قالوا تحبه؟ قلت ماهوب بالحيل
بس انه اغلى شوي من نور عيني
يسوى جميع الجيل الاول وهالجيل
واحبابي الماضين والمقبلين
شوقي له اعظم من ظما الارض للسيل
واشفق عليه اكثر من ام الجنين
بعض المواقف تجي وتروح ما تبقى
وبعض المواقف صداها بالعمر باقي
يا صاحبي لا معي تتعب ولا تشقى
ما يتبدل الوقت وأخلاقي هي أخلاقي
إن جيت أرحب وإن ما جيتني تبقى
أنت أكثر انسان عزيته من أعماقي
كان المسافة ترفض إني أشوفك
خل اتصالك غصب عنها يجيني
وكان اتصالك تمنعه ظروفك
يكفي رسايل شوق بينك وبيني
وإن كان مالي حظ حتى بحروفك
خلك بعيد ومسكنك وسط عيني
أقولك ذا القول والحق ينقال
منساك لو القبايل نفتني
والله ورب الكون والجد والخال
وعمي وأبوي وأمي إلي أرضعتني
منساك لين الراس من المتن ينشال
ولو العالم كلها حاربتني .. !
لو الغلا يزرع كما زرع بستان
يكون زرعك في فؤادي مكانه
أحط لك غصن تميٌز بالألوان
مافيه مثله (مختلف في زمانه)
غصن خضر للحب بصمة وعنوان
أعطيه من روحي وأكثر حنانه
أسقيه من دم الشرايين فنجان
وبيني وبينه بالمحبة ميانه
سافر أمس ولا نشدني عن حنيني
كن ما بيني ولا بينه ميانة
معه أمانة قلبي وضحكة سنيني
علموه يرد لو بعض الأمانة
علموه ان الغلا بينه وبيني
ما تغير كل شي في مكانه
يمكن أنسى كل شي صار فيني
بس كيف أنسى تغليه وحنانه
ليته يفكر ولو مرة يجيني
والله ان ياخذ زماني مع زمانه
هو عشانه بس خفاقي وعيني
حتى انا كلي على بعضي عشانه
ان كان تعذيبي يسرك ويرضيك
عطني عذاب واخذ بداله سعاده
اهجر على كيفك وزد تحديك
وانا بدال الهجر احبك زياده
لك مني ابكي كل ماحل طاريك
لين البكا يصبح مع الوقت عاده
مهما حصل يازين ماني بناسيك
اسمك نقشته دمع فوق وساده
العرض المتطور
