موضوع خاص للمطلقات دون غيرهن

[شجــ ون]

اقتباس:  المشاركة الأصلية كتبت بواسطة عبدالله بريدة     احســن خلهــن يــذوقــن الغرابيل الي شفناها وقـــولت لا مابيــه ويرصونـــك اسبوعيــن وانت ماتاكل ولا تشرب وتلعب فيك الهواجيس قالوا لا قالوا ايه قالوا لا قالو ايه لين تطلع الشمس وبعد اسبوعين يقولون مانبيه يتـــتن <<<<<<< ذايق العذابين انا من هلحين مابي بنت اتتن <<< عقــدته شكرا على موضعك الجميل حبيت ارسم الأبتسامه على صاحب الموضع !!!

حنا نبي نكحلها
وانت تبي تعميها!

[بريداويــ..]

لكل منا رأي .......ــــــــــ.....
لاآآآآآآآآآآآرى بذلك شي @#@#@#

*&

*&

من حق المرأة ان تخطب لنفسها كما هو من حق الرجل ان يخطب .،.،.،.
*&

*&

خديجة طلبت الزواج من الرسول عليه افضل الصلاة والسلام .،.،.،.
*&
*&

لانريييييييييييد ان نظلم النساااااااااااااء ...

*&
*&

[mklb2]$$ اؤيد ذلك جدا $$ًً[/mklb2]

تقبلوا تحيااااااتي

[لمعةالألماس]

طيب إذا إختارت شخص ثم رفض! وقال لا تتوفر فيها الشروط التي يريدها؟!
فاختارت آخر فرفض! وقال عمرها ليس مناسبا لما يريد؟
يصيبها الاحباط ... ثم يطرق بابهم فارس احلامها ويتقدم لخطبتها ولم تختاره وإنما هو إختارها

الا توافق؟؟؟


وأريد أن أضيف معلومه أن المتزوج يريد زوجته الثانيه مـــــــلاك وإذا لم تستوف شروطه طلقها

فقد تزوجت قريبتي وهي صغيرة من متزوج ولم تكن تلك الملاك التي رسمها >>ذاك الملاك!!!!

فطلقها بكل سهوله وقال لأخيها بكل وقاحه>>المرة بدالها مرة!!!!
’’لم يفكر بها ولا بمستقبلها..... إنما فكر بنفسه أن بدل من إبنتكم واحدة أخرى!!

الحمد لله على نعمة العقل .

هذه الفكرة جرييييئة جدا وخطرة لأن عواقبها في الغالب قد تكون سلبيه...

[فتاافيت سكر]

انا معك في فكرتك

بس من بيجزم يبيلها جزمه +غسل ماء الوجه

وانا لو جزمت مستحيل ابروح لواحد متزوج بروح لواحد من اسرتنا مطلق او كبير بالعمر

لاني مستحيل اقبل بواحد متزوج حرام

تقبلي مروري

[أمــ الحب ــير]

مرحبا أختي شجون

صراحة موضوعك صعب تطبيقه و مستحيل يدوم مهما كانت الضروف قبل او بعد الزواج

آورفوآر ,,

[الماسة محتاسة]

اقتباس: اما ان تكوني متزوجه وخايفه على زوجك

كيف اخاف على زوجي؟؟
من امس وانا اقولك الاولى بهالوقت ماعليها خطر..
الخطر على الثانية هي اللي زواجها مهدد..

اقتباس: او ان تكوني متفائله كثيراً بالدنيا

طبعا متفائلة ولله الحمد لأن الرسول عليه الصلاة والسلام قال(تفائلوا بالخير تجدوه)

اقتباس: لعلمك الطريقه ذي جديده شلون تقولين لاتزال

طبعا انااتكلم عن العقلية بغض النظر عن الطريقة.

اقتباس: هذي طريقه فري !مابعد توصلنا لها

واتمنى الانتوصل لها لأنها غلط..والخطأ مايعالج بالخطأ..
واذا انت مسوية نفسك فاهمة ابحثي عن طريقة ناجحة..او نسبة نجاحها عالية..
ياحبيبتي ماجبتي شي جديد..من عمر الدنيا والمطلقة تتزوج من معدد..
نبي شي احسن مهب اسوأ..

اقتباس: اي رد بالظبط اللي شال الاحباط منك رقم كم ؟؟ خل اشوف هو صز والا لا؟

كثيرة ولله الحمد..

اقتباس: اذا ماسرقته انا بتسرقه وحده ثانيه وممكن تكون ماتناسبه اكثر من اني اناسبه انا !!!

