وش السوات مع قناة بداية ... 23 ساعه

[@ ابتسام @]

هذا اللي ناقص ما بقى الا تحددون للحريم وش يشوفن
... اللي يقول باقي أيام ويخلص ابشرك هذاهم يستعدون للي بعده يعني ما هنا مخلاص الا انكن تنتحر

... الشات السخيف على قولتك -كلن يقرا اللي يصلح له واللي ما يصلح لك نطه.
..ذكرتني بوحده تقول زوجي حاقد على هالقناة لان مافيها حريم الله ياخذ البجاحة وأهلها

[كوكتيل]

[align=center]

اقتباس: إستغلال تجاري بإسم الدين ...لتسويق بضاعه رابحه .. وعلى إعلامنا السلام ... والى الأمام بسذاجه يا إعلامنا ...

للاسف هذا هو الحاصل ..

اقتباس: خذ لك رسيفر خاص فيك ...وطالع بلحالك ...(:

اكيد موجود بس الرسيفر العام والجلسه والخ ..

اقتباس: زد رصيدك إستنزاف جيوب لا أكثر وإستغلال تجاري بحت

للاسف والحريم مصدقات ..

اقتباس: يبدو لي أن قناة بداية وماتبثه الآن هو بداية النهاية

الله يستر على المسلمين والمسلمين من استغلال فلوسهم واوقاتهم ..

اقتباس: القنوات الاسلامية تحسد دائماً وتكره وتنتقد والغير اسلاميه تعطونه حسابكم كامل وتخرب اخلاقكم وعيالكم ومامثله ابد شفتوا المسلسل الفلاني ..ايه وكلن يقص القصه ويوضح رايه ويتنافسون والاسلامي لا لا لا مايحق له انه يوسع صدر الحريم ولايحق له ان يرسم البسمه على وجيه البنات ليش لأنهم رجال ؟؟؟ اجل تبونهم يجيبون بنيات كلهن ملح حتى يصير البرنامج مرضي لذائقتكم ؟ والله عيب الحين زمن الفتن الدش بهم بهم والتطور وملاحق القنوات تصير في حدود الدين وتعاليمه لو لقينا كم ملاحظه مافيه كمال احسن من تعوديهن الفسق وتسهيل التعري وقلة الحياء للحريم . ايهم احسن تتكلم بقراءة والا صوت والا انشودة او اسلوب الشخص الفلاني والا تابع مسلسل خالي من الاخلاق والادب وتتفرج على اللبس اللي بدون لبس ؟ ومن بكرا تزل للسوق وتلاقهن موضه وتقول حلو ويجنن ؟؟؟ الله يصلحكم بس ويهديكم لا تسلطون على اعلام الخير لو عليه ملاحظات ترى افلح لنا ولشبابنا وبناتنا

انت شلون حكمت علينا اننا نتابع المسلسات وندعوا لمتابعتها ..؟

انت تشوف القناة هذي اولا ..؟ مجموعت شباب مالغين مشاركين في مسابقه وتشوفهم تقول ابن تيميه وابن الجوزي .. ومشرفهم حكايه ثانيه ..

حنا ماحسدنا القنوات الاسلاميه كما تقول بالعكس ,, انت فاهم الموضوع غلط للاسف ..

اقتباس: كل شيء في الحياة له جانب ايجابي وسلبي .. إذا على الشات فهذا تفكير الناس وش ذنب القناة ؟! هي اجبرتهم يرسلون ؟!!! وبعدين الناس أذواق يا أخي الكريم ، وإذا ما أعجبتك طبيعة المسجات يمكن معجبة غيرك .. ومثل ما قال الأخوة ، لو يكون لك رسيفر خاص علشآن تتابع اللي يناسب ذوقك .. عن نفسي نوعًا ما صرت أتابعها من قريب وأتحمس والله ، لكن طبعي ملولة وما أحب أطول عند الشآشهـ .. ومعجبني تفكيرهم صراحة بدل عشرين برنامج مكرره ومملة ، حطوا برنامج واحد حلوة فكرته وعليه القيمه .. هذا غير مالك القناة اللي فضيع بتواضعه ماشاء الله .. وسبحان الله دلالة إن الناس أذواق وعمرهم ما اتفقوا ؛ في نفس البرنامج ، مشاركين أتقرف منهم ومن قلة حياهم وألفاظهم السوقية ، وغيري راضين بهم ومنهبلين عليهم !! سبحان الله ! عمومًا ، القهر لو فآز أحد ما يستاهل ، بتحسف على متابعتي .. شكرًا لطرح الموضوع .. موفق ..

الشات تصير عليه مراقبه موب كل من هب ودب يرسل ..

البرنامج فكرته زينه طيب يحطون مشرف ثقيل ورزين وعنده ثقافه وعنده علم .. والمشاركين من كلامهم تقول علماء .. وهم اذا راحت كلمة مباشر تغيروا 180 درجه .. اجل واحد يقول لخويه ياكـلـ ..! او نفس الالفاض هذي نسيت صراحه

عفوا ..

