تغطية فعاليات يوم السكر العالمي بالتخصصي برعاية المنتدى ( تقرير + تصاريح بالصـور )

[ابو صقر الصدقي]

ماشاء الله الله يوفقهم

[طالب وفا]

[align=center]
ريمــــــــــاس تقوليـن بما اقتبستـه بهذا الرد

اقتباس: انا مسجله بالمنتدى دفاع عني وعن زميلاتي

ريماس مايتحتاج تتدافعيـن الوضع مكشووف والخافي اعظـم

اقتباس: وغير كذا ماكنت مشتركه بالحمله من الأساس

لايعنيني هـذا

اقتباس: وزميلاتي ماوقفوا بين الرجال زي ماتقول واقفات ورا الطاوله والوحده فيهم مو مبين فيها الا عيونها ولبسهم وسيع وطويل وين المشكله؟؟؟

متاكده انك شفت الصور زيـــــن ؟

اقتباس: واللي يقوم (بالحديث) مع فتاه انت تدري وش يتكلمون فيه؟؟؟ او شايفه يكلمها بالحالها وما عنده احد؟؟؟ وبعدين تقيس له يعني يسكت مابسألها كم النتيجه؟؟

لا انا مادري اجل انتي تدريـن ؟
اللي اشوفـه انا بس يتضحـك وهي معجبها الوضـع !!

اقتباس: واللي يضحك واضح انه على نيته ويشوفهم مثل بناته

هههه وانـتي وش يدريك عن نيتـه لايكون طابه بقلبـه وفاتشتـه حتى تحكمين عليه !!

اقتباس: عملنا مو بالطريقه اللي طلعت فيه الصور حنا تعاملنا دايما مع النساء بس هاذا اليوم شاركو فيه البنات وهم انفسهم ماكانو متوقعين يكون بالطريقه هاذي حرام عليكم شوفوهم لازقين في بعض لأنهم وقتها ارتبكوا

لا لا على هــونك وانا اقول هالكلام وانا ابخـص فيــــــه بنات ممرضات بفتره سابقــــه كنت اطبق فيها كانوا يتدربون بقسم الباطني الرجالي فـوووق

اقتباس: واللي قاعدين يقولون زينه ومتبرجات اسألك بالله ولا وحده فيهم حاطه مكياج وين الزينه اللي تقول عنها؟؟

طيب انتي تقولي مانتي بمعهم كيف حكمتي عليهم طيب يمكن الزينـه بالعيـون وبالكحل وفيـه بعض البنات تخصر الملابـس

اقتباس: الأفعال مو عيب ولاحرام قياس ضغط وسكر وين الحرام فيه؟؟؟

الا عيب وشـق جيب قضوا الممرضيـن يوم يجيبون بنات تقيس للرجال

اقتباس: ومو شي يخجل ولا ذنب اعوذ بالله

الا والله يخجل بقلب شخص فيـه ذرة مرجلـه وشهامـه

اقتباس: والشي اللي شفتوه بالصور مايصير دايما بالمستشفي

حنا ابخص باللي يصير بالمستشفى وياما من البلاوي تصير طيب وش رايـك بقسم من اقسام المستشفى وهو السجلات الطبيـــــه الوضع خليطي بين الشباب والبنات

اقتباس: اصلا المستشفى فيه مشرفين ومشرفات وتوعيه دينيه مو الدنيا فوضى زي مايفكرون اصحاب العقول الضعيفه

وينهم عن مثل هالامور !!

اقتباس: وبالنسبه للتصوير لو برأي الشخصي مأرضى احد يصورني وكثير من زميلاتي نفس الشي

واضـح والـدليل حتى بالصورة الجماعيـه

اقتباس: والبنات اللب صوروا كانو متحمسين مع الحمله وكانو مستأذنين من اهلهم عادي لأنهم يبون اهلهم يشوفونهم وصورهم مافيها شي يخجل ولا اصلا طالع منهم شي لدرجة بعضهن ماعرفتهن

طيب سبحان الله انتي تقوليـن ماكنت معهم وش يدريك عنهم ان اهلهم موافقين على التصوير ؟ او بس محاولـه لتلميـع افعالهم ؟
اذا كان تصويرهم مـع الرجال ولا فيه شي يخجل فعلى الدنيا السلام[/align]

[ريـــماس]

يالله والله تعبت وانا ارد واشرح فيه ناس بصراحه المفروض نخسرهم احسن نخليهم بحدود تفكيرهم السطحي