كلام غير صحيح..كثير من الرجال ماتزوجواعلى زوجاتهم..
اما اللي يبي يتزوج..من اللي مانعه مايجي يخطبك هو؟؟؟

اقتباس: ياوخيتي انا ماضربته على ايديه وقلت تزوجني غصب لالالا

عندك نية تضربينه؟؟؟
عرضك نفسك عليه بحد ذاته اهانة لك شئتي ام ابيتي..
خصوصا انه ابو عيال..يعني مافيه ميزة..

اقتباس: انا اقصد عرض فكرة الزواج

قال صبه.. قال.. لا احقنه..

اقتباس: ومحدن مجبور على شي مايبيه

اكيد..لكن يكفي انك فتحتي باب مسكر..

اقتباس: ليني راسك شوي !

راسي لين..لكن انت اللي تبين نقتنع بكلامك الغير منطقي غصب..

اقتباس: وانتي وش دراك ان الرجل لايريد الزواج

لو كان يبي يتزوج كان تزوج من يمنعه..
وطبعا ماانتظرك تخطبينه..

اقتباس: كل الرجال يرغبون بالزواج او خليني اقولك اغلبيتهم يرغبون بالزواج من اخرى

ماشالله خبيرة..
طيب واللي ماتزوجوا على حريمهم..

اقتباس: والا لما حلل الله لهم الزواج من اخرى !!

الله..تبرير منطقي..
اجل على هالحال كل الحريم او اغلبهن يبن يتزوجن من رجال معددين والا لما حلل الله الزواج من اخرى..
فيه عاقل يقول هالكلام؟؟؟؟

اقتباس: خاصه من مضى على زواجه ست سنوات يرغب بالزواج من أخرى

ست!!!!!!!!!!!

اقتباس: تقولين الزواج من معدد مغامره

طبعا..

اقتباس: والمطلقات من يضفهن ياوخيتي يقعد للهواء والظلال

الله سبحانه ماخلق خلق وضيعه..
وبعدين انا مااتكلم عن المطلقات المضطرات..
انا اتكلم عن اللي ماعندها اولاد وبعضهن يقولن خطبونا شباب ..
لكن تفكيرها الغريب يقولها المعدد افضل!!!!

اقتباس: خليهن يعرسن ويشوفن حياتهن لاتنغصين عليهن بكلامك القديم واللي مبني على تجربه واحد صارت لعائله قبل عشر سنين

ماادري انت وين عايشة..
يااما انك تكابرين او انك عايشة في القرون الوسطى..
ياحبيبتي..الثانية بهالوقت تنظلم كثير ومااظن احد يختلف معي في هذا..

اقتباس: يعني انتي ضد ان المطلقه تتزوج مره ثانيه

لاطبعا..
لكن تتزوج من مطلق مثلها..
انا اعرف كثير مطلقات تزوجن من مطلقين..
بس انت مشكلتك متشائمة بزيادة..

اقتباس: او انك ضد انها انها تخطب لنفسها هل تعلمين الغيب .. ليه حكمتي على زواجها بالفشل من من اختارته بنفسها ويكون قريبها !!

لأن كثير من اللي يتزوجون على حريمهم يطلقون..
الرجل الحين ماعاد زي اول..رجال هالوقت يحترمون زوجاتهم ..
وعنده استعداد يطلق الثانية عشانها..وهذا حاصل ومافيه مجال لانكاره

اقتباس: وليه حكمتي على زواجها من انسان اخر بالنجاح على اي اساس تتكلمين انتي؟؟؟؟

مافيه مقارنة بين الرجل اللي عنده زوجة وابناء(يعني بالعربي مستقر)..
وبين اللي ماعنده زوجة..سواء شاب او مطلق..
اللي ماعنده زوجة افضل بكثييييييير..طبعا هذا ماهو كلامي انا بس..

اقتباس: اذا كانت على الطريقه قلنا تخطب لنفسها ان بغت بطريقه غير مباشره

مباشرة او غير مباشرة كل الطرق تؤدي الى روما..
طيب ليه ماتخطب مطلق ..وش رايك بهالطريقة؟؟

[شجــ ون]

اقتباس: كيف اخاف على زوجي؟؟ من امس وانا اقولك الاولى بهالوقت ماعليها خطر.. الخطر على الثانية هي اللي زواجها مهدد..

زواجها مهدد !!
عارفه ان الزواج الثاني للمرأة مهدد وأغلبيته يفشل
لذا قلت تجرب المرأة حظها من زاويه أخرى بأن تخطب قريبها

اقتباس: طبعا متفائلة ولله الحمد لأن الرسول عليه الصلاة والسلام قال(تفائلوا بالخير تجدوه)

ايه بس لاتتفائلين بزوجتس حيل

اقتباس: طبعا انااتكلم عن العقلية بغض النظر عن الطريقة.

