقوية التي إنطلق بها ولايزال ..ارجو من الجميع عدم حرف بعض الحوارات إلى امور جانبية وخاصة
تسيء إلى مجلسنا العامر بالخير والعطــاء ..!
وإلا سوف اضطر ..اويضطر غيري من الأخوة والأخوات من المشرفين الحذف والتعديل ...

انا أدرك جيداَ تفهمكم للوضع !

كونوا بخير ..جميعاَ

[@ ابتسام @]

باااااااااااك

مساء الفل والياسمين

لكل رواد هذا المجلس والذين سألوا عني خاصة بسبب سفري وغيابي عن المنتدى ..

لو اني ما عمري شفت شكل الفل والياسمين لطباعنا الصحرواية ,

او يمكن شفتها في مجلة ما , بس ما ادري ان هذا اسمها ,( لذلك اللي عنده صورة لها يحطها لنا بالمرفقات مشكور)

بررررررررب اشوف اللي سالوا عني

وصلت لهذه النتيجة >>>>>

اقتباس: عيون الصقر مافي احد منكم سأل عن اختنا او اخونا @بسومه@

__________________


الله يعطيك العافية يا اخونا عيون الصقر على احساسك باخوانك واخواتك . وما تفقد غالي يارب

اقتباس: اقتباس: المشاركة الاصلية بواسطة عيون الصقر مافي احد منكم سأل عن اختنا او اخونا @بسومه@

اقتباس: لمبة شارع انا سمعت انها ممسوكة بالعراق....!!!

ياشين اللي يستخف دمه وهو مثل جبل احد ؛ ابجرب استخف دمي مثلك اسمع هذه .. كأني بك يا لمبة وقد ربطت عنقك امريكيه بسلسلة وهي تسحبك كال.... لتربطك بماصورة الانارة التي في سجن ابو غريب ... قاتل الله مزحك واستفزازك الذي اشبه ما يكون بسجائر اخي اسمر الله يذكره بالخير
فقد اجتمع فيكما انت والسجائر سعة الانتشار مع قلة البركة .

ما اقول الا اصبري يا ام محمد فانك على خير عظيم ان شاء الله فلقد تحملتي مالا تتحمله الجبال .

اقتباس: راشد الصليحاني سلامتها بسووووومة عسى ماشر ؟؟ علمنا ياعيون وش القصة ؟ الله يستر !

__________________

برضة يعطيك العافية اخوي يكفيني ذوقك وانتقاؤك للكلمات وماتشوف غيبه لغالي يارب .