قــلــب مـحـــتــــار وروح حـــلــــوه

[عادل الحبيتر]

[align=center]هذا سباق دراجات .. عاد مر واحد من المتسابقين .وجي يشوف حيوان عطشان . ووقف وعطاه ماء .. شوفوا كيف يرحمون الحيوانات .. صوره ولقطه حلووه . وحنا اكثرنا أذا شفنا القطاوه لحقناهم بالنعال هههه[/align]

[align=center][/align]

[عادل الحبيتر]

[align=center]قبل كم شهر تقريبا سافرت أنا وأصدقائي برا السعوديه ..عاد يوم رجعت قالوا لي أهلي يالله بما أنك أنت رحت أنت وأصدقائك يالله بقى حنا تودينا وتتمشى بنا .. قلت لهم من عيوني بس أول ما خلص من أشغالي أوديكم للدمام والبحرين تستاهلوا .. عاد رحنا للدمام وجلسنا فيها . وصادفت أنه صار فيه غبار . أيش ذا الحظ ههه .. عاد رحنا لشاطئ نص القمر . وجلسنا ونزلنا العزبة حقت الطبخ . يوم بدا يتستس الكاتم ويوم خلص الغداء نبي نكب الرز على الصحن . عاد أنا يوم جيت افتح على غطا الكاتم وجي تنكسر العروه هههه وابلش بعمري .. وشلون نفك الغطا وحنا نبي نتغداء .. عاد فيه ناس بجنبنا عوائل ونسمعهم يسولفون أذا جو ينادون حدا بزارينهم نسمعهم .. عاد واضح أنهم اللي بجنبي العائله من القصيم . وجي اروح للي بجنبنا واقول للرجل معك زراديه . لاني ابفك غطا الكاتم .. قال ايه . وجي يعطيني الزراديه والحمد لله فكيت غطا الكاتم وتغدينا ههه . وهذي الكاتم قبل ما تنكسر العروه [/align][align=center]
[/align]


[align=center]عاد قلنا يالله نروح للبحرين نتمشى فيها ونرجع بنفس اليوم . المهم دخلنا للبحرين وكان الجمرك زحمه من سياراة العوائل .. لانه كان بالعطله . ودخلنا للبحرين وتمشينا فيها . وجي ندخل لشارع كنه شارع الخبيب مليان هنود وهنديات وفلبينيين وفلبينيات . واثاريه هذا الشارع كله أسواق أجانب . مثل حقنا الخبيب . قلنا يالله ننزل نشوف أسواقهم . عاد أي محل ندخله نلاقي اللي يبيعن فيه فلبينيات أو هنديات .. ولا شرينا شئ الا من محل حلويات بس .. وطلعنا من السوق وبلحظات حفظت شوارع البحرين . وقلنا يالله نتعشاء . وجي نوقف عند مطعم ( ليتك سيزرز )[/align]

[align=center][/align]

[align=center]تعرفون لازم أتغطى عنكم وامسح صورتي هههه[/align][align=center]

المهم وحنا نتعشاء نسمع صوت اغاني فوق بالدور الثاني حق المطعم . عاد يوم درينا وأثره واحد من الشيعه مسوي عيد ميلاد . كل لقعدنا أشوي نشوف الناس المعزومين بعيد الميلاد . يروحون فوق .. واللي ونشوف تورته كبيره جايبها واحد وموديها فوق .. قلت أنا لعامل المطعم . وش فيه فوق . قالي هذا واحد حاجز الدور الفوقي لعيد ميلاده ههه . [/align]

[عادل الحبيتر]

اقتباس\ كلي جروح

<<< ميتتن ضحك على قصة عادل الحبيتر حقت الزواج ..
اجل صار العرس كفخ وكفيخ بالكراسي

قل اشوا اني مو موجود هـ بالزواج ولا كان شفت ي الضحك

[عادل الحبيتر]

[align=center]أنا لها..[/align][align=center]
توجتها أنا....
وبأعلى صوتي أحببتها أنا...
قصرها أنا... خدي وسادة لنومها...
فأنا لها...لشعرها ... لخدها...لعينها...
أميرها ونجمها...
فيا ليتني شامة على خدها...
ووردة على شعرها.؟..
فالحياة ...ليلة هي قمرها وأنا نجمها...
فالويل الويل لها .. إن أحبت غير نجمها...
والويل الويل ..لنجم الليل إن أحب غيرها....
فحبي لها .. وقلبي لها ...وكلي لها...
فالحياة لم تنجب قمرا مثلها...
هي لي وأنا لها...
أنا لها...[/align]