لو انك تتكلمين عن العقليه لما كان ردك هكذا يامحتاسه ؟؟

اقتباس: واتمنى الانتوصل لها لأنها غلط..والخطأ مايعالج بالخطأ..

خطأ من قالك انها خطأ ياحبيبتي
الخطأ ان تتزوج المطلقه شايب كحيان
وتنتظره وتنجبر انها تتزوجه خوفاً من جحيم الطلاق

اقتباس: واذا انت مسوية نفسك فاهمة ابحثي عن طريقة ناجحة..او نسبة نجاحها عالية..

مافيه احلى من هالطريقه هذي واتركي عنك بس

اقتباس: ياحبيبتي ماجبتي شي جديد..من عمر الدنيا والمطلقة تتزوج من معدد.. نبي شي احسن مهب اسوأ..

خلاص دامك تعرفين هالشي ليه تعترضين لها .. انتي اقتنعي بس ان الله محلل للزوج اربع زوجات وتدرين
أقدر غيرتك التي جبلنا عليها كلنا
لكن هذي الدنيا ماتصفى لأحد ياوخيتي
خليها تخطب قريبها وتستانس

اقتباس: كلام غير صحيح..كثير من الرجال ماتزوجواعلى زوجاتهم.. اما اللي يبي يتزوج..من اللي مانعه مايجي يخطبك هو؟؟؟

شوفي ردودهم هنا وبتعرفين انهم يرغبون بالزواج من اخرى
وياليت تسوين بحث عن حكمة الله في تحليله للزوج بالزواج من اربع
توفرين علي عناء الشرح

اقتباس: لو كان يبي يتزوج كان تزوج من يمنعه.. وطبعا ماانتظرك تخطبينه..

لاحول ولاقوة

اقتباس: ماشالله خبيرة.. طيب واللي ماتزوجوا على حريمهم..

اللي ماتزوجوا يتزوجون

اقتباس: اجل على هالحال كل الحريم او اغلبهن يبن يتزوجن من رجال معددين والا لما حلل الله الزواج من اخرى.. فيه عاقل يقول هالكلام؟؟؟؟

توك قايلتها اني ماجبت جديد وان المطلقه تأخذ معدد او تلعبين لعب البثعاعا ّّّّ

اقتباس: ست!!!!!!!!!!!

ايه ست أو خمس بعد استانسي

اقتباس: طبعا..

وشو طبعاً
صحيح الله ماخلق احد وضيعه
لكن انتي اللي تبي تضيعينه بأفكارك

اقتباس: وبعدين انا مااتكلم عن المطلقات المضطرات..

اهااااااا خلاص اشوى جابت نتيجه معك

اقتباس: انا اتكلم عن اللي ماعندها اولاد وبعضهن يقولن خطبونا شباب .. لكن تفكيرها الغريب يقولها المعدد افضل!!!!

ايه عاد مالي دخل باللي تفكيرهن كذا

اقتباس: ماادري انت وين عايشة..

عايشه بالصهروج

اقتباس: يااما انك تكابرين او انك عايشة في القرون الوسطى.. ياحبيبتي..الثانية بهالوقت تنظلم كثير ومااظن احد يختلف معي في هذا..

الثانيه تظلم كثير عاد وش تبينها تسوي مافيه غير المعددين متوفرين
الا كان تبينها تتزوج بنغالي؟؟؟

اقتباس: لكن تتزوج من مطلق مثلها.. انا اعرف كثير مطلقات تزوجن من مطلقين.. بس انت مشكلتك متشائمة بزيادة..

ماهنا مطلقين ياوخيتي مثلتس عارف الحال لاتكابرين !!
اغلبية المطلقين اللي ماعندهم اولاد يتزوجون بنات والبقيه مايسدون هالمطلقات

اقتباس: لأن كثير من اللي يتزوجون على حريمهم يطلقون..

شفتي انك تعلمين الغيب

اقتباس: الرجل الحين ماعاد زي اول..رجال هالوقت يحترمون زوجاتهم .. وعنده استعداد يطلق الثانية عشانها..وهذا حاصل ومافيه مجال لانكاره

طيب وش تبينها تسوي ,, ان الله وفق بينهم ماراح يطلقها وماراح يظلمها اذا صار قريبها !!!!

اقتباس: مباشرة او غير مباشرة كل الطرق تؤدي الى روما.. طيب ليه ماتخطب مطلق ..وش رايك بهالطريقة؟؟

اللي تشوفه مناسب لها تخطبه ان شاء الله يكون أرمل

يالله مع السلامه

[شاطئ الراحة]

[align=center]الفاضلة شجون ..

لقد بدأتي بموضوعكِ : موضوع خاص للمطلقات دون غيرهن .

هل لي أن أشارك .. كما شارك بني جنسي ..
أم أكتفي بالقراءة ..