بتمر الدنيا والسنين وكل شي بيوضح للناس مثل ماكنو معارضين على تدريس البنات بالبدايه




واحب اذكركم احسنوا الظن ولا تظلمون


وتذكرو ان كل كلمه تقولونها عن احد محاسبين عليها يوم القيامه

الله يهديكم ويهدينا



هاذا بيكون اخر رد لي بالمنتدى

سبحانك اللهم وبحمدك استغفرك واتوب اليك

[ريـــماس]

لحظه ابيك تحلف بالله انهم يطبقون بقسم رجالي

[عاشق ديرتي بريده]

اقتباس: هاذا بيكون اخر رد لي بالمنتدى سبحانك اللهم وبحمدك استغفرك واتوب اليك

عاد وراك زعلتي كله هرج طاير بالسماء

مدامك سجلتي الله يحيك بين اخوانك وخواتك وروحي خوذي لفه بالمنتدى وشاركي معنا

هو دخول الحمام زي خروجه << بالمصري !

[هاكر]

اعتقد انها بهلله اعلامية فقط ...


نحن جميعاً كمواطني مدينة بريدة لم نعلم عن ذلك اليوم العالمي ...


لماذا لم يوضع اعلانات في الصحف او عند الاشارات المرورية كما هو الان مثالاً حفظة كتاب الله الدمعة 12 فتجد الاعلان عند كل اشارة وفي شاشات العرض وغيره سواك عن النشرات المنتشرة في كل مكان ...


مللنا منك يا زارة الصحة ومن البهرجة الاعلامية وحقيقة ارى من الصورفقط والله الترزز الاعلامي من قبل المسئولين الذين لم نرى لهم بعبعة اعلامية ايام قيادة ذاك الرجل ( ياسر الغامدي )

ناهيك عن هتك العرض لفتياتنا اللاتي لا يعرفن نتيجة ذاك التصوير الا بعد العنوسة المقلقلة التي جرفت من سبقهن ...

ابو انس ...

لا اعرفك ولكن اسمع عنك .. (( بارك الله فيك وفي كل لكمة قلتها وانت تبرى نفسك امامك ربك فا الى الامام وبارك الله في قلبك الصافي ))

[ريـــماس]

شفت ان ماعندك رد قال يطبقون بباطنيه رجال؟؟


والله لو انا بأمريكا


هيه انت حنا بالسعوديه وين انت عايش فيه

وش يودينا باطنيه رجال ماعندنا اقسام نساء؟؟؟

يتكلم عن شي مايدري عنه


والله الناس هاذي مادري كيف جبتو لي صداع وانا وراي دوام


كنت اقول اخر رد لي بس ماشفت كلام الأخ القادم من المريخ


انا مازعلت بس بصراحه شي ينرفز


مشكور اخوي عاشق ديرتي بريده


بس ماتوقع اشارك بمنتداكم كعضو بس يمكن امر كزائر


احب اشكر صاحب الموضوع

ابو صقر الصدقي مشكور على الدعوه والله يكثر من امثالك بعقولكم النظيفه

هاذا ردي الأخير

سبحانك اللهم وبحمدك استغفرك واتوب اليك

[طالب وفا]

[align=center]

اقتباس: شفت ان ماعندك رد قال يطبقون بباطنيه رجال؟؟

لا لا انا اعي ماااقـولــــــه والكلام هذا حااصل قبل سنـه وانا حاضر هالشي

اقتباس: والله لو انا بأمريكا

لا الوضـع حااصل بالقصيم مهو بامريكا

اقتباس: هيه انت حنا بالسعوديه وين انت عايش فيه

هيـه انتي انا قايل انكم عايشيـن بنيوزلنـدا

اقتباس: وش يودينا باطنيه رجال ماعندنا اقسام نساء؟؟؟

مالمسؤل اعلم من السائل ؟

اقتباس: يتكلم عن شي مايدري عنه

لا والله ادري الا انتي اللي ماتدريـن عن شي وانا ادري عن خوافي للشباب مع الممرضات انتي ماتدرين عنهم بس خل الوضـع مستور

اقتباس: والله الناس هاذي مادري كيف جبتو لي صداع وانا وراي دوام

لا ماعليك الناس هاذي تفكر صــــــح

اقتباس: كنت اقول اخر رد لي بس ماشفت كلام الأخ القادم من المريخ

كاد المريب ان يقول خـذوني

اقتباس: انا مازعلت بس بصراحه شي ينرفز

دائما الحقيقـه والصراحـه مغضبـه ومنرفـزه لكن الشكو لله ماتعودت اجاامل[/align]