عادل

[عادل الحبيتر]

[align=center]شيخ يخطب بالناس فقال:
أوصيكم خيراً بزوجاتكم ،
ولنتفق أن يقبّل كل منا يد زوجته عندما يعود للمنزل.
صاح واحد من الحضور : بس آنا مش متزوج يا شيخ ؟
قال الشيخ[/align] : [align=center]أنت لازم تبوس ايدك وجه وقفا[/align]

[align=center]هههه ياويلي وراه عليهم[/align]

[عادل الحبيتر]

[align=center]هذي سالفة واحد يعرفه صديقي .. يقول أنه فيه اثنين من أصدقاءه قبل 8 سنوات راكبين السياره وطفشانين ما غير بس يتمشون بالشوارع والاحياء .. يقول أن الشباب ذولا جاعوا يوم ناظرو مخابيهم واثرهم ما معهم الا 3 ريالات هههه ياويلي رحمتهم يوم قالي كذا .. يقول أنه كان بوقت العطله الصيفيه .. عاد يقول أنهم بلشوا بعمرهم . كيف يتعشون ويقول صديقي أن أهلهم ما كانوا بوقتها موجودين بالبيت .. المهم جت فكرة لواحد من الاثنين وقال للثاني وش رايك نوقف عند أي قاعة زواج ونتعشى معهم . قال الثاني والله فكره حلووه . بس ثيابنا مب نظيفة قوه . قال الثاني ومن قالك أنه فيه احد يبي يشوفنا او يبي يلاحظ ملابسنا . لان اللي بالعرس ما راح يعرفوننا .. رد عليه الثاني وقال طيب فيه مشكله بسيطه .. قال أيش هي ..؟ قال أخاف يشوفنا أحد ويقول من انتم جايين له لأهل العريسه أو أهل العريس .. رد عليه الثاني وقال ..؟ قال عادي نصرفهم ونقول أننا معزومين عن طريق صديقنا .. المهم جلسوا هذولا العيال الاثنين .. وشربوا القهوه والشاي .. وهم ياويلي ودهم يقلطون العشاء بأسرع وقت ههه .. شكل بطونهم تقرقر ههه .. يقول يوم قلطوا على العشاء عالطول قاموا ودخلوا مع الناس لصالة الطعام .. وجي يشوفون صحون بلم صغار محطوطات فيهم العشاء ويوم التفتوا يمين لقوا صحون كبار .. الصحن الواحد فيها خروف كامل .. وجي هذا ينادي الثاني صديقه .. وقاله تعال للصحون الكبار نأكل منهن .. يقول يوم جلسوا .. وأثاريهم جلسوا عند شايب .. وهم يتعشون ويوم شبعوا .. التفت عليهم الشايب .. وقالهم من أنتم عياله وعن طريق مين جيتوا .. قالوا العيال ذولا للشايب .. حنا جايين عن طريق أهل العروسه .... قالهم الشايب يا عيالي هذا أجتماع سنوي لعائلة هههههههههههه .. يقول صديقي أن أصدقائي اللي رايحين يتعشون بالقاعة .. افتشلوا قوووووه ... ويقول أن الشايب داري أنهم جايين بس يتعشون .. بس ما هرجهم الشايب الا بعد ما شبعوا من الاكل ههههههه[/align]

[align=center]الصراحه يوم قالي صديقي السالفه هذي . جلست أضحك قووووه[/align]

[عادل الحبيتر]

[align=center]عندما أتخيلك..[/align][align=center]
أرسم صورتك على جدار ذهني.
.فمرة أرسمك وردة....
ومرة قمرا...
ومرة طفلة مدللة..
ومرة عصفورة......
فأنا اخاف عندما أقابلك إنني أحمق...
فتكونين صلبة كالماس..
أو ناعمة كالحرير.........
سيدتي الجميلة..
... كم يعني لي فكرك...
.حرفك...
.قلبك...
اسمك..
.وجهك....
اسمك..
يا أميرتي ويا سيدتي ..!
كيف أنتي بين أوراقي[/align]

[align=center]عادل[/align]

[عادل الحبيتر]

[align=center]صليت العشاء .. وكسلان أروح لأستراحتي . قلت أروح للبيت أجلس .. وأهلي مو موجودين ..
وأول ما دخلت رحت للمطبخ أشب على القهوه .. لانه براسي قهوه ههه وهذي قهوتي[/align]

[align=center][/align]

