وكالة (نيسان) تسرق وتستغفل المواطنين بعرضها الجديد !!

[كـش مـلـك]

بسم الله الرحمن الرحيم

أيها الأحبة ....................... السلام عليكم ورحمة الله وبركاته وبعد :

** وكالة نيسان تروج لعرض جديد مفاده :
(إشتر سيارة جديدة بنصف سعرها وأرجعها لنا بعد ثلاث سنوات ) !!

** سرقة عيني عينك ولوحات دعائية في كل زاوية وعند كل إشارة .. مهزلة حقيقية تدل على الاستخفا بعقولنا وأمام مباركة وصمت عجيب من وزارة التجارة وحماية المستهلك ..

ــ وبمقياس إعلان وعرض هذه الوكالة فإن السيارة صار عمرها (6) سنوات فقط !!

ــ نصف القيمة وإعادتها بعد ثلاث سنوات هو غش وكذب وسرقة وخداع للمواطنين ، وإننا نناشد من خلال هذا الموقع وهذا الموضوع المسئولين أن يتقوا الله فينا وأن يقوموا بواجبهم تجاه حمايتنا من أمثال هؤلاء اللصوص وخونة الوطن ..

ــ طبعا يمكنكم أن تقيسوا على هذه السرقة من هذه الوكالة على كافة الوكالات الأخرى .. بل على كافة تجار السلع الأخرى ..

ــ أما أنتم أيها المستضعفون من المواطنين فإن أقل ما يمكن أن تفعلوه هو ((المقاطعة)) والتحذير والتوعية .

ـــ الأثنين : 9/7/1431هـ

** تحياتي وتقديري ،،،

** أخـوكـم كـش مـلـك

[جنرال وسهم خسارة]

وهي بس وكالة نيسان اللي تستغفل هالمساكيين

[عاشق الخير]

ممكن توضيح

أين السرقة ...

[الرأي الحر]

وشلون يعني اشرح لنا

[كـش مـلـك]

ــ إعتراف زبون مخدوع :
ــــــــــــــــــــــــــــــــ
السلام عليكم ورحمة الله وبركاتة


أخواني أنا من ملاك نيسان وبالاخص ألتيما 2010 سمعت عن عرض نيسان الخياااااالي استخدمها ثلاث سنوات واستمتع بنصف القيمة ( أو شيء زي كذا ) وبصراحة بمجرد التفكير به العرض خيالي ولاكن كان معي قريب لي وقال : ياخي مستحيل العرض يكون كذا بدون شروط لانه الحمراني هو الخسران في هالحالة ..

وكنا نلف في الرياض .. قال : عندك شيء .. قلت : لا والله قال خلنا نمر الحمراني ونشوف وش السالفة ..


دخلنا وبعد ما سأل الموظف عن العرض وقال له : أنا بأشتري ألتيما ستاندر بكم تطلع علي ..

قال : تدفع دفعة أولى ما يقارب الـ 17000 وتقسط 820 شهريا لمدة ثلاث سنوات .. حسابيا تطلع عليك السيارة بـ 46500 ريال ولاكن ترجع السيارة لهم ( وهنا الزبدة ) فية شرط موب مذكور للعلن وهو أنه تكون السيارة ما تعدت الـ 90.000 كيلو وهو شيء شبة مستحيل للشخص الطبيعي وكل كيلو زيادة يحسب بـ 0,25 ريال .. وعليك الحساب ..

أو تدفع دفعة 38000 ريال وتأخذ السيارة ..

بالحساب الشخص الطبيعي راحي تعدى الـ 90.000 كيلو بكثييير فراح يقرر انه يشتريها لانه حرام يدفع فلوس ويعطيهم السيارة بعد ولاكنه بينصدم بالدفعة الاخيرة الكبيرة وهي 38000 ريال وحتى لو دفعت لهم الدفعة الاخيرة راح يكون سعرها 84500 ريال وهو بالظبط مثل سعر الالتيما بالتقسيط لمدة خمس سنوات ..




خلاصة القول إذا أنت راح تشتري السيارة وما راح تمشي كثير .. يعني اقل من 30000 كيلو في السنة يعني 82 كيلو في اليوم (بس ) .. العرض بيكون حلو لك ..

( وما أتوقع فيه أحد ما يتعدى الثلاثين الف في السنة ) << أنا مثلا لي شاري السيارة ما يقارب اربع شهور وطبلوني 17500 كيلو ..

وإذا أنت تتوقع تتعدى الـ 30000 كيلو في السنة اببببعد عن العرض ولا تخدعك كلمة نصف القيمة ..



ووالله ويعلم الله اني ماني حاقد على شركة الحمراني ولا الجبر أو سمسار لشكرة ثانية كل ما في الامر اني ابي النصح لأخواني المسلمين ولا ابي احد ينخدع بجشع التجار والي يبي يتأكد من كلامي يمر أقرب وكالة أو يدق عليهم ..

