اااه يانا منك يا دكتور الاسنان ...
قبل فترة كتبت بمدونتي قصتي مع طبيب الاسنان .. وكتبت أني أخاف كثير من طبيب الأسنان .. لأني ما بحب قلع الضروس وما بحب حشوة الأسنان ..
قبل سنه ونص سويت حشوه لضرسين من أسناني .. وكنت خايف كثير وهو يسوي لي الحشوه . وتقريبا سوا لي الحشوه للضرسين خلال
خمس جلسات .. يعني أنا أذا رحت لم موعد طبيب الأسنان كنت بخاف .. وبعد الانتهاء من جميع الجلسات .. فرحت كثير لاني خلاص ما راح أجي له . وكنت متفق معه أنه يسوي لي ليزر لأسناني لكن قالي أبسافر وابحول لك على الدكتور الثاني .. كان بوقتها قرب العيد .. قلت له مو مشكله حولني للدكتور الثاني .. ولما رحت لم الدكتور الثاني علشان يسوي لي ليزر . لقيت الدكتور الثاني عنده مراجع يسوي له أسنانه .. قلت أنا بيني وبين نفسي أروح وأبجي له مره ثانيه ..
وطلعت من المستوصف وعلى هالطلعه ما راجعتهم أبد ..
وراحت الشهور وراحت سنه وراحت سنه ونص وأنا ما زرتهم علشان الليزر اللي يبي يسونها لي لأسناني .. مع أني دافع المبلغ ..
لكن جاء الشئ اللي يخليني غصب أني أروح لهم .. وهو أنه قبل يومين طاحت حشوه من أحدى الحشوات اللي سويتها ... والصراااحه قلقت كثير لاني راح أراجع دكتور الأسنان .. وبعد تفكير قلت أوكي مالي الا أروح لم المستوصف . دخلت للمستوصف وعطيت موظفة الاستقبال فاتورتي اللي فيها المبلغ اللي دفعته قبل سنه ونص لحقات باقي الليزر . أنا عطيتها الفاتوره علشان فيها رقم ملفي بالمستوصف ... لكن يا خساره كان الدكتور اللي سواها لي مب موجود لأنه كان بيوم جمعه . لكن فيه دكتور ثاني . وحولوني له . ودخلت لمه وقلت له السالفه أني قبل
سنه ونص سويت عند
الدكتور محمد حشوه لأثنين من ضروسي وسويت خلع أعصاب .. وأنه باقي لي مبلغ حقات الليزر وأبسوي حشوه للضرس اللي طاحت حشوته .. قالي الدكتور الثاني . يااه صار لك
سنه ونص وتوك تراجعنا .. قلت أيش أسوي . قالي خلاص أنا أبسوي لك حشوه مؤقته وبكرا رح لم الدكتور اللي سوالك الحشوه .. قلت مو مشكله . سوا لي الحشوه المؤقته وطلعت من المستوصف . وكنت خايف لموعد بكرا
. ولما جا بكرا رحت لم الدكتور ولقيت عنده أحد المراجعين . وأنتظرت يخلص المراجع اللي عنده لكن طوووول عنده .. قلت يوووه خلاص أبروح وأبجي لمه بكرا . ولما صار اليوم قلت يووووه متى الوقت المناسب علشان أروح له .. قلت أممممم أروح لمه بعد صلاة العشاء . قلت لالالالا ما يصلح أروح لمه بعد صلاة العشاء .. لاني ما ودي أتوجع اذا بدأ يصلح ضرسي . ثم تصير ليلتي حمراااء من قوة أنه ما يصير لي خلق أي شئ أذا صرت متوجع من شئ .. قلت أممم أروح لمه بعد صلاة المغرب .. قلت لالالالا ما يصلح أصلا أذا رحت لمه بعد المغرب يصير كأني رايح لمه بعد صلاة العشاء ... ثم بعدها أتخذت القرار أني أروح لمه بعد صلاة العصر . قلت علشان أذا سوا لي أسناني .. يصير أتوجع العصر وأذا صار بالليل يصير رايح الوجع والخوف . ويصير أقدر أتهنى أذا صرت جالس بالليل .. هماه الليل طويل . وما ودي يروح كل الليل وأنا متوجع من أسناني .. علشان كذا قررت أني أروح لمه بعد صلاة العصر ..
