مـرت تجـر العطـر والثـقـل والـزيـن
وانـا مثـل كل..الشبـاب .. وقفـوا لــه
عطـره يـذر العطـر عـلـى البساتـيـن
ثقله يسولـف عـن نسب..عـن.. حمولـه!
فستانهـا ذايـب بخصـره مــن اللـيـن
وخصره مـن الفستـان .. ياخـذ عمولـه!
ايـوالله انــي حـاسـدك .. يالفساتـيـن
ياحظك.. بخصـره ! بعرضـه ! بطولـه !
بعيونهـا سيـوف العـرب يـوم.. حطيـن
منها النفاذ .. (( بجلد قلبـك )) .. بطولـه!!
اقفـت وانــا عيني..عليـهـا لهالحـيـن
مالوم عيني (( ياخـذ العقـل )) .. زولـه!ّ
وناديتهـا.. (( يامترفـه )) وبطـرف عيـن
قالت: انا .. قلت: ايه قالت:..(( امولـه ))
(( امولـه )) ميّـة مرحبـا قالـت: اهليـن
(( اموله )) عنـدي بيـت ممكـن اقولـه ؟
قالت لي: قوله.. قلت: الانسان..مـن طيـن
اما انك انتي طين.. ماهي..(( امْعقوله ))..!!
انتـي اظـنـك بالعـطـر .. تستحمـيـنواجـزم بأنـك بالجـمـال .. امْغسـولـه
شوفـي شكـل شفايفـك .. قاهـر التـيـن
والجمـر يكـوي .. والثمـان امْعسـولـه
(( امولـه )) انتـي غير..كـل المزايـيـن
انتـي مثـل فصـل .. الربيـع وحلولـه !
قالت: منيـن؟ وقلـت لـه: يعنـي.. منيـن
ماتعرفين اللي ذبل.! .. (( من ذبولـه ))..!
قالت وشسمك بـس تمتمـت..(( ميميـن ))
وآخر ثلاث حروف..(( دوح ))..امْغيوله...
قالت: معي للقاهره ؟ قلت له:.. ويـن ? !!
عادي.. تقول القاهره ...(( بكل سهوله ))..!
(( امل )).. انـا رجـال بلشـان.. بالديـن
ويني ووين القاهـره... (( يامْهبولـه ))..!
اقسـاط.. وحسابـات.. والـراتـب 2000وحزمة مشاكـل .. اتعبتنـي .. حلولـه ..
(( اموله )) روحـي لازم انتـي تروحيـنانتي المطار مصاحبك .. مـن طفولـه..!!
و تذكرينـي عنـد .. الاهـرام .. تكفـيـن
تذكـري حـال النحيـل.. و.. نحـولـه..!
.
.
(( امولـه )) انتـي تـذكـره لاتحجـزيـن
روحي (( كـذا )) تستقبلـك اي دولـه..!!
العرض المتطور