[كـش مـلـك]

ــ زاد بعض الأخوة :
ــــــــــــــــــــــــ

ولازم يكون السيارة ماصار عليها حادث
وطبعا هذا الشي مستحيل عندنا في السعودية
بالعربي أنت غصبا عليك راح تدفع النص الباقي وتمتلك السيارة

[انتظرتك]

لا عجب أن يتم الإستغفال
فوزارة التجارة تبارك مثل تلك الأعمال !

[أحاسيس مبعثره]

وهي واقفه على نسيان كل الدعوه سرق الله يكفيناا الشر,,

وياقلبي على مثل هاالوزارت ناايمه ولاتدري عن ششي والا درايه وقاعده تصفق وش عليهم

سكن من احلى مايكون رواتب فوق الخيال راحه دنياويه ومتطلباتهم ملباه على بالهم كل الناس

مثلهم,,يالله هذاا اللي معطيهم رب العباد بالدنيااا,,

تحيتي,,

[عذبـــــة]

عقول تُفكر وتعرف كيف تسحب المال من الشخص وهو مبتسم وفرحان

[انتظرتك]

اقتباس:  المشاركة الأصلية كتبت بواسطة عذبـــــة     عقول تُفكر وتعرف كيف تسحب المال من الشخص وهو مبتسم وفرحان

لكنها للأسف عقول خبيثة ...

[وشنت بلا بريدة]

استغلال لحاجة الناس مع ضعف الرقيب التجاري وزد عليها مشاركه الكبار كتغطية

[كـش مـلـك]

ــ أضاف أحد الأخوة :
ـــــــــــــــــــــ

وإضافة على ما تفضل بهِ الأخ كش ملك - حسب ما وصلني من بعض الأحبه -
أن السيارة ليست مِلك لك يعني " بتكون في جيبهم قبل إنتهاء الثلاث سنوات وبعدها .. "
فمخرجك الوحيد بعد الثلاث سنوات الدفع للتغيير أو الإمتلاك ، ولكم أن تتصورا مبلغ التغيير أو الإمتلاك
فلا توجد شركة تسمح لنفسها بالخسارة ..

وما يحدث في أمريكا وبعض دول اوروبا يختلف

[عجولي]

انا عندي مداخلة على ما فهمته من أحد الأخوة الذي اشترى جيب باترول جديد
مع اني إلى الأن لم اصدق بطريقتهم وننتظر بحول الله وقوته بعد 3 سنوات ليتضح لنا الأمر

الطريقه:
تشتري السيارة بنصف القيمة
يدفع 110000ريال
وبعد 3 سنوات يدفع الباقي ومقداره (94000+17000)
94000=قيمة السيارة المتبقية
17000=تامين شامل على السيارة طيلة السنوات الثلاثة
مع العلم أن السيارة طيلة فترة الثلاث سنوات بإسم وكالة نيسان

هذا على حسب ما فهمته .
مع العلم بطريقتهم هذه يكونوا اقل من البنك وهذا ما اتعجب منه

[نغنيغو]

اقتباس:  المشاركة الأصلية كتبت بواسطة كـش مـلـك     بسم الله الرحمن الرحيم أيها الأحبة ....................... السلام عليكم ورحمة الله وبركاته وبعد : ** وكالة نيسان تروج لعرض جديد مفاده : (إشتر سيارة جديدة بنصف سعرها وأرجعها لنا بعد ثلاث سنوات ) !! ** سرقة عيني عينك ولوحات دعائية في كل زاوية وعند كل إشارة .. مهزلة حقيقية تدل على الاستخفا بعقولنا وأمام مباركة وصمت عجيب من وزارة التجارة وحماية المستهلك .. ــ وبمقياس إعلان وعرض هذه الوكالة فإن السيارة صار عمرها (6) سنوات فقط !! ــ نصف القيمة وإعادتها بعد ثلاث سنوات هو غش وكذب وسرقة وخداع للمواطنين ، وإننا نناشد من خلال هذا الموقع وهذا الموضوع المسئولين أن يتقوا الله فينا وأن يقوموا بواجبهم تجاه حمايتنا من أمثال هؤلاء اللصوص وخونة الوطن .. ــ طبعا يمكنكم أن تقيسوا على هذه السرقة من هذه الوكالة على كافة الوكالات الأخرى .. بل على كافة تجار السلع الأخرى .. ــ أما أنتم أيها المستضعفون من المواطنين فإن أقل ما يمكن أن تفعلوه هو ((المقاطعة)) والتحذير والتوعية . ـــ الأثنين : 9/7/1431هـ ** تحياتي وتقديري ،،، ** أخـوكـم كـش مـلـك

انت اكيد شغال في شركة تويوتا

[كـش مـلـك]

اقتباس:  المشاركة الأصلية كتبت بواسطة نغنيغو     انت اكيد شغال في شركة تويوتا [/center]

ــ الله يسامحك ..!!؟