المهم رحت لمه . وقلت له أني جيت لمك قبل
سنه وأشوي وسويت لي حشوه لأثنين من أسناني وأنه باقي لي مبلغ وأبيك تسوي لي الحشوه اللي طاحت ... وأسكت الطبيب وهو يشاهد الفاتوره اللي أعطيته .. وقال ياااااه صار لك
سنه ونص ويومين على تاريخ الفاتوره ... قلت أيه أصلا انا يوم تسوي لي الحشوتين قبل
سنه ونص ما صدقت خبر وفرحت كثير . علشان كذا أذا مريت من عند المستوصف عالطول اغمض عيوني .. لاني بخاف من مستوصف أسنان .. جلس يضحك الدكتور .. عاد قالي ::
يا عادل .. قلت نعم .. قال أنت ساكن ببريده .. قلت أيه ساكن ببريده وحنا من سكان بريده وساكن قريب من المستوصف هذا .. قالي طيب غريبه ما جيت تسوي الليزر .. قلت وش اسوي .. لاني ما أحب أدخل لدكتور أسنان .. وقلت له يوميا أمر من عند الشارع اللي فيه المستوصف ... جلس يضحك الدكتور
. قالي كل هذا خوف
يا عادل .. عاد أنا أقول بيني وبين نفسي يالله خلصنا بسرعه . تراي على أعصابي .. ايش راح تسوي للحشوه اللي طاحت ..
قالي . بدنا نركب لك تلبيست أسنان .. قلت مو مشكله .. طيب كيف طريقة التلبيسه
.. قالي أبد ناخذ مقاس ضرسك ونعمل لك تلبيسه .. قلت موافق .. يوم وافقت . جاب المعدات حقات الأسنان .. وقالي أفتح فمك .. فتحت فمي ... قالي عندك بفمك
ثلاث حشوات .. قلت له أيه حشوه سويتها قبل
6 سنوات
وحشوتين اللي سويتها لي قبل
سنه ونص . قالي : بدنا نعمل لك تلبيسات لكل الاسنان اللي فيها حشوات .. قلت مو مشكله . لكن بكام وكيف الطريقه .. قالي بـ
6000 الاف ريال وبعد الخصم يصيروا بـ
4000 ريال .. قلت له أنا ابي منكم مبلغ من حقات السنه اللي راحت . ابي منكم تقريبا
600 ريال .. قال أيه نخصمهم من المبلغ .. قلت يالله مو مشكله .. عاد أنا ضروري أعرف أيش الاجراءات اللي راح يسويها بالجلسات .
قلت له أيش راح تسوي بأسناني الان .. قال نأخذ مقاس لضرسك . ثم بكرا تجيني .. علشان نقلع ضرس واحد من أحدى ضروسك ... عيوني طارت
عيوني طرات
يوم سمعت أنه فيه قلع ضرس .. عجزت أبلع ريقي .. عاد أقول بيني وبين نفسي خلاص هونت هههه .. عاد أنا من الخوف
سألت الدكتور وقلت له . قلع الضرس يوجع أو لا .. قالي لا ما يوجع .. لاننا قالعين الأعصاب لما سوينا لك حشوه قبل
سنه ونص ..
ماش أنا عجزت أرتاح .. لاني أحس أنه يوجع قلع الضرس .. عاد أنا طلعت من الدكتور . وجالس أنتظر بكرا على خير .. لاني خايف بكرا من قلع الضرس ...!
. وأبقوله يحذف ويندوز 7 ويحط لي ويندوز أكس بي .. أريح لي وأسهل لي ...! 