موفقين الجميع



شكرا لكم[/align]

[كوكتيل]

[align=center]

اقتباس: طيب وراه ابو كريم صاير كنه بطريق قولوا له يخفف من البلع ترى يمكن رجولة ماتشيلة ويطيح عليهم ويبلشون فيه

استغفر ربك يارجل هههههه

اقتباس: . . فكرة البرنامج جيده ولكن التهريج والسخف الحاصل فيه أفقد البرنامج جماله وبصراحه كلهم كوووووم ورأس الهرم ابو عبدالكريم الملقب بهيما كوووم ثاني أدب الحوار مافيه .. علم ومعرفه مافيه .. ماعنده غير الهبال والطهبله وربي اني استحي من ضيوف الخيمه إذا بدأ يتكلم ويستخف دمه أمييييييييييييي بمعنى الكلمه لاعلم لاثقافه لااسلوب ويجي يقعد يتميلح على نااااااااس بمستوى عالي من الرقي والثقافه والأدب .. وشوفوا يوم كان الضيف فهد السنيدي .. وإلا والتمثيليه البايخه اللي سووها بعد الانقلاب عليه والسخافه الحاصله بعد رجعته من زواج بانعمه .. حتى الشباب مافيه منهم من نقول عليه القيمه وانه هذا عربي ويرفع الراس غير الجزائري والسعودي اللي اسمه عبدالإله .. وإلا غير كذا .. ياشماتة عدوكم فيكم إذا شاف أمثال عقلية هيما على رأس القناة لمدة ثلاث أو اربع سنوات وبالأخير اشكرك اخوي كوكتيل ع الطرح مع إني ارى ان الردود هنا اصبحت تهريج من بعض الاعضاء ..

ياسلام عليك كلام جميل وواقعي ..

بعض الاعضاء يحسبون اننا مانبي القنوات الدينيه والبرامج الدينيه والترفيهيه ..

فكرت البرنامج ممتازه نوعا ما .. ومشوهتها الاشياء الي ذكرتي اجل هيما هههههه

شكرا لك

اقتباس: الله يعطيك الف عاااافية على الموضوع الجيد دائما تعودنا على مواضيعك الشيقة يسلمووووووووووووو وتقبلوا مروري

الله يعافيك

والعفوو

نورت

اقتباس: انا صرآحه ماعجبتني .. واذا ع البرامج الدينيه بكل القنوات تجي برامج دينيه بس اعتقد هذي انتشرت عشان الشريط .. يستغلون عقول هالحريم.. ويتكسبون من وراهم .. // اقول نآظروآ ستار اكاديمي ترآ توسع الصدر هع

كلامك سليم .. الشريط هو البلا .. حريم ولقن شي يقرقن فيه ..

اقتباس: هذا اللي ناقص ما بقى الا تحددون للحريم وش يشوفن ... اللي يقول باقي أيام ويخلص ابشرك هذاهم يستعدون للي بعده يعني ما هنا مخلاص الا انكن تنتحر ... الشات السخيف على قولتك -كلن يقرا اللي يصلح له واللي ما يصلح لك نطه. ..ذكرتني بوحده تقول زوجي حاقد على هالقناة لان مافيها حريم الله ياخذ البجاحة وأهلها

كل ماقلت هانت جد علم جديد


مانحدد بس برنامج سخبف لابد التنويه عليه ..


وبالتوفيق للوحده وزوجه ..


شكرا لكم[/align]

[Queen of buraydh]

تقول امي التسايدة ان قضى البرنامج ,


***

قناة رائعة بالمقارنة مع فضائيات اليوم الفاضحة ..!

[ابو ظروس]

أنا أبفتح قناة لتبادل الفساتين والمريولات ,

ويتم التبادل عبر رسائل الـ sms

قسم بالله شهر واحد بس و أطلع راتب وزير سنتين !

عندك بعض حريم مخفات

[كلوز]

شاهدت القناه

به من الفوائد الكثيره والمواهب الرائعه لشباب رائعون

أحمد ربي على وجود هذه القناه


وباذن الله ساشارك به

[أبو الريش]

سؤال غريب بالصدفه شفته أمس بالشات وأنا بروح لقناتي المفضله,,,

وحده تدور شجرة أثل ,,,, مسكينه شكله ساكنه بوسط مدينه ماحوله الا بيوت

وشوله ,,أدري بس ماودنا نتكلم لأنه يوجد صغار هنا

[ساره الصالح]

احذفها يااخوي وارتاح

[فديكا التميمي]

والله يااعضاء هالمنتدى سبحان الله غريبين كل شي مايعجبهم الدشاااره ماتعجبهم
والالتزام مايعجبهم بالله وش تبووون انا موب من المتااابعين لا لهالقنا ولاغيره ابشركم مااعرف التلفزيون اكره مااشوف هو بس مااحس فيهاااا شي مااغير مكبرين السالفه اللي مااعجبه ماحده الله
يشوففه معك الريموت واقلب ان شافو قنوات الفسخ والفسيخ قالوا ذولا ماستحون
واهلهم وشولون حطوه عندهم وان حطو قنوات دينه قالوا سخيفه ومامنه هدف وضيعت الحريم خخخخخخخخخخ
مااقول الا الله يعينكم على انفسكم

[المتأمل]

أخي كوكتيل أخالفك الرأي قناة بداية غيرت كثير من الشباب والفتيات بل غيرت بيوت بأكملها
استفاد الناس من البرامج والحملات التي فيها والمحاضرات والقصص التي يقولها المشائخ
وأنا أعتبره من القنوات التي تهتم بأمورالفتيات
أما برنامج زد رصيدك فله صدى كبير عندالناس وأنا المتبعين له كثير وأنهم أستفادوا منه الشي الكثير من المسابقات الثقافيه والمشائخ ومن كلام المتسابقين والطبخات.

