أختي أميرة قلبي
بصراحة هذا الي أشوفة ,, ياما من الشباب أنفضحوا ومع كذا تزوجوا عادي ,, بالعكس البعض يقول نعفة عن الحرام وناخذ أجرة ,, بس البنت المسكينة لا ما أحد يقبل يتزوجها وهي لها علاقات محرمة من قبل . وعشان يتضح كلامي الرجل لو يكتشف ان زوجتة تخونة مع رجل غيرة على طول يطلقها ,, لكن المرأءة المسكينة اذا أكتشفت أن زوجها يخونها تبحث عن الستر لانها تشوف أن فضيحه زوجها فضيحه عليها هي بعد ,, فتلجاء للنصح ,, والغريب أنة ممكن تشكي لصديقة مقربة لها ثم تقول الصديقة لها هذي غلطتك يمكن أنتي مقصرة بحقوقة فدور غيرك (لاحظي أنة دور غيرها بالحرام !! وكأنة الي سواها شيء عادي وماينلام علية)
بكلامي هذا بوضح لك أن الرجل دائماً يطلع منها زي الشعرة من العجين ,, ولو سائت ظروفة ومحد عطاة يطلع برى مدينتة أو دولتة ويتزوج ويعيش حياتة بينما البنت لا بتجلس طول عمرها ببيت أهلها شايله العار.
أختي بنت منيرة
صحيح كلاهما خسرانين ,, عشان كذا أنا حددت السؤال وقلت مين الخاسر الأكبر (من الي خسارتة أكثر) البنت أو الولد . يعني من الي راح تتأثر سمعتة وحياتة أكثر بعد الفضيحة الولد ولا البنت .
وأحب أأكد لك حاجة أختي بنت منيرة اقسم لك بالله الي يغازل بنت ماغازلها عشان يتزوجها لو هو يبيها من الأصل ماراح يغازلها كان راح وخطبها من ابوها من اول يوم فكر فيها ,, حتى لو كذب عليها وسوى نفسة صادق وقال بقول لأهلي أني لقيت وحدة بالنت وابغى اتزوجها ,, هل تتوقع البنت أن أهله بيوافقون على خطبة بنت من النت !! وهم ماشافوها ولا يعرفون هي مين ولا ايش أخلاقها وكيف أتربت ,, اذا الخادمة وهي بتخدم بس يشوفون العمر وهل هي مريضة أو لا وهل هي مسلمة ولا كافرة عشان ماتخرب عيالهم فما بالك بالي راح تعيش معاه عمر وتصير ام عياله وأخوانها يصيرون خوال عياله وأهلها مع أهله يكونون أنساب ..الخ
كيف البنت تنسى كل هذا وتتعلق بحبل العنكبوت الي بالأخير يوقعها بمصيدة أسمها الحب !!
أقسم بالله أتكلم من قلب من غيرتي على أخواتي في الله بنات المسلمين ,, وعلى فكرة ترا أنا ماني ملتزم بس الحمد الله أخاف من ربي اليوم حنا فوق الأرض وبكرى حنا تحت الأرض ,, والاشياء الي شفتها وصارت لبنات مسكينات تعرفوا متعرفين عليهم شباب كنت أعرفهم ما بيه يتكرر مع بنات المسلمين
ما اقول الا الله يحفظكن بحفظة التام والله يرزقكن الأزواج الصالحين الي يسعدونكم ويعينوكن على طاعتة يارب وتعيننهم أنتم على طاعتة يارب ,, سعاتة القلب بقربة من ربة والله
أنتن درر وجواهر تمشي على الأرض ,, أنتن أجمل أجمل مخلوقات الأرض ,, بأدبكن وعفتكن وحيائكن وخوفكن من ربنا وربكن
دمتن بحفظ الرحمن يارب
أختي لعيون صلوحتي بعد أذن أصحاب الموضوع
اشكرك على تجاوبك
معليش نبغى نشوف ردود باقي البنات وينهم ؟
العرض العادي