. واعطيت الصيدلي الورقه اللي مكتوب فيها اسم العلاج . ثم جاب لي علاج . وقالي بص يا أستاذ . عوزاك تستعمل العلاج ده مرتين في اليوم . ثم قالي لأه عاوزاك تستخدمه تلات مرات في اليوم . وابتديت أشوف شكل العلاج .. قلت كيف طريقة أستعماله .. قالي تاخذ حبه وتمصها بلسانك . عاد انا وانا جالس اقلب بالعلاج . واشوف مكتوب عليه فيتامين سي .. المهم أنا طلعت من الصيدليه ومعي العلاج . ثم فكيت العلاج وجي أناظر أيش مكتوب فيه . واثره مكتوب بالتعليمات . ( هذا العلاج صالح لمن هم فووق الاربع سنين ( يعني يصلح للاطفال ) ههه
. عجزت أركز صح علشان أكتب . لأني أصير فاضي ويكون في بالي أني أكتب . مع أنه غالبا أحب أكتب صبح يوم الخميس أو صبح يوم الجمعه . أو أحيانا يصير اكتب نهار وسط الاسبوع العصر . وقليل اكتب بمدونتي بالليل .. الا هالمره أحس أني مستعد للكتابة . يووه ثلاث ساعات وأنا أبكتب وما كتبت 
.. لكن لقيت حل .. هو أني غيرت المكان اللي أنا جالس فيه ورحت لمكان ثاني . وبعدها حسيت أني عندي القابليه أني أكتب 
. وصار الحل أني رحت لمكان غير المكان اللي أنا جالس فيه ... يمكن علشان أني ابطيت جالس في المكان اللي انا جالس فيه . علشان كذا حبيت أغير من الجو ... لكن أذا صار فيه أزعاج ما بقدر أكتب ولا حرف . لأني من النوع اللي أذا صار يكتب أكتب وأنا جالس لحالي ويكون المكان اللي أنا جالس فيه يكون هادئ وأكون حاط السماعات بأذني علشان أسمع أي شئ حلو ... وأي واحد منكم أذا حس بأرهاق أو حس بملل بجلسته . من الافضل له أنه يروح يجلس بغرفة ثانية علشان يغير جو ... ولا تنسون تشربوا كوب شاي أو فنجان قهوه علشان تتصحصح روسكم ...! 
.. وعالطول قلطونا على الغداء .... أنا بيني وبينكم ما أعرف أكل الاكلات اللي ما تعو دت عليها .. لأن صارت جميع الأكلات محاشي وورق عنب وفرخ ومولخيه . طبعا من ضمن الاكلات المقدمه لنا هي ورق العنب 
.. أستأذناهم ورحنا ننام .. ماش أنا مشكك بالغرفه .. ألتفت على زميلي وقلت له ما لاحظت شئ بالغرفة .. قالي لا .. وسكت أنا . ونمنا بعد عناء السفر .. ( الساعة 9 ونص بالليل نمنا .. نمنا بدري ) .. أنا نمت بعد ولا أنتبهت الا بعد اذان الفجر بقليل .. صليت الفجر بس أشوا أني أعرف مكان القبله ولا كان بلش بعمري . ويوم صليت جلست أحوس بشنطتي وصحى زميلي . وألتفت علي وقالي : يا عادل .. قلت هلا .. قال لي أن الغرفة اللي نايمين فيها حقت الشايب والعجوز .. وااااو . قلت أحلف قال ايه والله .. قلت له وش عرفك .. قالي : أني يوم أطلع لدورة المياه بالليل . لقيت الشايب نايم بكنب الصاله . وعرفت أن الغرفة غرفته هو والعجوز ... واااو وش هالفشيله ههه .. 
فشلنا .. لكن حنا معذورين لأنه هو اللي رافض أننا ننام برا البيت .. وأتضح لي أن البيت ما فيها غرف كثيره علشان ينام فيها الشايب والعجوز . البيت فيها ( مطبخ وصاله ومجلس وغرفة نوم بس ) وحنا محتلين غرفة النوم ههه .. 
وقالوا أيش الحل وكيف نخلي والدتنا توافق على هالبنت .. أخت الولد أتصلت على صديقتها وأخبرتها أن أخوها ناوي يتقدم لخطبتها .. وهي عالطول وافقت ... لكن راح ينظرون حل يخلي أمهم توافق .. وكان موسم ( الحج ) قرب .. ووافقت أن البنت راح تروح ( للحج ) .. وقال الشاب . فرصة أننا نخلي والدتنا ( تحج ) .. وعالطول الشاب . قال لأخته هالفكره هذي .. قالت أخته مو مشكله أبروح للحج أنا وأمي . وراح نروح بنفس الحملة حقت الحج اللي تبي تروح فيها صديقتي .. علشان أذا صادفنا صديقتي ابخلي صديقتي تجي تسلم على والدتنا وتسولف معها وتهتم فيها .. علشان تدخل بقلبها ... قال الشاب لأخته ... أحلى حل هذا .. 
..!
العرض المتطور
