يعني زعلانـ/ـه
كل انسان وله تعبير معين عن الزعل .. وخاصه اذا كان الزعل بسيط وفيه شويه دلع 
مثل
1-تدخل الشقه ..وتلقى خويك جالس ..والي من حس بدخولك؟؟ ركض ومسك الجوال وبدى يطقطق به ( يعني يصرف علشان لا يصير بينك وبينه احتكاك ) ... تسلم عليه ويرد وهو عينه بالجوال ولا يبي يحط عينه بعينك لانه امس شايل بخاطره ويبي يبين لك وتراي انا .. زعلان
2- اختك او احد قريباتك (محارمك ) طالبه منك طلب مشوار او غيره .. واعتذرت منه بحجه انك مشغول ووعدته انك توفي له مطالبه لكن بوقت ثاني .... طبعا حواء ماعجبه الوضع وشالت بخاطره
تدخل انت البيت من بكرى وتطلب اي طلب .. تقوم هي وتركض وتجيبه بدون ماتدري انت .. تدخل وتعطيك الي انت طالبه ولا تقول ولا كلمه حتى بعينه ماتناظرك ولا ابتسامه ولا غيره وتطلع من المكان الي انت بوه .. يعني تراي انا.. زعلانه
3-
خدامه في البيت ..احرقت ثوبك او ضيعت لك غرض .. طبعا تنرفزت وهاوشته شوي <<شوي مهوب قوه هه
تنزل من غرفتك وتمر على المطبخ .. اول ماتحس الخدامه انك مريت يبدى تصبيخ المواعين ودبج ودبيج بالمطبخ .. تحلف ان الخدامه قالبه المطبخ سامري ههه
يعني تراي انا .... زعلانه
4-
طالع بسيارتك وواقف عند الاشاره .. فجأه ياقف بجنبك خويك الي متزوج ( وانت بجنبه وهو مانتبه لك ) وتشوفه يناظر في المرايه الي فوق ويهاوش وادينه تخترش هه .. تجي انت تلتفت ورى تشوف من يهاوش عليه .. تلقى زوجته تناظر بالشارع وملقيته ظهره ولا اي حركه .. يعني تراهم متزاعلين
5-
تنزل انت وولد عمتك او عمك الصغير الي تقريبا ماوصل عمره 7 سنوات للبقاله .. يفتح الثلاجه وياخذ سنكرس او باونتي على اساس انه بيشتريه .. تجي انت وترفض له هالطلب .. لانه يعاني من تساوس في ضروسه
يطلع البزر من البقاله مبرطم ويفتح السياره ويركب ويكتف ادينه والخشه هذا طوله .. تحاتسيه مايرد عليك .. يعني تراي .. زعلان
**
الله يصبرنا بس هذا الي اقوله
العرض العادي
