مرحوم يامن طيفه مافارق عيني
قبل تقريبا اربع ايام كنت في مزرعه جدي الله يرحمه ويغفر له , بعد فتره غياب تقريبا 5 سنوات او اكثر .. اول مادخلت استرجعت كل لحظاتي وايامي بالمزرعه .. وكانت المزرعه مأجره من فتره طويله , المهم المزرعه فيها بيت شعبي .. والبيت الشعبي فيه غرفه كان فيها بعض اغراض المرحوم الله يغفر له ولا شعوريا لقيت نفسي داخل الغرفه وجالس انبش في بعض الاغراض الي كانت عاديه ومافيه اي شي يدل انها اغراض شخصيه
الا غرض طاح بين اديني كان ملفوف بطريقه محكمه علشان لا تتأذى او تتوسخ
فتحت الكيس وحصلت شي كان دايم مهتم فيه .
نظارته الله يرحمه
اول ماشفته تذكرته وانا طفل منسدح بالمرتبه الي ورا .. وكان يسوق بليل ومايشوف ويظطر انه يلبس النظاره
وكان يسولف ويدندن ويقصد علي ويمزح معي .
الله يرحمه ويغفر له ..
يصيبني شموخ وعزه كل ماتذكرت ان هذاك جدي
بلحيل بلحيل ولهت عليه
الله يرحمه ويغفر له ويجعل قبره روضه من رياض الجنه ويجمعني به بالفردوس الأعلى .. امين