كان بالامكان افضل من الي كان ..
النصر - ممتاز - في أول طلة ..
*
الشوط الأول :
كان الكوري لي ممتاز من الناحية اليمنى وفيقارو من الناحية اليسرى !
لكن المدرب كان يلعب بثلاثة محاور ، مبالغ بعض الشيء ..
ونشوف حسين عبدالغني والبحري مايتقدمون !
يعني يبي يقفل ويعتمد على "لي" و "فيقارو" من الأطراف !
لي - كان متواجد اكثر من مره في المنطقة ، وريان بلال غير حاضر !
المفروض يلعب براس حربه ثابت ، يعني يثبت بلال في المنطقة !
حسام غالي - مايقدر يقدم المطلوب منه في هذا المركز !
حسام مفروض يكون قدام المحورين الارتكاز الي هم " غالب والموينع " !
يعني يكون النصر بهذا الشكل :
بلال
لـيِ ..............فيقارو
غالي
غالب ....... الموينع
*
غالي ممتاز امام المرمى يوزع الكوره بشكل صحيح !
لكن المدرب فاجأنا بصراحة ..
وكنت اتوقع وجود عباس او الزيلعي كبديل بهذي الخطة !
ولكن لا نعلم ماهي الظروف الي ادت الى عدم انضماهم لحد الان ؟!
الدفاع النصراوي يحتاج انسجام اكثر وثبات !
عشان يعطيك تنظيم في الملعب واستخلاص سليم !
في اكثر من مره نشوف الموينع يرجع للعمق ويطلب تغطية الاطراف ..
الناحية اليمنى النصراوية كانت مفتوحة للقحطاني ! ..
لان فيه زحمه بالنص .. غالي مايلعب محور يمين..
ومسبب قلق للموينع .. والبحري وراه ؟!
الشوط الثاني :
بعد التغيير .. كنت اتوقع يطلع غالب ..
لكن طلع غالي وحضر الانسجام بين غالب والموينع بعض الشيء ..
لانهم يلعبون - اثنين ارتكاز - بجنب بعض قدامهم ثنين ومهاجمين !
المدرب مادري ليه طلع بلال .. صحيح ماكان حاضر ..
لكن لازم يكون فيه مهاجم ثاني .. انت مهزوم وماسك الكوره اغلب الوقت ..
دور من ينهيها .. ثبت ثنين في المنطقة !
المدرب لعب بـ"لي" من اليسار وفيقارو يمين..
قدموا مستوى حلو .. لكن لي في الشوط الأول من اليمين أفضل
وفيقارو برضو .. لي يمسك الكوره من اليسار مايلعب اوفر بقدمه اليسار
يوقف ويرجع لليمين عشان يطلّع الكوره !
الشوط الاول لعب كورة هدف .. اوفر ولا اروع برجله اليمين ..
وكان يسدد كم مناسبة !
لكن فيقارو في منتصف الملعب ممتاز .. يقرأ تحركات لي كثييير ..
والكوري خطير جداً بدون كورة ، وماعليه ولا تسلل رغم تقدمه ..!
حاله وحده احتسبها الحكم وكانت غير صحيحه ، بعد تمريرة فيقارو !
فيقارو يمسك الكوره ويمشيها صح .. ولو كان يعتمد على اليسار جهة ليِ..
وفيه كوره من المنتصف توغل فيها بالمنطقة وكان بينهيها قول ..
لولا تدخل المدافع .. فيقـارو ممتاز على القوس من خلف المهاجمين !
نقطة إحباط : ما ادري ليه احس ان المبارك بيرجع يلعب اساسي في الدوري.. !
بيشغل الجهة اليسرى بجانب فيقاروا ومن اليمين لي وامامهم مهاجم واحد ؟!
حسين عبدالغني .. خبره ابو عمر قائد و الله في اول مباراة .. من زمان ماجانا ظهير
يمرر صح .. يلعب اوفر صح .. يشوت فاولات صح ( حتى وان بالغ ) ..
يوجه المحاور والمدافعين .. في اول مباراة النصر يكسب حسين 
السهلاوي .. اذا لعب بجانب سعد .. بيفرق كثييير .. السهلاوي في المنطقة خطير
يمكن بطيء شوي بالنسبة لمهاجم خارج منطقة الجزاء ..
الا انه يملك حس تهديفي وقدم حلوه ( تمركزه حلو ) ..
والافضل ان يلعب بالمنطقة كرأس حربه ثابت .. وسعد يتحرك اذا حضر 
.
أتمنى ان يستمر المحترف الكوري "ليِ" في اللعب من الجهة اليسرى ..
مع عودة سعد الحارثي بإذن الله ..
وأتمنى ثبات فيقارو كصانع لعب .. والظهور بصورة أفضل إن شاء الله
المباراة كانت في أرض الاتفاق ، والتعادل وتقديم مستوى شي محسوب لنا
الاتفاق في منتصف الدوري ماراح يكون بهالسهولة للفرق الاخرى ..
بيرجعون محترفينهم والغائيبن .. وبيكتمل .. !
*
المباراة القادمة في الدوري بعد رمضان ..
بتكون في الرياض والمدرجات تمتلي والفريق يصحح اخطائة ..
ويكون لعب كم مباراة في الخليجية .. ويحضر شي من الانسجام
وتطبيق تكتيكي اكثر بإذن الله ..
متفائل بهالبداية .. وإن شاء الله نتحسن أكثر ..
المستوى يعتبر جيد جداً امام الاتفاقيين
والجاي بإذن الله أفضـــل ..
بالتـوفيـق
الراي هذا اعجبنى وجبته
العرض العادي