وأنا أتوقع أنك من أول المستفيدين من هذه القناة المباركة

أسأل الله بأسمائه الحسنى وصفاته العلى أن يجازي القائمين عليها خير الجزاء

[كوكتيل]

[align=center]

اقتباس:  المشاركة الأصلية كتبت بواسطة المتأمل     أخي كوكتيل أخالفك الرأي قناة بداية غيرت كثير من الشباب والفتيات بل غيرت بيوت بأكملها استفاد الناس من البرامج والحملات التي فيها والمحاضرات والقصص التي يقولها المشائخ وأنا أعتبره من القنوات التي تهتم بأمورالفتيات أما برنامج زد رصيدك فله صدى كبير عندالناس وأنا المتبعين له كثير وأنهم أستفادوا منه الشي الكثير من المسابقات الثقافيه والمشائخ ومن كلام المتسابقين والطبخات. وأنا أتوقع أنك من أول المستفيدين من هذه القناة المباركة أسأل الله بأسمائه الحسنى وصفاته العلى أن يجازي القائمين عليها خير الجزاء

انا اتفق معك انهم يجيبون مشائخ ومحاضراته وضيوف رائعين ..الله يجزاهم خير

لكن اغلب وقت القناة اشياء سخيفه .. وثقل طينه من المشاركين ومشرفيهم


والحمدلله ماعمري جلست اشوف القناة دقيقه لكن اسمع اصواتهم وانا على اللاب فقط لاغير ..


بارك الله فيك وحياك الله
[/align]

[≈ Śķőőŋ »]

البرنامج اسخف من السخيف وكل برامج بدايه ماتجوزلي

بس اتابعه عشان الشريط الي تحت اقصر الصوت واجلس اقراء هالحريم الي يتشكن
بس اوب دايم بس لاصارت القنوات الثانيه شينه حطيت بدايه

بعدين سواليف حريم بصراحه جايز لي هالشريط تقل جالسه بوسط حريم يسولفن
بس الغريب انه كل وقت يهذرن متى يشوفن بيتهن
اقوم الصبح الشريط يدهر الظهر العصر بالليل نفس الشي
الله يعين الي بيدفع فواتيرهن


سبحان الله الناس اذواق احد جايزتن له واحد لا


شكرآآ تقبل راي ..~

[....e7sas]

سبحان الله ، صدق من قال : وللناس فيما يعشقون مذاهب ،،

ودي أعرف وشلون الناس تقابل القناة 24 ساعه ،

أنا إذا فتحتها يجيني إحساس ما أدري وشو وعلطول أ غيّر ،،

من جد ودي أكتشف السر اللي جاذب الناس !

[كوكتيل]

[align=center]

اقتباس:  المشاركة الأصلية كتبت بواسطة ....e7sas     سبحان الله ، صدق من قال : وللناس فيما يعشقون مذاهب ،، ودي أعرف وشلون الناس تقابل القناة 24 ساعه ، أنا إذا فتحتها يجيني إحساس ما أدري وشو وعلطول أ غيّر ،، من جد ودي أكتشف السر اللي جاذب الناس !

اذا عرفتـ/ي علميـ/ن

نفس السؤال

المشكله فيهم ثقل دم غير طبيعي

شكرا لك
[/align]

[كوكتيل]

[align=center]
[align=center]

اقتباس:  المشاركة الأصلية كتبت بواسطة شواطئ الأنتظار     البرنامج اسخف من السخيف وكل برامج بدايه ماتجوزلي

اقتباس:  المشاركة الأصلية كتبت بواسطة شواطئ الأنتظار     بس اتابعه عشان الشريط الي تحت اقصر الصوت واجلس اقراء هالحريم الي يتشكن بس اوب دايم بس لاصارت القنوات الثانيه شينه حطيت بدايه بعدين سواليف حريم بصراحه جايز لي هالشريط تقل جالسه بوسط حريم يسولفن بس الغريب انه كل وقت يهذرن متى يشوفن بيتهن اقوم الصبح الشريط يدهر الظهر العصر بالليل نفس الشي الله يعين الي بيدفع فواتيرهن سبحان الله الناس اذواق احد جايزتن له واحد لا شكرآآ تقبل راي ..~

ما احلا شات بدايه مع كراث وزنجيل ..


الشات مايتوقف ابد ابد اغرب شات شفته بحياتي .. يمكن فيه تلفزيون بالمطبخ


وجهة نضر يمكن انا لو مادبوا تسبدي به ما اكرهه

شكرا لك

[/align]
[/align]