[عاشق ديرتي بريده]

اقتباس: بس ماتوقع اشارك بمنتداكم كعضو بس يمكن امر كزائر

يوم تنرفز طلع رجل خخخخخخخخخخخخخخ

الحلقه الاخيره ريماس ولد يدافع عن البنات ههههههههههه

[خالدالسالم]

جلوي الشقير

ارجوا ان لاتتعامل مع الموضوع على طريقه (ويل للمصلين) فتورد ما تشاء وتبتر ما لاتشاء , فحينما سألتني عن دعوة الامتياز الشباب اجبتك بالتالي

اقتباس: الأول : ان الوقت ضيق جدا وحينما طلبنا من اداره التمريض امدادنا بعدد من التمريض لتدريبهم اضافة الى مساعدتنا لم يقترحوا علينا الا اخواتنا من الممرضات. السبب الثاني : اني لا اشاهد هذه الايام اي ممرض سعودي (امتياز). والا فالشرف لنا في دعوتهم وتدريبهم كما نتشرف باخواتنا.

لسببان وليس للسبب الوحيد الذي بترته لاثبات ان هناك خطا على جهة ما مع ان الخطا غير موجود كون لا وجود لتمريض امتياز -حسب علمي-

اذن ادارة التمريض لم يقترحوا الامتياز الشباب لعدم وجودهم حاليا في المستشفى لا كما تخمن انت الان.

اقتباس: وبنفس منطقك السابق (مع أني لا أتعامل به ولا أحبذه ) ولكن للوصول لنقطه دافئة بيني وبينك لو استشارتني أخت أحب لها الخير لنصحتها بعدم دخول المنتديات الانترنت , لنفس الأفكار التي تحملها عن العمل بالمستشفيات اضافة الى التواصل عبر الردود والرسائل الخاصة, حيث انها في عرف البعض تواصل محرم .

مع اني اتمنى ان تشاركني هذا المنطق وتضع نفسك في نفس القالب او المنطق , لو استشارتك زوجتك لتشارك الاخوان الاعضاء في منتديات بريده وتتحاور معهم في الردود والرسائل الخاصه هل ستنصحها بالدخول او تمنعها من ذلك ؟

تحياتي

[جلوي العتيبي]

خالد السالم

لم أبتر حديثك لكنني أوردت مايستحق الذكر ومايقبله المنطق .

فأنت تقول الآن :

اقتباس: لسببان وليس للسبب الوحيد الذي بترته لاثبات ان هناك خطا على جهة ما مع ان الخطا غير موجود كون لا وجود لتمريض امتياز -حسب علمي- اذن ادارة التمريض لم يقترحوا الامتياز الشباب لعدم وجودهم حاليا في المستشفى لا كما تخمن انت الان.

إدارة التمريض هي المخوله بإختيار الطلاب فما علاقة علمك بالأمر !!!؟

وأستغرب أن تكون رجل منظم للحفل وحتى الآن تجهل أسباب غياب الطلاب وتعللها (حسب علمك ) أليس من حق الطلاب والطالبات توضيح الأسباب ؟

نحن لانتحدث عن العمل والتواصل فيه نحن نتحدث عن اللقاء وعن تواجد الأخوات الطالبات ووقوفهن أمام كاميرات التصوير أما ما خلافه فهو أمر يخضع لعدة أمور لامجال لذكرها هنا .

هل لاحظت على الاخوات في منتدى بريده مايخالف الشرع ؟ أو مايسيء لهن ؟

[ثامر الناصر]

شكرا للجميع على تواااجدهم ..

للاسف البعض وضع الأمر وماحصل بالموضوع انه ( جرم ) اتخذته تلك الفتيات .. او اتخذه منظمين المعرض الذي يوصل التوعية للناس !! لاأدري بأي شكل يفكرون !

::

ابو شهد .. ياليت توضح لي معنى ( الزينة ) للنساء .. لكي ةنطبقها على الطالبات التي تقول انهن بكامل زينتهن بالصورة !! وانا اعتبره كلام غير منطقي .. اذا عرفنا معنى الزينة الصحيح للمرأة ؟

[ثامر الناصر]

اقتباس: هل لاحظت على الاخوات في منتدى بريده مايخالف الشرع

وأين المخالفة للشرع هنا .؟

[~Lamar~]

لاحول ولاقوة الا بالله...

أخي أبو أنس بارك الله فيك شاكرة لك غيرتك على بنات المسلمين لكن أحب أن أوضح نقطه..