أبدعتِ في الطرح ..[/align]

[شجــ ون]

اقتباس:  المشاركة الأصلية كتبت بواسطة شاطئ الراحة     [align=center]الفاضلة شجون ..[/align][align=center] لقد بدأتي بموضوعكِ : موضوع خاص للمطلقات دون غيرهن . هل لي أن أشارك .. كما شارك بني جنسي .. أم أكتفي بالقراءة .. أبدعتِ في الطرح ..[/align]

وجهة نظرك تهمنا

تفضل حيااااااك

[الماسة محتاسة]

اختي شجون..
اولا..لم تنجحي في ادارة الحوار في موضوعك..
وكل ردودك على اللي يعارضونك يااما تسفيه او تريقه اواستهتار..
اذا انت مقتنعة بالفكرة اقنعينا اواحترمي وجهة نظرنا..
ثانيا..واضح من اسلوبك انه ماعندك اي تعاطف مع المطلقات..
بل بالعكس الواضح ان عندك هجوم على المطلقات وتحطيم ماادري وش الهدف منه؟؟

اقتباس: والمطلقات من يضفهن ياوخيتي يقعد للهواء والظلال

اقتباس: الثانيه تظلم كثير عاد وش تبينها تسوي مافيه غير المعددين متوفرين الا كان تبينها تتزوج بنغالي؟؟؟

اقتباس: ماهنا مطلقين ياوخيتي مثلتس عارف الحال لاتكابرين !! اغلبية المطلقين اللي ماعندهم اولاد يتزوجون بنات والبقيه مايسدون هالمطلقات

على العموم المطلقات ماطلبن منك تحلين مشاكلهن..
وخلي افكارك الجهنمية عندك..
المطلقة امرأة مثلها مثل غيرها وممكن تتزوج من غير المعدد..وهذا هو الواقع ولله الحمد..
رضيتي ولاانرضيتي..
الغريب انك امرأة؟؟!!!!
تفكير غريب للغاية!!!

[شجــ ون]

اقتباس:  المشاركة الأصلية كتبت بواسطة الماسة محتاسة     اختي شجون.. اولا..لم تنجحي في ادارة الحوار في موضوعك.. وكل ردودك على اللي يعارضونك يااما تسفيه او تريقه اواستهتار.. اذا انت مقتنعة بالفكرة اقنعينا اواحترمي وجهة نظرنا.. ثانيا..واضح من اسلوبك انه ماعندك اي تعاطف مع المطلقات.. بل بالعكس الواضح ان عندك هجوم على المطلقات وتحطيم ماادري وش الهدف منه؟؟ على العموم المطلقات ماطلبن منك تحلين مشاكلهن.. وخلي افكارك الجهنمية عندك.. المطلقة امرأة مثلها مثل غيرها وممكن تتزوج من غير المعدد..وهذا هو الواقع ولله الحمد.. رضيتي ولاانرضيتي.. الغريب انك امرأة؟؟!!!! تفكير غريب للغاية!!!

انا طرحت الفكره ليس تعاطفاً مع المطلقات
انما هي مجرد فكرة قابله للنجاح وقابلة للفشل

اما عن قولك اني اهاجم المطلقات !!!
اين الهجوم بالظبط
مااقتبستيه لي ليس هجوماً بقدر ماهو حقيقه
لما تغطون عيونكم عن الحقيقه ؟

المطلقات ماطلبن مني فزعه.. لكن اعتقد انهن راح يشكرني على هذه الفكره والتي ربما تفرج لإحداهن من جحيم تعيشه لايعلم به الا هي والله

ليه الغريب اني امرأة
تبيني اتمييع عشان اكون امرأة
او تبيني ادافع عنها دفاع اعمى وعقيم كما تفعله البعض ؟؟؟!!

غريب امرك والله

[الماسة محتاسة]

اقتباس: ليه الغريب اني امرأة تبيني اتمييع عشان اكون امرأة

اقول جزاك الله خير يااخ شجون...
ومع السلامة..

[كاتم الحسرات]

ارغب الزواج من مطلقة عمره اقل من ثلاثين سنه جاد وربي

[سوسو القصيميه]

_…ـ-*™£بسم الله الرحمن الرحيم£™*-ـ…_


لما لاتخطبي لنفسك أنتي؟

وهل مجتمعنا يؤيد هذه الطريقه

المجتمع سرى على نهج اجداده من غير ان يفكر ماهي المصلحه

[عاشق تراب بريده]

ايه خلوهن يزينن اللي يبن هماهن يعرسن المسكينات حظهن شين وطايحن سوقهن بعد الطلاق لازم تدور له عريس عادي مافيها شي عسى الله يوفقهن ويوفقنا معهن بعد ههههه ..