[align=center]
ورحت أدور المبخره .. لاني حبيت أدلع نفسي أشوي ههه .. أمزح هذي المبخره لجميع واحد يدخل مدونتي لازم أبخره بالبخور تستاهلون [/align]

[align=center][/align]


[align=center]عاد بقى شئ مهم .. وهو كيف أتعشاء . وأنا مالي خلق أتعشى من المطعم ما يعجبني أكل المطعم ..
قلت أجل أبسوي لي عشاء .. وأدخل للمطبخ وأجلس أحوس بالطبخ .. بس تراه نظفت كل اللي حسته يااهلي .. هههه خايف ..عاد الطبخ أنواع الحوسه . طبخت وأنا مستعجل .. وهذي صورة طبخ الكبسه .. يالله أي واحد يدخل مدونتي يتفضل ويأكل ويجسرني . ولا تضحكون على الطبخه . لاني سويتها كبسه مستعجل[/align]

[align=center][/align]

[عادل الحبيتر]

[align=center]سيدتي ..![/align][align=center]أغار عليك من مرآتك التي تنظرين جمالك بها[/align][align=center]
من نساء الأرض التي ترسل لك التهديدات حسدا من جمالك
من شعوري بالنقص أمامك
أغار عليك من حبي لك
من حبك لي إن كنت تحبيني
أغار عليك من فنائي بك
مما أكتب من عذاب أعانيه بحبك
من صوتك.....
من همسك.....
من لفظ أسمك...
من جهل الآخرين إنني احبك
أغار عليك من غيرتي عليك
أغار عليك من أنه من الممكن أن تكوني لغيري
أغار عليك لأنك تقرأيني وآنا أريدك أن تحفظيني
أغار من حبك يخنقني
أغار من مدحي لك لعلك تسمعي به صوت الأخرين
أغار عليك من الأشياء التي يكبر فرحك بها
من نبوغ عقلك
من تنوع المساحات الجمالية في جسمك
من انتظار النهار لك
من وقوف الليل على بابك
من حجابك وأحبابك
أغار من أقصى ماضيك إلى نهاية مستقبلك
أغار عليك من الماء الذي تشربينه
لأنه يسري بك وأنا بعيد حتى عن يديك
أغار من غيرتي عليك
حتى بت المجنون بالغيرة عليك
أغار عليك[/align]

[align=center]عادل[/align]

[عادل الحبيتر]

[عادل الحبيتر]

أكثر الاشياء التي تؤلمني داائما .. هي أساءة بعض الناس في الظن .
لماذا بعض الناس يسيئون الظن داائما .. هل هو نقص فيهم أم كلن يشوف الناس بعين طبعه ..!

[عادل الحبيتر]

اقتباس\ صرقعة جيل
اقلآآآآآآم حره رائعه...مبدعه...جميله...
تعطي الكتابة حقها كما تعطي القارئ حقه.....
مقولتي لهم دائما وابداً واصلوا وامتعونا نحن قرائكم
لكم خالص شكري واعجابي باقلامكم....!

أشكرك من قلبي .. شهادة أعتز فيها

[عادل الحبيتر]

[align=center]حياتي صرخة حجر[/align]

[align=center]***********[/align]

غريب الحلم تكرر مرتين خلال اقل من أسبوع لأحد حقين الاشراف بالمنتدى ..عاد الحلم عادي لكن مستغرب أنه تكرر مرتين .. عاد جيت أبتصل على عمي مفسر الاحلام وجي أهون ..قلت ما يحتاج

[align=center]**********[/align]

[align=center]أجمل إحساس [/align][align=center]
أن لا تتعب من حر الشمس بل تعشق لونها الذهبي [/align]

***********

[align=center]اليوم المغرب رحت لمستشفى المركزى أزور واحد .. يوم دخلت لقيت الاضاءة في الغرف سيئة جدا وكل شئ قديم .. المريض اللي راح يجلس راح يحس بأكتئاب .. لكن فرحت يوم شفت المبنى الجديد حق المستشفى قرب ويخلص .. [/align][align=center]
اللهم أشفى مرضانا ومرضى المسلمين يارب[/align]

[عادل الحبيتر]

الذين يشاهدون محتوى الموضوع الآن : 2 ( الأعضاء 2 والزوار 0)
‏عادل الحبيتر , ‏صرقعة جيل


القهوه جاهزه

[عادل الحبيتر]

اقتباس \ طبيبه
ههههه أحسبه عصير ..
ورا لونه كذآ ..

بلشت بعمري يوم طبخت القهوه يوم جيت احط الهيل وأثاريه مخلص الهيل وجي أكثر من الخلطه هه