لكل قاعدة شواذ وفي كل مجتمع يوجد هناك أناس صالحون وطالحون...

وفي كل مجال عمل يوجد أيضا المحسن والمسيء...

وفي المجال الصحي يوجد هناك أناس أتخذوا من التقوى شعارهم في العمل وفي المقابل أناس

محسوبون على القطاع الصحي بل ومحسوبون على( لبس البالطو)!!!

وكما تفضلتم وقلتم بأن هناك أمور تجري في الخفاء لايراها أحد...

لكن هل الحل بأن نجلس في بيوتنا ونترك عملنا ونجعل( الجو فاضي) لمثل هؤلاء الشرذمه المنحطه..؟؟

اللذين لاهم لهم سوى التسليه بأعراض الناس؟؟ (والكلام ينطبق على البنات أيضا)؟؟

لا..بل سنستمر في أداء مهنتنا ونثبت للجميع بأن الممرضه قادرة على القيام بواجبها من دون تحرر

(ومن دون مكياج وعطورات ولبس فاضح)!!

نحن بإذن الله تعالى سنواصل عملنا ونصل الى هدفنا ومبتغانا من دون التخلي عن حجابنا...

اسمعوني اخوتي أنظروا الى الجانب المشرق فهناك فتيات أحسبهن والله حسيبهن خلوقات ومحافظات

فقط يؤدين واجبهن على أكمل وجه..لايعرفن طرقا واساليب ملتويه كما في أعتقادكم..

آسفه على الأطاله..

هدى الله شباب وبنات المسلمين...

[red line2008]

اقتباس:  المشاركة الأصلية كتبت بواسطة عاشق ديرتي بريده     مع احترامي لكل المتداخلات واللي سجلن بالمنتدى عشان يبررن موقفهن حبيت اقولهن نحن نعمل بمجال الصحه ونعرف مايدور بالخفاء واذا هن يعتبرن الكلام اللي قالوه الأعضاء تهجم عليهن فهو تهجم المقصد منه الغيره فقط ,, ماطرح شي من قليل والأيام القادمه بعد توظيفكن سوف تشاهدن كل شي ولماذا البعض انتقدكم , اخوي ابو انس الله يذكره بالخير كان من الناس اللي يعرف كل خفايا المستشفى وكان يحارب لوحده والكل ضده ولكن وقف كالجبل شامخ بوجوه الموظفين المتلاعبين والموظفات المتلاعبات حتى المرافقات الغير منضبطات وقف لهن بالمرصاد , ابقول لخواتي كلام يفيدهن للمستقبل قد يكون كلامكن اللي دافعتن به عن انفسكن صحيح ونياتكن سليمه ولكن نحن كشباب نعمل بالصحه نعرف تفكير اكثر الموظفين تجاهكن ! ولو سمعتن مايقال عنكن بعد الفعاليات اقسم بالله انكن لن توافقكن بالمشاركه بالأيام القادمه الا اذا كان يعجبكن كلامهم فهذا شي اخر !!!!! <<< تعب وهو يكتب ,

اولا السلام عليكم ورحمة الله وبركاته

بصراحة الكلام الي قوله بالمنتدى بشكل عام كلام غير صحيح وكل ينظر الناس بعين طابعه والسبب الرئيسى في مشاركة البنات هو الهدف التوعوي للناس بشكل عام لايخص المراة فقط بل كافة المجتمع يعنى طفل امره رجل وبعدين البنات ه\ا لبسهم في المستشفي والنظام يتطلب \لك فاوين المشكلة ولافيه لبس للمستشفى ولبس معين للتصوير وبعدين الممرضين للي تقول قالو كلام عن البنات ليه جايت من الشارع ولامايستحن كاشفت وا\ا العاملين فيه ه\ا كلامهم اجل وش خلو للمراجعين وهم بعيونهم يشوفون نشتغل ماحنا نلعب ولاشي
واصلا في كل مكان تجد الحسن والسئ يعني زى مافيه ممرضين وممرضات جايين للكلام الفاضي فيه ممرضين وممرضات عندهم طموح ونيه في التعليم والتعلم والحمد حنا من يوم طبقنا ماواجهنا اي مشاكل من اي نوع يعني كلنا يحترم الثاني والكلام اللي قالتوه يخص الناس الاعبين موالكل وبعدين اغلب البنات جايت جادت ويعلمن وا\ا كان لاحد كلام اتحد ه يرد ويقول وش شاف علينا